先睇睇積分榜，阿仙奴踢左25場有48分進佔第四位，距離第三位既車路士只差8分但打少兩場。阿記分分鐘仲有機會拉埋車路士落黎上第三。曼聯則踢左28場有47分排第五；熱刺就踢左26場有45分。熱刺同阿仙奴既分數差距比曼聯少。對阿仙奴黎講，呢場打和佢就開心死，最唔樂觀就係熱刺贏，就對阿仙奴既第四位都仍有一定威脅。當然曼聯贏左就可以反騎阿仙奴，但阿仙奴打少幾場，只要唔再失分，第四都成功在望。
熱刺上場以五比零大炒愛華頓。前鋒哈利簡尼梅開二度，加上孫仔入波，古路夫斯基亦有助攻。前場三人組近況回勇，配合干地式防反可以話係「毫無破綻」。睇過幾場對熱刺既比賽，要主動圍攻對手爭取入球既話，中場創造力不足令佢地入波較困難；但如放棄控球，屯重兵係後面再利用孫仔既速度，簡尼既墮後較炮，絕對會係不少以主攻為主既球隊既惡夢。今場面對主場出擊，加上再失分就可以宣布爭四失敗既曼聯，孫簡配合睇黎可以發揮作用。
曼聯上場再係曼市打吡嘗敗績，被曼城以四比一技術性擊倒。完場後又爆出福仔有離心，C朗詐傷缺席賽事，球員心理質素極差等等不利消息，講士氣未踢都已經輸左一半。曼聯聯賽榜大幅度落後，只拎一分同輸係冇分別，所以係呢場非勝不可既賽事，必定會爭取主導權去強攻對手。如何應付熱刺既高效反擊會係蘭sir首先要解決既難題；次要則係面對熱刺既五人防線可以拉闊球場，選擇高位壓迫還是先縮番中後場佈防亦係蘭sir要思考既地方。
上場蘭sir對曼城都玩逼搶，相信對熱刺都唔會放棄呢種防守模式-先縮後等對手回傳再向前壓。預計會用4-3-3陣式，龍門繼續係有穩定表現既迪基亞。華拉尼已經病好，相信會聯同麥佳亞鎮守防線，但若狀態不足，連迪路夫會頂上。梳爾又係對曼城當日驗到中武肺需要休賽，狀態許可既都會係正選，若不能則由泰利斯頂上。右閘要面對孫仔，雖然上場八爪魚雲比沙加被格利殊玩弄，但講防守點都好過達洛治，相信會係首選。中場線麥湯文尼會踢逗後中場，普巴同般奴費南迪斯踢兩個八號位。左右翼會係辛祖同伊蘭加。唔知真傷定扮野既C朗拿度有兩周休息，义足電踢呢場架啦，繼續係前線爭取入球。
預測曼聯正選陣容（4-3-3）
迪基亞
雲比沙加 華拉尼 麥佳亞 梳爾
般奴費南迪斯 麥湯文尼 普巴
伊蘭加 C朗拿度 辛祖
熱刺上場以五比零大炒愛華頓。前鋒哈利簡尼梅開二度，加上孫仔入波，古路夫斯基亦有助攻。前場三人組近況回勇，配合干地式防反可以話係「毫無破綻」。睇過幾場對熱刺既比賽，要主動圍攻對手爭取入球既話，中場創造力不足令佢地入波較困難；但如放棄控球，屯重兵係後面再利用孫仔既速度，簡尼既墮後較炮，絕對會係不少以主攻為主既球隊既惡夢。今場面對主場出擊，加上再失分就可以宣布爭四失敗既曼聯，孫簡配合睇黎可以發揮作用。
曼聯上場再係曼市打吡嘗敗績，被曼城以四比一技術性擊倒。完場後又爆出福仔有離心，C朗詐傷缺席賽事，球員心理質素極差等等不利消息，講士氣未踢都已經輸左一半。曼聯聯賽榜大幅度落後，只拎一分同輸係冇分別，所以係呢場非勝不可既賽事，必定會爭取主導權去強攻對手。如何應付熱刺既高效反擊會係蘭sir首先要解決既難題；次要則係面對熱刺既五人防線可以拉闊球場，選擇高位壓迫還是先縮番中後場佈防亦係蘭sir要思考既地方。
上場蘭sir對曼城都玩逼搶，相信對熱刺都唔會放棄呢種防守模式-先縮後等對手回傳再向前壓。預計會用4-3-3陣式，龍門繼續係有穩定表現既迪基亞。華拉尼已經病好，相信會聯同麥佳亞鎮守防線，但若狀態不足，連迪路夫會頂上。梳爾又係對曼城當日驗到中武肺需要休賽，狀態許可既都會係正選，若不能則由泰利斯頂上。右閘要面對孫仔，雖然上場八爪魚雲比沙加被格利殊玩弄，但講防守點都好過達洛治，相信會係首選。中場線麥湯文尼會踢逗後中場，普巴同般奴費南迪斯踢兩個八號位。左右翼會係辛祖同伊蘭加。唔知真傷定扮野既C朗拿度有兩周休息，义足電踢呢場架啦，繼續係前線爭取入球。
預測曼聯正選陣容（4-3-3）
迪基亞
雲比沙加 華拉尼 麥佳亞 梳爾
般奴費南迪斯 麥湯文尼 普巴
伊蘭加 C朗拿度 辛祖
請按此登錄後留言。未成為會員? 立即註冊