施蒙尼排出5-3-2陣式。龍門奧比歷。防線左至右係洛迪-文達華-占美利斯-沙域-維沙真高。中場線左至右係靴里拉-干度比亞-羅蘭迪。前線係菲歷斯拍哥利亞攻堅。
蘭歷克排出4-3-3陣式。龍門迪基亞。防線左至右係梳爾-麥佳亞-華拉尼-連迪路夫。費特踢逗後中場，般奴費南迪斯同普巴一左一右踢八號位。左右翼係辛祖同華舒福。前鋒都係C朗拿度。
玩奇陣玩出火啊
先針對蘭sir出人分析，有兩隻正宗右閘唔用，起用客串改踢右閘既連迪路夫。如果你想作客求守既咪出雲比沙加，你要攻既咪達洛治，突然整個冰人客串，究竟係咩戰術思維？貪佢夠平均？結果整個上半場被人瘋狂進攻右路。施蒙尼部署上可能都係想針對達洛治既善攻不善守，結果你出個冰人俾我強攻就更加合我河車，真係要咁出不如出鍾斯更好，此為第一錯。第二錯則係出左華舒福。福仔前一場對白禮頓經已係後備入替，上場連後備換入都冇，突然又出番佢踢個正選右翼鋒。福仔善於打反擊，唔會經常墮到好深協防右路，呢個真係講到口臭。你後面仲要出個冰人，咁條右路咪出晒事囉。完全諗唔明蘭sir想點踢，對攻？死守？防反？從呢個陣容上黎睇好模糊，你要平衡既咪出伊蘭加或者連加特，都必定好過福仔。第三錯則係費特既位置，要佢踢個逗後防中。呢個位真係唔係呀豬呀狗都可以擺落去踢。結果就係一被人逼就運唔到波上去，唔被人逼果陣都見唔到佢俾到穿透直線俾般奴普巴係前面做波。麥湯文尼有疲態既話，又驚馬迪速度慢，改用普巴打，推番費特上前幫佢掃可能更好。
馬體會果種防守體系紀律性冇得彈
施蒙尼擺出5-3-2陣式。當曼聯後場組織時就係高位遮線。曼聯中場現身要波、但轉唔到身要回傳俾後衛果陣就發動逼搶，將陣式轉換成4-4-2。特別要提既係左翼衛洛迪同左中堅既文達華。洛迪一逼搶就變成左中場，埋去壓迫達洛治既時機非常快同準，波未到已經人在附近，逼使曼聯唔能夠轉方向；左中堅文達華即刻跟進變成左閘，佢亦具備一定既速度同單防能力去緊貼係邊線準備接應既福仔。兩個既意識同配合度非常高，加上中場干度比亞身高手長，防守意識不俗，遮線既範圍大，令到本身傳控能力唔高既費特更難係中轉站駁腳。羅蘭迪同靴里拉呢類爛打跑動型球員亦緊迫曼聯兩個核心般奴同普巴，前場逼搶非常有效。當馬體會見到費特墮後形成偽三中堅，就會整隊企番係中場線佈防踢番5-3-2。前鋒線仍舊係中場線前少少遮線，三中場係中路縮窄放棄逼搶二閘，兩隻翼衛防守兩隻翼鋒。防線推前至自己三閘線壓縮空間。馬體會既逼搶又或者高位遮線進退有度，令到曼聯難以係中路停到波推前攻擊線，只能係邊線猜兩腳回後轉方向左左右右。
馬體會部署成功完美輾壓曼聯
蘭sir有問題既排陣，施蒙尼有做功課既部署，令到馬體會上半場可以話係完美輾壓曼聯。曼聯有65%控球又如何，幾乎全部都係後場冇意義橫傳後傳，或者邊線既猜兩腳，難以打入馬體會禁區附近。馬體會二翼衛單防同速度都唔差，曼聯善於突破既兩翼亦係空間不多既情況下難以發揮。曼聯上半場只有兩腳唔中龍既射門就知進攻如何不濟。未知施蒙尼係臨場提示球隊強打左路還是預計蘭sir會起用達洛治選擇強攻左路，馬體會踢左7分鐘已經有斬獲。曼聯球員成功解圍角球，洛迪係左路執到第二點，再推過費特黎個靚傳中，菲歷斯搶前點飛身頭鎚攻門，個波撞內柱彈入領先。迪基亞全無反應。呢下斬既落點靚，菲歷斯搶點時間準，都唔可以怪晒麥隊長跟甩人。及後經常見到冰人被人二打一，洛迪同文達華既配合，加埋菲歷斯黎左路攪攪震，成功令到冰人疲於奔命，淨係打你單邊都夠贏。洛迪上半場踢到曉飛，踢到44分鐘又係佢創造黃金機會。左路開短罰球，佢接應隊友傳送沉底中腰波傳中，般奴係近柱飛踢但撐左個波去尾柱，羅蘭迪面對空門竟然頂左個波落冰人隻腳再中楣彈出，馬體會認真唔夠運。上半場馬體會6射1中入一球，成功演繹放棄控球既踢法。
蘭sir換人實在太遲
下半場出黎雙方都冇換人，形勢仍然係馬體會佔優，憑角球都能製造唔少既威脅。蘭sir要去到66分鐘先作出換人，用雲比沙加、馬迪同泰利斯入替連迪路夫、普巴同梳爾，一次過換晒兩邊閘同調整一下中場既企位。連迪路夫半場已經可以換啦，根本唔需要等到66分鐘。梳爾就因為係50分鐘拎左面黃牌，場上既埋身碰撞攔截亦漸多，驚打少個下調走可以理解。再次係場中調走普巴，見到普巴相當不滿，但呢個調動我同意。場面上只係輸緊一球，只要唔多失一球，番到主場仲有90分鐘可以追。出馬迪串連番中後場係非常需要，但中場如繼續用普巴同般奴，中場既防守力會太薄弱，加上馬迪年事已高，難以大範圍覆蓋，所以要保留費特係中場幫手掃，馬迪執漏。般普二選一下抽走普巴都合理。
換人有效果就再換 再換就得左換完人既曼聯，加上馬體會球員體能下降，成功拎番少少場上既形勢。雲比沙加既防守成功凍結左踢到曉飛既洛迪；馬迪既淡定令到曼聯係中後場組織冇咁混亂。佢踢偽中堅持球後，可以盤球向前帶生，亦可以交到直線搵般奴再做。只踢約30分鐘賽事絕對冇問題。蘭sir見形勢冇咁惡劣就再換人嘗試加強攻力。踢到75分鍾，用伊蘭加入替隱形既福仔。福仔今場貢獻接近0，莫講今場，呢大半季既表現都係差。太多既上腳，俾人睇穿晒既盤扭，都令佢愈踢愈沉。踢番簡單既波會較好，有普般係中場，你走到靚位接應再處理最後一腳傳中或埋門，絕對比自己扭自己衝為佳。施蒙尼都換入利馬同基沙文保持番前場既活力。換人後僅5分鍾，曼聯突然有個反擊機會。般奴係中場中路直線俾走位既伊蘭加，文達華飛剷唔中波下，伊蘭加成單刀之勢，係禁區右面盪射尾柱得手，追成平手。呢球真係近乎全場唯一一次既反擊，文達華決定落剷不中波係失波既罪人。佢唔飛傍住走絕對有機會封阻到伊蘭加既射門路線。最後要讚伊蘭加既埋門非常有質素。
幸運之神再次眷顧曼聯
連加特都係82分鐘入替跑到乾塘既辛祖。辛祖今場貢獻不多，但佢既協防都有一段時間幫到冰人手去破壞對方攻勢。踢到86分鐘，門楣再次拯救曼聯。左路利馬開角球尾柱落，羅蘭迪控前俾左基沙文。佢右腳一控左腳一chok，個波係尾袋中楣彈出。又係死球防守問題，新請番黎既死球教練要負上大部份責任，尾柱完全無人防守。最後兩隊都再冇入波情況下，打和一比一，下場番曼聯主場再踢過。
總結
上半場馬體會既部署同發揮都係曼聯之上，未能拉開比數實屬欠運。馬體會整波波13射1中龍，2下中楣，都睇到曼聯今場防守唔算太多甩漏，除左右路既冰人甩晒碌之外。下場只要蘭sir正正經經出番個正宗右閘，問題應該可以解決，但首先蘭sir自己都要定好究竟想隊波攻定縮再去安排出場人選。睇完呢場我唔覺得依家既曼聯係陣地戰有力攻破馬體會既防守，縮住踢打防反，靠兩翼既速度加般奴既直線或會係贏波既模式。下場番去踢聯賽對屈福特，贏左呢場再諗點踢次回合更好。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
蘭歷克排出4-3-3陣式。龍門迪基亞。防線左至右係梳爾-麥佳亞-華拉尼-連迪路夫。費特踢逗後中場，般奴費南迪斯同普巴一左一右踢八號位。左右翼係辛祖同華舒福。前鋒都係C朗拿度。
玩奇陣玩出火啊
先針對蘭sir出人分析，有兩隻正宗右閘唔用，起用客串改踢右閘既連迪路夫。如果你想作客求守既咪出雲比沙加，你要攻既咪達洛治，突然整個冰人客串，究竟係咩戰術思維？貪佢夠平均？結果整個上半場被人瘋狂進攻右路。施蒙尼部署上可能都係想針對達洛治既善攻不善守，結果你出個冰人俾我強攻就更加合我河車，真係要咁出不如出鍾斯更好，此為第一錯。第二錯則係出左華舒福。福仔前一場對白禮頓經已係後備入替，上場連後備換入都冇，突然又出番佢踢個正選右翼鋒。福仔善於打反擊，唔會經常墮到好深協防右路，呢個真係講到口臭。你後面仲要出個冰人，咁條右路咪出晒事囉。完全諗唔明蘭sir想點踢，對攻？死守？防反？從呢個陣容上黎睇好模糊，你要平衡既咪出伊蘭加或者連加特，都必定好過福仔。第三錯則係費特既位置，要佢踢個逗後防中。呢個位真係唔係呀豬呀狗都可以擺落去踢。結果就係一被人逼就運唔到波上去，唔被人逼果陣都見唔到佢俾到穿透直線俾般奴普巴係前面做波。麥湯文尼有疲態既話，又驚馬迪速度慢，改用普巴打，推番費特上前幫佢掃可能更好。
馬體會果種防守體系紀律性冇得彈
施蒙尼擺出5-3-2陣式。當曼聯後場組織時就係高位遮線。曼聯中場現身要波、但轉唔到身要回傳俾後衛果陣就發動逼搶，將陣式轉換成4-4-2。特別要提既係左翼衛洛迪同左中堅既文達華。洛迪一逼搶就變成左中場，埋去壓迫達洛治既時機非常快同準，波未到已經人在附近，逼使曼聯唔能夠轉方向；左中堅文達華即刻跟進變成左閘，佢亦具備一定既速度同單防能力去緊貼係邊線準備接應既福仔。兩個既意識同配合度非常高，加上中場干度比亞身高手長，防守意識不俗，遮線既範圍大，令到本身傳控能力唔高既費特更難係中轉站駁腳。羅蘭迪同靴里拉呢類爛打跑動型球員亦緊迫曼聯兩個核心般奴同普巴，前場逼搶非常有效。當馬體會見到費特墮後形成偽三中堅，就會整隊企番係中場線佈防踢番5-3-2。前鋒線仍舊係中場線前少少遮線，三中場係中路縮窄放棄逼搶二閘，兩隻翼衛防守兩隻翼鋒。防線推前至自己三閘線壓縮空間。馬體會既逼搶又或者高位遮線進退有度，令到曼聯難以係中路停到波推前攻擊線，只能係邊線猜兩腳回後轉方向左左右右。
馬體會部署成功完美輾壓曼聯
蘭sir有問題既排陣，施蒙尼有做功課既部署，令到馬體會上半場可以話係完美輾壓曼聯。曼聯有65%控球又如何，幾乎全部都係後場冇意義橫傳後傳，或者邊線既猜兩腳，難以打入馬體會禁區附近。馬體會二翼衛單防同速度都唔差，曼聯善於突破既兩翼亦係空間不多既情況下難以發揮。曼聯上半場只有兩腳唔中龍既射門就知進攻如何不濟。未知施蒙尼係臨場提示球隊強打左路還是預計蘭sir會起用達洛治選擇強攻左路，馬體會踢左7分鐘已經有斬獲。曼聯球員成功解圍角球，洛迪係左路執到第二點，再推過費特黎個靚傳中，菲歷斯搶前點飛身頭鎚攻門，個波撞內柱彈入領先。迪基亞全無反應。呢下斬既落點靚，菲歷斯搶點時間準，都唔可以怪晒麥隊長跟甩人。及後經常見到冰人被人二打一，洛迪同文達華既配合，加埋菲歷斯黎左路攪攪震，成功令到冰人疲於奔命，淨係打你單邊都夠贏。洛迪上半場踢到曉飛，踢到44分鐘又係佢創造黃金機會。左路開短罰球，佢接應隊友傳送沉底中腰波傳中，般奴係近柱飛踢但撐左個波去尾柱，羅蘭迪面對空門竟然頂左個波落冰人隻腳再中楣彈出，馬體會認真唔夠運。上半場馬體會6射1中入一球，成功演繹放棄控球既踢法。
蘭sir換人實在太遲
下半場出黎雙方都冇換人，形勢仍然係馬體會佔優，憑角球都能製造唔少既威脅。蘭sir要去到66分鐘先作出換人，用雲比沙加、馬迪同泰利斯入替連迪路夫、普巴同梳爾，一次過換晒兩邊閘同調整一下中場既企位。連迪路夫半場已經可以換啦，根本唔需要等到66分鐘。梳爾就因為係50分鐘拎左面黃牌，場上既埋身碰撞攔截亦漸多，驚打少個下調走可以理解。再次係場中調走普巴，見到普巴相當不滿，但呢個調動我同意。場面上只係輸緊一球，只要唔多失一球，番到主場仲有90分鐘可以追。出馬迪串連番中後場係非常需要，但中場如繼續用普巴同般奴，中場既防守力會太薄弱，加上馬迪年事已高，難以大範圍覆蓋，所以要保留費特係中場幫手掃，馬迪執漏。般普二選一下抽走普巴都合理。
換人有效果就再換 再換就得左換完人既曼聯，加上馬體會球員體能下降，成功拎番少少場上既形勢。雲比沙加既防守成功凍結左踢到曉飛既洛迪；馬迪既淡定令到曼聯係中後場組織冇咁混亂。佢踢偽中堅持球後，可以盤球向前帶生，亦可以交到直線搵般奴再做。只踢約30分鐘賽事絕對冇問題。蘭sir見形勢冇咁惡劣就再換人嘗試加強攻力。踢到75分鍾，用伊蘭加入替隱形既福仔。福仔今場貢獻接近0，莫講今場，呢大半季既表現都係差。太多既上腳，俾人睇穿晒既盤扭，都令佢愈踢愈沉。踢番簡單既波會較好，有普般係中場，你走到靚位接應再處理最後一腳傳中或埋門，絕對比自己扭自己衝為佳。施蒙尼都換入利馬同基沙文保持番前場既活力。換人後僅5分鍾，曼聯突然有個反擊機會。般奴係中場中路直線俾走位既伊蘭加，文達華飛剷唔中波下，伊蘭加成單刀之勢，係禁區右面盪射尾柱得手，追成平手。呢球真係近乎全場唯一一次既反擊，文達華決定落剷不中波係失波既罪人。佢唔飛傍住走絕對有機會封阻到伊蘭加既射門路線。最後要讚伊蘭加既埋門非常有質素。
幸運之神再次眷顧曼聯
連加特都係82分鐘入替跑到乾塘既辛祖。辛祖今場貢獻不多，但佢既協防都有一段時間幫到冰人手去破壞對方攻勢。踢到86分鐘，門楣再次拯救曼聯。左路利馬開角球尾柱落，羅蘭迪控前俾左基沙文。佢右腳一控左腳一chok，個波係尾袋中楣彈出。又係死球防守問題，新請番黎既死球教練要負上大部份責任，尾柱完全無人防守。最後兩隊都再冇入波情況下，打和一比一，下場番曼聯主場再踢過。
總結
上半場馬體會既部署同發揮都係曼聯之上，未能拉開比數實屬欠運。馬體會整波波13射1中龍，2下中楣，都睇到曼聯今場防守唔算太多甩漏，除左右路既冰人甩晒碌之外。下場只要蘭sir正正經經出番個正宗右閘，問題應該可以解決，但首先蘭sir自己都要定好究竟想隊波攻定縮再去安排出場人選。睇完呢場我唔覺得依家既曼聯係陣地戰有力攻破馬體會既防守，縮住踢打防反，靠兩翼既速度加般奴既直線或會係贏波既模式。下場番去踢聯賽對屈福特，贏左呢場再諗點踢次回合更好。
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊