馬體會暫時係本土賽事有42分排係第五位，距離榜首既皇馬有13分差距。今季可以同聯賽冠軍講拜拜，都係要以頭四位完成為目標。暫時巴塞踢少一場下同馬體會同分，但因得失球較佳而坐係第四位。西甲聯賽榜上由第三位到第八位都係講緊6分差距，競爭前四位既激烈程度絕不比英超低。馬體會近況一般，近五場三勝二負。除左對利雲特果場係一球都入唔到外，其餘四場都起碼入兩球以上，攻力有一定既保證，但防守就認真麻麻，總共失左10球波。睇下今場對曼聯可唔可以入多過失啦！
曼聯上場對大踢開放式足球既列斯聯，大雨激戰下以四比二取勝。最值得高興既係今場終於打破死球不入波既老尷記錄。整隊近況都算有起色既跡象，由對米堡連和三場後，先贏左白禮頓再贏列斯，係聯賽榜上暫時以46分壓住韋斯咸排係第四位。阿仙奴、狼隊同熱刺都少踢兩至三場下，都只係落後7分內，絕對有能力挑戰甚至反壓曼聯。蘭sir係上場對列斯選擇輪換陣容，華舒福、華拉尼、達洛治、費特同伊蘭加都先列後備，都明顯見到蘭sir唔會放棄歐聯賽事。今場必定以最強陣容出戰馬體會。
作客馬體會絕不易踢，預測佢會先用4-2-3-1陣式穩固防守；進攻時則推上費特打前一格改踢4-3-3。龍門迪基亞冇走雞。係戰術上先守穩既話，左右閘個人偏好梳爾同雲比沙加，但上場泰利斯同達洛治都休息既情況下，相信佢兩個今場會復任正選。華拉尼都會復任正選，伙拍麥佳亞鎮守後防。中場防守孖寶費特同麥湯文尼會上陣。辛祖狀態大勇，左翼位都係佢架啦。福仔上場連後備位都被伊蘭加搶左，睇黎佢今場都應會先列後備。正選會係上場有波入既伊蘭加。攻擊中場般奴費南迪斯繼續支援C朗拿度攻堅。
預測曼聯正選陣容（4-2-3-1）
迪基亞
達洛治 華拉尼 麥佳亞 泰利斯伊蘭加 麥湯文尼 費特 辛祖
般奴費南迪斯
C朗拿度
曼聯上場對大踢開放式足球既列斯聯，大雨激戰下以四比二取勝。最值得高興既係今場終於打破死球不入波既老尷記錄。整隊近況都算有起色既跡象，由對米堡連和三場後，先贏左白禮頓再贏列斯，係聯賽榜上暫時以46分壓住韋斯咸排係第四位。阿仙奴、狼隊同熱刺都少踢兩至三場下，都只係落後7分內，絕對有能力挑戰甚至反壓曼聯。蘭sir係上場對列斯選擇輪換陣容，華舒福、華拉尼、達洛治、費特同伊蘭加都先列後備，都明顯見到蘭sir唔會放棄歐聯賽事。今場必定以最強陣容出戰馬體會。
作客馬體會絕不易踢，預測佢會先用4-2-3-1陣式穩固防守；進攻時則推上費特打前一格改踢4-3-3。龍門迪基亞冇走雞。係戰術上先守穩既話，左右閘個人偏好梳爾同雲比沙加，但上場泰利斯同達洛治都休息既情況下，相信佢兩個今場會復任正選。華拉尼都會復任正選，伙拍麥佳亞鎮守後防。中場防守孖寶費特同麥湯文尼會上陣。辛祖狀態大勇，左翼位都係佢架啦。福仔上場連後備位都被伊蘭加搶左，睇黎佢今場都應會先列後備。正選會係上場有波入既伊蘭加。攻擊中場般奴費南迪斯繼續支援C朗拿度攻堅。
預測曼聯正選陣容（4-2-3-1）
迪基亞
達洛治 華拉尼 麥佳亞 泰利斯伊蘭加 麥湯文尼 費特 辛祖
般奴費南迪斯
C朗拿度
請按此登錄後留言。未成為會員? 立即註冊