列斯聯應該好易啅（賽前陣容預測-列斯聯對曼聯）

列斯聯大踢開放式足球，相信開正曼聯果家波，曼聯應該好易啅。睇番近兩季對賽成績，曼聯贏兩場和一場，上季主場大炒六比二，今季主場大炒五比一，話列斯聯係曼聯私家雞都不為過。列斯聯近五場賽事只得一勝一和三敗，狀態認真低迷。面對住必須贏波拎三分既曼聯，對賽加近況黎睇，睇黎都係難逃一敗。

曼聯狀態都唔係好好多。上場要不是人地打少個，能否拎三分真係難講。再前三場亦被修咸頓、般尼同米杜士堡逼和一比一。現時最大問題係中前場球員入球把握力不足，加上賽程緊密，兵疲亦係一大因素，影響球隊贏唔贏到波。睇下蘭sir又點樣輪換球員啦。
預測蘭sir用4-2-3-1陣式。面對列斯聯既高壓式奔跑踢法，中場既機動性會係重中之中，所以費特同麥湯文尼相信會繼續上陣。上場般奴終於入番波亦會繼續正選。迪基亞係唔需要解釋既必然正選龍門。華拉尼上場臨開波唔舒服，今場會復任正選拍住麥佳亞繼續作戰。泰利斯上場有後備入黎踩下草，今場應會取替梳爾。達洛治則繼續正選，提供右路側擊。前線辛祖狀態不俗，冇輪換既理由。華舒福會取代伊蘭加踢右翼，我估計佢今場會有波入。C朗拿度則會係最前爭取入球。

預測曼聯正選陣容
迪基亞
達洛治 華拉尼 麥佳亞 泰利斯般奴費南迪斯 麥湯文尼 費特
華舒福 C朗拿度 辛祖

============
有興趣睇分析片既朋友都可以follow 以下 Instagram
https://www.instagram.com/hea.talk.m.u/