蘭歷克排出4-3-3陣式。龍門迪基亞。防線左至右係梳爾-麥佳亞-連迪路夫-達洛治。中場左至右係費特-麥湯文尼-般奴費南迪斯。前線左至右係辛祖-C朗拿度-伊蘭加。
波達排出4-4-2菱形中場陣式。龍門山齊士。防線左至右係古古尼亞-鄧克-韋斯達-韋文。逗後中場係比蘇馬。一左一右中場係麥亞里士打同哥斯。攻擊中場莫達支援前線杜沙特同梅菲。
好彩認波衫分到 唔係你會以為紅色果隊係白禮頓
咩都唔分析，先睇左上半場數據。一隊就3射1中，傳球231次，傳球成功率係76%，半場控球率係40%；另一隊就8射3中，傳球333次，傳球成功率係86%，半場控球比率係60%。淨睇數據真係會以為曼聯壓住黎踢，但再睇睇數據係屬於邊隊就會見到曼聯係前者，白禮頓係後者。好彩曼聯係主場著紅色波衫出賽，咪真係以為紅衫果隊係白禮頓。
唔介意你縮放棄控球但你就應該用番善踢反擊既人 白禮頓前場逼搶打殘曼聯
蘭sir照舊起用4-3-3陣式，中場費特居左，麥湯文尼中間，右面係般奴費南迪斯，防守時成一條線係中路。整隊縮後係中場開始防守，放棄前場逼搶改打防守反擊，所以白禮頓控球較高我覺得會係蘭sir預期之內，但敗筆係佢起用伊蘭加取替左華舒福。福仔既長處係速度高突破力強，善於利用空間去爆；伊蘭加踢法較重團體性，善於同隊友配合，但突破力同速度則比福仔差。要踢防反係冇可能唔用福仔。如果驚左對面既古古尼亞，你咪用辛祖打右面加強番防守力，出福仔係左面針對番韋文黎做爆破亦得。
白禮頓則同你玩前場逼搶。中場用4名球員起用菱形陣式overload曼聯3中場。一對前鋒係高位施壓，邊中場則看管曼聯既二閘，兩隻閘緊貼曼聯兩翼。當波去到右閘位時，邊中場去遮線，莫達遮住傳俾麥湯文尼既線路，比蘇馬追截黎般奴，另一個邊中場則防守費特。係左邊則調番轉，逼使曼聯閘位球員不能選擇地波向前，只能回後俾中堅。前鋒孖寶再向前迫，完美壓制曼聯係後場組織。
上半場唔輸要靠迪基亞
面對白禮頓既高位逼搶，曼聯中場既缺點被無限放大。3名中場就算般奴都欠缺普巴果種身型同技術，係中場護波拖延引對方夾擊再分波出黎。麥湯文尼同費特更加難以靠佢地去護波突破，所以白禮頓整個上半場都係㩒住曼聯黎踢。曼聯最黃金既機會就係上半場早段，曼聯後場大腳解圍，白禮頓中堅控甩俾左C朗。佢後抽交俾係左面overlap既辛祖窄位施射被救出。C朗再次抱怨辛祖未有回傳俾佢，但辛祖係果個位射門都合理亦中目標就冇得嘈。白禮頓最靚既攻門就係莫達近距離球鎚攻門，又係要不是迪基亞飛身撲出，已經可以先失波。其實蘭sir係20分鐘已經作出左微調，改踢番4-2-3-1陣式，嘗試移前般奴增加停球點，但你中後場串連唔到，下下扔長波除非卡叔係度，前場又缺少福仔既速度，都幾難可以係前面停到波。迪基亞既神勇令曼聯半場頂得住唔輸，0比0完半場。
球王始終係球王
下半場雙方都冇換人，戰況依舊係白禮頓主攻。踢到51分鐘，比蘇馬係中場太有自信地控球，被麥湯成功攔截。個波去左係禁區外左側附近被C朗拿到。佢以一敵四至五個防守球員，右腳推橫少少大位，快射尾柱建功，打破左最近既入球荒。呢個波絕不是黃金機會，但佢都能自己創造空位射門，絕對係級數同能力既表現。睇少佢一秒就出事。
一張紅牌就令白禮頓陷入深淵
白禮頓失波後重新由中圈開波，回傳到鄧克由後場組織。伊蘭加衝前逼甩鄧克腳下球，並呈單刀之勢。鄧克一甩左即刻就拉低佢。隔離既中堅拍檔韋斯達後鄧克少少並同佢相距並不算太遠，球證一開始只出示黃牌，但經VAR再覆檢後，球證認為呢個距離不足以影響伊蘭加既入球機會，所以由黃轉紅驅逐鄧克離場。下半場開波只係僅僅約十分鐘，白禮頓就由大好形勢下，變成落後一球再得10人應戰。呢張紅牌直接將白禮頓踢入深淵。
人多打人少先識踢波，但場面都唔係絕對控制球賽
突然踢多一個人既曼聯成隊終於訓醒。乘住多踢一人既情況下開始組織到攻勢，並瞬間多左好多攻門機會。踢到60分鐘，波達先換人，用林迪同艾沙迪換入杜沙特同哥斯，將韋斯達移入中路，林迪踢番右閘。中場繼續維持番菱形中場，前線只留梅菲一個。經變動後，成功拎番唔少控球權，並靠住古古尼亞係左路加埋林迪係邊路側擊仲可以帶到威脅俾曼聯。即使打多一個人，曼聯都唔係話可以圍住人黎猜，亦冇係前面利用人數優勢施壓一失波就搶番控球，場面頂多都係7-3波，仲要係只領先一球吊鹽水，遲遲都入唔到第二球就絕對係把握力問題。曼聯最黃金機會數到70分鐘，般奴接應C朗傳送係12碼點附近只面對山齊士，都射唔入又再次響起警號。
蘭sir呢著早少少可以用啦踢到70分鐘，波達盡地一煲，用韋碧克換入梅菲，並指示球隊要向前施壓。蘭sir則係73分鐘用普巴入替費特。蘭sir呢著絕對應該早少少就用。普巴入場後立刻幫曼聯中後場成功連接，終於見到有人控制進攻節奏，梳理進攻既方向，多左好多既猜傳去慢慢進攻對手。不過，因為曼聯都係冇係前面做壓逼，令到白禮頓都可以組織到攻勢。莫達係77分鐘左路起右腳一射中楣更嚇親唔少曼迷。
普巴再次展現佢既閱讀球賽能力
蘭sir係79同80分鐘換入華舒福同泰利斯。換福仔都係加強球隊反擊能力，而泰利斯我相信係俾時間佢踢下比賽催谷狀態。踢到補時階段，韋碧克接應應邊路傳中，無人看管下頂高左少少，呢下真係㩒爆平安鐘。踢到90+6，般奴係自己三閘線成功逼甩艾沙迪腳下球，艾沙迪倒地時用手禁停個波，球證吹罰佢犯手球。普巴展現到佢閱讀球賽能力，即刻擺低個波就快開俾般奴，等佢同C朗黎個2打1反擊，最後般奴輕鬆射成2:0鎖定勝局。全場完！
總結
上半場曼聯整隊缺乏鬥志，戰術用人又出現問題下，唔駛輸就一定要讚迪基亞。下半場雖然C朗建功，但要不是有張紅牌加持下，11打11既情況相信曼聯都未必可以守到尾（10打11都差d被追平）。如果再係咁既表現，對住前列既球隊要和波都非常困難，更莫講要贏波保前四。普巴既重要性係呢場尾段都見到，相信蘭sir唔會再選擇收起佢啦掛。下場對列斯聯，個人相信會比較易踢，繼續努力吧！
============
有興趣睇分析片既朋友都可以follow 以下 Instagram
https://www.instagram.com/hea.talk.m.u/
波達排出4-4-2菱形中場陣式。龍門山齊士。防線左至右係古古尼亞-鄧克-韋斯達-韋文。逗後中場係比蘇馬。一左一右中場係麥亞里士打同哥斯。攻擊中場莫達支援前線杜沙特同梅菲。
好彩認波衫分到 唔係你會以為紅色果隊係白禮頓
咩都唔分析，先睇左上半場數據。一隊就3射1中，傳球231次，傳球成功率係76%，半場控球率係40%；另一隊就8射3中，傳球333次，傳球成功率係86%，半場控球比率係60%。淨睇數據真係會以為曼聯壓住黎踢，但再睇睇數據係屬於邊隊就會見到曼聯係前者，白禮頓係後者。好彩曼聯係主場著紅色波衫出賽，咪真係以為紅衫果隊係白禮頓。
唔介意你縮放棄控球但你就應該用番善踢反擊既人 白禮頓前場逼搶打殘曼聯
蘭sir照舊起用4-3-3陣式，中場費特居左，麥湯文尼中間，右面係般奴費南迪斯，防守時成一條線係中路。整隊縮後係中場開始防守，放棄前場逼搶改打防守反擊，所以白禮頓控球較高我覺得會係蘭sir預期之內，但敗筆係佢起用伊蘭加取替左華舒福。福仔既長處係速度高突破力強，善於利用空間去爆；伊蘭加踢法較重團體性，善於同隊友配合，但突破力同速度則比福仔差。要踢防反係冇可能唔用福仔。如果驚左對面既古古尼亞，你咪用辛祖打右面加強番防守力，出福仔係左面針對番韋文黎做爆破亦得。
白禮頓則同你玩前場逼搶。中場用4名球員起用菱形陣式overload曼聯3中場。一對前鋒係高位施壓，邊中場則看管曼聯既二閘，兩隻閘緊貼曼聯兩翼。當波去到右閘位時，邊中場去遮線，莫達遮住傳俾麥湯文尼既線路，比蘇馬追截黎般奴，另一個邊中場則防守費特。係左邊則調番轉，逼使曼聯閘位球員不能選擇地波向前，只能回後俾中堅。前鋒孖寶再向前迫，完美壓制曼聯係後場組織。
上半場唔輸要靠迪基亞
面對白禮頓既高位逼搶，曼聯中場既缺點被無限放大。3名中場就算般奴都欠缺普巴果種身型同技術，係中場護波拖延引對方夾擊再分波出黎。麥湯文尼同費特更加難以靠佢地去護波突破，所以白禮頓整個上半場都係㩒住曼聯黎踢。曼聯最黃金既機會就係上半場早段，曼聯後場大腳解圍，白禮頓中堅控甩俾左C朗。佢後抽交俾係左面overlap既辛祖窄位施射被救出。C朗再次抱怨辛祖未有回傳俾佢，但辛祖係果個位射門都合理亦中目標就冇得嘈。白禮頓最靚既攻門就係莫達近距離球鎚攻門，又係要不是迪基亞飛身撲出，已經可以先失波。其實蘭sir係20分鐘已經作出左微調，改踢番4-2-3-1陣式，嘗試移前般奴增加停球點，但你中後場串連唔到，下下扔長波除非卡叔係度，前場又缺少福仔既速度，都幾難可以係前面停到波。迪基亞既神勇令曼聯半場頂得住唔輸，0比0完半場。
球王始終係球王
下半場雙方都冇換人，戰況依舊係白禮頓主攻。踢到51分鐘，比蘇馬係中場太有自信地控球，被麥湯成功攔截。個波去左係禁區外左側附近被C朗拿到。佢以一敵四至五個防守球員，右腳推橫少少大位，快射尾柱建功，打破左最近既入球荒。呢個波絕不是黃金機會，但佢都能自己創造空位射門，絕對係級數同能力既表現。睇少佢一秒就出事。
一張紅牌就令白禮頓陷入深淵
白禮頓失波後重新由中圈開波，回傳到鄧克由後場組織。伊蘭加衝前逼甩鄧克腳下球，並呈單刀之勢。鄧克一甩左即刻就拉低佢。隔離既中堅拍檔韋斯達後鄧克少少並同佢相距並不算太遠，球證一開始只出示黃牌，但經VAR再覆檢後，球證認為呢個距離不足以影響伊蘭加既入球機會，所以由黃轉紅驅逐鄧克離場。下半場開波只係僅僅約十分鐘，白禮頓就由大好形勢下，變成落後一球再得10人應戰。呢張紅牌直接將白禮頓踢入深淵。
人多打人少先識踢波，但場面都唔係絕對控制球賽
突然踢多一個人既曼聯成隊終於訓醒。乘住多踢一人既情況下開始組織到攻勢，並瞬間多左好多攻門機會。踢到60分鐘，波達先換人，用林迪同艾沙迪換入杜沙特同哥斯，將韋斯達移入中路，林迪踢番右閘。中場繼續維持番菱形中場，前線只留梅菲一個。經變動後，成功拎番唔少控球權，並靠住古古尼亞係左路加埋林迪係邊路側擊仲可以帶到威脅俾曼聯。即使打多一個人，曼聯都唔係話可以圍住人黎猜，亦冇係前面利用人數優勢施壓一失波就搶番控球，場面頂多都係7-3波，仲要係只領先一球吊鹽水，遲遲都入唔到第二球就絕對係把握力問題。曼聯最黃金機會數到70分鐘，般奴接應C朗傳送係12碼點附近只面對山齊士，都射唔入又再次響起警號。
蘭sir呢著早少少可以用啦踢到70分鐘，波達盡地一煲，用韋碧克換入梅菲，並指示球隊要向前施壓。蘭sir則係73分鐘用普巴入替費特。蘭sir呢著絕對應該早少少就用。普巴入場後立刻幫曼聯中後場成功連接，終於見到有人控制進攻節奏，梳理進攻既方向，多左好多既猜傳去慢慢進攻對手。不過，因為曼聯都係冇係前面做壓逼，令到白禮頓都可以組織到攻勢。莫達係77分鐘左路起右腳一射中楣更嚇親唔少曼迷。
普巴再次展現佢既閱讀球賽能力
蘭sir係79同80分鐘換入華舒福同泰利斯。換福仔都係加強球隊反擊能力，而泰利斯我相信係俾時間佢踢下比賽催谷狀態。踢到補時階段，韋碧克接應應邊路傳中，無人看管下頂高左少少，呢下真係㩒爆平安鐘。踢到90+6，般奴係自己三閘線成功逼甩艾沙迪腳下球，艾沙迪倒地時用手禁停個波，球證吹罰佢犯手球。普巴展現到佢閱讀球賽能力，即刻擺低個波就快開俾般奴，等佢同C朗黎個2打1反擊，最後般奴輕鬆射成2:0鎖定勝局。全場完！
總結
上半場曼聯整隊缺乏鬥志，戰術用人又出現問題下，唔駛輸就一定要讚迪基亞。下半場雖然C朗建功，但要不是有張紅牌加持下，11打11既情況相信曼聯都未必可以守到尾（10打11都差d被追平）。如果再係咁既表現，對住前列既球隊要和波都非常困難，更莫講要贏波保前四。普巴既重要性係呢場尾段都見到，相信蘭sir唔會再選擇收起佢啦掛。下場對列斯聯，個人相信會比較易踢，繼續努力吧！
============
有興趣睇分析片既朋友都可以follow 以下 Instagram
https://www.instagram.com/hea.talk.m.u/
請按此登錄後留言。未成為會員? 立即註冊