一如賽前所料，蘭歷克排出4-3-3陣式。龍門迪基亞。防線左至右係泰利斯、麥佳亞、華拉尼、達洛治。麥湯文尼逗後中場，前少少一左一右係般奴費南迪斯同費特。左右翼係伊蘭加同格連活。前鋒係C朗拿度。
莫椰斯排出4-4-1-1陣式。龍門艾里奧拿。防線左至右係基士維、蘇馬、多遜、古法奧。中場線左至右係科勞斯、懷斯、蘇捷、查洛保雲。攻擊中場蘭仙尼支援安東尼奧攻堅。
上半場完全係防守大戰
先睇睇兩隊上半場射門數據，曼聯5射0中，韋斯咸4射0中，基本上兩隊既進攻球員都冇創造到黃金機會去射門。曼聯最有威脅果腳係般奴左路邊線斬俾入楔搶點既C朗拿度，可惜傳中稍為高左少少未能埋門；韋斯咸要數到蘭仙尼係左路禁區突然空晒但冇第一時間射，反而嘗試再壓落底線就被後衛攔截到。韋斯咸有紀律既防守，中場懷斯同蘇捷體力型既踢法，保雲同科勞斯都會番後，前點只留最前既安東尼奧及逗後少少既蘭仙尼，令到曼聯中場球員未能有空間組織；而當韋斯咸搶到個波就放長傳俾安東尼奧係前面停波，嘗試攻擊曼聯中堅同閘位既空間，等佢停到波左右翼先上去，以打反擊為主。講曼聯啦，先讚一讚麥佳亞，今場佢終於做番佢應該做既野，係早段已經多次成功攔截蘭仙尼、安東尼奧既腳下球。係高空爭頂亦完全壓制到安東尼奧。用波方面亦少再踢出派路式長傳，但可以再簡單少少。佢同華拉尼都非常集中去招呼安東尼奧，所以韋斯咸多次放長波俾大舊佬，都俾麥隊或者華拉尼第一點已經頂贏，可以俾番曼聯球員再組織進攻，令到曼聯可以主導球賽。因科勞斯都唔係擅長一對一突破，達洛治今場防守問題不大。泰利斯面對保雲就有少少吃力，不過一對防中加埋麥隊長今場都有補位協防，所以保雲今場表現冇乜。佢都冇表現西咸進攻自然會hang機。今場最大進步係見到中前場球員係失控球權後既反搶，般奴、伊蘭加、綠木都好快會對持球者壓迫，令佢地無時間諗點交向前，一係就向前解圍就俾番曼聯控球，一係就回後。當一回後，曼聯球員好快就重整4-2-3-1陣形再由C朗埋去逼門將踢長傳。前場防守積極性今場係見到有既，值得一讚。兩隊都係爭中場為主，以唔失波為目標下，曼聯拎到球賽主導權，但陣地戰進攻乏力下，只能係上半場打成平手。上半場，完。
講講曼聯進攻模式
曼聯進攻繼續踢4-3-3陣式。依靠般奴、伊蘭加、泰利斯主打左路。泰利斯長期責住條邊踢，伊蘭加優點係肯走位肯拉扯，有時會係邊路嘗試同泰利斯疊瓦，又或者內收中路讓般奴移到邊線，見到C朗回後迎波又會插入禁區，左路既變化會較多。麥湯逗後串連中後場，費特雖然係叫做打右中場中但佢稍為冇壓咁上，盡量係番麥湯附近幫手駁腳。右路就經常係綠木責住條邊踢，達洛治反而走underlap插入half-space去進攻，綠木就邊路持球內切入中路。呢個進攻模式變化甚少。達洛治唔係靠邊踢嘥左佢係邊路傳中既威脅，閘位攻half-space不是問題，但達洛治或雲比沙加去攻又係咪理想呢？而綠木遠離禁區嘥左佢埋門能力，靠佢係邊路逆足傳中效果亦非常一般。費特甚少插入禁區，綠木亦甚少主動走位等達洛治後上，所以右路進攻比較單調，較少創造到具威脅攻勢。另外，當個波係左路被圍要轉方向果陣，多次見到達洛治同綠木企係同一條線上面，達洛治或綠木亦冇早早企係條邊度等待接應進攻對方空位，往往要麥湯拎到波推幾下，先等到其中一個去拉闊空間。轉方向一慢，人地移位又夠快就浪費左強邊轉弱邊進攻空位既機會。間中仲會見到佢兩兄弟同時間向前跑亦重疊左進攻路線。或者係驚得麥湯文尼一個，一失控球被反擊既空位太大就要達洛治先內收中路，但咁樣踢就削弱左進攻流暢度，而要麥湯係中場中路拖一拖又會有被搶斷打反擊既風險。進攻以側擊為主，缺少中路小組配合，而只有般奴有能力策動進攻更令對方易於防守。伊蘭加同綠木突破力唔強就難以係邊路打開缺口。
蘭sir肯變才會贏，莫椰斯保守成敗筆
下半場開波，兩邊都冇作出換人調動，戰況陷入膠著。華拉尼早段接應角球攻門高出，算係比較似樣既攻門。曼聯下半場中段射門數字多達15次但僅得一中，可見浪射情況居多；而韋斯咸全場射門只得5射1中反映到今場進攻乏力，亦反映到曼聯防守方面既積極。踢到62分鐘，蘭sir首先換人，用華舒福換入貢獻不大既伊蘭加。福仔既突破力同反擊速度都比伊蘭加好，明顯想係邊路尋找突破點破密集；莫椰斯則係70分鐘用費特歷斯入替古法奧。未知係咪古法奧受傷還是其他原因，費特歷斯防守力明顯比古法奧弱，最後既失波亦正正係右路發生。蘭sir再係82分鐘孤注一擲，用卡雲尼同馬斯亞入替費特同格連活變陣4-4-2，將般奴踢落一格較炮，擺大個頭係前面，務求狂攻對手。馬斯亞踢左路，福仔改踢右路；莫椰斯就以不變應萬變。呢個變陣係呢10分鐘都見到作用。馬斯亞入到黎短時間已經有一次嘗試同C朗短距離打小組配合殺入禁區，可惜最後一傳稍為大力左。般奴移後較炮令到整隊傳送更直接，加快左進攻節奏。補時階段，查洛保雲係右路控失，泰利斯搶到後就發動長傳進攻，想搵走左去左面前點卡雲尼。費特歷斯因上前助攻而失位，勉強頂到泰利斯既長傳，但就頂左俾係中路既C朗拿度。左面前場立刻形成3打2，C朗拎波，左面仲有卡叔同馬仔同時向前插，前面僅餘多遜同蘇馬；右路福仔就係咁向前跑等接應 。C朗引黎懷斯同費特歷斯夾擊後，果斷彈前俾馬仔，佢再直線俾沉落底線既卡叔。佢左腳地波傳中搵到面對空門既福仔撞射成功絕殺對手，曼聯最後都係要靠反擊黎入波。呢球失波唔可以怪晒右閘，因為當時係右路確係有機會壓上進攻，但佢回防果陣都見到懷斯番到去守C朗，如果佢疊埋心水去追馬仔而唔係嘗試向C朗落剷或者有機會阻止到入波。輸波責任我認為係莫椰斯身上。球隊踢到尾段體能速率都有所下滑，前場科勞斯同蘭仙尼場上既貢獻不大，蘇捷亦剛剛病癒踢到gurgur地，後備係咪冇人可以代替佢地呢？馬蘇亞古個人盤扭能力強，可以代替科勞斯施壓俾達洛治。勞保踢十分八分鐘係中場同你刨都唔會難到佢。保守或會係莫椰斯輸既關鍵，但當然曼聯冇放棄到亦係贏既重要因素。
總結
呢場波既張力非常夠，而曼聯場上只能同韋斯咸踢成均勢，完美反映左點解依家正正排係第四至第七名既區域內，同利物浦、曼城、車路士（近排大跌watt）係有一段距離。係進攻方面，近三仗改踢4-3-3進攻，踢落雖然唔係好有板斧，未係好搵到入波方程式，但起碼都叫做入到波，連埋呢場都入左6球。係普巴未出得番既情況下，呢個進攻陣式應會繼續起用，亦只能繼續依靠般奴一個去策動進攻。講下綠木，佢都需要作出自我調整，戰術上如要你拉邊提供側擊，你真係要先做好本份，多輸送彈藥多交波創造機會。當隊友機會多就會俾人重點招呼，到時你自然多左空間去埋門入波，而唔係下下拎波就自己射，呢樣野真係要改善，咪好快就會俾福仔搶番正選席位。下場正選我估都仲係你，但真係要醒醒定定啊！踢完呢場波曼聯暫時有38分升番上第四位，而後面幾隊都只係少幾分但踢少兩三場波，相信今屆爭四之戰必定激烈過爭冠。曼聯現時目標仲係前四！
莫椰斯排出4-4-1-1陣式。龍門艾里奧拿。防線左至右係基士維、蘇馬、多遜、古法奧。中場線左至右係科勞斯、懷斯、蘇捷、查洛保雲。攻擊中場蘭仙尼支援安東尼奧攻堅。
上半場完全係防守大戰
先睇睇兩隊上半場射門數據，曼聯5射0中，韋斯咸4射0中，基本上兩隊既進攻球員都冇創造到黃金機會去射門。曼聯最有威脅果腳係般奴左路邊線斬俾入楔搶點既C朗拿度，可惜傳中稍為高左少少未能埋門；韋斯咸要數到蘭仙尼係左路禁區突然空晒但冇第一時間射，反而嘗試再壓落底線就被後衛攔截到。韋斯咸有紀律既防守，中場懷斯同蘇捷體力型既踢法，保雲同科勞斯都會番後，前點只留最前既安東尼奧及逗後少少既蘭仙尼，令到曼聯中場球員未能有空間組織；而當韋斯咸搶到個波就放長傳俾安東尼奧係前面停波，嘗試攻擊曼聯中堅同閘位既空間，等佢停到波左右翼先上去，以打反擊為主。講曼聯啦，先讚一讚麥佳亞，今場佢終於做番佢應該做既野，係早段已經多次成功攔截蘭仙尼、安東尼奧既腳下球。係高空爭頂亦完全壓制到安東尼奧。用波方面亦少再踢出派路式長傳，但可以再簡單少少。佢同華拉尼都非常集中去招呼安東尼奧，所以韋斯咸多次放長波俾大舊佬，都俾麥隊或者華拉尼第一點已經頂贏，可以俾番曼聯球員再組織進攻，令到曼聯可以主導球賽。因科勞斯都唔係擅長一對一突破，達洛治今場防守問題不大。泰利斯面對保雲就有少少吃力，不過一對防中加埋麥隊長今場都有補位協防，所以保雲今場表現冇乜。佢都冇表現西咸進攻自然會hang機。今場最大進步係見到中前場球員係失控球權後既反搶，般奴、伊蘭加、綠木都好快會對持球者壓迫，令佢地無時間諗點交向前，一係就向前解圍就俾番曼聯控球，一係就回後。當一回後，曼聯球員好快就重整4-2-3-1陣形再由C朗埋去逼門將踢長傳。前場防守積極性今場係見到有既，值得一讚。兩隊都係爭中場為主，以唔失波為目標下，曼聯拎到球賽主導權，但陣地戰進攻乏力下，只能係上半場打成平手。上半場，完。
講講曼聯進攻模式
曼聯進攻繼續踢4-3-3陣式。依靠般奴、伊蘭加、泰利斯主打左路。泰利斯長期責住條邊踢，伊蘭加優點係肯走位肯拉扯，有時會係邊路嘗試同泰利斯疊瓦，又或者內收中路讓般奴移到邊線，見到C朗回後迎波又會插入禁區，左路既變化會較多。麥湯逗後串連中後場，費特雖然係叫做打右中場中但佢稍為冇壓咁上，盡量係番麥湯附近幫手駁腳。右路就經常係綠木責住條邊踢，達洛治反而走underlap插入half-space去進攻，綠木就邊路持球內切入中路。呢個進攻模式變化甚少。達洛治唔係靠邊踢嘥左佢係邊路傳中既威脅，閘位攻half-space不是問題，但達洛治或雲比沙加去攻又係咪理想呢？而綠木遠離禁區嘥左佢埋門能力，靠佢係邊路逆足傳中效果亦非常一般。費特甚少插入禁區，綠木亦甚少主動走位等達洛治後上，所以右路進攻比較單調，較少創造到具威脅攻勢。另外，當個波係左路被圍要轉方向果陣，多次見到達洛治同綠木企係同一條線上面，達洛治或綠木亦冇早早企係條邊度等待接應進攻對方空位，往往要麥湯拎到波推幾下，先等到其中一個去拉闊空間。轉方向一慢，人地移位又夠快就浪費左強邊轉弱邊進攻空位既機會。間中仲會見到佢兩兄弟同時間向前跑亦重疊左進攻路線。或者係驚得麥湯文尼一個，一失控球被反擊既空位太大就要達洛治先內收中路，但咁樣踢就削弱左進攻流暢度，而要麥湯係中場中路拖一拖又會有被搶斷打反擊既風險。進攻以側擊為主，缺少中路小組配合，而只有般奴有能力策動進攻更令對方易於防守。伊蘭加同綠木突破力唔強就難以係邊路打開缺口。
蘭sir肯變才會贏，莫椰斯保守成敗筆
下半場開波，兩邊都冇作出換人調動，戰況陷入膠著。華拉尼早段接應角球攻門高出，算係比較似樣既攻門。曼聯下半場中段射門數字多達15次但僅得一中，可見浪射情況居多；而韋斯咸全場射門只得5射1中反映到今場進攻乏力，亦反映到曼聯防守方面既積極。踢到62分鐘，蘭sir首先換人，用華舒福換入貢獻不大既伊蘭加。福仔既突破力同反擊速度都比伊蘭加好，明顯想係邊路尋找突破點破密集；莫椰斯則係70分鐘用費特歷斯入替古法奧。未知係咪古法奧受傷還是其他原因，費特歷斯防守力明顯比古法奧弱，最後既失波亦正正係右路發生。蘭sir再係82分鐘孤注一擲，用卡雲尼同馬斯亞入替費特同格連活變陣4-4-2，將般奴踢落一格較炮，擺大個頭係前面，務求狂攻對手。馬斯亞踢左路，福仔改踢右路；莫椰斯就以不變應萬變。呢個變陣係呢10分鐘都見到作用。馬斯亞入到黎短時間已經有一次嘗試同C朗短距離打小組配合殺入禁區，可惜最後一傳稍為大力左。般奴移後較炮令到整隊傳送更直接，加快左進攻節奏。補時階段，查洛保雲係右路控失，泰利斯搶到後就發動長傳進攻，想搵走左去左面前點卡雲尼。費特歷斯因上前助攻而失位，勉強頂到泰利斯既長傳，但就頂左俾係中路既C朗拿度。左面前場立刻形成3打2，C朗拎波，左面仲有卡叔同馬仔同時向前插，前面僅餘多遜同蘇馬；右路福仔就係咁向前跑等接應 。C朗引黎懷斯同費特歷斯夾擊後，果斷彈前俾馬仔，佢再直線俾沉落底線既卡叔。佢左腳地波傳中搵到面對空門既福仔撞射成功絕殺對手，曼聯最後都係要靠反擊黎入波。呢球失波唔可以怪晒右閘，因為當時係右路確係有機會壓上進攻，但佢回防果陣都見到懷斯番到去守C朗，如果佢疊埋心水去追馬仔而唔係嘗試向C朗落剷或者有機會阻止到入波。輸波責任我認為係莫椰斯身上。球隊踢到尾段體能速率都有所下滑，前場科勞斯同蘭仙尼場上既貢獻不大，蘇捷亦剛剛病癒踢到gurgur地，後備係咪冇人可以代替佢地呢？馬蘇亞古個人盤扭能力強，可以代替科勞斯施壓俾達洛治。勞保踢十分八分鐘係中場同你刨都唔會難到佢。保守或會係莫椰斯輸既關鍵，但當然曼聯冇放棄到亦係贏既重要因素。
總結
呢場波既張力非常夠，而曼聯場上只能同韋斯咸踢成均勢，完美反映左點解依家正正排係第四至第七名既區域內，同利物浦、曼城、車路士（近排大跌watt）係有一段距離。係進攻方面，近三仗改踢4-3-3進攻，踢落雖然唔係好有板斧，未係好搵到入波方程式，但起碼都叫做入到波，連埋呢場都入左6球。係普巴未出得番既情況下，呢個進攻陣式應會繼續起用，亦只能繼續依靠般奴一個去策動進攻。講下綠木，佢都需要作出自我調整，戰術上如要你拉邊提供側擊，你真係要先做好本份，多輸送彈藥多交波創造機會。當隊友機會多就會俾人重點招呼，到時你自然多左空間去埋門入波，而唔係下下拎波就自己射，呢樣野真係要改善，咪好快就會俾福仔搶番正選席位。下場正選我估都仲係你，但真係要醒醒定定啊！踢完呢場波曼聯暫時有38分升番上第四位，而後面幾隊都只係少幾分但踢少兩三場波，相信今屆爭四之戰必定激烈過爭冠。曼聯現時目標仲係前四！
請按此登錄後留言。未成為會員? 立即註冊