賀維排出4-5-1陣式。龍門杜巴卡，防線左至右係文基路、拉素利斯、舒亞、卡拉夫。中場逗後少少係舒爾菲。中場由左至右係聖麥斯文、祖寧頓、朗史達夫、賴恩費沙。前鋒一個卡林威爾遜攻堅。
蘭歷克排出4-2-2-2陣式。龍門迪基亞，防線由左至右係泰利斯、麥佳亞、華拉尼、達洛治。一對防中孖寶費特拍麥湯文尼。一對攻中左面用般奴費南迪斯，右面係華舒福。前鋒由格連活特拍C朗拿度進攻。
賀維戰術攻守有度
紐卡素除左曼聯龍門死球會整隊上前進行逼搶外，一律選擇退守中後場。五人中場線平排展開，防線則企至三閘線附近同中場緊密聯繫，務求堵塞中路空間。當曼聯選擇大腳轉方向，亦只會選擇用一名邊路球員去進行遮線，另一個則企靠近中路位置協防中路。特別要讚祖寧頓，踢開攻擊位置既佢今場移後一格踢左中場中，除左防守度度見到佢，係進攻亦靠得住，多次引球推進，係左路同聖麥斯文配合，亦利用到佢身形去護波引對方犯規，令己方多左抖氣位。紐卡素擺明踢穩守突擊，反擊明顯針對達洛特攻強守弱，加上曼聯戰術需要兩閘前壓，只得兩名防中難以覆蓋中路及邊路位置，搶到波就靠祖寧頓推進，或者放波俾扭得之人聖麥斯文做單對單甚至以一敵二爆破，不停係左路製造威脅。卡林威爾遜就利用佢既速度牽制住麥佳亞，令華拉尼都要兼顧協防下，難以立刻彌補達洛特既失位。
曼聯除左狀態問題，陣式同球員兼容性既問題都不少
曼聯有多名球員感染武肺，令到佢地多達兩星期休息。雖然抖多左，但明顯缺乏比賽狀態，判斷力、起動速率同控傳能力大受影響。開波早段華拉尼同麥佳亞都因防守判斷失誤，而差少少俾到機會人地攻門。除左狀態，陣式位置上同球員能力既兼容性都出現問題。福仔善於個人爆破，用速度打反擊，但今場改踢右攻擊中場，要佢移入中間去做波就明顯欠缺創造性，俾波既尺寸、時機、線路都顯然不是果家波。般奴既狀態低迷，加上陣式上要係左路做波，仲要不時墜後去派牌都大大限制左佢既發揮。一遠離禁區，般奴能產生既威脅就大大降低，加上隊中只得佢有創造力去帶動球隊進攻，俗D講佢都收皮，曼聯進攻就等運到。前場格連活特同C朗既合作、互動走位亦明顯缺乏。各自為戰，對方又重兵守中路，一對防中亦缺乏穿透力既傳球同控場能力，整個上半場不斷就係傳幾下斷被反擊，或者由左至右再由右至左橫傳，紐記門將杜巴卡可謂相當悠閑。
紐記上半場一下攻勢足以致命
紐卡素部署十分正確。踢到7分鐘，右路後場界外球向前扔，朗史達夫將個波頭鎚撐後俾卡林威爾遜，華拉尼其實第一下成功拎左個身位，"得"開左威爾遜，但第二下想扣橫個波就俾朗史達夫打左荷包。佢一偷完就交俾左路既聖麥斯文，前場瞬間形成3打2。佢係禁區頂輕鬆扣大位擺過達洛特，再擺過埋黎補位既麥佳亞，再立即盪射尾柱入網，一己之力射破迪基亞十指關。落後既曼聯進攻乏力，不但未能製造具威脅埋門，更因組織乏力多次失去控球權被打反擊。紐記亦有舒爾菲怒推半場遠射。幸好，射波角度稍欠，被迪基亞擋出。
半場傷左卡林威爾遜，埋下失波伏線
踢到上半場尾段，卡林威爾遜一下施丹式轉身護波拉傷左小腿肌肉。賀維被逼用積及梅菲入替，推聖麥斯文打前鋒，梅菲則踢左翼位置。上半場有卡林威爾遜係前場竄擾，聖麥斯文係左路以強勁個人能力牽制住達洛特同麥湯文尼，令達洛特都唔敢壓太上進攻。但當要聖麥斯文改打前鋒，要佢背身拎波再轉身，又或者大腳向前踢等佢哨就大大削弱佢嘅牽制力。入替既梅菲亦不能如聖麥斯文玩弄達洛特，就令到佢既防守壓力下降，從而可以投入去進攻。 被追平既一下正正就係達洛治走到邊線無人看管下出波。
下半場蘭帥變陣換人有起色
下半場一開波就換人，蘭歷克㩒制換入辛祖同卡雲尼，換出零作用既格連活特同費特。將陣式改成4-4-2。福仔回歸左路，辛祖打右翼。前線係7+21。般奴則同麥湯形成雙防中，般奴進攻時則有較大自由度去前插，變成一個近乎4-1-3-2既陣式。但半場一開波又俾紐記嚇一嚇。右路一個靚既小組配合就可以沉底出波。可惜係小禁區既聖麥斯文未能把握，被迪基亞超快反應救出。變陣後既曼聯開始組織到攻勢，右路達洛治亦因防守壓力減弱可以放膽上前提供側擊。左路福仔踢番邊路亦漸漸上力。卡雲尼係中路既停波支點亦見效。曼聯先有福仔左路施展落葉射球被救出，後有卡雲尼接應辛祖右路傳中射斜。
曼聯入波都係要靠老將
踢到71分鐘，般奴係中路接應後場傳送後，靚傳一個過頭高波俾達洛治沉底。佢無人看管下傳地波俾係12碼點附近既卡雲尼。卡叔第一腳射就省到人，第二腳補射撻Q情況下，個波都碌左入尾袋追番一球。正正就係調左聖麥斯文踢前令到達洛治可以上到黎出波，而紐記防線亦只顧後移，而冇跟到人就俾卡叔有空位可以二連射。
蘭歷克再換反而削弱攻力，又係要不是迪基亞就一分都冇埋
賀維被追和後，係75分鐘用艾米朗換入賴恩費沙加強突破點；而蘭歷克就係78分鐘用馬迪換入麥湯文尼，進攻變成三中堅，再推前二閘，留般奴係中間駁腳。但偽三中堅既企位並冇拉闊球場，反而企得比較近中間，變相冇做到三個出球點，只係多左馬迪係後場控波。般奴亦因要留守中路，不能壓上亦浪費左佢既走位同創造力。賀維再係83分鐘因聖麥斯文受傷而要換入基爾，但紐記卻係尾段埋門不絕。先有積及梅菲禁區左路右腳chok射中尾柱彈出，後有艾米朗執到第二點係右路左腳chok尾袋，幸有迪基亞再次單手飛身撲出先唔駛輸波。今場聖基亞合共撲出對方多達8次射門，要不是迪基亞⋯⋯⋯⋯最後1:1打成平手。
總結
臨近轉會市場在即，紐卡素多名球員都踢出鬥心，爭取表現務求可以留隊或搶正選位置。五五波甚至乎四六波都可以搶贏曼聯就可以見到。控球雖然僅得三成，但全場十三射八中就見到穩守突擊既成功。曼聯全場表現可謂垃圾，係在座各位球員都係，除左迪基亞神勇及卡雲尼半場既入波。球員狀態低迷，陣式同球員兼容性亦需要解決，我認為翼鋒當攻中打係唔可行，始終冇攻中既思維同創造力，辛祖或者仲可以一試。雙攻中亦限制左般奴發揮，而中場既麥費組合未能運波上前俾般奴去做既問顯依舊係度，兩任領隊都未有多起用雲迪碧克，真不知道問題所在。後防線既麥隊長今場再次派路上身係後場派牌，效果又唔見理想，做波唔駛你啦。前鋒線綠木同C朗亦見唔到場中有交流(有心病？) 長期用721組合難以應付頻密賽程。C朗係場中亦多番埋怨隊友，更發脾氣怒踢對方，唔駛拎紅牌真係擺明係有光環。老大哥既佢仍然係贏緊波會追會逼，一輸緊或者隊友踢得差就缺乏鼓勵隊友，冇嘗試主動帶大家反擊。呢樣野絕非今場先發生，佢絕對需要企出黎嗌醒隊友而非再埋怨。蘭歷克上任後都帶左四場波，雖然四場都不敗，但對方只係榜尾球隊加一場歐聯對年青人。唔計年青人用副選出戰，只得對水晶宮係贏得較有說服力同見到佢強調既逼搶。面對諾域治只憑對手送禮12碼先贏到，場面更係落下風；面對紐卡素亦因對方進攻主力傷出，再靠聖基亞上身先拎到一分。蘭帥真係要諗諗計，再咁踢分分鐘頭四都未必有。
蘭歷克排出4-2-2-2陣式。龍門迪基亞，防線由左至右係泰利斯、麥佳亞、華拉尼、達洛治。一對防中孖寶費特拍麥湯文尼。一對攻中左面用般奴費南迪斯，右面係華舒福。前鋒由格連活特拍C朗拿度進攻。
賀維戰術攻守有度
紐卡素除左曼聯龍門死球會整隊上前進行逼搶外，一律選擇退守中後場。五人中場線平排展開，防線則企至三閘線附近同中場緊密聯繫，務求堵塞中路空間。當曼聯選擇大腳轉方向，亦只會選擇用一名邊路球員去進行遮線，另一個則企靠近中路位置協防中路。特別要讚祖寧頓，踢開攻擊位置既佢今場移後一格踢左中場中，除左防守度度見到佢，係進攻亦靠得住，多次引球推進，係左路同聖麥斯文配合，亦利用到佢身形去護波引對方犯規，令己方多左抖氣位。紐卡素擺明踢穩守突擊，反擊明顯針對達洛特攻強守弱，加上曼聯戰術需要兩閘前壓，只得兩名防中難以覆蓋中路及邊路位置，搶到波就靠祖寧頓推進，或者放波俾扭得之人聖麥斯文做單對單甚至以一敵二爆破，不停係左路製造威脅。卡林威爾遜就利用佢既速度牽制住麥佳亞，令華拉尼都要兼顧協防下，難以立刻彌補達洛特既失位。
曼聯除左狀態問題，陣式同球員兼容性既問題都不少
曼聯有多名球員感染武肺，令到佢地多達兩星期休息。雖然抖多左，但明顯缺乏比賽狀態，判斷力、起動速率同控傳能力大受影響。開波早段華拉尼同麥佳亞都因防守判斷失誤，而差少少俾到機會人地攻門。除左狀態，陣式位置上同球員能力既兼容性都出現問題。福仔善於個人爆破，用速度打反擊，但今場改踢右攻擊中場，要佢移入中間去做波就明顯欠缺創造性，俾波既尺寸、時機、線路都顯然不是果家波。般奴既狀態低迷，加上陣式上要係左路做波，仲要不時墜後去派牌都大大限制左佢既發揮。一遠離禁區，般奴能產生既威脅就大大降低，加上隊中只得佢有創造力去帶動球隊進攻，俗D講佢都收皮，曼聯進攻就等運到。前場格連活特同C朗既合作、互動走位亦明顯缺乏。各自為戰，對方又重兵守中路，一對防中亦缺乏穿透力既傳球同控場能力，整個上半場不斷就係傳幾下斷被反擊，或者由左至右再由右至左橫傳，紐記門將杜巴卡可謂相當悠閑。
紐記上半場一下攻勢足以致命
紐卡素部署十分正確。踢到7分鐘，右路後場界外球向前扔，朗史達夫將個波頭鎚撐後俾卡林威爾遜，華拉尼其實第一下成功拎左個身位，"得"開左威爾遜，但第二下想扣橫個波就俾朗史達夫打左荷包。佢一偷完就交俾左路既聖麥斯文，前場瞬間形成3打2。佢係禁區頂輕鬆扣大位擺過達洛特，再擺過埋黎補位既麥佳亞，再立即盪射尾柱入網，一己之力射破迪基亞十指關。落後既曼聯進攻乏力，不但未能製造具威脅埋門，更因組織乏力多次失去控球權被打反擊。紐記亦有舒爾菲怒推半場遠射。幸好，射波角度稍欠，被迪基亞擋出。
半場傷左卡林威爾遜，埋下失波伏線
踢到上半場尾段，卡林威爾遜一下施丹式轉身護波拉傷左小腿肌肉。賀維被逼用積及梅菲入替，推聖麥斯文打前鋒，梅菲則踢左翼位置。上半場有卡林威爾遜係前場竄擾，聖麥斯文係左路以強勁個人能力牽制住達洛特同麥湯文尼，令達洛特都唔敢壓太上進攻。但當要聖麥斯文改打前鋒，要佢背身拎波再轉身，又或者大腳向前踢等佢哨就大大削弱佢嘅牽制力。入替既梅菲亦不能如聖麥斯文玩弄達洛特，就令到佢既防守壓力下降，從而可以投入去進攻。 被追平既一下正正就係達洛治走到邊線無人看管下出波。
下半場蘭帥變陣換人有起色
下半場一開波就換人，蘭歷克㩒制換入辛祖同卡雲尼，換出零作用既格連活特同費特。將陣式改成4-4-2。福仔回歸左路，辛祖打右翼。前線係7+21。般奴則同麥湯形成雙防中，般奴進攻時則有較大自由度去前插，變成一個近乎4-1-3-2既陣式。但半場一開波又俾紐記嚇一嚇。右路一個靚既小組配合就可以沉底出波。可惜係小禁區既聖麥斯文未能把握，被迪基亞超快反應救出。變陣後既曼聯開始組織到攻勢，右路達洛治亦因防守壓力減弱可以放膽上前提供側擊。左路福仔踢番邊路亦漸漸上力。卡雲尼係中路既停波支點亦見效。曼聯先有福仔左路施展落葉射球被救出，後有卡雲尼接應辛祖右路傳中射斜。
曼聯入波都係要靠老將
踢到71分鐘，般奴係中路接應後場傳送後，靚傳一個過頭高波俾達洛治沉底。佢無人看管下傳地波俾係12碼點附近既卡雲尼。卡叔第一腳射就省到人，第二腳補射撻Q情況下，個波都碌左入尾袋追番一球。正正就係調左聖麥斯文踢前令到達洛治可以上到黎出波，而紐記防線亦只顧後移，而冇跟到人就俾卡叔有空位可以二連射。
蘭歷克再換反而削弱攻力，又係要不是迪基亞就一分都冇埋
賀維被追和後，係75分鐘用艾米朗換入賴恩費沙加強突破點；而蘭歷克就係78分鐘用馬迪換入麥湯文尼，進攻變成三中堅，再推前二閘，留般奴係中間駁腳。但偽三中堅既企位並冇拉闊球場，反而企得比較近中間，變相冇做到三個出球點，只係多左馬迪係後場控波。般奴亦因要留守中路，不能壓上亦浪費左佢既走位同創造力。賀維再係83分鐘因聖麥斯文受傷而要換入基爾，但紐記卻係尾段埋門不絕。先有積及梅菲禁區左路右腳chok射中尾柱彈出，後有艾米朗執到第二點係右路左腳chok尾袋，幸有迪基亞再次單手飛身撲出先唔駛輸波。今場聖基亞合共撲出對方多達8次射門，要不是迪基亞⋯⋯⋯⋯最後1:1打成平手。
總結
臨近轉會市場在即，紐卡素多名球員都踢出鬥心，爭取表現務求可以留隊或搶正選位置。五五波甚至乎四六波都可以搶贏曼聯就可以見到。控球雖然僅得三成，但全場十三射八中就見到穩守突擊既成功。曼聯全場表現可謂垃圾，係在座各位球員都係，除左迪基亞神勇及卡雲尼半場既入波。球員狀態低迷，陣式同球員兼容性亦需要解決，我認為翼鋒當攻中打係唔可行，始終冇攻中既思維同創造力，辛祖或者仲可以一試。雙攻中亦限制左般奴發揮，而中場既麥費組合未能運波上前俾般奴去做既問顯依舊係度，兩任領隊都未有多起用雲迪碧克，真不知道問題所在。後防線既麥隊長今場再次派路上身係後場派牌，效果又唔見理想，做波唔駛你啦。前鋒線綠木同C朗亦見唔到場中有交流(有心病？) 長期用721組合難以應付頻密賽程。C朗係場中亦多番埋怨隊友，更發脾氣怒踢對方，唔駛拎紅牌真係擺明係有光環。老大哥既佢仍然係贏緊波會追會逼，一輸緊或者隊友踢得差就缺乏鼓勵隊友，冇嘗試主動帶大家反擊。呢樣野絕非今場先發生，佢絕對需要企出黎嗌醒隊友而非再埋怨。蘭歷克上任後都帶左四場波，雖然四場都不敗，但對方只係榜尾球隊加一場歐聯對年青人。唔計年青人用副選出戰，只得對水晶宮係贏得較有說服力同見到佢強調既逼搶。面對諾域治只憑對手送禮12碼先贏到，場面更係落下風；面對紐卡素亦因對方進攻主力傷出，再靠聖基亞上身先拎到一分。蘭帥真係要諗諗計，再咁踢分分鐘頭四都未必有。
請按此登錄後留言。未成為會員? 立即註冊