養精蓄銳既曼聯誓破金絲雀（賽前預測陣容-曼聯對諾域治）

周中歐聯賽事，曼聯因上場贏維拉利爾已篤定首名出線，所以作出大幅度輪換，派出大量副選同部分年青球員應戰。風流波下以一比一打和年青人。番到聯賽對住排榜尾既金絲雀，抖左一星期既正選球員好氣好力，加上球員質素既分野，實在冇唔贏波既理由。

周中歐聯改踢4-1-4-1，相信今場會轉番踢4-2-2-2。龍門迪基亞復任正選。泰利斯、達洛特會繼續係邊路提供側擊火力。雖然拜利上場再次展現佢既質素，但相信都會先列後備，用連迪路夫拍住麥佳亞出任中堅。基於二閘要支配整條邊路，麥費組合既大範圍防守已變成不可或缺。左右攻擊中場會繼續由般奴費南迪斯同辛祖擔任。前線會係一老一少組合，C朗拿度拍住華舒福在前攻堅。
預測曼聯正選陣容
迪基亞
達洛特 連迪路夫 麥佳亞 泰利斯
麥湯文尼 費特
辛祖 般奴費南迪斯
C朗拿度 華舒福