雙方正選陣容
卡域克排出4-4-1-1陣式。龍門迪基亞。麥佳亞復任正選拍連迪路夫，左右閘起用泰利斯同達洛特。一對防中係費特同麥湯文尼，左右翼鋒係辛祖及華舒福。攻擊中場般奴費南迪斯拍復任正選既C朗拿度係前面爭取入球。
阿迪達排出4-4-1-1陣式。龍門藍斯度。防線由左至右係泰華利斯、加比爾、賓韋治、富安健洋。一對防中係湯馬斯拍住艾蘭尼。左右翼係史密夫路同馬天利尼。攻擊中場奧迪加特拍住奧巴美羊在前攻堅。
卡域克都嘗試係前場逼搶阿仙奴，效果一般但好過冇當個波係阿仙奴後場死球，C朗同福仔會變成雙箭頭防守一對中堅。般奴係禁區頂附遮住一對中場既傳球線路，左右閘就推上防守對方二閘。麥湯費特就要兼顧中路空間同對方既翼鋒球員。當個波一去到邊路，而二閘對波時間或遮線線路稍有失誤，就好容易俾人係邊線三打二，上半場多次俾人憑兩三腳傳送輕鬆轉方向就破解左前場逼搶。都係老問題，踢逼搶係整隊人包括前鋒都需要跑動，又想保留C朗體力，但又想係前場逼難以兩全其美，而其他人要跑埋你果份所付出既體力消耗都大。
達叔：我都識係前場逼搶
面對曼聯，阿迪達毫不猶豫地係前場進行逼搶，而曼聯係解除逼搶方面既能力係差黎講可以話係完美，中場仍然係麥費組合就仍然係難運波上前場。係未失波前，阿仙奴係佔有主導權，幾積極去搶攻，但阿仙奴既兩翼對住曼聯擅攻不善守既達洛特同泰利斯竟然冇優勢，中間奧迪加特狀態一般，未能係前場積極策動。控球權係有，生波真正威脅唔算好大，但淨靠角球都夠嚇死曼聯粉絲。踢到13分鐘，阿仙奴右路角球開出，費特唔小心踩到迪基亞令後者倒地，但球證未有察覺。艾蘭尼係禁區拎番個波，再俾史密夫路就求其射埋去。因門將倒地又冇球證吹雞，個波就輕鬆碌左入網。最後，經var判斷後，確定入球有效。呢球係球例上講確係入球有效，始終球證冇吹雞暫停比賽，但站在公平競技既層面上又有冇條件吹番轉頭，俾阿仙奴係禁區獲得一個自由球代替入球，FIFA又可以傾下。
落後既曼聯積極反撲，亦有賴阿仙奴縮後
失波後既曼聯整隊醒一醒，開始積極反撲，而阿仙奴入完波後就縮後打反擊，呢個你進我退就令到曼聯多左空間去創造埋門機會。今仗二閘既達洛特同泰利斯展現到佢地既進攻力，適時既後上同有質素既傳中球，都能令曼聯增添進攻模式。近兩仗都入波既辛祖明顯信心大增，多左個人盤扭突破推進，加上泰利斯果敢壓上，聯同般奴都多左左路小組配合。福仔今場除左係右路側擊，亦有時走黎左面幫手。 雖然阿仙奴縮後防線令曼聯拎到主導權，但個波去到final third就受制於密集防守，未能真係創造到黃金機會，已經要數麥隊長兩次禁區外既埋門同C朗兩腳軟弱無力既射門係較有威脅。
追平要靠費特既靈光一閃，但亦係4-2-3-1陣式一個攻破對手既方法
曼聯圍攻至44分鐘終有成效，辛祖係左路持球引到二人夾擊，福仔過左左路嘗試走overlap幫佢拉開對手。費特係辛祖妹下妹下果陣，突然由中場直插入左路half-space位置，係左面小禁區角接應辛祖傳送後再cut-back俾般奴，般奴撞射入網，追成平手。費特呢下正正係展現4-2-3-1下係需要有人進攻half-space創造空間或者拉開對手，兩名中場中要適時後上插入去支援進攻。口臭都要講，普巴係呢樣必定做到，就係隔離果個要有強力掃蕩加控制中場能力去保護防線，唉⋯上半場，完！
福仔踢右有威脅又有助攻啦
下半場雙方冇換人，但達叔隊波又壓番上前攻過。要不是迪基亞係47分鐘神勇救出既加比爾接應角球既埋門，又可以再次領先。轉過頭，曼聯還以顏色。C朗係右邊窄位接應般奴既斜線，右腳一cup左腳快射，可惜被擋出。呢腳係佢踢到呢刻最似樣既埋門。兩隊繼續互有攻守。踢到52分鐘，福仔右路快放沉底，㩒地波俾到C朗拿度係門前撞射破網，反超前二比一。今場多左大佬後上支援，福仔既可以入禁區接應，又可以拉闊出波或者突破入中路；而係左路雖然佢可以內切射門，但佢既命中率同射波既質素又唔係咁高，但就下下都推番大位令對手容易防守，何不利用佢主力打右邊等0攻力既雲比沙加專心防務呢？
沉寂既奧迪加特入番球拎番唔少分數
踢到54分鐘，阿仙奴係左路組織進攻，湯馬士係左路地波直接轉向俾右路空晒既馬天利尼。要先讚奧迪加特既走位，佢先係泰利斯附近準備，一見湯馬士轉到身準備轉方向就斜走現身中路，將泰利斯拉入中路就令到馬天尼利無人看管，跟住再隨即走入禁區接應。馬天利尼第一時間右路地波傳中，搵番後上入禁區既奧迪加特右腳射尾柱入網。球速唔算快，勝在有角度，加上龍門前面成堆人令迪基亞視線受阻就救唔到。
費特照辦煮碗搏到12碼
踢到70分鐘，曼聯左路組織攻勢，費特再次後上插入左路half-space位置接應辛祖既傳送。奧迪加特魯莽從後飛剷費特但完全踢唔中波，球證企既角度係唔能夠判斷，所以佢容許比賽繼續。VAR再度出手，球證睇重播後直指12碼。C朗拿度怒射中間破網，曼聯再度反超前。雖然今場費特交波仍然九流，但埋身搶截，不停跑動，再加兩下靈光一閃後上，都多左唔少分去爭MOM。
阿仙奴變變變，但都被迪基亞頂住
達叔即刻用薩卡換走史密夫路，想利用薩卡既突破力針對泰利斯黎攻，將馬天尼利移去左路，效果卻未見好突出。直到79分鐘再換，拿卡錫迪入替魯莽飛剷既奧迪加特，同尼基迪亞入替今場表現平平既奧巴美羊。除左變左做雙箭頭，亦將艾蘭尼進攻時移後變成三中堅，進一步將左閘泰華利斯同富安健洋推前，不停嘗試利用側擊傳中球威脅曼聯防線。泰華利斯多次係左路傳出急勁傳中去尾柱等前鋒去同泰利斯爭頂，因泰利斯頂上功夫一般，只要個波越過麥隊長就能製造威脅。薩卡多次係尾柱執到傳中球再射門又或者再吊傳回尾柱，曼聯門前雖響起警號，但迪基亞繼續維持高水準表現，再冇被射破十指關。卡域克其實都有係79分鐘換入連加特去打反擊，不過表現一般。最後換入馬斯亞同雲迪碧克都係浪費下時間同叫做保持球隊活力。場雞一響，下半場，完！
總結
執筆之時，卡域克亦已遞信請辭，帶領曼聯以兩勝一和既成績完結短暫曼聯領隊生涯都係一個唔錯既體驗，好期待新帥帶到新思維新模式俾呢班球員。講番今場，已經淪為中游對碰就唔好再當自己係強隊啦。睇下人地球員既年齡層同身價，再睇下我地一班球員交出咩表現黎。唔係話要場場炒人先叫強，踢落起碼要見到質素上既分野，見到隊波既隊型，球員間既互動，仲有果種食硬你既氣勢。今場贏波都值得J番兩下，見到辛祖重拾信心下有脫胎換骨既表現，希望其他球員都可以慢慢拎番自信，為爭取前四而繼續努力。最後，多謝卡域克呢幾場既帶領，祝你前程錦繡！
卡域克排出4-4-1-1陣式。龍門迪基亞。麥佳亞復任正選拍連迪路夫，左右閘起用泰利斯同達洛特。一對防中係費特同麥湯文尼，左右翼鋒係辛祖及華舒福。攻擊中場般奴費南迪斯拍復任正選既C朗拿度係前面爭取入球。
阿迪達排出4-4-1-1陣式。龍門藍斯度。防線由左至右係泰華利斯、加比爾、賓韋治、富安健洋。一對防中係湯馬斯拍住艾蘭尼。左右翼係史密夫路同馬天利尼。攻擊中場奧迪加特拍住奧巴美羊在前攻堅。
卡域克都嘗試係前場逼搶阿仙奴，效果一般但好過冇當個波係阿仙奴後場死球，C朗同福仔會變成雙箭頭防守一對中堅。般奴係禁區頂附遮住一對中場既傳球線路，左右閘就推上防守對方二閘。麥湯費特就要兼顧中路空間同對方既翼鋒球員。當個波一去到邊路，而二閘對波時間或遮線線路稍有失誤，就好容易俾人係邊線三打二，上半場多次俾人憑兩三腳傳送輕鬆轉方向就破解左前場逼搶。都係老問題，踢逼搶係整隊人包括前鋒都需要跑動，又想保留C朗體力，但又想係前場逼難以兩全其美，而其他人要跑埋你果份所付出既體力消耗都大。
達叔：我都識係前場逼搶
面對曼聯，阿迪達毫不猶豫地係前場進行逼搶，而曼聯係解除逼搶方面既能力係差黎講可以話係完美，中場仍然係麥費組合就仍然係難運波上前場。係未失波前，阿仙奴係佔有主導權，幾積極去搶攻，但阿仙奴既兩翼對住曼聯擅攻不善守既達洛特同泰利斯竟然冇優勢，中間奧迪加特狀態一般，未能係前場積極策動。控球權係有，生波真正威脅唔算好大，但淨靠角球都夠嚇死曼聯粉絲。踢到13分鐘，阿仙奴右路角球開出，費特唔小心踩到迪基亞令後者倒地，但球證未有察覺。艾蘭尼係禁區拎番個波，再俾史密夫路就求其射埋去。因門將倒地又冇球證吹雞，個波就輕鬆碌左入網。最後，經var判斷後，確定入球有效。呢球係球例上講確係入球有效，始終球證冇吹雞暫停比賽，但站在公平競技既層面上又有冇條件吹番轉頭，俾阿仙奴係禁區獲得一個自由球代替入球，FIFA又可以傾下。
落後既曼聯積極反撲，亦有賴阿仙奴縮後
失波後既曼聯整隊醒一醒，開始積極反撲，而阿仙奴入完波後就縮後打反擊，呢個你進我退就令到曼聯多左空間去創造埋門機會。今仗二閘既達洛特同泰利斯展現到佢地既進攻力，適時既後上同有質素既傳中球，都能令曼聯增添進攻模式。近兩仗都入波既辛祖明顯信心大增，多左個人盤扭突破推進，加上泰利斯果敢壓上，聯同般奴都多左左路小組配合。福仔今場除左係右路側擊，亦有時走黎左面幫手。 雖然阿仙奴縮後防線令曼聯拎到主導權，但個波去到final third就受制於密集防守，未能真係創造到黃金機會，已經要數麥隊長兩次禁區外既埋門同C朗兩腳軟弱無力既射門係較有威脅。
追平要靠費特既靈光一閃，但亦係4-2-3-1陣式一個攻破對手既方法
曼聯圍攻至44分鐘終有成效，辛祖係左路持球引到二人夾擊，福仔過左左路嘗試走overlap幫佢拉開對手。費特係辛祖妹下妹下果陣，突然由中場直插入左路half-space位置，係左面小禁區角接應辛祖傳送後再cut-back俾般奴，般奴撞射入網，追成平手。費特呢下正正係展現4-2-3-1下係需要有人進攻half-space創造空間或者拉開對手，兩名中場中要適時後上插入去支援進攻。口臭都要講，普巴係呢樣必定做到，就係隔離果個要有強力掃蕩加控制中場能力去保護防線，唉⋯上半場，完！
福仔踢右有威脅又有助攻啦
下半場雙方冇換人，但達叔隊波又壓番上前攻過。要不是迪基亞係47分鐘神勇救出既加比爾接應角球既埋門，又可以再次領先。轉過頭，曼聯還以顏色。C朗係右邊窄位接應般奴既斜線，右腳一cup左腳快射，可惜被擋出。呢腳係佢踢到呢刻最似樣既埋門。兩隊繼續互有攻守。踢到52分鐘，福仔右路快放沉底，㩒地波俾到C朗拿度係門前撞射破網，反超前二比一。今場多左大佬後上支援，福仔既可以入禁區接應，又可以拉闊出波或者突破入中路；而係左路雖然佢可以內切射門，但佢既命中率同射波既質素又唔係咁高，但就下下都推番大位令對手容易防守，何不利用佢主力打右邊等0攻力既雲比沙加專心防務呢？
沉寂既奧迪加特入番球拎番唔少分數
踢到54分鐘，阿仙奴係左路組織進攻，湯馬士係左路地波直接轉向俾右路空晒既馬天利尼。要先讚奧迪加特既走位，佢先係泰利斯附近準備，一見湯馬士轉到身準備轉方向就斜走現身中路，將泰利斯拉入中路就令到馬天尼利無人看管，跟住再隨即走入禁區接應。馬天利尼第一時間右路地波傳中，搵番後上入禁區既奧迪加特右腳射尾柱入網。球速唔算快，勝在有角度，加上龍門前面成堆人令迪基亞視線受阻就救唔到。
費特照辦煮碗搏到12碼
踢到70分鐘，曼聯左路組織攻勢，費特再次後上插入左路half-space位置接應辛祖既傳送。奧迪加特魯莽從後飛剷費特但完全踢唔中波，球證企既角度係唔能夠判斷，所以佢容許比賽繼續。VAR再度出手，球證睇重播後直指12碼。C朗拿度怒射中間破網，曼聯再度反超前。雖然今場費特交波仍然九流，但埋身搶截，不停跑動，再加兩下靈光一閃後上，都多左唔少分去爭MOM。
阿仙奴變變變，但都被迪基亞頂住
達叔即刻用薩卡換走史密夫路，想利用薩卡既突破力針對泰利斯黎攻，將馬天尼利移去左路，效果卻未見好突出。直到79分鐘再換，拿卡錫迪入替魯莽飛剷既奧迪加特，同尼基迪亞入替今場表現平平既奧巴美羊。除左變左做雙箭頭，亦將艾蘭尼進攻時移後變成三中堅，進一步將左閘泰華利斯同富安健洋推前，不停嘗試利用側擊傳中球威脅曼聯防線。泰華利斯多次係左路傳出急勁傳中去尾柱等前鋒去同泰利斯爭頂，因泰利斯頂上功夫一般，只要個波越過麥隊長就能製造威脅。薩卡多次係尾柱執到傳中球再射門又或者再吊傳回尾柱，曼聯門前雖響起警號，但迪基亞繼續維持高水準表現，再冇被射破十指關。卡域克其實都有係79分鐘換入連加特去打反擊，不過表現一般。最後換入馬斯亞同雲迪碧克都係浪費下時間同叫做保持球隊活力。場雞一響，下半場，完！
總結
執筆之時，卡域克亦已遞信請辭，帶領曼聯以兩勝一和既成績完結短暫曼聯領隊生涯都係一個唔錯既體驗，好期待新帥帶到新思維新模式俾呢班球員。講番今場，已經淪為中游對碰就唔好再當自己係強隊啦。睇下人地球員既年齡層同身價，再睇下我地一班球員交出咩表現黎。唔係話要場場炒人先叫強，踢落起碼要見到質素上既分野，見到隊波既隊型，球員間既互動，仲有果種食硬你既氣勢。今場贏波都值得J番兩下，見到辛祖重拾信心下有脫胎換骨既表現，希望其他球員都可以慢慢拎番自信，為爭取前四而繼續努力。最後，多謝卡域克呢幾場既帶領，祝你前程錦繡！
請按此登錄後留言。未成為會員? 立即註冊