雙方出場陣容
韋拉排出4-2-3-1陣式。龍門古亞達，防線左至右係米曹、基爾、湯堅斯、祖爾禾特。一對防中係高耶迪拍住米利禾積域。左右翼係沙夏同奧利斯。攻擊中場加拉查支援前鋒賓迪基。
謝拉特排出4-3-2-1陣式。龍門馬天尼斯。防線左至右係泰格、明斯、干沙、卡殊。拿甘巴逗後少少踢防中，前面一左一右係積及藍斯同麥堅。兩名攻擊中場左楊格右庇利，前鋒係屈堅斯。
韋拉既張良計
水晶宮防守時係一個4-2-3-1陣式係前場會壓迫維拉既防線。進攻時會將陣式變為3-4-3。將祖爾禾特拉後形成三中堅，增加出球點，推左米曹同奧利斯打晒兩條邊路。沙夏就慣常係左路出現但要內收少少去踢。加拉查個自由度都大，可以係中路策動又或者插入右邊half-space位置幫右邊打小組配合。一對防中則較集中中路駁腳攔截居多。高耶迪甚少壓得好上去進攻，兩個中場創造力欠奉，只能靠加拉查係前場串連，就變左禁區既賓迪基缺乏支援。賓迪基就係最前點幫手做支點同係禁區等機會。上半場以加拉查同奧利斯呢面較為活躍，沙夏受制於被卡殊緊身攔截，加上沙夏不擅攻擊half-space，戰術上要求佢內切進攻，就令佢發揮欠佳。
謝老四都有佢既過牆梯
維拉全場都非常堅持地面控傳，就算前場被對手逼搶都唔會胡亂放高波俾屈堅斯去跳去追。係後場被逼搶時，積及藍斯同麥堅會適時移去閘位幫手連接，再將二閘推上。楊格同庇利會從中路回後現身overload中路去解除逼搶。進攻上將二閘打晒整條邊路，積及藍斯同麥堅兩個box-to-box球員到邊路組織，拿甘巴主力逗住中場轉邊，楊格較為集中中路，庇利則會到邊路以突破為主。屈堅斯亦會回後停波，或到邊路策動攻擊。
上半場看似水晶宮主導球賽，但其實維拉先係lead住黎踢
維拉放棄前場逼搶，任由對方三中堅出球，屈堅斯係前面都係焗水晶宮揀一邊進攻。當個波去到邊路米曹或奧利斯時，積及藍斯同麥堅會先埋位對波，等二閘企較近中路防止加拉查插入中路，楊格同庇利會後移遮住對面一對防中塞住中間，唔俾米利禾積域去串連較炮，逼奧利斯要回後，再慢慢推條防線出黎。一搶到波就搵前面屈堅斯停波等支援，或者經庇利做爆破。水晶宮只得加拉查有組織力，單蹄馬奧利斯又甚少推落底線，經常要擺番隻左腳就輕易俾泰格同積及藍斯守死。沙夏因位置問題加上被卡殊緊身攔截，米曹能力有限，中路又被鎖死。控球權較多只屬後場左左右右，進攻威脅欠奉。維拉雖然踢法上成功克制對方，但庇利既個人能力未能發揮，楊格已經恰如其份盡做。中場工兵較多，亦難以有具穿透力傳送，只能靠屈堅斯個人能力係前場製造威脅俾對方門將。上半場踢落係五五波，維拉仲可以睇高少少，而維拉入既一球亦係角球，泰格成功把握到。
下半場韋拉微調亦令到維拉嚇一嚇
下半場出黎，韋拉將沙夏挨住邊線黎踢，用多左對角長傳俾佢係左路發動攻勢。微調左踢法即刻令到維拉防線備受壓力。沙夏係左路配合米曹疊瓦係左路多左傳中提供闊度，令到中鋒賓迪基多左供應去嘗試埋門，真係拎番個勢。踢到60分鐘，韋拉先作出調動，用艾斯換入隊長既米利禾積域，係前場增加多一名護波能力，突破力強既球員加強攻力，將加拉查縮後一格係中路派牌，進攻時將陣式改為4-2-3-1。呢個調動非常合理，高耶迪同隊長功能重疊，隊長有牌在身就無謂搏，下場都可嘗試直接用加拉查拍其中一個踢防中，再增加前場進攻球員或能加強進攻火力。
謝老四見到人地變陣都不敢怠慢
韋拉下半場加強邊線既進攻能力，再換多個突破力強既艾斯，令到維拉二閘經常要面對二打一。謝老四係67分鐘換人，用杜格拉斯雷斯入替積及藍斯，將陣式改為4-4-2。前場留庇利同屈堅斯遮線。楊格左移轉踢左中場、麥堅右移到右中場。中路交俾拿甘巴同雷斯防守，加強番邊路人手，防止俾人overload邊路。場上戰況變為膠著，維拉換人調動亦令到水晶宮既進攻lag一lag。
水晶宮換人時維拉跟住換
踢到72分鐘，表現一般既沙夏被艾杜亞特換入。此子可踢邊路可踢中鋒，亦可以同艾斯互換位置，增加禁區既人手。出場後亦有一下施射可惜被馬天尼斯接實。同時亦再將陣式改為4-3-3，留一個高耶迪做防守，解放加拉查進攻。維拉5分鐘後用艾加斯入替乾乾地既庇利，再係85分鐘用布安迪亞入替楊格，都係加強前場活力。踢到86分鐘，更憑左路一次悅目組織，由艾加斯橫傳俾禁區頂麥堅左腳妙射建功，射成二比零。呢球波贏既功臣我會揀雷斯。佢係三閘線執到解圍第二點，並冇立即向前再踢，反而等一等水晶宮球員逼出黎，令後場多左空間先再發動俾泰格再向前進攻，先有呢球入波。韋拉最後再用佐敦艾耶換入奧利斯搏一搏。係補時階段，高耶迪係邊路傳中，基爾殺左上黎係門前一篤入網。最後，維拉以二比一擊敗水晶宮。
總結
韋拉大戰謝拉特，最後謝老四棋高一著。過程中見到兩隊都不停轉換陣式，去創造人手優勢去進攻。你出一招我就再用另一招。上半場維拉領先都算合理，下半場初段水晶宮踢得較上力，但未能平反敗局又失埋第二球就回天乏術。水晶宮進攻球員大多係突破型，只得加拉查一個以傳波走位配合，令到進攻比較單調。前場一冇空間俾你突破就進攻死火。維拉球員紀律性較好，雷斯復出應該好快會坐穩正選，但中場創造力低，見到要屈堅斯墮後串連再入番禁局埋門，間中一兩腳就得，要全場咁踢亦會浪費左佢體力影響門前把握力。呢場波見到兩個教頭都有自己既一套，睇下轉會窗開之後，兩個教頭點樣增兵去加強球隊實力先。
韋拉排出4-2-3-1陣式。龍門古亞達，防線左至右係米曹、基爾、湯堅斯、祖爾禾特。一對防中係高耶迪拍住米利禾積域。左右翼係沙夏同奧利斯。攻擊中場加拉查支援前鋒賓迪基。
謝拉特排出4-3-2-1陣式。龍門馬天尼斯。防線左至右係泰格、明斯、干沙、卡殊。拿甘巴逗後少少踢防中，前面一左一右係積及藍斯同麥堅。兩名攻擊中場左楊格右庇利，前鋒係屈堅斯。
韋拉既張良計
水晶宮防守時係一個4-2-3-1陣式係前場會壓迫維拉既防線。進攻時會將陣式變為3-4-3。將祖爾禾特拉後形成三中堅，增加出球點，推左米曹同奧利斯打晒兩條邊路。沙夏就慣常係左路出現但要內收少少去踢。加拉查個自由度都大，可以係中路策動又或者插入右邊half-space位置幫右邊打小組配合。一對防中則較集中中路駁腳攔截居多。高耶迪甚少壓得好上去進攻，兩個中場創造力欠奉，只能靠加拉查係前場串連，就變左禁區既賓迪基缺乏支援。賓迪基就係最前點幫手做支點同係禁區等機會。上半場以加拉查同奧利斯呢面較為活躍，沙夏受制於被卡殊緊身攔截，加上沙夏不擅攻擊half-space，戰術上要求佢內切進攻，就令佢發揮欠佳。
謝老四都有佢既過牆梯
維拉全場都非常堅持地面控傳，就算前場被對手逼搶都唔會胡亂放高波俾屈堅斯去跳去追。係後場被逼搶時，積及藍斯同麥堅會適時移去閘位幫手連接，再將二閘推上。楊格同庇利會從中路回後現身overload中路去解除逼搶。進攻上將二閘打晒整條邊路，積及藍斯同麥堅兩個box-to-box球員到邊路組織，拿甘巴主力逗住中場轉邊，楊格較為集中中路，庇利則會到邊路以突破為主。屈堅斯亦會回後停波，或到邊路策動攻擊。
上半場看似水晶宮主導球賽，但其實維拉先係lead住黎踢
維拉放棄前場逼搶，任由對方三中堅出球，屈堅斯係前面都係焗水晶宮揀一邊進攻。當個波去到邊路米曹或奧利斯時，積及藍斯同麥堅會先埋位對波，等二閘企較近中路防止加拉查插入中路，楊格同庇利會後移遮住對面一對防中塞住中間，唔俾米利禾積域去串連較炮，逼奧利斯要回後，再慢慢推條防線出黎。一搶到波就搵前面屈堅斯停波等支援，或者經庇利做爆破。水晶宮只得加拉查有組織力，單蹄馬奧利斯又甚少推落底線，經常要擺番隻左腳就輕易俾泰格同積及藍斯守死。沙夏因位置問題加上被卡殊緊身攔截，米曹能力有限，中路又被鎖死。控球權較多只屬後場左左右右，進攻威脅欠奉。維拉雖然踢法上成功克制對方，但庇利既個人能力未能發揮，楊格已經恰如其份盡做。中場工兵較多，亦難以有具穿透力傳送，只能靠屈堅斯個人能力係前場製造威脅俾對方門將。上半場踢落係五五波，維拉仲可以睇高少少，而維拉入既一球亦係角球，泰格成功把握到。
下半場韋拉微調亦令到維拉嚇一嚇
下半場出黎，韋拉將沙夏挨住邊線黎踢，用多左對角長傳俾佢係左路發動攻勢。微調左踢法即刻令到維拉防線備受壓力。沙夏係左路配合米曹疊瓦係左路多左傳中提供闊度，令到中鋒賓迪基多左供應去嘗試埋門，真係拎番個勢。踢到60分鐘，韋拉先作出調動，用艾斯換入隊長既米利禾積域，係前場增加多一名護波能力，突破力強既球員加強攻力，將加拉查縮後一格係中路派牌，進攻時將陣式改為4-2-3-1。呢個調動非常合理，高耶迪同隊長功能重疊，隊長有牌在身就無謂搏，下場都可嘗試直接用加拉查拍其中一個踢防中，再增加前場進攻球員或能加強進攻火力。
謝老四見到人地變陣都不敢怠慢
韋拉下半場加強邊線既進攻能力，再換多個突破力強既艾斯，令到維拉二閘經常要面對二打一。謝老四係67分鐘換人，用杜格拉斯雷斯入替積及藍斯，將陣式改為4-4-2。前場留庇利同屈堅斯遮線。楊格左移轉踢左中場、麥堅右移到右中場。中路交俾拿甘巴同雷斯防守，加強番邊路人手，防止俾人overload邊路。場上戰況變為膠著，維拉換人調動亦令到水晶宮既進攻lag一lag。
水晶宮換人時維拉跟住換
踢到72分鐘，表現一般既沙夏被艾杜亞特換入。此子可踢邊路可踢中鋒，亦可以同艾斯互換位置，增加禁區既人手。出場後亦有一下施射可惜被馬天尼斯接實。同時亦再將陣式改為4-3-3，留一個高耶迪做防守，解放加拉查進攻。維拉5分鐘後用艾加斯入替乾乾地既庇利，再係85分鐘用布安迪亞入替楊格，都係加強前場活力。踢到86分鐘，更憑左路一次悅目組織，由艾加斯橫傳俾禁區頂麥堅左腳妙射建功，射成二比零。呢球波贏既功臣我會揀雷斯。佢係三閘線執到解圍第二點，並冇立即向前再踢，反而等一等水晶宮球員逼出黎，令後場多左空間先再發動俾泰格再向前進攻，先有呢球入波。韋拉最後再用佐敦艾耶換入奧利斯搏一搏。係補時階段，高耶迪係邊路傳中，基爾殺左上黎係門前一篤入網。最後，維拉以二比一擊敗水晶宮。
總結
韋拉大戰謝拉特，最後謝老四棋高一著。過程中見到兩隊都不停轉換陣式，去創造人手優勢去進攻。你出一招我就再用另一招。上半場維拉領先都算合理，下半場初段水晶宮踢得較上力，但未能平反敗局又失埋第二球就回天乏術。水晶宮進攻球員大多係突破型，只得加拉查一個以傳波走位配合，令到進攻比較單調。前場一冇空間俾你突破就進攻死火。維拉球員紀律性較好，雷斯復出應該好快會坐穩正選，但中場創造力低，見到要屈堅斯墮後串連再入番禁局埋門，間中一兩腳就得，要全場咁踢亦會浪費左佢體力影響門前把握力。呢場波見到兩個教頭都有自己既一套，睇下轉會窗開之後，兩個教頭點樣增兵去加強球隊實力先。
請按此登錄後留言。未成為會員? 立即註冊