雙方出場陣容
蘇B排出4-2-3-1陣式。龍門迪基亞。防線由左至右係梳爾、麥佳亞、連迪路夫、雲比沙加。一對防中係馬迪拍麥湯文尼。左右翼係拉舒福特同辛祖。攻擊中場般奴費南迪斯拍住C朗拿度係前面攻堅。
雲尼亞里則擺出4-1-4-1陣式。龍門賓科士打。後防左至右係馬仙拿、尼高奴、卡夫卡特、費文尼亞。逗後防中係路沙，中場線左至右係京治、穆沙施素高、卡華利、沙亞。前鋒係丹尼斯。
屈福特主場乘機打落水狗
雲伯伯一開波就同你係前場玩體力逼搶，屈福特球員大多冇踢國際賽，休息左接近兩星期自然好氣好力。前鋒丹尼斯焗你個波去一邊。針對住曼聯一對防中麥湯文尼同馬迪，不擅突破向前同護波力不足，加上速率偏慢既弱點，利用大大舊既施素高同勤力到爆既聰明仔不停施壓。路沙追住般奴，唔俾佢輕易轉身就已經將曼聯整條中軸打殘。C朗嘗試墮後停波，亦令到前線僅得福仔一個，難以牽制對手防線，令屈福特防線逼得更上，縮窄與中場線的距離，令到頭三十分既曼聯唔好話進攻，連個波係後面搓兩板都有困難。
蘇B既排陣再次死係對防中度
普巴停賽（唔停都應該唔會再用），中場僅餘下馬迪、雲迪碧克、麥湯文尼同費特。費特踢完兩場國際賽事，先列後備甚為合理。馬迪同麥湯文尼兩者優缺點明顯，馬迪擅長遮線，控制節奏，但速率偏慢；麥湯文尼則擅長同人埋身攔截，但護波組織都係弱項。重點係兩者都係以守為先，兩個一齊出就令到中場冇人去派牌組織進攻。當你要般奴落到後場幫手串連進攻，整隊係前場組織到既威脅必定有限，亦係點解蘇B好堅持用普巴打防中既原因之一。結果就係成條中場速率輸、控球輸、攔截都輸。中場輸晒，後防不停受壓就埋下輸波伏線。
迪基亞連救兩下十二碼踢到六分鐘，曼聯左面後場界外球。梳爾搵到現身中路既般奴，一扔俾佢佢想大腳踢去右面但撻左Q，個波飛左去自己禁區頂。麥湯文尼情急之下係禁區撞跌左京治輸12碼。沙亞操刀，被迪基亞捉到路救出，費文尼亞衝前補射入網。VAR發現雙方都有球員早左入禁區，而決左重射。沙亞再次操刀，亦被迪基亞再次救出。屈福特繼續前場施壓佔據主導權，但始終球員質素有限，即使前場成功搶斷並立刻轉守為攻，但往往最後一傳欠準又或者隊友間既配合有誤會，先令到曼聯未失第一球。
頭30分鐘完全挨打好難唔輸
唔止生波挨打，就連死球都令到曼聯條防線飽吃驚風散。踢到28分鐘終於都要失守，丹尼斯係左路沉底出地波，個波通左雲比沙加大細，俾到小禁區無人看管既京治撞射破網。禁區足足有7個紅魔鬼球員，兩個去左守丹尼斯，都仲有5個人去守3個進攻球員，都可以冇人防守京治。最大責任就係麥湯文尼，佢冇警覺性去防守最近佢既京治。
失波既野就係一不離二
失完波既曼聯只得般奴係左面一腳對角過頭波，俾到福仔用右腳撞射係最有威脅。生波完全組織唔到。福仔都嘗試同辛祖換下位，但作用效果不大。踢到43分鐘，屈福特右路攻勢，形成三打三局面。聰明仔係右路橫傳俾費文尼亞就走位，打左個1-2就再沉落右路邊線。費文尼亞俾完就再向前走位。明明辛祖就防守緊費文尼亞，只要佢有跟，聰明仔就唔會俾到佢沉底出波，但辛祖冇，佢個防守意識明顯有問題。費文尼亞係底線突然空左，就令梳爾要放棄沙亞埋去防守費文尼亞出波。費文尼亞睇到定cut-back俾沙亞，佢又再次無人看管下射尾柱入網。麥佳亞先橫移保護近柱，防止攻方球員搶前點，然後再追出去封近柱位，我覺得係無可厚非。皆因原本守沙亞既係梳爾，因辛祖既甩位先令梳爾要包。麥隊長又冇理由讓近柱俾人攝而一早追出去，所以呢下要搵戰犯既話，我會揀係辛祖。
雲迪碧克既出場完全打蘇B面
落後兩球都要尋求改變，蘇B半場就換兩個，用雲迪碧克入替有黃牌在身既麥湯文尼，實屬明智之舉（最明智梗係一早正選）。另一個就係用馬斯亞入替福仔。並將陣式改為4-3-3，用馬迪一個逗後中場，般奴雲迪碧克一左一右支援前線。馬仔踢最前，C朗拿度轉踢左翼。下半場一開已經見到雲迪碧克踢box-to-box既能力。多次無球跑動，現身駁腳，帶到活力俾曼聯既中場線。轉踢4-3-3，亦令到屈福特中路防守一時間適應唔到。踢到50分鐘，般奴中路引球推進向前俾波現身既馬仔，跟住走入禁區。C朗、般奴、雲迪碧克，三人同時集中中路，令到馬仙拿要收窄防線，縮左入中路、放空左右路既辛祖。馬仔見狀即刻分邊，等辛祖望空出波。佢一控一扯個急勁高波去尾柱，C朗竟然set橫俾空晒既雲迪碧克撞入空門，追番一球，亦帶動起曼聯全隊士氣。5分鐘一次攻勢就追番一球，佢除左打蘇B面，亦燃起反cup既鬥志。
麥隊長送蘇B一程
屈福特因體能下滑未能如上半場瘋狂逼搶，加上曼聯轉陣同火速追番一球，令到屈福特只能靠反擊制造威脅。相反，雲迪碧克多次傳送帶動進攻，激活右路既辛祖，使辛祖多次係右路提供具質素傳中球，雲迪碧克亦有直線俾到C朗攻門，可惜就係差入果一下。眼見愈黎愈似樣，麥隊長卻再次派膠。佢係自己後場中路持球，聰明仔只係跑緊去壓迫。佢突然跳制推橫個波想避開聰明仔。但推既線路稍稍向左前，聰明仔一加速就拎埋波想走人。麥隊長立即出腳截停，結果當然只踢中人，拎第二面黃牌變紅，被逐離場。明明只需要交走個波就解除威脅，結果就要整隊波打少個。今次真係睇你表演如何食牌。
雲尼亞里第三個調動要讚
蘇B選擇唔換人，將馬迪縮後一格踢中堅，般奴再逗後一格踢防中，雲迪碧克踢攻中自由走動。呢個決定都可明白，整隊下半場表現有提升，又只淨一個換人名額，冇理由用左黎換中堅，就算踢十個人，曼聯既表現都唔係差，都仲創造到不少埋門機會。可惜C朗既射門唔中目標，般奴係禁區頂射門又飛機。呢段時間屈福特都幾受壓。踢到77分鐘，雲尼亞里選擇用祖奧柏度換入防中既路沙。呢個調動要讚既係佢加強番前場既活力壓迫，唔容許曼聯係後場太從容地組織個波上前場。呢個調動令到曼聯再難以組織有效攻勢。
補時俾人連入兩球都冇辦法
踢到91分鐘，曼聯原本既一下反擊，因馬仔推甩腳，又變成對方既反擊。丹尼斯係右路引下引下，等到祖奧柏度走位就俾個直線落窄位。祖奧柏度右腳邊走邊射，射破迪基亞大細龍門。呢個射門球速都快，但始終都係窄位仲要係輸地波近柱，迪基亞都有一定既責任。踢到94分鐘，賓科士打生波大腳踢前，馬迪頂唔到就漏左去後面。後備入替既達洛特又俾古曹食左個身位。當古曹想轉身窩利抽射時，跟進既丹尼斯篤左個波向前，就即刻用右腳係右路窄位射尾柱入網。呢個波就冇得救，唯一要鬧就係馬迪冇再回追丹尼斯，達洛特又俾人食左個身位解唔到圍。最場完場埋單輸四比一。
總結
先講番場波，最後既45分鐘先用雲迪碧克去救自己實在係太蠢。如果肯早幾場波已經轉陣式起用佢，或者已經可以帶蘇B逃出生天。上半場用既一對防中都可預見會係咁既戰況發生，只怪點解要咁出人；下半場既表現我覺得唔失禮既，即使打少個，但鬥志有埋門有，只係把握唔到。最後大軍壓境唔入就輸多兩球算係非戰之罪。講講帥位問題，蘇B最後就被炒，球隊就叫卡域克費查孭住隻鑊先。我一路都唔建議炒既原因之一係未有具級數既領隊會黎既話，就唔好炒住。呢隻鑊根本好難孭，領隊蘇B唔係冇問題，但球員個人問題，陣容配置，戰術部署同球員相容性等的問題亦不能乏略。依家咁樣求其搵人頂住先，亦睇得出管理層缺乏遠見規劃，只係太多人嘈就搵人開左刀止左血先。老實講，連羅渣士都拒絕曼聯就知呢隻鑊絕不易孭。周中歐聯又黎，我都唔期望卡域克費查會改變到隊波，只期望落場既球員會為自己為曼聯拼搏就可以了！無論隊波點都好，都要繼續撐！
蘇B排出4-2-3-1陣式。龍門迪基亞。防線由左至右係梳爾、麥佳亞、連迪路夫、雲比沙加。一對防中係馬迪拍麥湯文尼。左右翼係拉舒福特同辛祖。攻擊中場般奴費南迪斯拍住C朗拿度係前面攻堅。
雲尼亞里則擺出4-1-4-1陣式。龍門賓科士打。後防左至右係馬仙拿、尼高奴、卡夫卡特、費文尼亞。逗後防中係路沙，中場線左至右係京治、穆沙施素高、卡華利、沙亞。前鋒係丹尼斯。
屈福特主場乘機打落水狗
雲伯伯一開波就同你係前場玩體力逼搶，屈福特球員大多冇踢國際賽，休息左接近兩星期自然好氣好力。前鋒丹尼斯焗你個波去一邊。針對住曼聯一對防中麥湯文尼同馬迪，不擅突破向前同護波力不足，加上速率偏慢既弱點，利用大大舊既施素高同勤力到爆既聰明仔不停施壓。路沙追住般奴，唔俾佢輕易轉身就已經將曼聯整條中軸打殘。C朗嘗試墮後停波，亦令到前線僅得福仔一個，難以牽制對手防線，令屈福特防線逼得更上，縮窄與中場線的距離，令到頭三十分既曼聯唔好話進攻，連個波係後面搓兩板都有困難。
蘇B既排陣再次死係對防中度
普巴停賽（唔停都應該唔會再用），中場僅餘下馬迪、雲迪碧克、麥湯文尼同費特。費特踢完兩場國際賽事，先列後備甚為合理。馬迪同麥湯文尼兩者優缺點明顯，馬迪擅長遮線，控制節奏，但速率偏慢；麥湯文尼則擅長同人埋身攔截，但護波組織都係弱項。重點係兩者都係以守為先，兩個一齊出就令到中場冇人去派牌組織進攻。當你要般奴落到後場幫手串連進攻，整隊係前場組織到既威脅必定有限，亦係點解蘇B好堅持用普巴打防中既原因之一。結果就係成條中場速率輸、控球輸、攔截都輸。中場輸晒，後防不停受壓就埋下輸波伏線。
迪基亞連救兩下十二碼踢到六分鐘，曼聯左面後場界外球。梳爾搵到現身中路既般奴，一扔俾佢佢想大腳踢去右面但撻左Q，個波飛左去自己禁區頂。麥湯文尼情急之下係禁區撞跌左京治輸12碼。沙亞操刀，被迪基亞捉到路救出，費文尼亞衝前補射入網。VAR發現雙方都有球員早左入禁區，而決左重射。沙亞再次操刀，亦被迪基亞再次救出。屈福特繼續前場施壓佔據主導權，但始終球員質素有限，即使前場成功搶斷並立刻轉守為攻，但往往最後一傳欠準又或者隊友間既配合有誤會，先令到曼聯未失第一球。
頭30分鐘完全挨打好難唔輸
唔止生波挨打，就連死球都令到曼聯條防線飽吃驚風散。踢到28分鐘終於都要失守，丹尼斯係左路沉底出地波，個波通左雲比沙加大細，俾到小禁區無人看管既京治撞射破網。禁區足足有7個紅魔鬼球員，兩個去左守丹尼斯，都仲有5個人去守3個進攻球員，都可以冇人防守京治。最大責任就係麥湯文尼，佢冇警覺性去防守最近佢既京治。
失波既野就係一不離二
失完波既曼聯只得般奴係左面一腳對角過頭波，俾到福仔用右腳撞射係最有威脅。生波完全組織唔到。福仔都嘗試同辛祖換下位，但作用效果不大。踢到43分鐘，屈福特右路攻勢，形成三打三局面。聰明仔係右路橫傳俾費文尼亞就走位，打左個1-2就再沉落右路邊線。費文尼亞俾完就再向前走位。明明辛祖就防守緊費文尼亞，只要佢有跟，聰明仔就唔會俾到佢沉底出波，但辛祖冇，佢個防守意識明顯有問題。費文尼亞係底線突然空左，就令梳爾要放棄沙亞埋去防守費文尼亞出波。費文尼亞睇到定cut-back俾沙亞，佢又再次無人看管下射尾柱入網。麥佳亞先橫移保護近柱，防止攻方球員搶前點，然後再追出去封近柱位，我覺得係無可厚非。皆因原本守沙亞既係梳爾，因辛祖既甩位先令梳爾要包。麥隊長又冇理由讓近柱俾人攝而一早追出去，所以呢下要搵戰犯既話，我會揀係辛祖。
雲迪碧克既出場完全打蘇B面
落後兩球都要尋求改變，蘇B半場就換兩個，用雲迪碧克入替有黃牌在身既麥湯文尼，實屬明智之舉（最明智梗係一早正選）。另一個就係用馬斯亞入替福仔。並將陣式改為4-3-3，用馬迪一個逗後中場，般奴雲迪碧克一左一右支援前線。馬仔踢最前，C朗拿度轉踢左翼。下半場一開已經見到雲迪碧克踢box-to-box既能力。多次無球跑動，現身駁腳，帶到活力俾曼聯既中場線。轉踢4-3-3，亦令到屈福特中路防守一時間適應唔到。踢到50分鐘，般奴中路引球推進向前俾波現身既馬仔，跟住走入禁區。C朗、般奴、雲迪碧克，三人同時集中中路，令到馬仙拿要收窄防線，縮左入中路、放空左右路既辛祖。馬仔見狀即刻分邊，等辛祖望空出波。佢一控一扯個急勁高波去尾柱，C朗竟然set橫俾空晒既雲迪碧克撞入空門，追番一球，亦帶動起曼聯全隊士氣。5分鐘一次攻勢就追番一球，佢除左打蘇B面，亦燃起反cup既鬥志。
麥隊長送蘇B一程
屈福特因體能下滑未能如上半場瘋狂逼搶，加上曼聯轉陣同火速追番一球，令到屈福特只能靠反擊制造威脅。相反，雲迪碧克多次傳送帶動進攻，激活右路既辛祖，使辛祖多次係右路提供具質素傳中球，雲迪碧克亦有直線俾到C朗攻門，可惜就係差入果一下。眼見愈黎愈似樣，麥隊長卻再次派膠。佢係自己後場中路持球，聰明仔只係跑緊去壓迫。佢突然跳制推橫個波想避開聰明仔。但推既線路稍稍向左前，聰明仔一加速就拎埋波想走人。麥隊長立即出腳截停，結果當然只踢中人，拎第二面黃牌變紅，被逐離場。明明只需要交走個波就解除威脅，結果就要整隊波打少個。今次真係睇你表演如何食牌。
雲尼亞里第三個調動要讚
蘇B選擇唔換人，將馬迪縮後一格踢中堅，般奴再逗後一格踢防中，雲迪碧克踢攻中自由走動。呢個決定都可明白，整隊下半場表現有提升，又只淨一個換人名額，冇理由用左黎換中堅，就算踢十個人，曼聯既表現都唔係差，都仲創造到不少埋門機會。可惜C朗既射門唔中目標，般奴係禁區頂射門又飛機。呢段時間屈福特都幾受壓。踢到77分鐘，雲尼亞里選擇用祖奧柏度換入防中既路沙。呢個調動要讚既係佢加強番前場既活力壓迫，唔容許曼聯係後場太從容地組織個波上前場。呢個調動令到曼聯再難以組織有效攻勢。
補時俾人連入兩球都冇辦法
踢到91分鐘，曼聯原本既一下反擊，因馬仔推甩腳，又變成對方既反擊。丹尼斯係右路引下引下，等到祖奧柏度走位就俾個直線落窄位。祖奧柏度右腳邊走邊射，射破迪基亞大細龍門。呢個射門球速都快，但始終都係窄位仲要係輸地波近柱，迪基亞都有一定既責任。踢到94分鐘，賓科士打生波大腳踢前，馬迪頂唔到就漏左去後面。後備入替既達洛特又俾古曹食左個身位。當古曹想轉身窩利抽射時，跟進既丹尼斯篤左個波向前，就即刻用右腳係右路窄位射尾柱入網。呢個波就冇得救，唯一要鬧就係馬迪冇再回追丹尼斯，達洛特又俾人食左個身位解唔到圍。最場完場埋單輸四比一。
總結
先講番場波，最後既45分鐘先用雲迪碧克去救自己實在係太蠢。如果肯早幾場波已經轉陣式起用佢，或者已經可以帶蘇B逃出生天。上半場用既一對防中都可預見會係咁既戰況發生，只怪點解要咁出人；下半場既表現我覺得唔失禮既，即使打少個，但鬥志有埋門有，只係把握唔到。最後大軍壓境唔入就輸多兩球算係非戰之罪。講講帥位問題，蘇B最後就被炒，球隊就叫卡域克費查孭住隻鑊先。我一路都唔建議炒既原因之一係未有具級數既領隊會黎既話，就唔好炒住。呢隻鑊根本好難孭，領隊蘇B唔係冇問題，但球員個人問題，陣容配置，戰術部署同球員相容性等的問題亦不能乏略。依家咁樣求其搵人頂住先，亦睇得出管理層缺乏遠見規劃，只係太多人嘈就搵人開左刀止左血先。老實講，連羅渣士都拒絕曼聯就知呢隻鑊絕不易孭。周中歐聯又黎，我都唔期望卡域克費查會改變到隊波，只期望落場既球員會為自己為曼聯拼搏就可以了！無論隊波點都好，都要繼續撐！
請按此登錄後留言。未成為會員? 立即註冊