雙方出場陣容
蘇B繼續排出5-3-2陣式。龍門迪基亞。因連迪路夫受傷，所以三中堅變成拜利、華拉尼、麥佳亞。左右翼衛仍然係梳爾同雲比沙加。三名中場，逗後少少為麥湯文尼，一左一右為普巴同般奴費南迪斯。最前係C朗拿度拍住華舒福。
加斯柏連尼排出3-4-2-1陣式。龍門係梅素。三個中堅左至右係柏羅文奴、迪米羅、迪朗。左右翼衛係馬爾利同薩柏哥斯達。一對防守中場係古普美拿斯同費奧拿。兩個攻擊中場係伊歷錫同柏沙歷支援正選既薩柏達攻堅。
想主動進攻但新試驗唔成功先講進攻，蘇B今場起用左單防中麥湯文尼，配合普巴形成雙中場係中場連接後場同前場，繼續提供自由度俾般奴係前場游走。C朗仍然係最前點，而福仔則較集中係左路同中間幫手進攻。點解會叫5-3-2而唔係3-5-2就梗係有原因，兩邊翼衛梳爾同雲比沙加都缺乏個人突破力，需要有人開路同配合先可以上到黎。普巴在場係個控球組織當然會比費特好，但就浪費左佢既對角轉方向既能力。因為兩隻翼衛都欠缺後上插入空位既意識同時間性既掌握。普巴只係中路純轉方向，因只得單防中麥湯保護防線亦令佢唔敢貿然持球推進。缺乏兩邊拉闊空間，中路就大塞車，難以製造具威脅埋門。
防守方面，除左延續整隊縮係中後場防守，偶爾嘗試係前場逼搶，今場就勒令福仔同般奴移後變成左右中場，陣形變成5-4-1去防止左右翼衛被overload。整體防守都甚少被打穿，但福仔後移只留C朗係前場，加上對方長期有三名中堅係後場，而福仔今場狀態一般加上要墮後較深協防下，要跑幾廿碼突襲後再落番黎防守，亦令到反擊威脅性大減。
失波果下人地有d幸運成份，迪基亞都有責任
未失波前，曼聯只有C朗一開波係禁區外既射門，跟住都係以守為主。踢到12分鐘，阿特蘭大左路進攻，個波本身就諗住直線俾入中路既薩柏達，但麥湯文尼係中間遮線果陣咁岩hi到個波，令個波碌左去左面窄位俾薩柏達幸運地執番。佢入到禁區一dup避開回追既雲比沙加搵人交。當時曼聯條防線係完整，五個人一條線並冇失位，而阿特蘭大只有柏沙歷係小禁區等待，亦被麥佳亞守緊。右路既伊歷錫睇準機會插入禁區接應薩柏達既地波傳送撞射。梳爾都知道有人後上，亦有埋去遮線，所以伊歷錫射門既角度並唔理想，但竟然迪基亞落地稍慢，就係佢手邊入左。以迪基亞既狀態同呢腳射門既質素黎睇佢應該要救到。
華拉尼傷出比冇左兩分更大鑊
失波後，戰情都比較膠著，兩邊都唔係有太多具威脅埋門。踢到38分鐘，突然華拉尼係後場坐低，就深知瀨野。落後一球下，必定要抽走一個中堅去加強前場攻力，但就傷左防守核心，仲要自己無啦啦坐低就肯定唔慌小野，又唔知要抖幾耐啦。連迪路夫傷左，加上華拉尼，對住曼城都必然踢三中堅情況下，只有拜利同麥隊長算係中堅鐵腳，黎緊打吡戰認真頭痛。
一早踢4-2-3-1或者可以早早領先（馬後炮）
蘇B藉著華拉尼受傷，換入格連活特，變陣4-2-3-1，加強兩翼側擊再解放般奴。後面靠晒拜利同麥隊長。踢到補時階段，曼聯變陣湊效。般奴係中路接應麥湯傳送拉左迪米羅出黎，C朗同時拉出禁區要球，細力橫傳俾企左係佢隔離既綠木再立刻直插禁區。般奴見狀即刻斜走入迪朗同柏羅文奴既空間。綠木第一時間交俾後上既般奴，般奴向前一控再回後俾後上既C朗，等佢輕鬆射入。鮮有既中路小組突破，除左般奴冷靜地踢擦鞋仔波讓俾後上空晒既C朗要讚，綠木呢下斜傳力水亦恰到好處，證明肯傳肯走既曼聯都踢到呢家波。
唔係針對麥隊長，但一打雙中堅就梗有呢類失誤
下半場阿特蘭大用迪占士提換入柏沙歷。戰況繼續係膠著狀態。踢到56分鐘，阿特蘭大左路攻勢，柏羅文奴係中場位置交俾左翼既馬爾利，拉左雲比沙加出黎防守。拜利再右移追薩柏達。曼聯人數優勢有，後場空位亦唔多。正路阿特蘭大都需要先回後轉方向，但此時麥隊長冇跟隨拜利右移縮窄彼此間既距離，令到佢地中間有空位俾人放波去哨。馬爾利回後俾柏羅文奴，佢睇定定就踢落去個位度俾薩柏達試下跑。拜利呢下都有責任，佢掛住望波，望到連薩柏達起動左都唔知，直到個波踢過頭先知瀨野去回追；而麥隊長作為防線最後一人責任更大，首先佢裝越位失敗，其次佢同拜利之間既距離過大，速度慢既佢再去追就唔夠步大力雄既薩柏達快。薩柏達突破越位輕鬆射入，再度領先。呢個問題真係屢見不鮮，換左幾個拍檔都仍有呢類失誤，會唔會唔係拍檔問題呢？
換人調動合理，但點解次次都唔可以早少少
失波後，人地集中去防守就足以令曼聯空有控球權。福仔既低迷同普巴係中場碌碌無為都顯而昜見，但都要去到69分鐘先肯作出調動。蘇B用馬迪換入普巴，卡雲尼入替福仔。嘗試將卡叔擺係左路，但俾佢係前場游走幫C朗拉空或做第一點停波，左閘梳爾就自己一個上上落落踢晒。換入馬迪則希望佢可以係後場組織時，可以俾到具穿透性直線搵般奴。對面見你換入進攻球員搏鎚，就反其道而行換入梅利爾，務求係保持前場活力，尋求反擊機會。
綠木已被看破，般奴又係咪淨係踢得攻中位呢？
換完人都見唔到有明顯起色，右翼綠木既進攻模式單調，往往推埋禁區扣番左腳出大位已經被人睇穿，佢又不擅落窄位傳中。雲比沙加上黎幫手積極，但全無配合，又缺乏單打單能力，右路再次癱瘓。左路靠梳爾後上，亦未能提供好既傳中。中場馬迪同麥湯文尼都不擅於擺脫對方，一被人逼就只能回後，又要動用般奴番後場幫手組織。當見到般奴多次退回中後場組織，隊波係前場仲邊有攻擊力。何不直接擺佢踢落一格，改踢4-4-2增加多一隻翼去加強突破點呢？
入波C朗固然功不可沒，但雲迪碧克都有貢獻
踢到87分鐘，蘇B竟然夠膽抽起般奴同麥湯文尼，換入雲迪碧克同辛祖，改踢4-4-2或者算係4-1-3-2，出番兩邊翼即刻有成果。補時階段，C朗左路k角位持球，雲迪碧克照走窄位，接應C朗傳送就拗腰左腳再俾綠木。對方解圍不遠又俾C朗拎番推大位硬闖。波子機彈彈下俾綠木逗個波俾C朗，佢係禁區頂窩利一抽，禁地波射尾袋追和2:2。再次展現宇宙級既把握力，都要讚下曼聯球員都冇放棄過進攻，最後2:2完場。
總結
如果用呢三分去換番華拉尼唔好受傷，相信所有曼迷都會換。場波踢落就冇優勢可言，但入第一球都見到曼聯依家進攻係缺乏呢類由慢轉快，突然提速既小組配合。當你突然有呢類配合，人地就好難防守。普巴踢呢個位置實在大大限制左佢既發揮，一係就改踢倒三角中場，一係就扔佢打左翼吧啦。唔轉陣唔踢左翼就索性擺後備算啦。最後時刻擺雲迪碧克出黎，係解凍先兆定係放棄比賽真係蘇B先知，但佢出黎間間間接令C朗入波，之黎仲有一個窄位射門，真係可以用佢多D。拜利今場表現絕對值得拎MOM，雖然失波佢都有責任，但佢多次成功阻擋對方射門，又左飛右剷咁攔截包波，唔傷既拜利絕對係世界級。個人覺得蘇B係真係驚死，首回合踢4-2-3-1能夠追番三球，今場亦能入到兩球，證明係某時候用某陣式係需要，而唔係話一個陣式一套人腳就可以走天涯，唔知佢又吸唔吸收到呢個經驗啦。最後既第一場考牌戰就係周末對曼城，睇下佢又有咩部署啦！
蘇B繼續排出5-3-2陣式。龍門迪基亞。因連迪路夫受傷，所以三中堅變成拜利、華拉尼、麥佳亞。左右翼衛仍然係梳爾同雲比沙加。三名中場，逗後少少為麥湯文尼，一左一右為普巴同般奴費南迪斯。最前係C朗拿度拍住華舒福。
加斯柏連尼排出3-4-2-1陣式。龍門係梅素。三個中堅左至右係柏羅文奴、迪米羅、迪朗。左右翼衛係馬爾利同薩柏哥斯達。一對防守中場係古普美拿斯同費奧拿。兩個攻擊中場係伊歷錫同柏沙歷支援正選既薩柏達攻堅。
想主動進攻但新試驗唔成功先講進攻，蘇B今場起用左單防中麥湯文尼，配合普巴形成雙中場係中場連接後場同前場，繼續提供自由度俾般奴係前場游走。C朗仍然係最前點，而福仔則較集中係左路同中間幫手進攻。點解會叫5-3-2而唔係3-5-2就梗係有原因，兩邊翼衛梳爾同雲比沙加都缺乏個人突破力，需要有人開路同配合先可以上到黎。普巴在場係個控球組織當然會比費特好，但就浪費左佢既對角轉方向既能力。因為兩隻翼衛都欠缺後上插入空位既意識同時間性既掌握。普巴只係中路純轉方向，因只得單防中麥湯保護防線亦令佢唔敢貿然持球推進。缺乏兩邊拉闊空間，中路就大塞車，難以製造具威脅埋門。
防守方面，除左延續整隊縮係中後場防守，偶爾嘗試係前場逼搶，今場就勒令福仔同般奴移後變成左右中場，陣形變成5-4-1去防止左右翼衛被overload。整體防守都甚少被打穿，但福仔後移只留C朗係前場，加上對方長期有三名中堅係後場，而福仔今場狀態一般加上要墮後較深協防下，要跑幾廿碼突襲後再落番黎防守，亦令到反擊威脅性大減。
失波果下人地有d幸運成份，迪基亞都有責任
未失波前，曼聯只有C朗一開波係禁區外既射門，跟住都係以守為主。踢到12分鐘，阿特蘭大左路進攻，個波本身就諗住直線俾入中路既薩柏達，但麥湯文尼係中間遮線果陣咁岩hi到個波，令個波碌左去左面窄位俾薩柏達幸運地執番。佢入到禁區一dup避開回追既雲比沙加搵人交。當時曼聯條防線係完整，五個人一條線並冇失位，而阿特蘭大只有柏沙歷係小禁區等待，亦被麥佳亞守緊。右路既伊歷錫睇準機會插入禁區接應薩柏達既地波傳送撞射。梳爾都知道有人後上，亦有埋去遮線，所以伊歷錫射門既角度並唔理想，但竟然迪基亞落地稍慢，就係佢手邊入左。以迪基亞既狀態同呢腳射門既質素黎睇佢應該要救到。
華拉尼傷出比冇左兩分更大鑊
失波後，戰情都比較膠著，兩邊都唔係有太多具威脅埋門。踢到38分鐘，突然華拉尼係後場坐低，就深知瀨野。落後一球下，必定要抽走一個中堅去加強前場攻力，但就傷左防守核心，仲要自己無啦啦坐低就肯定唔慌小野，又唔知要抖幾耐啦。連迪路夫傷左，加上華拉尼，對住曼城都必然踢三中堅情況下，只有拜利同麥隊長算係中堅鐵腳，黎緊打吡戰認真頭痛。
一早踢4-2-3-1或者可以早早領先（馬後炮）
蘇B藉著華拉尼受傷，換入格連活特，變陣4-2-3-1，加強兩翼側擊再解放般奴。後面靠晒拜利同麥隊長。踢到補時階段，曼聯變陣湊效。般奴係中路接應麥湯傳送拉左迪米羅出黎，C朗同時拉出禁區要球，細力橫傳俾企左係佢隔離既綠木再立刻直插禁區。般奴見狀即刻斜走入迪朗同柏羅文奴既空間。綠木第一時間交俾後上既般奴，般奴向前一控再回後俾後上既C朗，等佢輕鬆射入。鮮有既中路小組突破，除左般奴冷靜地踢擦鞋仔波讓俾後上空晒既C朗要讚，綠木呢下斜傳力水亦恰到好處，證明肯傳肯走既曼聯都踢到呢家波。
唔係針對麥隊長，但一打雙中堅就梗有呢類失誤
下半場阿特蘭大用迪占士提換入柏沙歷。戰況繼續係膠著狀態。踢到56分鐘，阿特蘭大左路攻勢，柏羅文奴係中場位置交俾左翼既馬爾利，拉左雲比沙加出黎防守。拜利再右移追薩柏達。曼聯人數優勢有，後場空位亦唔多。正路阿特蘭大都需要先回後轉方向，但此時麥隊長冇跟隨拜利右移縮窄彼此間既距離，令到佢地中間有空位俾人放波去哨。馬爾利回後俾柏羅文奴，佢睇定定就踢落去個位度俾薩柏達試下跑。拜利呢下都有責任，佢掛住望波，望到連薩柏達起動左都唔知，直到個波踢過頭先知瀨野去回追；而麥隊長作為防線最後一人責任更大，首先佢裝越位失敗，其次佢同拜利之間既距離過大，速度慢既佢再去追就唔夠步大力雄既薩柏達快。薩柏達突破越位輕鬆射入，再度領先。呢個問題真係屢見不鮮，換左幾個拍檔都仍有呢類失誤，會唔會唔係拍檔問題呢？
換人調動合理，但點解次次都唔可以早少少
失波後，人地集中去防守就足以令曼聯空有控球權。福仔既低迷同普巴係中場碌碌無為都顯而昜見，但都要去到69分鐘先肯作出調動。蘇B用馬迪換入普巴，卡雲尼入替福仔。嘗試將卡叔擺係左路，但俾佢係前場游走幫C朗拉空或做第一點停波，左閘梳爾就自己一個上上落落踢晒。換入馬迪則希望佢可以係後場組織時，可以俾到具穿透性直線搵般奴。對面見你換入進攻球員搏鎚，就反其道而行換入梅利爾，務求係保持前場活力，尋求反擊機會。
綠木已被看破，般奴又係咪淨係踢得攻中位呢？
換完人都見唔到有明顯起色，右翼綠木既進攻模式單調，往往推埋禁區扣番左腳出大位已經被人睇穿，佢又不擅落窄位傳中。雲比沙加上黎幫手積極，但全無配合，又缺乏單打單能力，右路再次癱瘓。左路靠梳爾後上，亦未能提供好既傳中。中場馬迪同麥湯文尼都不擅於擺脫對方，一被人逼就只能回後，又要動用般奴番後場幫手組織。當見到般奴多次退回中後場組織，隊波係前場仲邊有攻擊力。何不直接擺佢踢落一格，改踢4-4-2增加多一隻翼去加強突破點呢？
入波C朗固然功不可沒，但雲迪碧克都有貢獻
踢到87分鐘，蘇B竟然夠膽抽起般奴同麥湯文尼，換入雲迪碧克同辛祖，改踢4-4-2或者算係4-1-3-2，出番兩邊翼即刻有成果。補時階段，C朗左路k角位持球，雲迪碧克照走窄位，接應C朗傳送就拗腰左腳再俾綠木。對方解圍不遠又俾C朗拎番推大位硬闖。波子機彈彈下俾綠木逗個波俾C朗，佢係禁區頂窩利一抽，禁地波射尾袋追和2:2。再次展現宇宙級既把握力，都要讚下曼聯球員都冇放棄過進攻，最後2:2完場。
總結
如果用呢三分去換番華拉尼唔好受傷，相信所有曼迷都會換。場波踢落就冇優勢可言，但入第一球都見到曼聯依家進攻係缺乏呢類由慢轉快，突然提速既小組配合。當你突然有呢類配合，人地就好難防守。普巴踢呢個位置實在大大限制左佢既發揮，一係就改踢倒三角中場，一係就扔佢打左翼吧啦。唔轉陣唔踢左翼就索性擺後備算啦。最後時刻擺雲迪碧克出黎，係解凍先兆定係放棄比賽真係蘇B先知，但佢出黎間間間接令C朗入波，之黎仲有一個窄位射門，真係可以用佢多D。拜利今場表現絕對值得拎MOM，雖然失波佢都有責任，但佢多次成功阻擋對方射門，又左飛右剷咁攔截包波，唔傷既拜利絕對係世界級。個人覺得蘇B係真係驚死，首回合踢4-2-3-1能夠追番三球，今場亦能入到兩球，證明係某時候用某陣式係需要，而唔係話一個陣式一套人腳就可以走天涯，唔知佢又吸唔吸收到呢個經驗啦。最後既第一場考牌戰就係周末對曼城，睇下佢又有咩部署啦！
請按此登錄後留言。未成為會員? 立即註冊