雙紅會(賽前預測陣容-曼聯對利物浦)

周中歐聯賽事，曼聯憑福仔、麥隊長同大師兄C7連入三球，反勝阿特蘭大，以一場反勝終止左近期既頹勢。比賽期間係防守策略上既改變絕對係反勝既關鍵。今場番到黎聯賽對利物浦，睇下蘇B又會點安排防守戰術啦。

有消息傳出，般奴係賽前操練時受傷，未必能在雙紅會上陣。似係擾敵新聞多，打止痛針都會落場，除非傷勢嚴重到跑唔到。但近期佢既表現確係需要休息，雖然上場有兩個助攻，但俾波既力水線路，都睇出佢既狀態係有跌watt，但呢場應該都會繼續上陣。
龍門首選繼續迪基亞，甸軒達臣都係盃賽先上陣啦。後防線上，華拉尼繼續休息。中堅會係麥隊長拍住連迪路夫。左右閘鐵腳會係梳爾同雲比沙加。一對防中首選會係麥湯文尼同費特。除左改變陣式、或者係有一個頂級中場加盟，普巴係呢類大戰睇黎都只會安排踢左翼，所以都係先退居後備。左翼位置當然會係福仔，近兩仗都有入波，佢既速度、走位都大大加強左球隊既進攻變化。右翼會繼續起用綠木，辛祖狀態仍要再操。綠木雖然甚少可以係右路創造機會，但佢自己搵食既能力同回後場幫手解除逼搶既能力能夠起到一定既作用。攻擊中場般奴費南迪斯紮住都要踢，繼續支援同鄉C朗拿度係前線爭取入球。假如般奴最後踢唔到，普巴會取代其位置。就睇下蘇B會唔會將陣容改成4-3-3，解放普巴同費特（巴西版）。
預測曼聯正選陣容
迪基亞
雲比沙加 連迪路夫 麥佳亞 梳爾
格連活特 麥湯文尼 費特 華舒福
般奴費南迪斯
C朗拿度