李斯特城今季暫時大跌watt，七場聯賽只得兩勝兩和三負，得八分排第十三。近三仗只得兩和一負未嘗一勝，而球隊亦飽受傷兵困擾，防中尼迪迪、守將科芬拿、中堅伊雲斯，同埋占士真士田都因傷仍然未能上陣，絕對會大大減弱球隊既防守能力，猶幸中前場既華迪、伊恩拿祖、麥迪遜、班尼斯、泰利文斯等主力都可以上陣。呢場睇黎都會以攻代守去迎戰曼聯。
曼聯現時係聯賽則踢左七場賽事，四勝二和一負，有十四分排係第四，但七場賽事都未對過前列球隊。近三仗除左係歐聯險勝維拉利爾外，聯賽只能一比一被愛華頓逼和，亦以一比零輸左比維拉，近況絕對講唔上好。國際賽亦有華拉尼受傷，加埋麥佳亞既受傷，一對今季正選中堅傷出，亦令防線充滿隱憂。防中既費特亦未能係今場出戰，冇左一對中堅仲冇埋Mcfred組合，同李城既防線相比都係五十步笑百步，又要考下蘇B點安排正選陣容。
失去左兩名中堅，蘇B可以有兩個方案。一就陣式不變，續用4-2-3-1陣式，二就起用三中堅陣式。先講下比較大機會陣式不變既陣容先。龍門都係迪基亞，左閘繼續梳爾，中堅起用連迪路夫拍拜利鎖守防線。冰人係麥隊長傷出期間表現不錯，要睇下拜利究竟仲有幾多貨，右閘雲比沙加。辛祖國際賽對弱隊有兩個助攻，重拾番唔少信心。雖然福仔已經復操，但都要時間操狀態。左翼會用番辛祖，右翼則繼續用格連活特。冇左費特就會用番麥湯文尼拍普巴。攻中般奴費南迪斯繼續聯同C朗拿度爭取入波。如果起用三中堅，我就估計會排3-5-2陣式。龍門都係迪基亞。中堅左至右則係梳爾、連迪路夫、拜利。左右翼衛起用泰利斯同雲比沙加。一對中場都係麥湯文尼同普巴。攻中般奴費南迪斯就聯同兩名前鋒C朗拿度與及格連活特在前攻堅。如用三中堅﹐唔知大家會點揀人呢？
預測曼聯正選陣容
迪基亞
雲比沙加 拜利 連迪路夫 梳爾
格連活特 麥湯文尼 普巴 辛祖
般奴費南迪斯
C朗拿度
曼聯現時係聯賽則踢左七場賽事，四勝二和一負，有十四分排係第四，但七場賽事都未對過前列球隊。近三仗除左係歐聯險勝維拉利爾外，聯賽只能一比一被愛華頓逼和，亦以一比零輸左比維拉，近況絕對講唔上好。國際賽亦有華拉尼受傷，加埋麥佳亞既受傷，一對今季正選中堅傷出，亦令防線充滿隱憂。防中既費特亦未能係今場出戰，冇左一對中堅仲冇埋Mcfred組合，同李城既防線相比都係五十步笑百步，又要考下蘇B點安排正選陣容。
失去左兩名中堅，蘇B可以有兩個方案。一就陣式不變，續用4-2-3-1陣式，二就起用三中堅陣式。先講下比較大機會陣式不變既陣容先。龍門都係迪基亞，左閘繼續梳爾，中堅起用連迪路夫拍拜利鎖守防線。冰人係麥隊長傷出期間表現不錯，要睇下拜利究竟仲有幾多貨，右閘雲比沙加。辛祖國際賽對弱隊有兩個助攻，重拾番唔少信心。雖然福仔已經復操，但都要時間操狀態。左翼會用番辛祖，右翼則繼續用格連活特。冇左費特就會用番麥湯文尼拍普巴。攻中般奴費南迪斯繼續聯同C朗拿度爭取入波。如果起用三中堅，我就估計會排3-5-2陣式。龍門都係迪基亞。中堅左至右則係梳爾、連迪路夫、拜利。左右翼衛起用泰利斯同雲比沙加。一對中場都係麥湯文尼同普巴。攻中般奴費南迪斯就聯同兩名前鋒C朗拿度與及格連活特在前攻堅。如用三中堅﹐唔知大家會點揀人呢？
預測曼聯正選陣容
迪基亞
雲比沙加 拜利 連迪路夫 梳爾
格連活特 麥湯文尼 普巴 辛祖
般奴費南迪斯
C朗拿度
請按此登錄後留言。未成為會員? 立即註冊