雙方正選陣容
因周中踢左場歐聯，蘇B選擇大幅度輪換。曼聯仍舊起用4-2-3-1。龍門迪基亞，梳爾復出打番左閘，華拉尼繼續拍連迪路夫出任中堅，右閘雲比沙加。防中抽起普巴，起用Mcfred組合費特拍麥湯文尼，左右翼則係馬斯亞同格連活特。攻中般奴費南迪斯支援卡雲尼攻堅。
愛華頓周中冇比賽，養精蓄銳打老虎。賓尼迪斯照舊用4-4-1-1陣式。龍門碧福特，防線左至右係迪尼、耶利文拿、米高堅尼、葛飛。一對防中係亞倫拍杜哥尼，左右翼則係艾朗哥頓同唐辛。攻中格雷支援朗當在前攻堅。
又係Mcfred組合但進攻算流暢
每次中場見到麥湯文尼拍費特，就會驚中場運轉得唔夠順暢，又會驚對方高壓逼搶曼聯中場，令到曼聯係後場已經交唔到波上黎。今場又冇呢個問題發生，費特多次交到直線搵到般奴再做，而戰術上佢兩個亦多次主動插入half space位置幫手打小組配合。當其中一個向邊線/直線搵到前點後，就會向前幫波增加人數優勢去進攻；另一人就收中留後，等回傳幫手轉方向。雖然佢兩個仍有面對面交失既情況，但今場仍能接受。當然又會有人話點解唔用雲迪碧克，但只能講中場運作順暢就冇得你投訴。
賓尼迪斯都係縮住踢打反擊
作客奧脫福梗係守穩再搏偷雞。先係中場開始遮線，兩翼必須回防跟番對方二閘，中路靠亞倫既智慧，杜哥尼既硬淨去守住中路。進攻就靠朗當係前點停波，格雷個人能力去爆破。多依靠左路既迪尼後上聯同艾朗哥頓、杜哥尼overload左路創造攻勢。
上半場曼聯領先都合理
曼聯右閘既雲比沙加今場異常活躍，上半場係右路多次參與進攻，傳中落點不俗，亦有隊友接應，試過右路擺過迪尼再斬俾馬仔，又有沉底㩒地波傳中，可惜都係無功而還。整個上半場都係曼聯主導，不停嘗試左轉右，右轉左搵空間進攻。除左有馬仔既攻門，亦有費特左路傳中俾卡雲尼頭鎚攻門。兩翼亦有嘗試沉底傳中，綠木亦有扣大位射門。愛華頓防守唔算好嚴密，令到曼聯都製造到唔少攻勢埋門。入果一球就係戰術既寫照。麥湯係右邊路壓上，嘗試同雲比沙加及綠木小組配合，綠木內切入half-space，接應麥湯令傳送後，傳俾係中路冇人看管既般奴。佢係禁區頂一控轉身已經吸引左中堅同右閘既注意，再忍住到力斜傳較個靚炮台俾馬仔係左路斜走埋黎盪射。射個波睇落就唔係好靚，但省到人改變方向就收死碧福特。成個進攻套路就係中場中壓上，再由右轉左，然後埋門。馬仔打破數唔到幾多個月既入球荒，之後亦有一下同卡雲尼配合內切中路射門，可惜射得太正。愛華頓則僅靠零星反擊製造威脅，但真係要迪基亞去撲救就得格雷中路過兩關，右腳射龍門右下角呢下。唐辛對住梳爾都冇乜甜頭，反而哥頓加埋迪尼係左路既威脅更大。
無論點換人幾時換人都會有人質疑
下半場戰況都係咁上下，踢到56分鐘，蘇B首先換人，用C朗拿度同辛祖入替卡雲尼同馬斯亞。聽旁述消息就話馬仔又有傷，所以要先換出。馬仔今場入波但係咪踢得好好就唔講得，佢都係缺少隊友同佢打短距離小組配合突入禁區。邊路盤扭過人都不多，但踢落就好過係中鋒位度捕捉機會。呢個位要換可以揀辛祖或者連皇，連皇心裏應該滿不是味兒。要鬧既就係點解馬仔都打到正選但竟然唔係連皇先，但隻馬又入波，都叫做到野。辛祖上場歐聯既表現係有進步既，想保持左邊既突破力，又想操下佢狀態都可以理解。而卡雲尼今場除左一下頭鎚中龍同埋勤力回防外，多次現身回波既力水都做得唔好，狀態明顯未十足。換入C朗去保持前場既威脅力，等對方防線有顧忌唔可以壓太上，亦係合理做法。56分鐘換又係咪太早？差不多了，有30多分鐘俾後備去發揮都合理。
失波果下反擊冇理由入晒費特數
換左人既曼聯係進攻上都冇乜改變套路，愛華頓都係照踢住先，等賓帥有咩調動去加強攻力。踢到65分鐘，曼聯獲得一個右路角球。般奴處理，但個波斬唔起，係頭柱位已被人大腳解圍。格雷同費特一齊埋去互bump，左撞右撞個波就碌左去右邊邊線度，而格雷係互撞既情況下企得穩之餘仲可以修正向前推。雲比沙加因係last-man亦唔敢主動埋去拍，只能「行」住佢。杜哥尼全速向前跑就接應格雷既直線大步推進，但身後既連迪路夫已經追到，但比佢更快既梳爾由頭到尾都只係諗住衝埋去杜哥尼，完全忽略左佢後面仲有唐辛衝緊上黎，變左冰人同佢兩個埋去攔截一個人，都仲未計雲比沙加係杜哥尼附近。杜哥尼一dup停，右腳就即傳俾後上冇人理既唐辛，右腳一控一射追成平手。費特當然有責任，撞佢唔低就應該foul停佢，唔俾佢推進，但就算可以推進果個位置都仲係中場。梳爾個責任都唔細，佢可以係條中線度追，等連迪路夫先埋去拍。一黎可以遮住杜哥尼再轉俾唐辛既線路，二黎如果冰人俾人過佢仲可以再包，而唔係兩個直衝同一點，令到唐辛完全無人看管。
一和左即再㩒制換人都冇得鬧啦
65分鐘失波，蘇B五分鐘後即再換人，用普巴入替費特，加強中場既創造力。用普巴嘗試加強對角斜線長傳，又可以增加禁區外既遠射，亦能後上頭鎚攻門，而賓帥一追和就即刻換入湯戴維斯，抽起哥頓改打4-5-1，明顯要求和拎一分。之後都見到普巴有頭鎚埋門，亦有一下禁區頂curve尾柱，係增加左攻門範數。曼聯都製造到攻勢同射門，可惜都一一唔中目標。而拖肥既一下角球差少少贏埋。左路開出被解圍，但曼聯防線散出黎果陣冇跟番自己位置推出黎，左閘位一個人都冇。湯戴維斯接應傳送就空晒，而雲比沙加又跑慢左包左越位。湯戴維斯面對迪基亞選擇傳中俾對住空門既耶利文拿，可惜越位在先入球無效。呢球自私既可以射埋佢，不過佢都係交波行先類球員，最後揀俾波都無可厚非。最後就1:1完場，各得一分。
總結
八日三場波，周中果場仲要搏晒老命先贏到，今場先收起部分主力，保持場上球員活力可以理解。球隊係上半場既表現亦不差，仲入到波就唔關收起主力既問題啦。而輸反擊亦係今季屢見不鮮，場上球員責任亦有，不能只怪責領隊團。追和後亦有立即換人去加強火力。今場波可以投訴既地方都唔太多，唯有鄧雲迪碧克同連加特唔抵，唔明點解有表現都冇得踢。佢兩個為前途既話，冬季都係離隊更好。國際賽又黎，睇吓蘇B呢個禮拜又諗唔諗到方法改善隊波啦！
因周中踢左場歐聯，蘇B選擇大幅度輪換。曼聯仍舊起用4-2-3-1。龍門迪基亞，梳爾復出打番左閘，華拉尼繼續拍連迪路夫出任中堅，右閘雲比沙加。防中抽起普巴，起用Mcfred組合費特拍麥湯文尼，左右翼則係馬斯亞同格連活特。攻中般奴費南迪斯支援卡雲尼攻堅。
愛華頓周中冇比賽，養精蓄銳打老虎。賓尼迪斯照舊用4-4-1-1陣式。龍門碧福特，防線左至右係迪尼、耶利文拿、米高堅尼、葛飛。一對防中係亞倫拍杜哥尼，左右翼則係艾朗哥頓同唐辛。攻中格雷支援朗當在前攻堅。
又係Mcfred組合但進攻算流暢
每次中場見到麥湯文尼拍費特，就會驚中場運轉得唔夠順暢，又會驚對方高壓逼搶曼聯中場，令到曼聯係後場已經交唔到波上黎。今場又冇呢個問題發生，費特多次交到直線搵到般奴再做，而戰術上佢兩個亦多次主動插入half space位置幫手打小組配合。當其中一個向邊線/直線搵到前點後，就會向前幫波增加人數優勢去進攻；另一人就收中留後，等回傳幫手轉方向。雖然佢兩個仍有面對面交失既情況，但今場仍能接受。當然又會有人話點解唔用雲迪碧克，但只能講中場運作順暢就冇得你投訴。
賓尼迪斯都係縮住踢打反擊
作客奧脫福梗係守穩再搏偷雞。先係中場開始遮線，兩翼必須回防跟番對方二閘，中路靠亞倫既智慧，杜哥尼既硬淨去守住中路。進攻就靠朗當係前點停波，格雷個人能力去爆破。多依靠左路既迪尼後上聯同艾朗哥頓、杜哥尼overload左路創造攻勢。
上半場曼聯領先都合理
曼聯右閘既雲比沙加今場異常活躍，上半場係右路多次參與進攻，傳中落點不俗，亦有隊友接應，試過右路擺過迪尼再斬俾馬仔，又有沉底㩒地波傳中，可惜都係無功而還。整個上半場都係曼聯主導，不停嘗試左轉右，右轉左搵空間進攻。除左有馬仔既攻門，亦有費特左路傳中俾卡雲尼頭鎚攻門。兩翼亦有嘗試沉底傳中，綠木亦有扣大位射門。愛華頓防守唔算好嚴密，令到曼聯都製造到唔少攻勢埋門。入果一球就係戰術既寫照。麥湯係右邊路壓上，嘗試同雲比沙加及綠木小組配合，綠木內切入half-space，接應麥湯令傳送後，傳俾係中路冇人看管既般奴。佢係禁區頂一控轉身已經吸引左中堅同右閘既注意，再忍住到力斜傳較個靚炮台俾馬仔係左路斜走埋黎盪射。射個波睇落就唔係好靚，但省到人改變方向就收死碧福特。成個進攻套路就係中場中壓上，再由右轉左，然後埋門。馬仔打破數唔到幾多個月既入球荒，之後亦有一下同卡雲尼配合內切中路射門，可惜射得太正。愛華頓則僅靠零星反擊製造威脅，但真係要迪基亞去撲救就得格雷中路過兩關，右腳射龍門右下角呢下。唐辛對住梳爾都冇乜甜頭，反而哥頓加埋迪尼係左路既威脅更大。
無論點換人幾時換人都會有人質疑
下半場戰況都係咁上下，踢到56分鐘，蘇B首先換人，用C朗拿度同辛祖入替卡雲尼同馬斯亞。聽旁述消息就話馬仔又有傷，所以要先換出。馬仔今場入波但係咪踢得好好就唔講得，佢都係缺少隊友同佢打短距離小組配合突入禁區。邊路盤扭過人都不多，但踢落就好過係中鋒位度捕捉機會。呢個位要換可以揀辛祖或者連皇，連皇心裏應該滿不是味兒。要鬧既就係點解馬仔都打到正選但竟然唔係連皇先，但隻馬又入波，都叫做到野。辛祖上場歐聯既表現係有進步既，想保持左邊既突破力，又想操下佢狀態都可以理解。而卡雲尼今場除左一下頭鎚中龍同埋勤力回防外，多次現身回波既力水都做得唔好，狀態明顯未十足。換入C朗去保持前場既威脅力，等對方防線有顧忌唔可以壓太上，亦係合理做法。56分鐘換又係咪太早？差不多了，有30多分鐘俾後備去發揮都合理。
失波果下反擊冇理由入晒費特數
換左人既曼聯係進攻上都冇乜改變套路，愛華頓都係照踢住先，等賓帥有咩調動去加強攻力。踢到65分鐘，曼聯獲得一個右路角球。般奴處理，但個波斬唔起，係頭柱位已被人大腳解圍。格雷同費特一齊埋去互bump，左撞右撞個波就碌左去右邊邊線度，而格雷係互撞既情況下企得穩之餘仲可以修正向前推。雲比沙加因係last-man亦唔敢主動埋去拍，只能「行」住佢。杜哥尼全速向前跑就接應格雷既直線大步推進，但身後既連迪路夫已經追到，但比佢更快既梳爾由頭到尾都只係諗住衝埋去杜哥尼，完全忽略左佢後面仲有唐辛衝緊上黎，變左冰人同佢兩個埋去攔截一個人，都仲未計雲比沙加係杜哥尼附近。杜哥尼一dup停，右腳就即傳俾後上冇人理既唐辛，右腳一控一射追成平手。費特當然有責任，撞佢唔低就應該foul停佢，唔俾佢推進，但就算可以推進果個位置都仲係中場。梳爾個責任都唔細，佢可以係條中線度追，等連迪路夫先埋去拍。一黎可以遮住杜哥尼再轉俾唐辛既線路，二黎如果冰人俾人過佢仲可以再包，而唔係兩個直衝同一點，令到唐辛完全無人看管。
一和左即再㩒制換人都冇得鬧啦
65分鐘失波，蘇B五分鐘後即再換人，用普巴入替費特，加強中場既創造力。用普巴嘗試加強對角斜線長傳，又可以增加禁區外既遠射，亦能後上頭鎚攻門，而賓帥一追和就即刻換入湯戴維斯，抽起哥頓改打4-5-1，明顯要求和拎一分。之後都見到普巴有頭鎚埋門，亦有一下禁區頂curve尾柱，係增加左攻門範數。曼聯都製造到攻勢同射門，可惜都一一唔中目標。而拖肥既一下角球差少少贏埋。左路開出被解圍，但曼聯防線散出黎果陣冇跟番自己位置推出黎，左閘位一個人都冇。湯戴維斯接應傳送就空晒，而雲比沙加又跑慢左包左越位。湯戴維斯面對迪基亞選擇傳中俾對住空門既耶利文拿，可惜越位在先入球無效。呢球自私既可以射埋佢，不過佢都係交波行先類球員，最後揀俾波都無可厚非。最後就1:1完場，各得一分。
總結
八日三場波，周中果場仲要搏晒老命先贏到，今場先收起部分主力，保持場上球員活力可以理解。球隊係上半場既表現亦不差，仲入到波就唔關收起主力既問題啦。而輸反擊亦係今季屢見不鮮，場上球員責任亦有，不能只怪責領隊團。追和後亦有立即換人去加強火力。今場波可以投訴既地方都唔太多，唯有鄧雲迪碧克同連加特唔抵，唔明點解有表現都冇得踢。佢兩個為前途既話，冬季都係離隊更好。國際賽又黎，睇吓蘇B呢個禮拜又諗唔諗到方法改善隊波啦！
請按此登錄後留言。未成為會員? 立即註冊