上場曼聯驚險取勝，今場兩軍都盡出副選，等一眾主力休息。曼聯既後備力量明顯係技高一籌，用波上較韋斯咸球員為好，亦創造到唔少機會，可惜都把握唔到；韋斯咸則靠早段把握到一次機會就奠定勝局，去到球賽尾段，因曼聯全軍壓上，亦有幾下黃金機會都未能射破甸軒達臣既十指關，最後小勝一比零晉級。
蘇B續用4-2-3-1陣式迎戰，龍門用甸軒達臣，防線左至右係泰利斯、連迪路夫、拜利、達洛特。左右翼係辛祖同連加特，一對防中係雲迪碧克同馬迪。攻擊中場係馬達叔叔支援馬斯亞攻堅。今次就想淺談一下曼聯球員既表現
龍門軒達臣：失果一球波都非佢之罪，救到既話就係神救。其他時候既撲救同出迎封位都作出正確選擇，只係用波方面仍需努力。
中堅拜利同連迪路夫：只面對保雲及一眾西咸後備進攻球員，防守方面十分稱職，甚少見到蝦碌場面。失波果下，拜利亦有跟隨入楔既球員，而連迪路夫去包番泰利斯既封位亦果斷。兩個整場表現不俗，令西咸冇太多具威脅埋門。尾段全軍壓上導致對方有兩個黃金機會實屬正常。
左閘泰利斯：因傷而久疏戰陣下，開波入局較慢，狀態亦有待提升。失果一球被人明推明過，除左狀態不足，亦突顯佢防守力較弱既不爭事實。進攻方面比梳爾更主動傳中，不過威脅就冇右路既咁大。
右閘達洛特：表現非常突出，進攻意識比雲比沙加好太多，除左傳中球甚有水準，亦有試過壓入禁區接應，更有嘗試係邊路突破過人，完全做到單閘拉闊空間，令到西咸不能只安排閘位球員去防守，更要動用翼鋒幫手協防。防守就正正常常，亦有雲迪碧克同拜利幫手補位。期待佢歐聯既表現。
左翼辛祖：今場主要係左路搵食，開始見到佢既個人突破，狀態仍未十足，但走位靈活，亦願意同隊友配合，勤力有餘，信心問題多過能力問題。
防中馬迪：一貫穩定既輸出，控制節奏，保持控球冇難度，亦有一兩下一推幾創造機會。
防中雲迪碧克：同馬迪有著緊密既聯繫，幫手梳理中場。開始真係踢一個6號位球員，唔會太多離開自己位置後上入楔。失波果下如果佢跟番蘭仙尼就有機會可以避免失波，心急保位而缺乏留意隊友已作應變，要係要改善既地方。另下有兩下遠射可惜未能命中目標，亦有一下過頭直線俾綠木，差少少有助攻。表現可人既，但因對方防中亦係後備質素，唔好打太多飛機，而佢今場既表現亦值得下場賽事俾佢試試。
右翼連加特：狀態火熱，繼續保持佢不惜氣力跑動。被盧保拉跌冇12碼又係球證問題。聯同馬達同辛祖不停走位換位作拉扯亦對進攻有幫助。下場應會後備上陣。
攻中馬達：敬業樂業，絕不欺場。少踢但交足功課。前場幫手停波，運轉波既速度，前場小組配合都見到達叔既蹤影。可惜又少一個盃賽見到佢出場。
前鋒馬斯亞：我又覺得未去到要出動尋人啟示既。有幾下都有搶點接應傳中，亦有走出黎做支點幫手轉向。缺少左福仔同佢係細範圍加速配合，令到佢有少少同其他隊友唔夾既感覺。下半場辛祖都有一下同佢打1-2落底。要佢係中鋒位「得」住回波或者自己轉身去有難度，但如能搵到兩翼同佢加速打短或者會係另一套進攻模式。相比其他隊友，佢既跑動確實係少。自救才有出路啊！
替補 ：
右翼格連活特：出場如猛虎出閘，有達洛特幫手，佢可多次壓入禁區進攻，可惜未能轉化成入球
攻中般奴費南迪斯：出場時間較後令佢踢得比較急，去到final third有一兩下既決定可以做得更好。
左閘伊蘭加：此子既速度突破力都有。季前賽已見佢有條件進入輪換，唯有等待足總盃繼續磨練，改做成左閘或者會係佢另一片天空。
蘇B續用4-2-3-1陣式迎戰，龍門用甸軒達臣，防線左至右係泰利斯、連迪路夫、拜利、達洛特。左右翼係辛祖同連加特，一對防中係雲迪碧克同馬迪。攻擊中場係馬達叔叔支援馬斯亞攻堅。今次就想淺談一下曼聯球員既表現
龍門軒達臣：失果一球波都非佢之罪，救到既話就係神救。其他時候既撲救同出迎封位都作出正確選擇，只係用波方面仍需努力。
中堅拜利同連迪路夫：只面對保雲及一眾西咸後備進攻球員，防守方面十分稱職，甚少見到蝦碌場面。失波果下，拜利亦有跟隨入楔既球員，而連迪路夫去包番泰利斯既封位亦果斷。兩個整場表現不俗，令西咸冇太多具威脅埋門。尾段全軍壓上導致對方有兩個黃金機會實屬正常。
左閘泰利斯：因傷而久疏戰陣下，開波入局較慢，狀態亦有待提升。失果一球被人明推明過，除左狀態不足，亦突顯佢防守力較弱既不爭事實。進攻方面比梳爾更主動傳中，不過威脅就冇右路既咁大。
右閘達洛特：表現非常突出，進攻意識比雲比沙加好太多，除左傳中球甚有水準，亦有試過壓入禁區接應，更有嘗試係邊路突破過人，完全做到單閘拉闊空間，令到西咸不能只安排閘位球員去防守，更要動用翼鋒幫手協防。防守就正正常常，亦有雲迪碧克同拜利幫手補位。期待佢歐聯既表現。
左翼辛祖：今場主要係左路搵食，開始見到佢既個人突破，狀態仍未十足，但走位靈活，亦願意同隊友配合，勤力有餘，信心問題多過能力問題。
防中馬迪：一貫穩定既輸出，控制節奏，保持控球冇難度，亦有一兩下一推幾創造機會。
防中雲迪碧克：同馬迪有著緊密既聯繫，幫手梳理中場。開始真係踢一個6號位球員，唔會太多離開自己位置後上入楔。失波果下如果佢跟番蘭仙尼就有機會可以避免失波，心急保位而缺乏留意隊友已作應變，要係要改善既地方。另下有兩下遠射可惜未能命中目標，亦有一下過頭直線俾綠木，差少少有助攻。表現可人既，但因對方防中亦係後備質素，唔好打太多飛機，而佢今場既表現亦值得下場賽事俾佢試試。
右翼連加特：狀態火熱，繼續保持佢不惜氣力跑動。被盧保拉跌冇12碼又係球證問題。聯同馬達同辛祖不停走位換位作拉扯亦對進攻有幫助。下場應會後備上陣。
攻中馬達：敬業樂業，絕不欺場。少踢但交足功課。前場幫手停波，運轉波既速度，前場小組配合都見到達叔既蹤影。可惜又少一個盃賽見到佢出場。
前鋒馬斯亞：我又覺得未去到要出動尋人啟示既。有幾下都有搶點接應傳中，亦有走出黎做支點幫手轉向。缺少左福仔同佢係細範圍加速配合，令到佢有少少同其他隊友唔夾既感覺。下半場辛祖都有一下同佢打1-2落底。要佢係中鋒位「得」住回波或者自己轉身去有難度，但如能搵到兩翼同佢加速打短或者會係另一套進攻模式。相比其他隊友，佢既跑動確實係少。自救才有出路啊！
替補 ：
右翼格連活特：出場如猛虎出閘，有達洛特幫手，佢可多次壓入禁區進攻，可惜未能轉化成入球
攻中般奴費南迪斯：出場時間較後令佢踢得比較急，去到final third有一兩下既決定可以做得更好。
左閘伊蘭加：此子既速度突破力都有。季前賽已見佢有條件進入輪換，唯有等待足總盃繼續磨練，改做成左閘或者會係佢另一片天空。
請按此登錄後留言。未成為會員? 立即註冊