雙方正選陣容
莫椰斯照舊使用4-2-3-1陣式。龍門法比安斯基，防線左至右係基士維、奧邦拿、蘇馬、高法爾。一對防中係鐵膽既蘇錫同飯哥懷斯。左翼係華拉錫，右翼係科勞斯。攻擊中場賓拉馬支援今場改打前鋒既左腳仔保雲
。
蘇B亦係使用4-2-3-1陣式。迪基亞出任龍門，防線照舊梳爾、麥佳亞、華拉尼、雲比沙加。Mcfred組合重現，麥湯文尼拍費特打一對防中，解放左翼普巴，右翼則係格連活特。而C朗拿度則繼續踢前鋒，般奴費南迪斯後上支援。
曼聯主動出擊
甫開波，曼聯就已經係前場進行逼搶，務求想爭取主導權同控球權。韋斯咸後防一受壓就放高波向前，等前面去哨就算。西咸係前場都唔會高壓逼搶，最多都係高位遮線，等曼聯後場球員冇咁易俾到中場去做波。亦係預計踢法之中，塞住中後場空間等你黎，再利用你二閘後上既身後空間去打反擊。賽前預測都講過對住韋斯咸要硬闖中路既難度甚高，但蘇B一於唔理照踢。靠二閘拉開闊度，綠木時而切入，時而拉邊。普巴同般奴則打兩個攻擊中場，嘗試overload西咸既中路。兩個自由度都高，普巴更會入禁區做另一個點去支援C朗。C朗則係中間等機會。
要入佢中路唔係咁易既
韋斯咸縮窄防守，加上中路孖寶係蘇錫同懷斯，連同一對中堅係中路塞位做得非常好，而曼聯係中路亦缺乏由慢轉快既小組入滲，一堆人係中間但互相既走位配合係甚少，所以曼聯甚少能在中路滲入。中路唔得就轉方向啦，但曼聯轉完方向後，兩閘都甚少作出early cross，又缺乏單打單突破能力。你一轉邊，西咸用一隻閘埋去對波已經可以逼到你回後，再將防線向前推施壓，就可以令曼聯又要由頭黎過。係overload到中路令到邊路有空間，但拎完波然後呢就冇然後啦，所以頭30分鐘除左C朗既一次反擊射門，就只有般奴接應角球射尾柱係最有威脅，外加般奴係右路既兩次傳中。
冇左安東尼奧，都仲有其他人
曼聯就老鼠拉龜，而西咸既部署就值得欣賞。缺少左安東尼奧係前面停波護波等支援，椰子改用好波之人保雲串演中鋒，利用佢既速度不停搵麥佳亞黎攻擊。而科勞斯同賓拉馬兩個不時互換位置，兩者亦甚少上腳以個人之力去做波，兩個踢法都簡單，俾完就走位。反擊時，科勞斯更會係前點現身one-touch回後等中場較炮，自己轉身走去帶動進攻。陣地戰時，左閘基士維一上到三閘線已經疊埋心水傳中。右閘既高法爾就會聯同科勞斯、保雲係邊路打小組配合。佢地會針對普巴既防守企位問題，多次要梳爾走出去mark高法爾，而保雲或科勞斯，其中一人拉邊就可以拉走麥佳亞，另一人就係half space現身，入果一球正正就係係右路啟動。而懷斯則移後一格幫手係後場出球，蘇錫就係中場駁腳同做第一重攔截，分工清晰可見。華拉錫則主要係左路幫手拉扯。
西咸折射入球，C朗火速追平
踢到三十分鐘，西咸右路一次攻勢，保雲持球內切入中路，橫傳俾中間既賓拉馬，佢係禁區頂無人看管下一踩一盪，個波省中人改變方向入網，領先一比零。 不過幾分鐘後，C朗係禁區搶左係基士維既身前，接應般奴係左路既傳中一射被救出。衝前再補一腳就火速追成平手。入波後，仲有一下綠木中間硬推，直線塞俾入楔緊既C朗係窄位右腳一射，可惜角度太窄被龍門沒收。上半場，完。
換人調動又係奇奇怪怪
半場出到黎，雙方都冇作出任何調動。C朗一出黎就有一下黃金機會，可惜被出迎好快既法比安斯基擋出射門。其餘時間戰況亦一如上半場一樣，曼聯唔係冇埋門，但甚少創造到黃金機會。椰子係68分鐘先作出調動，將耶莫蘭高換入華拉錫加強攻力，而蘇B則去到70分鐘先將連加特同辛祖入替普巴同綠木。我都知道兩閘後上拉闊好依靠一對防中作出補位同防守，換兩隻翼出黎去打激活條邊路係岩既舉動，但換走普巴就令到中後場既波更難運上前場。費特已經頻頻交失波，麥湯文尼踢落亦似係傷住踢，點解唔換走一個防中將普巴移後一格去串連同利用佢既長波去轉方向呢？
我甚少批評球證，但今場真係唔講唔得
換完人之後，連加特同辛祖都時左時右，尤以連皇較為活躍。但整體進攻模式係冇改變，缺少左普巴只依靠mcfred係中間亦無具穿透力直線俾到般奴係具威脅地帶做波。下半場中段曼聯一下反擊，C朗拿度係左路壓入禁區，兩下插花就推窄位被高法爾撞跌。明顯雙方係有身體接觸，而高法爾亦有主動出腳踢入C朗跑動既線路，球證同var亦無動於衷。去到賽事尾段，同樣係C朗，但今次面對蘇馬，佢一推向前，蘇馬出腳又係踢中人唔中波，再次球證同var都冇任何表示，既然唔係犯規，咁就即係插水，又點解唔俾牌C朗呢？好難唔令人覺得係主場雞。
連皇，聖基亞齊救國
踢到88分鐘，蘇B終將費特換走換入馬迪，此舉正正就係我諗唔明換走普巴既原因。馬迪一入黎就係89分鐘，交左一下直線俾係禁區內half space位既連皇。佢右腳一推大位一下扮射，再推前射尾柱，應聲而入，反超前二比一。唔好以為就咁完場，補時階段，耶莫蘭高右路沉底傳中，個波省到梳爾隻左手。球證睇完var直指12碼，呢下冇咩好嘈，係抵比人吹。到椰子跳制，即刻換入盧保處理12碼，結果被幾年救一球12碼既迪基亞成功撲出。曼聯驚途駭浪下成功拎到三分。
總結
賽前分析都講要強打西咸中路唔容易，必先從邊路入手。正選排陣再次缺乏針對性，變陣換人既時機亦算遲。換入連加特係正確調動（我既話一早正選），但換入辛祖則可以相確，辛祖似乎較適合挨住條邊踢，但如要佢移入中間進攻half-space位置，暫時見唔到有好表現，何不換入馬達叔叔去加強波既運轉速度？而換走普巴更係奇怪，當刻真係仍需要兩名防中嗎？有辛祖打邊就可以將雲比留番係後場，保持番三名中堅再加一個防中去守住後方，不可行嗎？最後換入既馬迪正正就將蘇B打面，一腳直線就係mcfred所欠缺既。蘇B同佢既團隊則需要諗諗臨場調動既時間，正選出人既選擇，再冇盃落袋或者歐聯分組賽出局，你就真係要搵工架啦！
莫椰斯照舊使用4-2-3-1陣式。龍門法比安斯基，防線左至右係基士維、奧邦拿、蘇馬、高法爾。一對防中係鐵膽既蘇錫同飯哥懷斯。左翼係華拉錫，右翼係科勞斯。攻擊中場賓拉馬支援今場改打前鋒既左腳仔保雲
。
蘇B亦係使用4-2-3-1陣式。迪基亞出任龍門，防線照舊梳爾、麥佳亞、華拉尼、雲比沙加。Mcfred組合重現，麥湯文尼拍費特打一對防中，解放左翼普巴，右翼則係格連活特。而C朗拿度則繼續踢前鋒，般奴費南迪斯後上支援。
曼聯主動出擊
甫開波，曼聯就已經係前場進行逼搶，務求想爭取主導權同控球權。韋斯咸後防一受壓就放高波向前，等前面去哨就算。西咸係前場都唔會高壓逼搶，最多都係高位遮線，等曼聯後場球員冇咁易俾到中場去做波。亦係預計踢法之中，塞住中後場空間等你黎，再利用你二閘後上既身後空間去打反擊。賽前預測都講過對住韋斯咸要硬闖中路既難度甚高，但蘇B一於唔理照踢。靠二閘拉開闊度，綠木時而切入，時而拉邊。普巴同般奴則打兩個攻擊中場，嘗試overload西咸既中路。兩個自由度都高，普巴更會入禁區做另一個點去支援C朗。C朗則係中間等機會。
要入佢中路唔係咁易既
韋斯咸縮窄防守，加上中路孖寶係蘇錫同懷斯，連同一對中堅係中路塞位做得非常好，而曼聯係中路亦缺乏由慢轉快既小組入滲，一堆人係中間但互相既走位配合係甚少，所以曼聯甚少能在中路滲入。中路唔得就轉方向啦，但曼聯轉完方向後，兩閘都甚少作出early cross，又缺乏單打單突破能力。你一轉邊，西咸用一隻閘埋去對波已經可以逼到你回後，再將防線向前推施壓，就可以令曼聯又要由頭黎過。係overload到中路令到邊路有空間，但拎完波然後呢就冇然後啦，所以頭30分鐘除左C朗既一次反擊射門，就只有般奴接應角球射尾柱係最有威脅，外加般奴係右路既兩次傳中。
冇左安東尼奧，都仲有其他人
曼聯就老鼠拉龜，而西咸既部署就值得欣賞。缺少左安東尼奧係前面停波護波等支援，椰子改用好波之人保雲串演中鋒，利用佢既速度不停搵麥佳亞黎攻擊。而科勞斯同賓拉馬兩個不時互換位置，兩者亦甚少上腳以個人之力去做波，兩個踢法都簡單，俾完就走位。反擊時，科勞斯更會係前點現身one-touch回後等中場較炮，自己轉身走去帶動進攻。陣地戰時，左閘基士維一上到三閘線已經疊埋心水傳中。右閘既高法爾就會聯同科勞斯、保雲係邊路打小組配合。佢地會針對普巴既防守企位問題，多次要梳爾走出去mark高法爾，而保雲或科勞斯，其中一人拉邊就可以拉走麥佳亞，另一人就係half space現身，入果一球正正就係係右路啟動。而懷斯則移後一格幫手係後場出球，蘇錫就係中場駁腳同做第一重攔截，分工清晰可見。華拉錫則主要係左路幫手拉扯。
西咸折射入球，C朗火速追平
踢到三十分鐘，西咸右路一次攻勢，保雲持球內切入中路，橫傳俾中間既賓拉馬，佢係禁區頂無人看管下一踩一盪，個波省中人改變方向入網，領先一比零。 不過幾分鐘後，C朗係禁區搶左係基士維既身前，接應般奴係左路既傳中一射被救出。衝前再補一腳就火速追成平手。入波後，仲有一下綠木中間硬推，直線塞俾入楔緊既C朗係窄位右腳一射，可惜角度太窄被龍門沒收。上半場，完。
換人調動又係奇奇怪怪
半場出到黎，雙方都冇作出任何調動。C朗一出黎就有一下黃金機會，可惜被出迎好快既法比安斯基擋出射門。其餘時間戰況亦一如上半場一樣，曼聯唔係冇埋門，但甚少創造到黃金機會。椰子係68分鐘先作出調動，將耶莫蘭高換入華拉錫加強攻力，而蘇B則去到70分鐘先將連加特同辛祖入替普巴同綠木。我都知道兩閘後上拉闊好依靠一對防中作出補位同防守，換兩隻翼出黎去打激活條邊路係岩既舉動，但換走普巴就令到中後場既波更難運上前場。費特已經頻頻交失波，麥湯文尼踢落亦似係傷住踢，點解唔換走一個防中將普巴移後一格去串連同利用佢既長波去轉方向呢？
我甚少批評球證，但今場真係唔講唔得
換完人之後，連加特同辛祖都時左時右，尤以連皇較為活躍。但整體進攻模式係冇改變，缺少左普巴只依靠mcfred係中間亦無具穿透力直線俾到般奴係具威脅地帶做波。下半場中段曼聯一下反擊，C朗拿度係左路壓入禁區，兩下插花就推窄位被高法爾撞跌。明顯雙方係有身體接觸，而高法爾亦有主動出腳踢入C朗跑動既線路，球證同var亦無動於衷。去到賽事尾段，同樣係C朗，但今次面對蘇馬，佢一推向前，蘇馬出腳又係踢中人唔中波，再次球證同var都冇任何表示，既然唔係犯規，咁就即係插水，又點解唔俾牌C朗呢？好難唔令人覺得係主場雞。
連皇，聖基亞齊救國
踢到88分鐘，蘇B終將費特換走換入馬迪，此舉正正就係我諗唔明換走普巴既原因。馬迪一入黎就係89分鐘，交左一下直線俾係禁區內half space位既連皇。佢右腳一推大位一下扮射，再推前射尾柱，應聲而入，反超前二比一。唔好以為就咁完場，補時階段，耶莫蘭高右路沉底傳中，個波省到梳爾隻左手。球證睇完var直指12碼，呢下冇咩好嘈，係抵比人吹。到椰子跳制，即刻換入盧保處理12碼，結果被幾年救一球12碼既迪基亞成功撲出。曼聯驚途駭浪下成功拎到三分。
總結
賽前分析都講要強打西咸中路唔容易，必先從邊路入手。正選排陣再次缺乏針對性，變陣換人既時機亦算遲。換入連加特係正確調動（我既話一早正選），但換入辛祖則可以相確，辛祖似乎較適合挨住條邊踢，但如要佢移入中間進攻half-space位置，暫時見唔到有好表現，何不換入馬達叔叔去加強波既運轉速度？而換走普巴更係奇怪，當刻真係仍需要兩名防中嗎？有辛祖打邊就可以將雲比留番係後場，保持番三名中堅再加一個防中去守住後方，不可行嗎？最後換入既馬迪正正就將蘇B打面，一腳直線就係mcfred所欠缺既。蘇B同佢既團隊則需要諗諗臨場調動既時間，正選出人既選擇，再冇盃落袋或者歐聯分組賽出局，你就真係要搵工架啦！
請按此登錄後留言。未成為會員? 立即註冊