曼聯係周中既歐聯開閘脫腳，因雲比沙加係上半場中段領紅，縱然C朗延續火熱狀態，係早段先入一球，最後亦未能捱到完場，被瑞超既年青人反勝二比一。賽後我嘗試憑佢既換人調動而分析佢既思維，只能講除左最後換走費特既調動係不明所以之外，其他既換人都能理解。今場作客韋斯咸，除左要重回勝軌外，亦要繼續贏波緊守前列位置。
淺談韋斯咸近況，預測陣容
莫椰斯帶領既韋斯咸近五場不敗，聯賽兩勝兩和得8分，暫時排係第8位，上場更係歐霸賽事作客2:0贏左薩格勒布戴拿模拎左3分，氣勢可以話係一時無兩。面對曼聯，相信椰子已經好有心得知道要點踢。縮後收窄中路防守，等待機會反擊，一劍封喉。預測椰子用番慣常既4-5-1陣式，龍門起用法比安斯基。防線左至右會係基士維、奧邦拿、多遜、高法爾。一對防中起用蘇錫同上場入靚波既飯哥賴斯，左翼起用賓拉馬，右翼則用左腳仔好波之人保雲。攻擊中場相信會用科勞斯。前鋒大舊佬安東尼奧因兩黃一紅而要停賽，失去左佢既衝鋒陷陣都會對韋斯咸既攻力有所影響，或會起用耶莫蘭高代替。
談談曼聯近況，預測陣容
蘇B帶領既曼聯開季三勝一和得10分、暫時坐上聯賽榜第一位。上場歐聯則大熱倒灶被年青人反cup，蘇B再次備受質疑。今場面對椰子倒戈，誓必要贏波而回，挽回面子。椰子既韋斯咸紀律性極高，防守硬淨，尤其係中場中路既蘇錫同賴斯，兩名技術不俗，加上有身高優勢，曼聯要係中路硬闖絕非易事，反而向二閘埋手或能殺出一條血路。預測蘇B會繼續起用4-2-3-1陣式。龍門起用迪基亞，後防線照舊，梳爾、麥佳亞、華拉尼、雲比沙加。中場線面對對方兩個高大防中，矮少既費特不是一個好選擇，馬迪拍番普巴應該會係上策，還看麥湯文尼能否復出上陣。上場用連皇去換出C朗都冇選擇用綠木，都係想保留綠木既體力去踢呢場波，格連活特會出任右翼；而左翼位置則係連皇同辛祖之爭，辛祖始終都係較適合踢右路，左路可起用連皇。連皇上季外借西咸迎來大爆發，更因此入選國家隊，對西咸球員既踢法同特點與及球隊既部署都有一定程度既了解。雖然上場大意係後場傳送導致失波，但論狀態同位置適應性，佢都比辛祖好既情況下，今場有望披甲上陣。而攻擊中場般奴費南迪斯則會繼續支援C朗拿度爭取入球。
預測曼聯陣容
4-2-3-1
迪基亞
雲比沙加 華拉尼 麥佳亞 梳爾
格連活特 馬迪 普巴 連加特
般奴費南迪斯
C朗拿度
淺談韋斯咸近況，預測陣容
莫椰斯帶領既韋斯咸近五場不敗，聯賽兩勝兩和得8分，暫時排係第8位，上場更係歐霸賽事作客2:0贏左薩格勒布戴拿模拎左3分，氣勢可以話係一時無兩。面對曼聯，相信椰子已經好有心得知道要點踢。縮後收窄中路防守，等待機會反擊，一劍封喉。預測椰子用番慣常既4-5-1陣式，龍門起用法比安斯基。防線左至右會係基士維、奧邦拿、多遜、高法爾。一對防中起用蘇錫同上場入靚波既飯哥賴斯，左翼起用賓拉馬，右翼則用左腳仔好波之人保雲。攻擊中場相信會用科勞斯。前鋒大舊佬安東尼奧因兩黃一紅而要停賽，失去左佢既衝鋒陷陣都會對韋斯咸既攻力有所影響，或會起用耶莫蘭高代替。
談談曼聯近況，預測陣容
蘇B帶領既曼聯開季三勝一和得10分、暫時坐上聯賽榜第一位。上場歐聯則大熱倒灶被年青人反cup，蘇B再次備受質疑。今場面對椰子倒戈，誓必要贏波而回，挽回面子。椰子既韋斯咸紀律性極高，防守硬淨，尤其係中場中路既蘇錫同賴斯，兩名技術不俗，加上有身高優勢，曼聯要係中路硬闖絕非易事，反而向二閘埋手或能殺出一條血路。預測蘇B會繼續起用4-2-3-1陣式。龍門起用迪基亞，後防線照舊，梳爾、麥佳亞、華拉尼、雲比沙加。中場線面對對方兩個高大防中，矮少既費特不是一個好選擇，馬迪拍番普巴應該會係上策，還看麥湯文尼能否復出上陣。上場用連皇去換出C朗都冇選擇用綠木，都係想保留綠木既體力去踢呢場波，格連活特會出任右翼；而左翼位置則係連皇同辛祖之爭，辛祖始終都係較適合踢右路，左路可起用連皇。連皇上季外借西咸迎來大爆發，更因此入選國家隊，對西咸球員既踢法同特點與及球隊既部署都有一定程度既了解。雖然上場大意係後場傳送導致失波，但論狀態同位置適應性，佢都比辛祖好既情況下，今場有望披甲上陣。而攻擊中場般奴費南迪斯則會繼續支援C朗拿度爭取入球。
預測曼聯陣容
4-2-3-1
迪基亞
雲比沙加 華拉尼 麥佳亞 梳爾
格連活特 馬迪 普巴 連加特
般奴費南迪斯
C朗拿度
請按此登錄後留言。未成為會員? 立即註冊