面對住小組最弱既球隊，加上賽程開始頻密，蘇B選擇稍作輪換都唔感到意外。迪基亞把守最後一關，左右二閘繼續係雲比沙加同梳爾，中堅改用連迪路夫拍隊長麥佳亞都係預期之內，冰人係歐洲賽事唔駛面對高大衝撞型前鋒會有較好發揮。中場中路起用費特同雲迪碧克，老將馬迪如要一周三賽實在比較嚴苛，亦正好借此機會試下雲迪碧克能否勝任6號位。普巴移居左翼，般奴費南迪斯居中，等辛祖可以番番去慣常既右翼位置，而C朗則繼續打中鋒。
早段踢落優勢唔算大 但戰術上見到有些少變化一開波，曼聯就採取前場逼搶，好快就搶左控球權同主導權。係後場開始進攻時，右閘既雲比沙加會減少壓前，選擇內收中間變成三中堅負責出波。以往會係防中移後，推番雲比沙加上去助攻。今場具突破力既辛祖打翼，就可以唔駛靠雲比沙加後上。而當個波由左轉右時，雲比亦會適時後上，等其中一名中場去補番佢中堅既位置。兩名防中主力就係中場幫手做舖橋搭路，除左運波送上前場，就係做屏障第一時間截斷對手既反擊。可能中場換左人，個波輪轉速度都唔係太快。對方又集中防守，曼聯空有控球權，但唔能夠創造到具威脅埋門。
入波睇落好靚 但更大原因係防守問題
踢到13分鐘，曼聯一次反守為攻。般奴係左面禁區角吸引左兩名防守球員夾擊。C朗走尾柱準備接應。但對方既中堅係禁區頂突然離開自己既位置企前左幾步去防守係中路插入緊辛祖。般奴見狀即刻腳面片個波入禁區內。因一個中堅出左禁區，個波繞過右閘就變成冇人解圍，c朗一加速擺脫左閘就空晒，射穿龍門大細而入。俾呢腳當然都俾得好靚，但更重點既係對方既防線突然露出重大缺口就即失一球。
贏緊波但輸形勢
入完波後既曼聯，進攻上都唔算好有威脅。辛祖今場回歸右路，走位企位上同踢左面有明顯分別，起碼佢係適當時間出現係適當既地方，但佢既狀態同信心都明顯不足。不停搵人交就欠缺左侵略性，到真係要交波果陣就有d猶豫而被對方成功攔截。一對防中互相間既企位還可以，防守上唔係太多甩碌，但用波就略嫌太慢，亦缺少左具穿透力既直線。雲迪碧克短波選擇還可以，但長波就真係麻麻，有時般奴仲要逗到好後黎較炮就見到問題所在。佢始終都係適合踢一個box to box中場。
一個紅牌就係場波既轉捩點
踢到35分鐘，雲比沙加係前場推失波，情急一腳踩中晒對方既腳腕。球證企得好近，亳不猶豫就出示紅牌驅逐離場。雲比沙加個動作都算貼地，但踩中晒人就冇咩好嘈，紅牌可俾可唔俾，你可以話球證過嚴，但唔會係球證錯。蘇B立刻換入大佬達洛特踢番隻閘，竟然換走辛祖，將般奴拉後，改踢4-4-1。呢個調動都有少少詫異，要打反擊就梗係搵快馬出黎跑，但竟然唔收起普巴。不過上年上半季都試過改踢4222，進攻就普巴拍般奴收中，以強大既中路持球力吸引防守等二閘後上。所以都可理解呢個調動。之後年青人立刻推快進攻節奏，以兩翼側擊為主扔高波入曼聯禁區。曼聯頂住完半場。
蘇B都唔係完全冇戰術頭腦
下半場出黎，蘇B用華拉尼入替雲迪碧克，改踢5-3-1，使用三中堅應付對方兩側既高空轟炸。逗後防中係費特，前面兩個則係普巴同般奴，希望利用兩者既技術係中場保持控球，搵機會俾波C朗攻門，而兩翼衛負責提供闊度。諗法其實係有既，而C朗亦有一次機會，把握到對方後衛犯錯，搶到後形成單刀並在禁區被對方推跌。呢下絕對係一個12碼加紅牌既犯規，但球證同VAR都唔認同，亦冇作出任何表示。
頂左廿分鐘都係頂唔住
踢到66分鐘，年青人進攻由左轉右，右路既希夫迪盪個地波出黎，尼加馬利奧搶前點一篤近柱，迪基亞番身不及就失守。呢個失波華拉尼有少少責任，慢左少少去緊貼住進攻球員。到72分鐘，蘇B再換，用連加特入替C朗與及用馬迪入替般奴。相信蘇B係想一心守到尾，打少一人下想保留C朗同般奴既體力，亦唔想換入下場會對西咸既球員去浪費體力，所以換入workrate較高，速度唔慢既連加特係前場攻擊對方既空間；換入馬迪則好明顯係想利用佢既經驗同防守意識去保護防線；普巴則繼續幫手停波同搵機會扔長波俾前面或兩翼衛後上。
蘇B既神之調動真係估你唔到
踢到89分鐘都似望到家鄉，蘇B使出神之調動，用馬斯亞換入中場速率最高、覆蓋範圍大、攔截力強既費特，將連加特踢後一格，希望用馬仔係前面偷人地雞。此舉就令到連加特係最後階段，係自己後場交出致命回傳，被人偷到單刀反勝曼聯，令曼聯首場作客歐聯冇分落袋。
總結一下
一個紅牌固然令領先緊既曼聯一下子陷入劣勢，但其實紅牌前既曼聯都未能在場上展現出強隊既氣勢。C朗既加盟大大加強左前場入球能力，但中場同兩翼應如何配搭必須要在開季早段就解決。蘇B都有嘗試利用換人去應付對方既進攻模式，係最後既迷之調動，「從而」令連皇自爆，相信亦不是佢所願。姑勿論最後係贏定輸，起碼蘇B有變先，同唔同意佢既思維就見人見智。今場只係分組賽第一場，輸左都唔駛絕望，展望下一場對西咸仲好！
早段踢落優勢唔算大 但戰術上見到有些少變化一開波，曼聯就採取前場逼搶，好快就搶左控球權同主導權。係後場開始進攻時，右閘既雲比沙加會減少壓前，選擇內收中間變成三中堅負責出波。以往會係防中移後，推番雲比沙加上去助攻。今場具突破力既辛祖打翼，就可以唔駛靠雲比沙加後上。而當個波由左轉右時，雲比亦會適時後上，等其中一名中場去補番佢中堅既位置。兩名防中主力就係中場幫手做舖橋搭路，除左運波送上前場，就係做屏障第一時間截斷對手既反擊。可能中場換左人，個波輪轉速度都唔係太快。對方又集中防守，曼聯空有控球權，但唔能夠創造到具威脅埋門。
入波睇落好靚 但更大原因係防守問題
踢到13分鐘，曼聯一次反守為攻。般奴係左面禁區角吸引左兩名防守球員夾擊。C朗走尾柱準備接應。但對方既中堅係禁區頂突然離開自己既位置企前左幾步去防守係中路插入緊辛祖。般奴見狀即刻腳面片個波入禁區內。因一個中堅出左禁區，個波繞過右閘就變成冇人解圍，c朗一加速擺脫左閘就空晒，射穿龍門大細而入。俾呢腳當然都俾得好靚，但更重點既係對方既防線突然露出重大缺口就即失一球。
贏緊波但輸形勢
入完波後既曼聯，進攻上都唔算好有威脅。辛祖今場回歸右路，走位企位上同踢左面有明顯分別，起碼佢係適當時間出現係適當既地方，但佢既狀態同信心都明顯不足。不停搵人交就欠缺左侵略性，到真係要交波果陣就有d猶豫而被對方成功攔截。一對防中互相間既企位還可以，防守上唔係太多甩碌，但用波就略嫌太慢，亦缺少左具穿透力既直線。雲迪碧克短波選擇還可以，但長波就真係麻麻，有時般奴仲要逗到好後黎較炮就見到問題所在。佢始終都係適合踢一個box to box中場。
一個紅牌就係場波既轉捩點
踢到35分鐘，雲比沙加係前場推失波，情急一腳踩中晒對方既腳腕。球證企得好近，亳不猶豫就出示紅牌驅逐離場。雲比沙加個動作都算貼地，但踩中晒人就冇咩好嘈，紅牌可俾可唔俾，你可以話球證過嚴，但唔會係球證錯。蘇B立刻換入大佬達洛特踢番隻閘，竟然換走辛祖，將般奴拉後，改踢4-4-1。呢個調動都有少少詫異，要打反擊就梗係搵快馬出黎跑，但竟然唔收起普巴。不過上年上半季都試過改踢4222，進攻就普巴拍般奴收中，以強大既中路持球力吸引防守等二閘後上。所以都可理解呢個調動。之後年青人立刻推快進攻節奏，以兩翼側擊為主扔高波入曼聯禁區。曼聯頂住完半場。
蘇B都唔係完全冇戰術頭腦
下半場出黎，蘇B用華拉尼入替雲迪碧克，改踢5-3-1，使用三中堅應付對方兩側既高空轟炸。逗後防中係費特，前面兩個則係普巴同般奴，希望利用兩者既技術係中場保持控球，搵機會俾波C朗攻門，而兩翼衛負責提供闊度。諗法其實係有既，而C朗亦有一次機會，把握到對方後衛犯錯，搶到後形成單刀並在禁區被對方推跌。呢下絕對係一個12碼加紅牌既犯規，但球證同VAR都唔認同，亦冇作出任何表示。
頂左廿分鐘都係頂唔住
踢到66分鐘，年青人進攻由左轉右，右路既希夫迪盪個地波出黎，尼加馬利奧搶前點一篤近柱，迪基亞番身不及就失守。呢個失波華拉尼有少少責任，慢左少少去緊貼住進攻球員。到72分鐘，蘇B再換，用連加特入替C朗與及用馬迪入替般奴。相信蘇B係想一心守到尾，打少一人下想保留C朗同般奴既體力，亦唔想換入下場會對西咸既球員去浪費體力，所以換入workrate較高，速度唔慢既連加特係前場攻擊對方既空間；換入馬迪則好明顯係想利用佢既經驗同防守意識去保護防線；普巴則繼續幫手停波同搵機會扔長波俾前面或兩翼衛後上。
蘇B既神之調動真係估你唔到
踢到89分鐘都似望到家鄉，蘇B使出神之調動，用馬斯亞換入中場速率最高、覆蓋範圍大、攔截力強既費特，將連加特踢後一格，希望用馬仔係前面偷人地雞。此舉就令到連加特係最後階段，係自己後場交出致命回傳，被人偷到單刀反勝曼聯，令曼聯首場作客歐聯冇分落袋。
總結一下
一個紅牌固然令領先緊既曼聯一下子陷入劣勢，但其實紅牌前既曼聯都未能在場上展現出強隊既氣勢。C朗既加盟大大加強左前場入球能力，但中場同兩翼應如何配搭必須要在開季早段就解決。蘇B都有嘗試利用換人去應付對方既進攻模式，係最後既迷之調動，「從而」令連皇自爆，相信亦不是佢所願。姑勿論最後係贏定輸，起碼蘇B有變先，同唔同意佢既思維就見人見智。今場只係分組賽第一場，輸左都唔駛絕望，展望下一場對西咸仲好！
請按此登錄後留言。未成為會員? 立即註冊