歐聯又黎啦 (賽前預測陣容 - 曼聯對年青人)

Hea談曼聯 於 13/09/2021 發表 收藏文章
禮拜三凌晨12:45,歐聯賽事又黎啦,曼聯一眾粉絲又要開始捱夜睇波之旅。先講下同組有咩對手先,身處F組既曼聯,同組有意甲阿特蘭大、西甲兼上屆係歐霸盃擊敗曼聯既黃色潛艇維拉利爾同埋瑞超既年青人。望落就係三隊爭兩個位,都唔太算係死亡之組,蘇B絕對需要係呢一組拎夠分出線16強。第一場就對住同組應該係實力最弱既年青人,一定要贏波拎三分。

過去既禮拜六先踢完聯賽,黎緊禮拜三凌晨就踢歐聯,接住既禮拜日就要對韋斯咸,蘇B係需要諗諗輪換球員保留體力。龍門位置可以交俾甸軒達臣把守最後一關。左閘泰利斯已復操,有條件等梳爾抖抖。中堅麥隊長係鐵人,等佢帶住係歐洲賽事有出色表現既連迪路夫出任中堅孖寶。相信蘇B係右閘位置都未必會起用大佬達洛特,都會係先用雲比沙加。左翼既辛祖絕對需要休息,諗諗自己既定位。連皇係時候要把握機會踢出光芒。中場中路則比較令人頭痛,普巴都係必然正選,但費特執唔掂普巴D屎,麥湯文尼又未能復出的話,都只能繼續用馬迪頂硬上。右翼位繼續係綠木擔正。雲迪碧克雖然上場有後備入替般奴等佢休息,但般奴冇病冇痛情況下都唔會休息架啦,繼續擔任球隊進攻核心,係前面支援C朗拿度攻堅。

預測曼聯正選陣容
甸軒達臣
雲比沙加 連迪路夫 麥佳亞 泰利斯
格連洛特 馬迪 普巴 連加特
般奴費南迪斯
C朗拿度
標籤: 曼聯  年青人  歐聯  

留言


請按此登錄後留言。未成為會員? 立即註冊
    快捷鍵:←
    快捷鍵:→