不出賽前所料，C朗回歸第一場立即以正選上陣，最後仲梅開二度，帶領曼聯以4:1大炒布魯士既紐卡素，絕對係完美夢幻既回歸！
雙方出場陣容
曼聯既出場陣容同我賽前預測只係差一個人不同，蘇B繼續排出4-2-3-1。龍門迪基亞，後防由左至右係梳爾、麥佳亞、華拉尼、雲比沙加。中場中路由馬迪拍住普巴，左右二翼則係辛祖同格連活特。攻擊中場般奴費南迪斯支援回歸曼聯既C朗拿度。而紐卡素方面，布魯士則改排5-4-1陣式，前線只留聖麥斯文係最前，中場線由右至左係艾米朗、韋諾克、朗史達夫、祖寧頓。左右翼衛係列治同文基路。三名中堅係希頓、拿素利斯、奇勒。龍門則用上活特文。
談談紐卡素部署
哥林威爾遜因傷缺陣，逼使布魯士照辦煮碗，上場狼隊點踢我就點踢，改踢5-4-1集中中路防守。但論人腳質素同執行力就同狼隊有距離，前線聖麥斯文雖然突破力強、速度高，但要接應後場高波係前場停波就顯得力不從心。左翼既祖寧頓亦難用速度同盤扭去擺脫雲比沙加，右翼既艾米朗相對較好，但對住梳爾都係落係下風。而防線亦墮得太深，令到曼聯可以肆無忌憚咁整隊向前壓。
講講C朗踢最前令整隊波既變化
先講中場，馬迪雖然慢，但佢同普巴相互既企位，適時既上腳，控制節奏既能力都遠比費特為佳，亦令到曼聯係中後場既波唔會咁易斷纜，能安穩地再運上前場組織。講番C朗，佢好明顯立即變左一個target man，曼聯其他球員好多波都會望住佢黎交，又或者係中路先搵佢去駁一駁腳再轉方向。佢亦唔係企係度等波到，特別係般奴持球時，佢就會主動走位去接應。個波入到禁區起碼會有點接應先，而呢個點更係強力的點，紐卡素係必須搵人睇住，或要用更多球員去看管。整隊交波有方向有目標，係今場所見到的。
紐卡素既901都唔容易攻破
開波頭十五分鐘，曼聯係全面壓住半場黎攻，控球接近8:2之比，但紐卡素全軍退守亦未有太多空間比到曼聯去進攻，曼聯只能圍住黎搓。紐卡素防線之深亦令到曼聯能大軍壓境，前場失去停球點，反擊既次數亦不是太多。雖然都有幾下人多打人少，但曼聯球員既回追，加上馬迪適時出現保護防線，亦使反擊既威脅性大大減弱。屯重兵既防線亦令到曼聯只能圍搓同外圍施射，而兩翼缺乏突破同兩閘亦未能提供具質素傳中。去到上半場補時階段，綠木右路嘗試扣大位左腳射近柱。波省到人情況下改變左少少方向，活特文判斷失誤彈左下琵琶，個波向右彈左俾衝前既C朗。面對空門既C朗輕鬆射入回歸曼聯既第一球！！！呢個波看似簡單，但都要前鋒有意識衝埋龍門口先得到呢個絕佳機會。
失一球波再激發紅魔鬼下半場出黎，雙方都未有作出任何調動。戰況如上半場一樣。踢到56分鐘，紐卡素一個反擊，聖麥斯文係禁區頂有少少推甩腳情況下，篤俾後上既文基路。佢係右路窄位右腳射遠柱，追成平手。可惜紐卡素只能高興幾分鐘，曼聯62分鐘一下反擊，梳爾係中場中路推左廿碼之後，直線塞俾走緊位既C朗，但個波明顯係俾左身後。C朗再度展現佢既級數，側身用右腳一拖已經將波帶番去自己既左腳順便入埋禁區，左腳跟住一射就射穿活特文既大細龍門，令曼聯再度領先。
般奴入多球鎖定勝局，連皇錦上添花
踢到66分鐘，蘇B先作出一個調動，由連加特入替表現平平既辛祖。呢場見到辛祖都好勤力作走位入楔，亦有嘗試同隊友配合，但就缺乏左佢自身就突破力。未知是否傷患影響狀態，又或是要遷就綠木改踢左路，呢幾場波都明顯未係佢最高水平，連帶佢自己最sharp既特點都見唔到。戰至77分鐘，布魯士換入梅菲加強攻力。但未見其利，就再被般奴係80分鐘接應普巴既傳送，係禁區頂推順右腳射個世界波，領先到3:1。雙方到85分鐘既換人都變得例行公事。到補時階段，曼聯則鮮有一個禁區中路配合，普巴一彈，馬仔一漏，連皇一控一盪就射成4:1
贏左唔代表冇問題需要解決
呢場完美夢幻般既賽果相信費sir都飲得杯落，但場波過程中有幾樣係需要曼聯去解決 :
1）C朗即插即用，但個波變得太集中係佢度。如何利用佢被人重點招呼，從而令到其他隊友有空位，又或者其他隊友點去執第二點係需要時間磨合同練習。
2）綠木好明顯既殺著就係右路壓入禁區，再利用兩下插花去選擇落大位或窄位射門。如要佢去拉邊提供闊度去出波，雲比沙加走underlap幫佢拉位，又係咪合適既戰術？而C朗係禁區係非常需要兩邊側擊既傳中，左路既梳爾就冇乜問題，但右閘雲比沙加係進攻上既企位同進攻選擇係非常需要加強。
3）辛祖既加盟本想係平衡曼聯重左輕右既進攻問題，但當fit既綠木加上福仔受傷，又令到辛祖要走過黎踢左邊，變左又冇解決到左右攻守失衡既問題。呢幾場踢左路既辛祖更係有少少迷失左，表現不似預期，而連皇亦係咪應該取替佢打左路亦係蘇B需要諗諗。
雙方出場陣容
曼聯既出場陣容同我賽前預測只係差一個人不同，蘇B繼續排出4-2-3-1。龍門迪基亞，後防由左至右係梳爾、麥佳亞、華拉尼、雲比沙加。中場中路由馬迪拍住普巴，左右二翼則係辛祖同格連活特。攻擊中場般奴費南迪斯支援回歸曼聯既C朗拿度。而紐卡素方面，布魯士則改排5-4-1陣式，前線只留聖麥斯文係最前，中場線由右至左係艾米朗、韋諾克、朗史達夫、祖寧頓。左右翼衛係列治同文基路。三名中堅係希頓、拿素利斯、奇勒。龍門則用上活特文。
談談紐卡素部署
哥林威爾遜因傷缺陣，逼使布魯士照辦煮碗，上場狼隊點踢我就點踢，改踢5-4-1集中中路防守。但論人腳質素同執行力就同狼隊有距離，前線聖麥斯文雖然突破力強、速度高，但要接應後場高波係前場停波就顯得力不從心。左翼既祖寧頓亦難用速度同盤扭去擺脫雲比沙加，右翼既艾米朗相對較好，但對住梳爾都係落係下風。而防線亦墮得太深，令到曼聯可以肆無忌憚咁整隊向前壓。
講講C朗踢最前令整隊波既變化
先講中場，馬迪雖然慢，但佢同普巴相互既企位，適時既上腳，控制節奏既能力都遠比費特為佳，亦令到曼聯係中後場既波唔會咁易斷纜，能安穩地再運上前場組織。講番C朗，佢好明顯立即變左一個target man，曼聯其他球員好多波都會望住佢黎交，又或者係中路先搵佢去駁一駁腳再轉方向。佢亦唔係企係度等波到，特別係般奴持球時，佢就會主動走位去接應。個波入到禁區起碼會有點接應先，而呢個點更係強力的點，紐卡素係必須搵人睇住，或要用更多球員去看管。整隊交波有方向有目標，係今場所見到的。
紐卡素既901都唔容易攻破
開波頭十五分鐘，曼聯係全面壓住半場黎攻，控球接近8:2之比，但紐卡素全軍退守亦未有太多空間比到曼聯去進攻，曼聯只能圍住黎搓。紐卡素防線之深亦令到曼聯能大軍壓境，前場失去停球點，反擊既次數亦不是太多。雖然都有幾下人多打人少，但曼聯球員既回追，加上馬迪適時出現保護防線，亦使反擊既威脅性大大減弱。屯重兵既防線亦令到曼聯只能圍搓同外圍施射，而兩翼缺乏突破同兩閘亦未能提供具質素傳中。去到上半場補時階段，綠木右路嘗試扣大位左腳射近柱。波省到人情況下改變左少少方向，活特文判斷失誤彈左下琵琶，個波向右彈左俾衝前既C朗。面對空門既C朗輕鬆射入回歸曼聯既第一球！！！呢個波看似簡單，但都要前鋒有意識衝埋龍門口先得到呢個絕佳機會。
失一球波再激發紅魔鬼下半場出黎，雙方都未有作出任何調動。戰況如上半場一樣。踢到56分鐘，紐卡素一個反擊，聖麥斯文係禁區頂有少少推甩腳情況下，篤俾後上既文基路。佢係右路窄位右腳射遠柱，追成平手。可惜紐卡素只能高興幾分鐘，曼聯62分鐘一下反擊，梳爾係中場中路推左廿碼之後，直線塞俾走緊位既C朗，但個波明顯係俾左身後。C朗再度展現佢既級數，側身用右腳一拖已經將波帶番去自己既左腳順便入埋禁區，左腳跟住一射就射穿活特文既大細龍門，令曼聯再度領先。
般奴入多球鎖定勝局，連皇錦上添花
踢到66分鐘，蘇B先作出一個調動，由連加特入替表現平平既辛祖。呢場見到辛祖都好勤力作走位入楔，亦有嘗試同隊友配合，但就缺乏左佢自身就突破力。未知是否傷患影響狀態，又或是要遷就綠木改踢左路，呢幾場波都明顯未係佢最高水平，連帶佢自己最sharp既特點都見唔到。戰至77分鐘，布魯士換入梅菲加強攻力。但未見其利，就再被般奴係80分鐘接應普巴既傳送，係禁區頂推順右腳射個世界波，領先到3:1。雙方到85分鐘既換人都變得例行公事。到補時階段，曼聯則鮮有一個禁區中路配合，普巴一彈，馬仔一漏，連皇一控一盪就射成4:1
贏左唔代表冇問題需要解決
呢場完美夢幻般既賽果相信費sir都飲得杯落，但場波過程中有幾樣係需要曼聯去解決 :
1）C朗即插即用，但個波變得太集中係佢度。如何利用佢被人重點招呼，從而令到其他隊友有空位，又或者其他隊友點去執第二點係需要時間磨合同練習。
2）綠木好明顯既殺著就係右路壓入禁區，再利用兩下插花去選擇落大位或窄位射門。如要佢去拉邊提供闊度去出波，雲比沙加走underlap幫佢拉位，又係咪合適既戰術？而C朗係禁區係非常需要兩邊側擊既傳中，左路既梳爾就冇乜問題，但右閘雲比沙加係進攻上既企位同進攻選擇係非常需要加強。
3）辛祖既加盟本想係平衡曼聯重左輕右既進攻問題，但當fit既綠木加上福仔受傷，又令到辛祖要走過黎踢左邊，變左又冇解決到左右攻守失衡既問題。呢幾場踢左路既辛祖更係有少少迷失左，表現不似預期，而連皇亦係咪應該取替佢打左路亦係蘇B需要諗諗。
請按此登錄後留言。未成為會員? 立即註冊