先講講雙方陣容
蘇B繼續排出4-2-3-1陣式。迪基亞出任正選，取代病左既甸軒達臣。後防線照舊由左至右係梳爾、麥佳亞、連迪路夫、雲比沙加。開波前見到華拉尼同球迷打招呼，佢著起19號球衣，非常期待佢既加盟。一對平排防中起用MCFRED組合應付列斯聯既高速行軍。左翼用普巴，右翼用占士。攻擊中場般奴費南迪斯拍住格連活特係前線攻堅。新丁辛祖初黎報到就先列後備。卡雲尼亦隔離中﹐連後備都冇。比爾沙則繼續排出4-1-4-1陣式。龍門美斯利爾。後防線由左至右係達拉斯、古柏、史杜克、艾寧。卡雲菲臘斯先列後備，由賀治出任逗後防中。佢前面有洛迪高、奇連治。左右翼則係夏利遜同拉芬拿支援班福特攻堅。
頭十五分鐘盡是曼聯天下
列斯聯一如以往，採用人釘人戰術，為填補互相間既空位，防線會推上三閘線，同中場線保持聯繫。曼聯係比較擅長應付呢類踢法。無他，我快馬多，放到長波既人亦多，就可以加以利用三閘線同禁區線既空位，俾前面哨。因為有主場球迷支持，初段曼聯踢得比較主動，球員狀態亦比對面隊為佳。因應對方既防守模式，中場MCFRED明顯較少回後拎波，兩個企位越過中場線，等一對中堅派牌。當中堅放長波俾前鋒去停時，其中一個就會前插入禁區支援。又或者般奴主動離開中路位置，拉走防中等中堅俾到穿透性宜線時﹐再即彈俾後上插入既防中球員。呢著幾明顯係收到指示。而普巴、占士亦都主動走去中堅同閘位既身後空間﹐去等中堅放長直接進攻。五分鐘綠木禁區外既射門就睇到成個進攻係十分行雲流水。踢到十分鐘就有拉芬拿大意回後，差少少俾綠木偷到雞。到十二分鐘﹐綠木中路搶斷反擊，斜線傳俾入楔既普巴形成單刀之勢，可惜僅僅射斜。
中段互有攻守，勢均力敵
十五分鐘後，列斯聯透過反擊同角球先可以開始係曼聯既後場壓迫同制造威脅。先有夏利遜窩利射得太正﹐跟住有一下反擊，奇連治係禁區頂擺過般奴盪射尾柱被迪迪仔飛身撲出。企穩陣腳下既列斯聯漸漸拎番少少控球權，但缺少卡雲菲臘斯下，中場截擊力同組織力都幾受影響。曼聯就繼續依靠斜傳同長波進攻。占士真係走得好快，但往往唔係越左位就係上腳第一下做得唔好。呢場波本應非常岩佢發揮，但踢落除左勤力同跑都見唔到有咩進步。跟住列斯聯仲有一下罰球嚇親大家﹐洛迪高接應左路拉芬拿既罰球頂唔中目標，曼聯完全冇人防守，又係zone defense問題。說好的新死球教練，真係要重點訓練一下。踢到二十六分鐘﹐普巴中路同般奴連接後，係禁區頂遠射，可惜食唔應個波，被龍門輕鬆沒收。
今季入第一球就係般奴費南迪斯
踢到三十分鐘，美斯利爾後場開龍門死球，陣形照舊拉闊，個波係中場右路第一點俾冰人頂俾麥湯文尼。般奴並冇回後拎波，佢諗都唔諗就向住兩名中堅既空間跑。原因？佢知道普巴會現身拎波。普巴慢步走中路接應麥湯既傳波，第一時間就chok俾般奴。個波弧線咁係正般奴身前落，佢右腳一控左腳一射，射穿龍門大細入網。除左般奴既走位同處理非常抵讚外，普巴既傳送亦不可不提。跟住仲有梳爾同占士既施射斜出。列斯聯只能靠邊路傳中去尋找班福特攻門，但都被曼聯中堅一一化解。上半場......完
般奴 : 整番個帽子戲法先
比爾沙果斷用菲普換走低迷既洛迪高，將達拉斯推番上中場，從巴塞黎既菲普出任左閘。呢個換人立刻見效。踢到四十七分鐘，達拉斯接應左路既界外球﹐橫傳俾後上既艾寧。佢右腳一推順就係禁區頂怒轟一球世界波。個波直飛龍門既右上角中網仔而入，迪基亞飛到盡都掂唔到波皮﹐追成一比一。本身防守艾寧既普巴都要負上少少責任﹐但射到咁靚都冇咩好講。普巴真係令人又愛又恨。點解咁講？踢到五十分鐘，冰人禁區頭鎚解圍俾梳爾打反擊。梳爾即刻俾普巴較炮﹐佢係自己三閘線一個幾廿碼既穿透地波直線俾到怒跑既綠木。呢個vision、傳球力水線路真係世界級。綠木左腳一控一推已經入到小禁區窄位射尾柱，亦射得非常漂亮。到五十二分鐘﹐曼聯前場逼搶成功。費特係中場截到個波就向前俾普巴。因梳爾統治左路，普巴經常移入中路組織。佢一轉身就見到般奴係右面走直線﹐毫不猶豫就交直線俾佢。般奴係右路窄位一控一dup，左腳一射又入一球。又係普巴助攻﹐領先到三比一。到五十八分鐘，到冰人開啟上帝視角(係誇張左)﹐係中場一個極具穿透性既直線劏穿列斯聯防線。般奴腳面一ban，皮球應聲入網。再讚一下般奴既走位非常聰明，咁就帽子戲法啦！
普巴 : 唔加碼真係好難續約
一瞬間被拉開到四比一，呢場波都可以進入垃圾時間。踢到六十七分鐘﹐綠木係左路現身接應麥湯傳送﹐就再拗腰踢落個位到等普巴跑。費特一見到麥湯向前俾就已經立刻向前跑入禁區。普巴加左速架啦，跑到落底線左腳第一時間地波傳中﹐搵到衝入禁區既費特﹐左腳輕鬆撞射入網，領先到五比一。呢個波就輸奇連治啦，費特係佢隔離跑入去都唔追。失五球波都冇乜邊球好關龍門事﹐美斯利爾都幾陰公。普巴單場四個助攻，亦見到佢同般奴多左好多互動，開始搵到進攻方程式，續定唔續真係世紀難題。
新兵辛祖出黎踩下草先
贏到五比一﹐比爾沙既換人都係盡下人事。蘇B都陸續換入馬迪、馬斯亞同係七十五分鐘換入新兵辛祖，等佢感受下奧脫福球迷既支持踩下草皮先。兩邊都收慢油情況 下﹐就再無入波。最後曼聯今場輕鬆地贏五比一，過下榜首癮。總結一下﹐小弟認為呢場波並不算大考驗﹐列斯聯既踢法特點係好容易俾曼聯搵到空間去進攻去埋門。缺少左菲臘斯既帶領更影響整隊既攻守。大勝一場值得開心，但能否爭冠就絕對係言之尚早。最大考驗除左係對前列球隊外，就係對般尼白禮頓呢D必定以守為主，或起用五人防線既球隊才睇得到呢隊曼聯有冇能力贏晒中下游隊從而去爭標啦。
蘇B繼續排出4-2-3-1陣式。迪基亞出任正選，取代病左既甸軒達臣。後防線照舊由左至右係梳爾、麥佳亞、連迪路夫、雲比沙加。開波前見到華拉尼同球迷打招呼，佢著起19號球衣，非常期待佢既加盟。一對平排防中起用MCFRED組合應付列斯聯既高速行軍。左翼用普巴，右翼用占士。攻擊中場般奴費南迪斯拍住格連活特係前線攻堅。新丁辛祖初黎報到就先列後備。卡雲尼亦隔離中﹐連後備都冇。比爾沙則繼續排出4-1-4-1陣式。龍門美斯利爾。後防線由左至右係達拉斯、古柏、史杜克、艾寧。卡雲菲臘斯先列後備，由賀治出任逗後防中。佢前面有洛迪高、奇連治。左右翼則係夏利遜同拉芬拿支援班福特攻堅。
頭十五分鐘盡是曼聯天下
列斯聯一如以往，採用人釘人戰術，為填補互相間既空位，防線會推上三閘線，同中場線保持聯繫。曼聯係比較擅長應付呢類踢法。無他，我快馬多，放到長波既人亦多，就可以加以利用三閘線同禁區線既空位，俾前面哨。因為有主場球迷支持，初段曼聯踢得比較主動，球員狀態亦比對面隊為佳。因應對方既防守模式，中場MCFRED明顯較少回後拎波，兩個企位越過中場線，等一對中堅派牌。當中堅放長波俾前鋒去停時，其中一個就會前插入禁區支援。又或者般奴主動離開中路位置，拉走防中等中堅俾到穿透性宜線時﹐再即彈俾後上插入既防中球員。呢著幾明顯係收到指示。而普巴、占士亦都主動走去中堅同閘位既身後空間﹐去等中堅放長直接進攻。五分鐘綠木禁區外既射門就睇到成個進攻係十分行雲流水。踢到十分鐘就有拉芬拿大意回後，差少少俾綠木偷到雞。到十二分鐘﹐綠木中路搶斷反擊，斜線傳俾入楔既普巴形成單刀之勢，可惜僅僅射斜。
中段互有攻守，勢均力敵
十五分鐘後，列斯聯透過反擊同角球先可以開始係曼聯既後場壓迫同制造威脅。先有夏利遜窩利射得太正﹐跟住有一下反擊，奇連治係禁區頂擺過般奴盪射尾柱被迪迪仔飛身撲出。企穩陣腳下既列斯聯漸漸拎番少少控球權，但缺少卡雲菲臘斯下，中場截擊力同組織力都幾受影響。曼聯就繼續依靠斜傳同長波進攻。占士真係走得好快，但往往唔係越左位就係上腳第一下做得唔好。呢場波本應非常岩佢發揮，但踢落除左勤力同跑都見唔到有咩進步。跟住列斯聯仲有一下罰球嚇親大家﹐洛迪高接應左路拉芬拿既罰球頂唔中目標，曼聯完全冇人防守，又係zone defense問題。說好的新死球教練，真係要重點訓練一下。踢到二十六分鐘﹐普巴中路同般奴連接後，係禁區頂遠射，可惜食唔應個波，被龍門輕鬆沒收。
今季入第一球就係般奴費南迪斯
踢到三十分鐘，美斯利爾後場開龍門死球，陣形照舊拉闊，個波係中場右路第一點俾冰人頂俾麥湯文尼。般奴並冇回後拎波，佢諗都唔諗就向住兩名中堅既空間跑。原因？佢知道普巴會現身拎波。普巴慢步走中路接應麥湯既傳波，第一時間就chok俾般奴。個波弧線咁係正般奴身前落，佢右腳一控左腳一射，射穿龍門大細入網。除左般奴既走位同處理非常抵讚外，普巴既傳送亦不可不提。跟住仲有梳爾同占士既施射斜出。列斯聯只能靠邊路傳中去尋找班福特攻門，但都被曼聯中堅一一化解。上半場......完
般奴 : 整番個帽子戲法先
比爾沙果斷用菲普換走低迷既洛迪高，將達拉斯推番上中場，從巴塞黎既菲普出任左閘。呢個換人立刻見效。踢到四十七分鐘，達拉斯接應左路既界外球﹐橫傳俾後上既艾寧。佢右腳一推順就係禁區頂怒轟一球世界波。個波直飛龍門既右上角中網仔而入，迪基亞飛到盡都掂唔到波皮﹐追成一比一。本身防守艾寧既普巴都要負上少少責任﹐但射到咁靚都冇咩好講。普巴真係令人又愛又恨。點解咁講？踢到五十分鐘，冰人禁區頭鎚解圍俾梳爾打反擊。梳爾即刻俾普巴較炮﹐佢係自己三閘線一個幾廿碼既穿透地波直線俾到怒跑既綠木。呢個vision、傳球力水線路真係世界級。綠木左腳一控一推已經入到小禁區窄位射尾柱，亦射得非常漂亮。到五十二分鐘﹐曼聯前場逼搶成功。費特係中場截到個波就向前俾普巴。因梳爾統治左路，普巴經常移入中路組織。佢一轉身就見到般奴係右面走直線﹐毫不猶豫就交直線俾佢。般奴係右路窄位一控一dup，左腳一射又入一球。又係普巴助攻﹐領先到三比一。到五十八分鐘，到冰人開啟上帝視角(係誇張左)﹐係中場一個極具穿透性既直線劏穿列斯聯防線。般奴腳面一ban，皮球應聲入網。再讚一下般奴既走位非常聰明，咁就帽子戲法啦！
普巴 : 唔加碼真係好難續約
一瞬間被拉開到四比一，呢場波都可以進入垃圾時間。踢到六十七分鐘﹐綠木係左路現身接應麥湯傳送﹐就再拗腰踢落個位到等普巴跑。費特一見到麥湯向前俾就已經立刻向前跑入禁區。普巴加左速架啦，跑到落底線左腳第一時間地波傳中﹐搵到衝入禁區既費特﹐左腳輕鬆撞射入網，領先到五比一。呢個波就輸奇連治啦，費特係佢隔離跑入去都唔追。失五球波都冇乜邊球好關龍門事﹐美斯利爾都幾陰公。普巴單場四個助攻，亦見到佢同般奴多左好多互動，開始搵到進攻方程式，續定唔續真係世紀難題。
新兵辛祖出黎踩下草先
贏到五比一﹐比爾沙既換人都係盡下人事。蘇B都陸續換入馬迪、馬斯亞同係七十五分鐘換入新兵辛祖，等佢感受下奧脫福球迷既支持踩下草皮先。兩邊都收慢油情況 下﹐就再無入波。最後曼聯今場輕鬆地贏五比一，過下榜首癮。總結一下﹐小弟認為呢場波並不算大考驗﹐列斯聯既踢法特點係好容易俾曼聯搵到空間去進攻去埋門。缺少左菲臘斯既帶領更影響整隊既攻守。大勝一場值得開心，但能否爭冠就絕對係言之尚早。最大考驗除左係對前列球隊外，就係對般尼白禮頓呢D必定以守為主，或起用五人防線既球隊才睇得到呢隊曼聯有冇能力贏晒中下游隊從而去爭標啦。
請按此登錄後留言。未成為會員? 立即註冊