歐霸盃決賽飲恨而回，聯賽由曾經有機會爭冠軍，最後保到下季歐聯席位。蘇B由2018出任看守領隊，轉正到依家，排陣出人、臨場應變、戰術部署當然仍有好大既進步空間，但佢重用年輕小將，更衣室既處理手法對比前幾位領隊都比較好。今季既成績雖然有啲失望，但我相信都未去到要炒佢既地步。經過一整季比賽（特別季尾幾場波），都見到來季有幾樣野係需要解決。
1）先解決普巴問題
由開季中武肺﹐經理人不斷放風要走﹐球場內表現不佳﹐都令到好多球迷對佢非常不滿﹐並不斷高呼賣走佢﹐而我則確信佢絕對能幫助曼聯。賽季中段既幾場波更憑佢既入波同助攻，令到球隊拎到寶貴既三分追趕前列份子。對曼城場波改任左中場更有不俗表現。可惜之後又踢番防中位置，表現明顯不及係左路。直至反勝熱刺場波就奠定左佢係左中場既正選。呢個位置釋放佢既進攻力之餘，更令到被針對防守既般奴多左空間做波。雙核驅動令進攻更流暢，亦多左高波一點令進攻更立體。佢既合約到2022年就完，佢既級數無庸置疑，絕對應該盡早同佢傾合約。處理左佢留隊問題，先可以再以佢同般奴為核心再執隊波。
2）般奴普巴為核心，最急切就係買防中
蘇B以4231為基本陣式，後場build-up依靠一個防中走到閘位形成三中堅負責出球，推兩閘壓上助攻，另一名中場則係中圈幫手連接中後場，兩翼內切或係邊路側擊，般奴居中策應，單箭頭係禁區搵食。呢個係進攻基本套路。普巴出任左中場，會經常移入中路，左面邊路就靠晒梳爾上，所以費特同麥湯文尼就需要同時在場，利用佢地跑動頻率高，防守力好，覆蓋範圍大，去填補梳爾身後空間﹐同普巴防守意識較弱既左路。但缺點亦好明顯就係﹐當面對對方前場逼搶時﹐兩個都冇擺脫防守者既能力﹐不能有效率地將個波經中場運上前場﹐對利物浦一戰就係非常好既參考﹐最後要動用普巴移入中路﹐才能解決呢個問題。馬迪又老一年﹐速率再難跟上快速既節奏。雲迪碧克亦明顯不是呢類型球員﹐既要搶得﹐又要停到波串連到中後場。外借既占士加拿或許可以勝任﹐但屬於需時培養型。所以如果以普巴為左中場﹐加上般奴居中作核心﹐最急切係先買一個防守中場球員解決中後場組織力不足。AC米蘭既基斯爾或者白禮頓既比蘇馬都比到我一個唔錯既印象。
3）右翼係咪必須要買呢？
整個前設係普巴留隊﹐左中場交由佢負責。咁福仔就好自然要改打右翼位置。賽季中後段有幾場波
係有擺福仔打右面既﹐效果雖然唔係好亮麗﹐但亦曾傳中助攻俾隊友入波。福仔係典型翼鋒﹐擅長用盤扭速度去突破對方防線﹐但如要佢內切進攻Half-space空間﹐對依家既佢黎講並不是一個好既進攻模式。反而叫佢拉邊踢﹐傳中突破為主﹐內切為輔﹐絕對能平衡番左右路既攻擊力﹐亦可以彌補到右閘雲比沙加擅守不擅攻﹐令右路側擊力疲弱問題。有福仔、綠木、濕水欖核迪亞路﹐仲有個戰術球員占士﹐再買就真係人滿之患。假如將普巴移入中路﹐又係咪要買右翼呢？我既睇法係要買﹐不過係買左翼先真。福仔依舊會俾我扔去打右翼﹐買維拉既格利殊填補左翼既空缺﹐又或者買D有攻中思維既翼鋒球員會比較適合整隊戰術。辛祖慣常打右翼﹐買佢即係福仔要繼續打左翼﹐又會繼續見到福仔衝入人堆架啦(如果唔開竅)。
4）睇完今季都係覺得要買中堅
開季前擁有四名中堅﹐個人認為係足夠應付。但如今都係改變想法﹐都係要買人。麥隊長雖然成日派路上身﹐但賽季中後段防守既表現係有目共睹。佢亦係一名鐵人﹐幾乎踢足每一場比賽﹐八千萬先生總算唔算水貨。拜利傷多過踢﹐連迪路夫制空力弱﹐杜安沙比需要磨練﹐隊中真係冇一個較為可靠既中堅可以幫到隊長﹐所以真係要買一個具級數既中堅。華拉尼盛傳會離開皇馬﹐黃色潛艇既保羅托利斯就知佢咩料啦﹐呢兩個都可以一試。
5）展望下季陣容
龍門方面﹐迪基亞同甸軒達臣都會一個主打盃賽一個主打聯賽﹐睇下蘇B點安排。放羅美路離隊啦﹐第三門將有新仔比索仲有外借左既彭利拿隨時侯命。外借左既達洛特可以回收同雲比沙加爭一席位﹐一個攻強於守﹐另一個就守強於攻﹐正好應付不同對手作出輪換。左閘既梳爾同泰利斯亦可以互補﹐威仔需要上場時間﹐可以外借出去又或者留黎踢盃仔。中堅買到人既話﹐加埋本身四個中堅已足夠。鐘斯實在太多傷病﹐都係同佢講拜拜。防守中場方面﹐馬迪不妨留隊繼續﹐麥湯、費特﹐添置一名具級數中場、加埋回收既占士加拿(試試佢)足夠有餘。右中場人滿之患不多說﹐仲有個外借左既柏利斯特里。左中場則有普巴﹐可改打左路既福頭(唔建議)﹐仲有梳泰爾同雲迪碧克。我相信VDB踢呢個位置會比踢攻中或者防中會更好(4231陣式下)。攻擊中場則有般奴費南迪斯、新仔梅布里﹐達叔則睇下有冇其他球隊挖角啦﹐我個人想佢留隊。前鋒線則有卡雲尼同格連活特﹐如買一個後備前鋒都可以。連皇連加特、安祖斯佩尼拉同對佢好失望既馬斯亞相信都係時候要離開球隊。連皇就不乏買家﹐但佩尼拉同馬仔就有少少難度﹐要睇下轉會部點樣兜售佢地啦！
曼聯下季陣容
門將：迪基亞、甸軒達臣、比索
左閘：梳爾、泰利斯、威廉斯
右閘：雲比沙加、達洛特
中堅：麥佳亞、連迪路夫、杜安沙比、拜利、（新中堅）
防守中場：馬迪、費特、麥湯文尼、（新中場）、占士加拿
左中場：普巴、雲迪碧克、梳泰爾
右中場：拉舒福特、迪亞路、占士、伊蘭加
攻擊中場：般奴費南迪斯、馬達、梅布里
前鋒：卡雲尼、格連活特
1）先解決普巴問題
由開季中武肺﹐經理人不斷放風要走﹐球場內表現不佳﹐都令到好多球迷對佢非常不滿﹐並不斷高呼賣走佢﹐而我則確信佢絕對能幫助曼聯。賽季中段既幾場波更憑佢既入波同助攻，令到球隊拎到寶貴既三分追趕前列份子。對曼城場波改任左中場更有不俗表現。可惜之後又踢番防中位置，表現明顯不及係左路。直至反勝熱刺場波就奠定左佢係左中場既正選。呢個位置釋放佢既進攻力之餘，更令到被針對防守既般奴多左空間做波。雙核驅動令進攻更流暢，亦多左高波一點令進攻更立體。佢既合約到2022年就完，佢既級數無庸置疑，絕對應該盡早同佢傾合約。處理左佢留隊問題，先可以再以佢同般奴為核心再執隊波。
2）般奴普巴為核心，最急切就係買防中
蘇B以4231為基本陣式，後場build-up依靠一個防中走到閘位形成三中堅負責出球，推兩閘壓上助攻，另一名中場則係中圈幫手連接中後場，兩翼內切或係邊路側擊，般奴居中策應，單箭頭係禁區搵食。呢個係進攻基本套路。普巴出任左中場，會經常移入中路，左面邊路就靠晒梳爾上，所以費特同麥湯文尼就需要同時在場，利用佢地跑動頻率高，防守力好，覆蓋範圍大，去填補梳爾身後空間﹐同普巴防守意識較弱既左路。但缺點亦好明顯就係﹐當面對對方前場逼搶時﹐兩個都冇擺脫防守者既能力﹐不能有效率地將個波經中場運上前場﹐對利物浦一戰就係非常好既參考﹐最後要動用普巴移入中路﹐才能解決呢個問題。馬迪又老一年﹐速率再難跟上快速既節奏。雲迪碧克亦明顯不是呢類型球員﹐既要搶得﹐又要停到波串連到中後場。外借既占士加拿或許可以勝任﹐但屬於需時培養型。所以如果以普巴為左中場﹐加上般奴居中作核心﹐最急切係先買一個防守中場球員解決中後場組織力不足。AC米蘭既基斯爾或者白禮頓既比蘇馬都比到我一個唔錯既印象。
3）右翼係咪必須要買呢？
整個前設係普巴留隊﹐左中場交由佢負責。咁福仔就好自然要改打右翼位置。賽季中後段有幾場波
係有擺福仔打右面既﹐效果雖然唔係好亮麗﹐但亦曾傳中助攻俾隊友入波。福仔係典型翼鋒﹐擅長用盤扭速度去突破對方防線﹐但如要佢內切進攻Half-space空間﹐對依家既佢黎講並不是一個好既進攻模式。反而叫佢拉邊踢﹐傳中突破為主﹐內切為輔﹐絕對能平衡番左右路既攻擊力﹐亦可以彌補到右閘雲比沙加擅守不擅攻﹐令右路側擊力疲弱問題。有福仔、綠木、濕水欖核迪亞路﹐仲有個戰術球員占士﹐再買就真係人滿之患。假如將普巴移入中路﹐又係咪要買右翼呢？我既睇法係要買﹐不過係買左翼先真。福仔依舊會俾我扔去打右翼﹐買維拉既格利殊填補左翼既空缺﹐又或者買D有攻中思維既翼鋒球員會比較適合整隊戰術。辛祖慣常打右翼﹐買佢即係福仔要繼續打左翼﹐又會繼續見到福仔衝入人堆架啦(如果唔開竅)。
4）睇完今季都係覺得要買中堅
開季前擁有四名中堅﹐個人認為係足夠應付。但如今都係改變想法﹐都係要買人。麥隊長雖然成日派路上身﹐但賽季中後段防守既表現係有目共睹。佢亦係一名鐵人﹐幾乎踢足每一場比賽﹐八千萬先生總算唔算水貨。拜利傷多過踢﹐連迪路夫制空力弱﹐杜安沙比需要磨練﹐隊中真係冇一個較為可靠既中堅可以幫到隊長﹐所以真係要買一個具級數既中堅。華拉尼盛傳會離開皇馬﹐黃色潛艇既保羅托利斯就知佢咩料啦﹐呢兩個都可以一試。
5）展望下季陣容
龍門方面﹐迪基亞同甸軒達臣都會一個主打盃賽一個主打聯賽﹐睇下蘇B點安排。放羅美路離隊啦﹐第三門將有新仔比索仲有外借左既彭利拿隨時侯命。外借左既達洛特可以回收同雲比沙加爭一席位﹐一個攻強於守﹐另一個就守強於攻﹐正好應付不同對手作出輪換。左閘既梳爾同泰利斯亦可以互補﹐威仔需要上場時間﹐可以外借出去又或者留黎踢盃仔。中堅買到人既話﹐加埋本身四個中堅已足夠。鐘斯實在太多傷病﹐都係同佢講拜拜。防守中場方面﹐馬迪不妨留隊繼續﹐麥湯、費特﹐添置一名具級數中場、加埋回收既占士加拿(試試佢)足夠有餘。右中場人滿之患不多說﹐仲有個外借左既柏利斯特里。左中場則有普巴﹐可改打左路既福頭(唔建議)﹐仲有梳泰爾同雲迪碧克。我相信VDB踢呢個位置會比踢攻中或者防中會更好(4231陣式下)。攻擊中場則有般奴費南迪斯、新仔梅布里﹐達叔則睇下有冇其他球隊挖角啦﹐我個人想佢留隊。前鋒線則有卡雲尼同格連活特﹐如買一個後備前鋒都可以。連皇連加特、安祖斯佩尼拉同對佢好失望既馬斯亞相信都係時候要離開球隊。連皇就不乏買家﹐但佩尼拉同馬仔就有少少難度﹐要睇下轉會部點樣兜售佢地啦！
曼聯下季陣容
門將：迪基亞、甸軒達臣、比索
左閘：梳爾、泰利斯、威廉斯
右閘：雲比沙加、達洛特
中堅：麥佳亞、連迪路夫、杜安沙比、拜利、（新中堅）
防守中場：馬迪、費特、麥湯文尼、（新中場）、占士加拿
左中場：普巴、雲迪碧克、梳泰爾
右中場：拉舒福特、迪亞路、占士、伊蘭加
攻擊中場：般奴費南迪斯、馬達、梅布里
前鋒：卡雲尼、格連活特
請按此登錄後留言。未成為會員? 立即註冊