維拉﹐你唔好彩啦 - 維拉對曼聯 (賽前預測陣容)

番番黎英超本土賽事，曼聯仲有5輪賽事要踢，包括係今晚既維拉、李斯特城、利物浦、富咸、狼隊。睇睇積分榜先（截至寫稿前），第四位既李斯特城踢左35場有63分，而我地則踢左33場有67分。計一計，只要5場賽事贏到2場就必定可以以第4名內完成今季賽事。再睇睇曼城，剩番3場波，佢只要贏多一場就可以拎英超冠軍，對手包括係半上岸既紐卡素同白禮頓、同埋最後對唔知到時係咪仲爭緊頭四既愛華頓。反超奪冠都冇乜可能，都係放棄呢個幻想吧啦。5場波贏兩場，加上入左歐霸盃決賽，再加上密集賽程，要場場Full Team去踢就冇可能架啦，必定係揀波黎踢。利物浦就真係sorry啦，一定全正選同你死過。對李城場波極有可用會選擇性出人，先讓俾羅渣士贏，再送利記一程。
今晚對維拉，維拉就唔好彩啦。為保歐聯席位，呢場肯定會全力踢左先。龍門會繼續用番甸軒達臣，左右二閘用鐵腳雲比沙加同梳爾，中堅則會用番連迪路夫拍麥佳亞。一對防中MCFRED組合，繼續解放普巴出任左中場。攻擊中場鐵膽般奴費南迪斯冇得抖。上場踢左20分鐘鬆D既福仔應會復任正選右翼，前鋒則交俾格連活特衝鋒陷陣，好Fit既卡雲尼先抖抖，早兩日先踢完驚佢體力頂唔住。

預測曼聯正選陣容
甸軒達臣
雲比沙加 連迪路夫 麥佳亞 梳爾
拉舒福特 麥湯文尼 費特 普巴
般奴費南迪斯格連活特