今日最爆既新聞除左係VIUTV首屆既頒獎典禮﹐就係歐超聯成立引起極大既迴響﹐不過呢樣就唔係呢篇文想分享既﹐出面都有好多post講唔同既意見﹐我都係分析番曼聯對般尼呢場波。
繼續解放普巴陣式
賽前分析預測左蘇B既正選陣容﹐最後開估只有卡雲尼不在名單之上。雖然上場只係踢左65分鐘﹐但畢竟都算一周雙賽﹐先擺後備亦無可厚非。龍門繼續用甸軒達臣﹐後防四個、梳爾、麥佳亞、連迪路夫同雲比沙加悉數上陣。防中用上MCFRED組合﹐麥湯文尼拍費特。右路福仔紮住上陣﹐而左路則繼續交俾近況甚勇既普巴。攻擊中場位置仍然係般奴費南迪斯﹐而前鋒則起用格連活特。
未講進攻﹐後防已經騰騰陣
一開波就已經俾甸軒嚇親！般尼又係呢招架啦﹐右邊就扔個波入禁區俾基斯活特去衝﹐點知甸軒出迎就打空氣﹐未到30秒個波就入左網。好彩旁證舉旗示意越位在先﹐如果唔係又要踢逆境波。甸軒下半場仲有一下無里頭出迎撞低左自己友﹐好彩最後冇失波。難得搶到個正選位就麻煩你醒醒定定啦。面對住基斯活特同呢種大大棍踢法既般尼﹐連迪路夫同麥佳亞一齊出就實有危險鏡頭。冰人面對呢類大隻佬真係完全攪唔掂﹐好在艾殊利班尼斯傷左﹐加上對面把握力同埋門級數麻麻先不致多失。
雙核驅動有效果﹐但係差入波
講番曼聯進攻﹐今場擺出黎都係4231﹐但踢落都係4222。左面側擊依靠梳爾後上﹐右面除左靠雲比沙加上黎外﹐福仔同綠木都會周不時互換位置走到右面幫手拉闊。普巴同般奴則一左一右﹐繼續極大自由度﹐係中路造波﹐又不時走到邊路打小組配合。頭30分鐘﹐進攻極具耐性﹐前場幾名球員都不停走位。福仔少左係邊路要波突破﹐反而係中路好多走動插入﹐可惜隊友未有為意﹐但絕對係幾好既嘗試。綠木則時右時中路﹐俾完波就走位﹐亦出左幾下不錯的傳中球。讚讚雲比﹐今場除左防守出色外﹐上黎進攻既威脅性係大左。整隊曼聯進攻有左有右﹐又有中路小組入滲﹐踢得極度流暢﹐可惜係埋門果下都係未能把握得到。般尼明顯唔習慣曼聯既進攻模式﹐守到有d手忙腳亂﹐但幸好龍門有不俗既表現﹐先可以力保不失。不過30分鐘後﹐般尼開始捉到曼聯既套路﹐而曼聯久攻不下後﹐嘗試多左放長傳俾前線去哨﹐效果反而麻麻﹐令到戰情變得膠著。
轉陣求變﹐又係靠反擊入波
蘇B下半場一出黎就㩒制換入卡雲尼﹐將普巴移番入防中位置﹐留守中圈負責轉邊。麥湯文尼拉後形成三中堅﹐增加多一個出球點﹐解決般尼轉用雙前鋒壓迫既防守模式。福仔踢回左路﹐負責邊路爆破同梳爾齊上齊落。右路就交俾綠木負責﹐而般奴則係對方三閘線自由走動。但入波都係要靠一下反擊。梳爾係後場截到個波就交俾福仔係左路發難。佢先通渠過左一個﹐再壓入禁區傳俾後上既般奴﹐般奴福至心靈一漏﹐讓俾後上係右面移入黎既綠木左腳撞射破網。可惜開心左唔夠兩分鐘﹐般尼就憑角球﹐由達高斯基力壓麥佳亞迎頂入網。都係區域防守既問題﹐本身雲比沙加去追住佢﹐但達高斯基一向前跑﹐雲比就俾佢撞左入小禁區﹐衝住黎頂個波同麥隊長企係度黎頂﹐就好自然頂輸。真係講到口臭…唉
轉完陣又變番老鼠拉龜
一比一之後又要由頭黎過。換左卡雲尼之後﹐整隊既進攻又變得單調。福仔一番到邊路﹐就不停嘗試作個人突破﹐但人地企定定就唔係咁容易再俾你過到。般奴即刻身陷重圍﹐缺少左普巴呢個持球點﹐般尼既一對防中就好容易係中路鎖死般奴﹐右路既綠木欠缺爆破力﹐亦難以係右路製造到一D具威脅既傳中。卡叔係禁區缺乏供應﹐走出黎現身拎波﹐亦冇乜人後上插入。整隊曼聯又踢番之前無乜生氣﹐難以破密集既進攻套路。
好波不如好運
要去到84分鐘先用雲迪碧克入替紮住踢既福仔﹐福仔其實一早要換﹐一踢左路就會多左上腳做個人突破。有時又推死個波﹐攪一大輪先甩個波更拖慢左個進攻節奏﹐有辣有唔辣。運財童子一入黎﹐個波輾轉由角球去到右邊比到綠木。佢係右面禁區角引下引下壓左入禁區﹐突然擺大位左腳怒抽﹐個波省到人改變方向係近柱入左﹐負碌領先一球。最後去到補時階段﹐人地大軍壓上下﹐曼聯又係靠反擊入多球﹐最後贏三比一！
展望餘下賽程
7日後就會再開始頻密既賽程﹐點樣輪換令到各個球員有充沛既體力出戰﹐絕對係整個教練團既首要任務。黎到季尾﹐邊個球員有連攜加乘﹐邊個適合破密集﹐邊個擅長打防反﹐相信蘇B教練團應該心裹有數。面對住高Q大棍既對手﹐又係咪一定要用冰人拍麥隊長呢？杜安沙比又係咪真係完全不值得信賴？呢場贏波十分重要﹐同榜首只有8分差距同時亦鞏固左頭四位置。雖然爭標渺茫﹐但都仍然要繼續追趕！
PS :唔知頭四仲有冇用
繼續解放普巴陣式
賽前分析預測左蘇B既正選陣容﹐最後開估只有卡雲尼不在名單之上。雖然上場只係踢左65分鐘﹐但畢竟都算一周雙賽﹐先擺後備亦無可厚非。龍門繼續用甸軒達臣﹐後防四個、梳爾、麥佳亞、連迪路夫同雲比沙加悉數上陣。防中用上MCFRED組合﹐麥湯文尼拍費特。右路福仔紮住上陣﹐而左路則繼續交俾近況甚勇既普巴。攻擊中場位置仍然係般奴費南迪斯﹐而前鋒則起用格連活特。
未講進攻﹐後防已經騰騰陣
一開波就已經俾甸軒嚇親！般尼又係呢招架啦﹐右邊就扔個波入禁區俾基斯活特去衝﹐點知甸軒出迎就打空氣﹐未到30秒個波就入左網。好彩旁證舉旗示意越位在先﹐如果唔係又要踢逆境波。甸軒下半場仲有一下無里頭出迎撞低左自己友﹐好彩最後冇失波。難得搶到個正選位就麻煩你醒醒定定啦。面對住基斯活特同呢種大大棍踢法既般尼﹐連迪路夫同麥佳亞一齊出就實有危險鏡頭。冰人面對呢類大隻佬真係完全攪唔掂﹐好在艾殊利班尼斯傷左﹐加上對面把握力同埋門級數麻麻先不致多失。
雙核驅動有效果﹐但係差入波
講番曼聯進攻﹐今場擺出黎都係4231﹐但踢落都係4222。左面側擊依靠梳爾後上﹐右面除左靠雲比沙加上黎外﹐福仔同綠木都會周不時互換位置走到右面幫手拉闊。普巴同般奴則一左一右﹐繼續極大自由度﹐係中路造波﹐又不時走到邊路打小組配合。頭30分鐘﹐進攻極具耐性﹐前場幾名球員都不停走位。福仔少左係邊路要波突破﹐反而係中路好多走動插入﹐可惜隊友未有為意﹐但絕對係幾好既嘗試。綠木則時右時中路﹐俾完波就走位﹐亦出左幾下不錯的傳中球。讚讚雲比﹐今場除左防守出色外﹐上黎進攻既威脅性係大左。整隊曼聯進攻有左有右﹐又有中路小組入滲﹐踢得極度流暢﹐可惜係埋門果下都係未能把握得到。般尼明顯唔習慣曼聯既進攻模式﹐守到有d手忙腳亂﹐但幸好龍門有不俗既表現﹐先可以力保不失。不過30分鐘後﹐般尼開始捉到曼聯既套路﹐而曼聯久攻不下後﹐嘗試多左放長傳俾前線去哨﹐效果反而麻麻﹐令到戰情變得膠著。
轉陣求變﹐又係靠反擊入波
蘇B下半場一出黎就㩒制換入卡雲尼﹐將普巴移番入防中位置﹐留守中圈負責轉邊。麥湯文尼拉後形成三中堅﹐增加多一個出球點﹐解決般尼轉用雙前鋒壓迫既防守模式。福仔踢回左路﹐負責邊路爆破同梳爾齊上齊落。右路就交俾綠木負責﹐而般奴則係對方三閘線自由走動。但入波都係要靠一下反擊。梳爾係後場截到個波就交俾福仔係左路發難。佢先通渠過左一個﹐再壓入禁區傳俾後上既般奴﹐般奴福至心靈一漏﹐讓俾後上係右面移入黎既綠木左腳撞射破網。可惜開心左唔夠兩分鐘﹐般尼就憑角球﹐由達高斯基力壓麥佳亞迎頂入網。都係區域防守既問題﹐本身雲比沙加去追住佢﹐但達高斯基一向前跑﹐雲比就俾佢撞左入小禁區﹐衝住黎頂個波同麥隊長企係度黎頂﹐就好自然頂輸。真係講到口臭…唉
轉完陣又變番老鼠拉龜
一比一之後又要由頭黎過。換左卡雲尼之後﹐整隊既進攻又變得單調。福仔一番到邊路﹐就不停嘗試作個人突破﹐但人地企定定就唔係咁容易再俾你過到。般奴即刻身陷重圍﹐缺少左普巴呢個持球點﹐般尼既一對防中就好容易係中路鎖死般奴﹐右路既綠木欠缺爆破力﹐亦難以係右路製造到一D具威脅既傳中。卡叔係禁區缺乏供應﹐走出黎現身拎波﹐亦冇乜人後上插入。整隊曼聯又踢番之前無乜生氣﹐難以破密集既進攻套路。
好波不如好運
要去到84分鐘先用雲迪碧克入替紮住踢既福仔﹐福仔其實一早要換﹐一踢左路就會多左上腳做個人突破。有時又推死個波﹐攪一大輪先甩個波更拖慢左個進攻節奏﹐有辣有唔辣。運財童子一入黎﹐個波輾轉由角球去到右邊比到綠木。佢係右面禁區角引下引下壓左入禁區﹐突然擺大位左腳怒抽﹐個波省到人改變方向係近柱入左﹐負碌領先一球。最後去到補時階段﹐人地大軍壓上下﹐曼聯又係靠反擊入多球﹐最後贏三比一！
展望餘下賽程
7日後就會再開始頻密既賽程﹐點樣輪換令到各個球員有充沛既體力出戰﹐絕對係整個教練團既首要任務。黎到季尾﹐邊個球員有連攜加乘﹐邊個適合破密集﹐邊個擅長打防反﹐相信蘇B教練團應該心裹有數。面對住高Q大棍既對手﹐又係咪一定要用冰人拍麥隊長呢？杜安沙比又係咪真係完全不值得信賴？呢場贏波十分重要﹐同榜首只有8分差距同時亦鞏固左頭四位置。雖然爭標渺茫﹐但都仍然要繼續追趕！
PS :唔知頭四仲有冇用
請按此登錄後留言。未成為會員? 立即註冊