英超番黎了﹐開場前見到出場陣容都呆一呆﹐福仔同格連活特竟然可以正選上陣﹐第一個反應係佢兩個真係已經傷癒？賽前分析都預測左甸軒達臣繼續擔大旗﹐鎮守最後一關﹐防線依舊用上梳爾、麥佳亞、連迪路夫同雲比沙卡。中場中路則用費特拍普巴﹐左右二翼則係福仔同格連活特﹐攻擊中場般奴費南迪斯就同傷癒既卡雲尼係前線攻堅。
上半場既進攻像便秘一樣﹐極不流暢
上半場普巴同費特打一個平排中場﹐普巴盡量留係中後場﹐嘗試放一d中長距離既長傳去搵兩翼﹐又或者係中路嘗試連接般奴費南迪斯﹐甚少壓入禁區或係對方三閘線支援。對手白禮拜防守時用523陣式﹐係中後場先進行壓迫﹐中路屯重兵下﹐普巴都甚少可以用地波俾到係人群中既般奴。雖然普巴逗後可以讓空中路俾般奴周圍走﹐但亦變左只要緊釘左佢就可以凍結左曼聯係中前場既聯繫﹐呢方面白禮頓上半場係做得非常成功。
中路行唔通﹐就唯有走邊路。福仔雖然入左一球﹐但成場既表現無論突破、傳波、奔跑﹐都明顯受傷患困擾﹐失去左銳利感﹐換出後更拐下拐下咁行入更衣室﹐情況睇黎就唔多樂觀！福仔亦繼續多次推入人堆﹐傳波定盤扭既選擇都係做得唔太好﹐缺少左馬斯亞更少左一個人會同佢係密集既空間打快速既短傳入滲。對方明顯集中守左路情況下﹐加上福仔既迷失﹐梳爾雖然多次走上黎幫手﹐但都甚少可以沉到底又或者可以輕鬆係45度角就放波入禁區搵卡叔。
右路個問題仍然存在﹐已經多次講綠木並唔係翼鋒球員﹐你要佢盤住個波跑二三十碼再扭你兩三個人，根本唔係佢家波﹐下半場一換人換位就入波完全可以再印證佢係一個中鋒既材料。踢落綠木就應該傷癒﹐但佢係邊路又或者內切左入Half-space既位置時既作用真係不大﹐好多時都只能回波﹐甚少沉到底又或者可以扣到大位入黎射波﹐加上右閘既雲比沙卡後上進攻力太弱﹐兩個都冇突破力時﹐右路既進攻形同虛切。
前線卡叔今場係幾落力去做逼搶﹐但當進攻需要現身做支點分邊又或者回波個力水尺寸﹐都明顯未係最佳狀態。對手用三中堅去堵塞禁區﹐加上兩翼未能提供具質素既傳中﹐佢幾好波都未能發揮到。般奴除左係早段係禁區外起左一次腳﹐整個上半場都冇太多空間可以俾佢發揮到。個波一去到對手三閘線就再無方法可以有效地滲入禁區﹐只能係外圍搓下搓下就失控球俾人打反擊。
下半場成功把握對方失誤
下半場一出黎﹐蘇B改變陣式變為433﹐將普巴向前推上一格﹐變成右中場﹐而般奴主要負責中路同左路既功勢﹐留費特一個係中後場做掃蕩。推前普巴﹐嘗試增加前場停球點﹐解放前場既般奴費南迪斯。威脅明顯係大左。但都要靠對方既一次解圍失誤﹐令到般奴係中場發動反擊﹐卡雲尼福仔各自拉邊走﹐三打二情況下﹐般奴係禁區邊分俾左路既福仔。今次真係要讚福仔﹐佢冷靜地選擇腳內檔盪射尾柱﹐成功把握到對方既犯錯先追一球。跟住成隊都繼續施壓﹐綠木、費特都曾施射但都無功而還。
蘇B變陣成功值得一讚
講曼聯就必定會講VAR﹐踢到70分鐘﹐白禮頓一次反擊﹐韋碧克係禁區疑似被麥佳亞拉或踢趺﹐又要出動VAR﹐最後VAR認為呢個碰撞唔構成12碼﹐維持原判龍門球。(小弟就覺得呢下係錯判啦﹐唔知大家又點睇)
呢下曼聯大難不死果然有後福！終於到80分鐘先有一個起到作用既換人 -- 蘇B用雲迪碧克換入卡雲尼﹐並用佢同綠木打雙箭頭﹐普巴般奴任左右攻擊中場﹐右翼只留占士﹐左路側擊則完全依靠梳爾。換入黎第一個攻勢即刻有效果﹐梳爾係左邊路持球﹐雲迪碧克係half space位置斜走入邊線﹐將韋特拉離開右中堅位置。此舉成功拉散對方既三中堅陣式﹐般奴立刻後上衝入half space位置接應梳爾既直線並係禁區內睇定定傳去尾柱搵到普巴﹐普巴再二傳入小禁區既綠木頭鎚攻門﹐終於攻入反超前一球。一入完波就即刻再換入麥湯文尼加強防守﹐呢個調動亦非常果段！
換人終於有變化﹐但亦有要改善既地方
最後就成功守到尾﹐取得寶貴既三分。雖然呢場波成功反Cup﹐但仍然有要改善的地方。
第一︰綠木真的不是翼鋒球員﹐加上雲比沙卡守強攻弱﹐只會令右路形同虛切﹐福仔需要調過黎開發右路
第二︰只得福仔單翼出戰﹐何不普巴客串左路﹐等左路可以多利用小組進攻﹐等埋梳爾上黎應會更有效率
第三︰換人時間真係要再提早！下下只得十分八分鐘換入黎搏殺真係唔係次次都work！
值得讚既地方係蘇B終於肯用雲迪碧克打偽前鋒﹐多利用佢跑動多﹐覆蓋範圍大﹐彈彈波式踢法﹐絕對可以豐富曼聯的進攻套路！黎緊9號又要作客歐霸盃﹐希望球隊能繼續踢出拼勁﹐偷到一球作客入球就fit~~
上半場既進攻像便秘一樣﹐極不流暢
上半場普巴同費特打一個平排中場﹐普巴盡量留係中後場﹐嘗試放一d中長距離既長傳去搵兩翼﹐又或者係中路嘗試連接般奴費南迪斯﹐甚少壓入禁區或係對方三閘線支援。對手白禮拜防守時用523陣式﹐係中後場先進行壓迫﹐中路屯重兵下﹐普巴都甚少可以用地波俾到係人群中既般奴。雖然普巴逗後可以讓空中路俾般奴周圍走﹐但亦變左只要緊釘左佢就可以凍結左曼聯係中前場既聯繫﹐呢方面白禮頓上半場係做得非常成功。
中路行唔通﹐就唯有走邊路。福仔雖然入左一球﹐但成場既表現無論突破、傳波、奔跑﹐都明顯受傷患困擾﹐失去左銳利感﹐換出後更拐下拐下咁行入更衣室﹐情況睇黎就唔多樂觀！福仔亦繼續多次推入人堆﹐傳波定盤扭既選擇都係做得唔太好﹐缺少左馬斯亞更少左一個人會同佢係密集既空間打快速既短傳入滲。對方明顯集中守左路情況下﹐加上福仔既迷失﹐梳爾雖然多次走上黎幫手﹐但都甚少可以沉到底又或者可以輕鬆係45度角就放波入禁區搵卡叔。
右路個問題仍然存在﹐已經多次講綠木並唔係翼鋒球員﹐你要佢盤住個波跑二三十碼再扭你兩三個人，根本唔係佢家波﹐下半場一換人換位就入波完全可以再印證佢係一個中鋒既材料。踢落綠木就應該傷癒﹐但佢係邊路又或者內切左入Half-space既位置時既作用真係不大﹐好多時都只能回波﹐甚少沉到底又或者可以扣到大位入黎射波﹐加上右閘既雲比沙卡後上進攻力太弱﹐兩個都冇突破力時﹐右路既進攻形同虛切。
前線卡叔今場係幾落力去做逼搶﹐但當進攻需要現身做支點分邊又或者回波個力水尺寸﹐都明顯未係最佳狀態。對手用三中堅去堵塞禁區﹐加上兩翼未能提供具質素既傳中﹐佢幾好波都未能發揮到。般奴除左係早段係禁區外起左一次腳﹐整個上半場都冇太多空間可以俾佢發揮到。個波一去到對手三閘線就再無方法可以有效地滲入禁區﹐只能係外圍搓下搓下就失控球俾人打反擊。
下半場成功把握對方失誤
下半場一出黎﹐蘇B改變陣式變為433﹐將普巴向前推上一格﹐變成右中場﹐而般奴主要負責中路同左路既功勢﹐留費特一個係中後場做掃蕩。推前普巴﹐嘗試增加前場停球點﹐解放前場既般奴費南迪斯。威脅明顯係大左。但都要靠對方既一次解圍失誤﹐令到般奴係中場發動反擊﹐卡雲尼福仔各自拉邊走﹐三打二情況下﹐般奴係禁區邊分俾左路既福仔。今次真係要讚福仔﹐佢冷靜地選擇腳內檔盪射尾柱﹐成功把握到對方既犯錯先追一球。跟住成隊都繼續施壓﹐綠木、費特都曾施射但都無功而還。
蘇B變陣成功值得一讚
講曼聯就必定會講VAR﹐踢到70分鐘﹐白禮頓一次反擊﹐韋碧克係禁區疑似被麥佳亞拉或踢趺﹐又要出動VAR﹐最後VAR認為呢個碰撞唔構成12碼﹐維持原判龍門球。(小弟就覺得呢下係錯判啦﹐唔知大家又點睇)
呢下曼聯大難不死果然有後福！終於到80分鐘先有一個起到作用既換人 -- 蘇B用雲迪碧克換入卡雲尼﹐並用佢同綠木打雙箭頭﹐普巴般奴任左右攻擊中場﹐右翼只留占士﹐左路側擊則完全依靠梳爾。換入黎第一個攻勢即刻有效果﹐梳爾係左邊路持球﹐雲迪碧克係half space位置斜走入邊線﹐將韋特拉離開右中堅位置。此舉成功拉散對方既三中堅陣式﹐般奴立刻後上衝入half space位置接應梳爾既直線並係禁區內睇定定傳去尾柱搵到普巴﹐普巴再二傳入小禁區既綠木頭鎚攻門﹐終於攻入反超前一球。一入完波就即刻再換入麥湯文尼加強防守﹐呢個調動亦非常果段！
換人終於有變化﹐但亦有要改善既地方
最後就成功守到尾﹐取得寶貴既三分。雖然呢場波成功反Cup﹐但仍然有要改善的地方。
第一︰綠木真的不是翼鋒球員﹐加上雲比沙卡守強攻弱﹐只會令右路形同虛切﹐福仔需要調過黎開發右路
第二︰只得福仔單翼出戰﹐何不普巴客串左路﹐等左路可以多利用小組進攻﹐等埋梳爾上黎應會更有效率
第三︰換人時間真係要再提早！下下只得十分八分鐘換入黎搏殺真係唔係次次都work！
值得讚既地方係蘇B終於肯用雲迪碧克打偽前鋒﹐多利用佢跑動多﹐覆蓋範圍大﹐彈彈波式踢法﹐絕對可以豐富曼聯的進攻套路！黎緊9號又要作客歐霸盃﹐希望球隊能繼續踢出拼勁﹐偷到一球作客入球就fit~~
請按此登錄後留言。未成為會員? 立即註冊