執筆之時，距離英超開鑼仲有四日。今年轉會窗係英超黎講都有幾多話題。曼城靜靜地換血，車路士繼續瘋狂買賣，利物浦FSG突然大開水喉重金增兵，阿仙奴不停增兵，紐卡素買親都俾人截糊，更有伊薩想走又走唔到，認真慘情。我地曼聯貴為流量密碼都唔執輸。Sir占由上季要裁員又不停諗方法節流，去到話唔賣人就冇錢買人，但依家暫時竟然可以用左接近兩億三千萬歐羅去買四位球員，亦有消息傳話會再買中場同龍門，sir占今次都認真outstanding!
《淺淡一下四位新球員》
左閘迪亞高里安（黎明）上季已經簽左，都唔需要對18歲仔既佢有太高期望，初黎報到都係先適應一下英超強度，有需要先上黎同多古拗手瓜。
左攻擊中場古拿近幾季係狼隊接近一個救全家，上季係英超入左十五球外加六次助攻，表現可圈可點。加上係狼隊踢開3-4-2-1陣式，自己又能突能傳能射、最佳位置係左攻中，同時亦可推前一格踢前鋒，同阿摩廉既陣式戰術無縫接軌，相信佢絕對會慢慢變成曼聯既新進攻核心。
另一個高價來投則係前賓福特射手安保姆，上季為球隊貢獻左廿球外加八次助攻，同韋沙一齊carry蜜鋒仔。安保姆係賓福特較常出任5-3-2既雙箭頭其中之一，又或者係4-3-3下既右翼。佢速度快，盤扭能力高，入成廿球就肯肯定有唔錯既埋門把握力。佢比較擅長係邊線做個人突破，或者入禁區做第二前鋒捕位，但係阿摩廉體系下，佢應該係踢右攻中，主力係右路half-space位置活動。如你要佢做古拿做既野，又得唔得呢？我個人對安保姆係有保留，唔係佢唔好波，係佢既技能包未必合適，睇下佢可以融入體系還是阿摩廉改變戰術去遷就佢啦！
最後一個就係錫斯高。老實地說，我對佢就不太熟識，但如果單憑數據，此子係德甲三季，踢左六十四場入左廿七球外加七次助攻，一季平均都係入九球，而上季只係入左十三球，係咪一個多產射手，我對此有保留。加上由德甲去英超既「神鋒」而又成功既例子實在唔多，感覺曼聯今次又係刮彩票。再一提既係，佢並唔係今年先傳去「強隊」，早兩三年都有傳去阿仙奴或者其他豪門，但最後都係只聞樓梯響，咁實係有原因既！雖然初步觀感可能會變水貨，但一日未踢一日都未知，小弟當然會支持佢，希望呢張彩票可以一注獨中啦！
《曼聯今季展望》
曼聯今個轉會窗都令人值得期待，畢竟一次過將條鋒線換走，而換入黎既就一係已經係英超叫證明左自己，一係就係明日之星，但到現時為止都冇係中後場增兵就令我有少少擔憂，我不只一次講上季既失敗不單只係前鋒入唔到波，球隊整體既防守同後場build-up都係需要改善。有左新三叉戟，般隊長好肯定要踢後一格，但你無論用邊一個做佢拍檔都有缺陷，都唔好講隊長踢呢個位自身都有缺點。呢個位置唔補，你前面入埋都未必夠後面輸。近排傳緊會買巴列巴，此子確實係理想人選，現時白禮頓索價過億。如果唔買錫斯高而先買巴列巴，咁就真係完美。畢竟前鋒仲有舒克斯、海倫同奧比仔，而古拿同安保姆必要時都可以踢上一格頂住，買錫斯高巴既急切性係咪咁大？而中中堅我都係認為需要買，除非迪列特同麥佳亞有進步，可以執行到戰術要求，否則後場build-up都幾影響前場發揮。另外，前場多左三個新兵，點樣踢點樣夾都需要時間磨合，而阿摩廉又要點樣將佢地同舊將融合都要解決。例如：安保姆踢波風格同迪亞路都幾接近，究竟達洛治配安保姆好還是迪亞路好，又還是馬沙拉維更好，都需要去試。小弟相信阿摩廉都需要利用季初去搵最佳十一人陣容，而頭五場既難踢程度絕對可以話係五星星，拎唔拎到分反而係其次，重要係踢出黎既隊型同效果。奢望係上番頭四，展望就梗係曼聯上番頭六先啦，畢竟上季係排第十五啊。不過現實黎講，小弟認為上番頭半版起碼以第七第八名完成，都可以接受。
《淺淡一下四位新球員》
左閘迪亞高里安（黎明）上季已經簽左，都唔需要對18歲仔既佢有太高期望，初黎報到都係先適應一下英超強度，有需要先上黎同多古拗手瓜。
左攻擊中場古拿近幾季係狼隊接近一個救全家，上季係英超入左十五球外加六次助攻，表現可圈可點。加上係狼隊踢開3-4-2-1陣式，自己又能突能傳能射、最佳位置係左攻中，同時亦可推前一格踢前鋒，同阿摩廉既陣式戰術無縫接軌，相信佢絕對會慢慢變成曼聯既新進攻核心。
另一個高價來投則係前賓福特射手安保姆，上季為球隊貢獻左廿球外加八次助攻，同韋沙一齊carry蜜鋒仔。安保姆係賓福特較常出任5-3-2既雙箭頭其中之一，又或者係4-3-3下既右翼。佢速度快，盤扭能力高，入成廿球就肯肯定有唔錯既埋門把握力。佢比較擅長係邊線做個人突破，或者入禁區做第二前鋒捕位，但係阿摩廉體系下，佢應該係踢右攻中，主力係右路half-space位置活動。如你要佢做古拿做既野，又得唔得呢？我個人對安保姆係有保留，唔係佢唔好波，係佢既技能包未必合適，睇下佢可以融入體系還是阿摩廉改變戰術去遷就佢啦！
最後一個就係錫斯高。老實地說，我對佢就不太熟識，但如果單憑數據，此子係德甲三季，踢左六十四場入左廿七球外加七次助攻，一季平均都係入九球，而上季只係入左十三球，係咪一個多產射手，我對此有保留。加上由德甲去英超既「神鋒」而又成功既例子實在唔多，感覺曼聯今次又係刮彩票。再一提既係，佢並唔係今年先傳去「強隊」，早兩三年都有傳去阿仙奴或者其他豪門，但最後都係只聞樓梯響，咁實係有原因既！雖然初步觀感可能會變水貨，但一日未踢一日都未知，小弟當然會支持佢，希望呢張彩票可以一注獨中啦！
《曼聯今季展望》
曼聯今個轉會窗都令人值得期待，畢竟一次過將條鋒線換走，而換入黎既就一係已經係英超叫證明左自己，一係就係明日之星，但到現時為止都冇係中後場增兵就令我有少少擔憂，我不只一次講上季既失敗不單只係前鋒入唔到波，球隊整體既防守同後場build-up都係需要改善。有左新三叉戟，般隊長好肯定要踢後一格，但你無論用邊一個做佢拍檔都有缺陷，都唔好講隊長踢呢個位自身都有缺點。呢個位置唔補，你前面入埋都未必夠後面輸。近排傳緊會買巴列巴，此子確實係理想人選，現時白禮頓索價過億。如果唔買錫斯高而先買巴列巴，咁就真係完美。畢竟前鋒仲有舒克斯、海倫同奧比仔，而古拿同安保姆必要時都可以踢上一格頂住，買錫斯高巴既急切性係咪咁大？而中中堅我都係認為需要買，除非迪列特同麥佳亞有進步，可以執行到戰術要求，否則後場build-up都幾影響前場發揮。另外，前場多左三個新兵，點樣踢點樣夾都需要時間磨合，而阿摩廉又要點樣將佢地同舊將融合都要解決。例如：安保姆踢波風格同迪亞路都幾接近，究竟達洛治配安保姆好還是迪亞路好，又還是馬沙拉維更好，都需要去試。小弟相信阿摩廉都需要利用季初去搵最佳十一人陣容，而頭五場既難踢程度絕對可以話係五星星，拎唔拎到分反而係其次，重要係踢出黎既隊型同效果。奢望係上番頭四，展望就梗係曼聯上番頭六先啦，畢竟上季係排第十五啊。不過現實黎講，小弟認為上番頭半版起碼以第七第八名完成，都可以接受。
請按此登錄後留言。未成為會員? 立即註冊