關閉前既轉會窗迎來瘋狂既一晚，由燒波衫變買波衫既經典愛回家，C朗回歸曼聯著起7號球衣震撼全球。佢既回歸已經唔係講陣容上是否需要，而係愛啊哈利。
詳談佢加盟後對前線陣容有咩變化
一切都基於整個陣容冇傷病情況下，相信會游走於4-2-3-1同4-3-3呢兩套陣容。先講4-2-3-1，若C朗踢左翼鋒的話，以佢唔經常回防的習慣，會加大左左閘梳爾既防守壓力，除非一對防中使用覆蓋範圍大速率高既mcfred組合才有望彌補，所以理論上佢應會直接踢正箭頭位置，反擊作為支點，陣地戰就係禁區捕捉機會。卡雲尼會係第二箭頭選擇。綠木將會繼續出任右翼鋒同辛祖爭奪正選席位。左翼則係福仔、馬仔、連皇之爭，契仔福當然會係首選。攻中繼續會係核心般奴，而普巴會移後出任防中，拍住馬迪、費特或麥湯文尼，首選會係麥湯文尼，而雲迪碧克都唔會有機會出場。但要知道普巴既防守能力同意識較差既情況下，擺佢踢左翼或者係最合適，但就變左中場其實係冇人能夠從後場安穩地運波上前場，亦係點解我一完季後已有文章講要買中場中既原因，所以普巴踢防中係冇辦法之中既辦法，係4-2-3-1下唯有搵個最好既球員幫佢執屎，費特唔駛踢都知係執唔掂。
跟住講講4-3-3陣容下，若果前場仍舊係C朗打最前，右翼唔會有變動，但左翼位置就會有變化。普巴同般奴都需要同時上陣，若果兩人出任左右中場中，係防守上就會令到逗後既防守中場失去屏障，所以必定需要將普巴移任左翼，福仔將被犧牲又或改打右翼。般奴踢其中一個中場，另一個中場則由費特同雲迪碧克爭奪。逗後防中則用馬迪或麥湯文尼。又或者馬迪打逗後防中，麥湯移上一格亦可。若果C朗改踢左翼，則會犧牲普巴，因我唔相信佢同般奴能提供到保護俾防中，變左銀河艦隊，前面入到幾多就未知，後面就一定穿晒窿。而卡雲尼或綠木就可以出任正前鋒，右翼則會係福仔、辛祖之爭。
補充一句，C朗既回歸明顯不是針對陣容上既補強，更大機會只係面子之爭。雖然佢絕對能提升前場既把握力（同波衫銷量），但整隊陣容既缺陷絕不是中鋒或前場既位置，而係中場中路既串連防守問題。佢既加盟令到前場出現人滿之患，亦直接逼走左丹尼爾占士，但呢個轉會絕對係winwin，始終踢大會並不能只靠心態同勤力，而列斯聯果隻踢法亦相當適合佢。另外，馬斯亞同連加特相信出場機會會非常渺茫，相信係轉會窗期間冇球會買又或者曼聯索價太高先至會留隊。若果未能解決中場中路既配置，曼聯要贏冠軍都絕不樂觀！
預測番今場陣容先
上場蘇B用既4-2-3-1對住狼隊既5-4-1，係陣式上黎講完全被對方克制。今場紐卡素都係慣常用5後防，但就會起用5-3-2，使用兩個箭頭去壓迫一對中堅，三名中場係防線前遮線防守，相信條防線都會踢得比較深，減少後場空間俾曼聯進襲。進攻就靠聖麥斯文單打獨鬥，配合哥林威爾遜既速度打反擊。蘇B都應會以不變應萬變，續用4-2-3-1陣式，上場迪基亞上晒身，今場繼續。後防左右二閘係鐵腳梳爾同雲比沙加。上場已經見到華拉尼既級數，呢場繼續用佢同麥佳亞出任中堅。上場踢到慌失失奇兵既費特被罰停賽及麥湯文尼既傷出，中路防中只能用馬迪拍普巴，但我個人認為馬迪係拍普巴既最佳人選，何時要埋波何時要遮線，佢既經驗同能力都勝任有餘，只怕佢下半場體能下降後會影響判斷，就好睇臨場調動了。辛祖係國際賽期間有傷，今場上陣成疑。福仔仍然操緊狀態。如C朗踢最前的話，左右二翼就冇乜選擇，左路會起用馬斯亞或連加特，連皇係國家隊又踢到變連美斯，可以俾個機會佢，右翼則用當fit既綠木。攻中般奴費南迪斯支援回家既C朗拿度在前攻堅。
預測曼聯正選陣容
迪基亞
雲比沙加 華拉尼 麥佳亞 梳爾
格連活特 馬迪 普巴 連加特
般奴費南迪斯
C朗拿度
詳談佢加盟後對前線陣容有咩變化
一切都基於整個陣容冇傷病情況下，相信會游走於4-2-3-1同4-3-3呢兩套陣容。先講4-2-3-1，若C朗踢左翼鋒的話，以佢唔經常回防的習慣，會加大左左閘梳爾既防守壓力，除非一對防中使用覆蓋範圍大速率高既mcfred組合才有望彌補，所以理論上佢應會直接踢正箭頭位置，反擊作為支點，陣地戰就係禁區捕捉機會。卡雲尼會係第二箭頭選擇。綠木將會繼續出任右翼鋒同辛祖爭奪正選席位。左翼則係福仔、馬仔、連皇之爭，契仔福當然會係首選。攻中繼續會係核心般奴，而普巴會移後出任防中，拍住馬迪、費特或麥湯文尼，首選會係麥湯文尼，而雲迪碧克都唔會有機會出場。但要知道普巴既防守能力同意識較差既情況下，擺佢踢左翼或者係最合適，但就變左中場其實係冇人能夠從後場安穩地運波上前場，亦係點解我一完季後已有文章講要買中場中既原因，所以普巴踢防中係冇辦法之中既辦法，係4-2-3-1下唯有搵個最好既球員幫佢執屎，費特唔駛踢都知係執唔掂。
跟住講講4-3-3陣容下，若果前場仍舊係C朗打最前，右翼唔會有變動，但左翼位置就會有變化。普巴同般奴都需要同時上陣，若果兩人出任左右中場中，係防守上就會令到逗後既防守中場失去屏障，所以必定需要將普巴移任左翼，福仔將被犧牲又或改打右翼。般奴踢其中一個中場，另一個中場則由費特同雲迪碧克爭奪。逗後防中則用馬迪或麥湯文尼。又或者馬迪打逗後防中，麥湯移上一格亦可。若果C朗改踢左翼，則會犧牲普巴，因我唔相信佢同般奴能提供到保護俾防中，變左銀河艦隊，前面入到幾多就未知，後面就一定穿晒窿。而卡雲尼或綠木就可以出任正前鋒，右翼則會係福仔、辛祖之爭。
補充一句，C朗既回歸明顯不是針對陣容上既補強，更大機會只係面子之爭。雖然佢絕對能提升前場既把握力（同波衫銷量），但整隊陣容既缺陷絕不是中鋒或前場既位置，而係中場中路既串連防守問題。佢既加盟令到前場出現人滿之患，亦直接逼走左丹尼爾占士，但呢個轉會絕對係winwin，始終踢大會並不能只靠心態同勤力，而列斯聯果隻踢法亦相當適合佢。另外，馬斯亞同連加特相信出場機會會非常渺茫，相信係轉會窗期間冇球會買又或者曼聯索價太高先至會留隊。若果未能解決中場中路既配置，曼聯要贏冠軍都絕不樂觀！
預測番今場陣容先
上場蘇B用既4-2-3-1對住狼隊既5-4-1，係陣式上黎講完全被對方克制。今場紐卡素都係慣常用5後防，但就會起用5-3-2，使用兩個箭頭去壓迫一對中堅，三名中場係防線前遮線防守，相信條防線都會踢得比較深，減少後場空間俾曼聯進襲。進攻就靠聖麥斯文單打獨鬥，配合哥林威爾遜既速度打反擊。蘇B都應會以不變應萬變，續用4-2-3-1陣式，上場迪基亞上晒身，今場繼續。後防左右二閘係鐵腳梳爾同雲比沙加。上場已經見到華拉尼既級數，呢場繼續用佢同麥佳亞出任中堅。上場踢到慌失失奇兵既費特被罰停賽及麥湯文尼既傷出，中路防中只能用馬迪拍普巴，但我個人認為馬迪係拍普巴既最佳人選，何時要埋波何時要遮線，佢既經驗同能力都勝任有餘，只怕佢下半場體能下降後會影響判斷，就好睇臨場調動了。辛祖係國際賽期間有傷，今場上陣成疑。福仔仍然操緊狀態。如C朗踢最前的話，左右二翼就冇乜選擇，左路會起用馬斯亞或連加特，連皇係國家隊又踢到變連美斯，可以俾個機會佢，右翼則用當fit既綠木。攻中般奴費南迪斯支援回家既C朗拿度在前攻堅。
預測曼聯正選陣容
迪基亞
雲比沙加 華拉尼 麥佳亞 梳爾
格連活特 馬迪 普巴 連加特
般奴費南迪斯
C朗拿度
請按此登錄後留言。未成為會員? 立即註冊