《大家都係3-4-2-，但….》
狼隊同曼聯都係踢3-4-2-1，但兩隊踢出黎既風格都幾唔同。狼隊既兩隻翼衛起用艾迪紐尼同施美度，反而出擊力甚強既杜靴迪改打右中堅，原因可能係施美度個人盤扭能力較強，而杜靴迪反而要等人喂波俾佢。兩邊既翼衛都係順邊順足，企位長期拉邊提供闊度，有波到腳就嘗試落底出波為主，又或者搵下攻中打下配合，去唔到就回後俾祖奧高美斯同安祖再做。古亞迪斯同拿臣比較安於本位，前鋒拿臣做支點或者走中堅身後，不需要太多墮後策應；古亞迪斯則以前插同留守前場為主。攻擊重心古拿（Cunha）自由度比較大，除左活躍係左路half-space位置外，佢亦可係呢條通道走上走落去幫波拎波創造攻勢，係經常見到佢指手劃腳指示隊員係邊接應，接應完後要點做。一對中場安祖同祖奧高美斯就比較簡單，幫手搶幫手傳波俾古拿，係三個中堅做一對屏障，甚少離開自己既位置。整隊踢得好簡單，傳波走位好少拖泥帶水。
曼聯就踢得比較複雜。首先係人腳配置方面，左右翼衛今場係用左達洛治同馬沙拉維。達洛治係踢緊逆足翼衛，往往都需要扣番右腳先傳送，傳送既節奏還是佢傳波既角度都明顯冇對面隊既順足順邊咁舒服；為左用達洛治頂住左路，右路揀左馬沙拉維，但馬沙個人盤扭能力唔強，係右路提供唔到拉邊既效果。當球隊後場build-up，馬沙仲要走入half-space幫手連接，而將迪亞路係前場拉邊提供闊度。就算個波運到俾迪亞路，馬沙整套動作係先從邊線走入half-space，然後再向前插入，同對面既施美度企係條邊，等機會向前跑比較複雜勁多。中場起用烏格迪拍明奴，明奴既工作更辛苦。由上場已經見到，因般奴唔走入half-space，明奴要經常離開中場位置幫手做拉扯，而般奴就會係half-space拉後去接應同做波。當一失控球，明奴就要由極深入既位置跑番中路防守，而般奴有時係唔會拿拿臨跑番轉頭，因佢本身既位置係左攻擊中場，變左中場中路只得烏格迪一人去覆蓋係完全不足。只要一打穿烏格迪，引到佢離開中路或佢上搶失敗，進攻球員就可以直接面對三中堅。呢個情況般奴係極大責任。如能保持有控球權，球員互換位置走位係冇問題，但一失左就必須根據當時既位置去做番該位置既工作，但明顯般奴唔會次次都有做到。迪亞路始終唔係攻擊中場出身，要佢係half-space利用傳送去策動進攻係有難度，佢明顯係以突破為主。只要將佢同般奴同古拿作個比較，就好清楚見到3-4-2-1既2要具備咩條件。
《般奴送阿摩一程》
上半場曼聯空有控球權，但所謂既控球權大多係中後場既橫傳後傳，要係前場做到具威脅既生波組織係少。狼隊下下三爬兩撥就已經去到心臟地帶。特別係古拿係左路，下下一挑二都仲可以運番個波出黎，勁到冇朋友。下半場短短一分鐘，般奴犯規拎第二面黃牌，兩黃一紅被逐離場，令本身11打11都冇乜優勢既曼聯打少一人。阿摩即時改踢3-5-1，將明奴改踢左中場中，迪亞路踢右中場中，烏格迪踢單防中。狼隊領隊係下半場亦大膽地將陣式由3-4-2-1變成3-1-3-3，將安祖推上一格踢左中場中，再將古拿推入中路發板。呢個舉動唔係打多一個人後既調動黎，而係半場既戰術調動，取態係想贏場波，完全唔驚你曼聯既反擊。57分鐘古拿既角球直入，令狼隊領先一球。阿摩再係63分鐘換入安東尼、卡斯美路同艾歷臣。試圖用安東尼加強右路進攻；驚烏仔又拎多張牌就換入胖虎；艾歷臣就入替發揮一般既明奴。79分鐘再換入加拿祖同舒克斯，都係盡下人事。去到補時階段，加拿祖失左控球，湯美杜爾一腳直線，古拿已經單刀。黃喜燦再接應古拿無私既橫傳射成二比零，收工完場。
《總結》
狼隊咁就兩連勝，暫時脫離降班漩渦，但護級成功與否，睇黎都係還看「古拿」。英超曼聯又輸一場，已經跌到落去第十四位。阿摩面對最大最大既問題係球隊冇一隻左翼衛，令佢要搵人去填呢個窿但又令到右翼衛多一個窿。最慘係佢搵既人去填個窿係唔成功，變左球隊愈黎就愈多窿要填。3-4-2-1同大多球員本身既踢法唔夾，到底阿摩令球員踢得掂快定係阿摩「跪低」快就要放長雙眼睇！
狼隊同曼聯都係踢3-4-2-1，但兩隊踢出黎既風格都幾唔同。狼隊既兩隻翼衛起用艾迪紐尼同施美度，反而出擊力甚強既杜靴迪改打右中堅，原因可能係施美度個人盤扭能力較強，而杜靴迪反而要等人喂波俾佢。兩邊既翼衛都係順邊順足，企位長期拉邊提供闊度，有波到腳就嘗試落底出波為主，又或者搵下攻中打下配合，去唔到就回後俾祖奧高美斯同安祖再做。古亞迪斯同拿臣比較安於本位，前鋒拿臣做支點或者走中堅身後，不需要太多墮後策應；古亞迪斯則以前插同留守前場為主。攻擊重心古拿（Cunha）自由度比較大，除左活躍係左路half-space位置外，佢亦可係呢條通道走上走落去幫波拎波創造攻勢，係經常見到佢指手劃腳指示隊員係邊接應，接應完後要點做。一對中場安祖同祖奧高美斯就比較簡單，幫手搶幫手傳波俾古拿，係三個中堅做一對屏障，甚少離開自己既位置。整隊踢得好簡單，傳波走位好少拖泥帶水。
曼聯就踢得比較複雜。首先係人腳配置方面，左右翼衛今場係用左達洛治同馬沙拉維。達洛治係踢緊逆足翼衛，往往都需要扣番右腳先傳送，傳送既節奏還是佢傳波既角度都明顯冇對面隊既順足順邊咁舒服；為左用達洛治頂住左路，右路揀左馬沙拉維，但馬沙個人盤扭能力唔強，係右路提供唔到拉邊既效果。當球隊後場build-up，馬沙仲要走入half-space幫手連接，而將迪亞路係前場拉邊提供闊度。就算個波運到俾迪亞路，馬沙整套動作係先從邊線走入half-space，然後再向前插入，同對面既施美度企係條邊，等機會向前跑比較複雜勁多。中場起用烏格迪拍明奴，明奴既工作更辛苦。由上場已經見到，因般奴唔走入half-space，明奴要經常離開中場位置幫手做拉扯，而般奴就會係half-space拉後去接應同做波。當一失控球，明奴就要由極深入既位置跑番中路防守，而般奴有時係唔會拿拿臨跑番轉頭，因佢本身既位置係左攻擊中場，變左中場中路只得烏格迪一人去覆蓋係完全不足。只要一打穿烏格迪，引到佢離開中路或佢上搶失敗，進攻球員就可以直接面對三中堅。呢個情況般奴係極大責任。如能保持有控球權，球員互換位置走位係冇問題，但一失左就必須根據當時既位置去做番該位置既工作，但明顯般奴唔會次次都有做到。迪亞路始終唔係攻擊中場出身，要佢係half-space利用傳送去策動進攻係有難度，佢明顯係以突破為主。只要將佢同般奴同古拿作個比較，就好清楚見到3-4-2-1既2要具備咩條件。
《般奴送阿摩一程》
上半場曼聯空有控球權，但所謂既控球權大多係中後場既橫傳後傳，要係前場做到具威脅既生波組織係少。狼隊下下三爬兩撥就已經去到心臟地帶。特別係古拿係左路，下下一挑二都仲可以運番個波出黎，勁到冇朋友。下半場短短一分鐘，般奴犯規拎第二面黃牌，兩黃一紅被逐離場，令本身11打11都冇乜優勢既曼聯打少一人。阿摩即時改踢3-5-1，將明奴改踢左中場中，迪亞路踢右中場中，烏格迪踢單防中。狼隊領隊係下半場亦大膽地將陣式由3-4-2-1變成3-1-3-3，將安祖推上一格踢左中場中，再將古拿推入中路發板。呢個舉動唔係打多一個人後既調動黎，而係半場既戰術調動，取態係想贏場波，完全唔驚你曼聯既反擊。57分鐘古拿既角球直入，令狼隊領先一球。阿摩再係63分鐘換入安東尼、卡斯美路同艾歷臣。試圖用安東尼加強右路進攻；驚烏仔又拎多張牌就換入胖虎；艾歷臣就入替發揮一般既明奴。79分鐘再換入加拿祖同舒克斯，都係盡下人事。去到補時階段，加拿祖失左控球，湯美杜爾一腳直線，古拿已經單刀。黃喜燦再接應古拿無私既橫傳射成二比零，收工完場。
《總結》
狼隊咁就兩連勝，暫時脫離降班漩渦，但護級成功與否，睇黎都係還看「古拿」。英超曼聯又輸一場，已經跌到落去第十四位。阿摩面對最大最大既問題係球隊冇一隻左翼衛，令佢要搵人去填呢個窿但又令到右翼衛多一個窿。最慘係佢搵既人去填個窿係唔成功，變左球隊愈黎就愈多窿要填。3-4-2-1同大多球員本身既踢法唔夾，到底阿摩令球員踢得掂快定係阿摩「跪低」快就要放長雙眼睇！
請按此登錄後留言。未成為會員? 立即註冊