《戴治主動出擊爭入波》
愛華頓今場反客為主，上半場一改以往既穩守突擊戰術，利用前場高位逼搶搶控球主動出擊製造攻勢。相信戴治咁踢既原因係知曼聯冇左海倫下，前場冇人可以停到波，只能靠兩翼邊路放空位跑。戴治相信自己二閘有能力跑得贏守到對面既加拿祖同華舒福，前面就不停逼搶要安拿拿放高波，就可以搶到控球權主動進攻。戴治戰術有想法，球員亦能實行到。雖然數據上愛華頓上半場只得47%控球，但曼聯既53%控球好多時都只係後場，基本上愛華頓係可以逼到曼聯踢長，從而拎番主導權進攻。上半場亦有11射2中既數據，射門數字多過曼聯既9射5中。單計上半場傳中次數，愛華頓亦有12次，所以戴治既戰術係成功。可惜，落場踢既始終係球員，達哥夫斯基同葛飛兩次係禁區魯莽既落腳，送左兩次12碼俾曼聯，就令到半場落後兩球。下半場60分鐘，戴治見兩邊高波冇乜著數，就換入安達高美斯、卡法路雲同杜比，試圖改踢中路地波滲入，可惜都係未能扳平，以兩球敗走奧脫福。贏過程但輸波，始終足球都係要擺個波入網先得。
《曼聯要多謝對方主動送12碼》
坦克今場起用同上場同一樣既人腳，只係陣式上改踢4-2-3-1，由般奴踢假九前鋒，將麥湯文尼拉後一格踢攻擊中場。相信坦克想利用麥湯文尼既身體質素同攔截力，對應番拖肥既安拿拿、杜古希同加拿三名較硬朗既絞肉機中場組合。同時間麥湯文尼亦可後上插入禁區攻門，而非踢柱躉係禁區等；兩翼俾番加拿祖同華舒福踢，希望將佢地既效能最大化。想法上，前鋒般奴可以拉後現身幫波，既可等麥湯後上，亦可拉中堅出黎等兩翼插入。可惜，上半場中場多次傳球失誤，特別係卡斯美路，傳球成功率只有72%，明奴得80%，般奴亦只得78%，加上對方不惜氣力係前場逼搶成功，令曼聯未能係後場慢慢組織，坦克既進攻思路實行唔到。要不是對方送兩個12碼俾你射，加上門將安拿拿有穩定既表現，曼聯分分鐘會先落後。
下半場早段頭十分鐘，曼聯拖番慢黎踢，而對面亦冇上半場搶得咁狼之下，果段時間憑般奴墮後組織，放直線俾兩翼跑，先叫做有番少少有組織既攻勢。之後，對方一換人㩒制攻，曼聯就又失左球賽主導權，雖偶有反擊但成效不大。79分鐘先換安拉拔加強截擊力；83分鐘換入安東尼加強邊路持球點，呢兩個換人略嫌比較慢；愛華頓75分鐘已經換左4個人。個人認為呢兩個換人可以約70分鐘換，明奴係中場搶唔到波；加拿祖係邊都跑到乾糖，亦未能俾到威脅米哥倫哥。要安東尼係邊線護住個波拖時間，佢一定做到；安拉拔純破壞亦絕無問題。坦克係89分鐘換走伊雲斯，再一場以36歲之齡踢足全場，並交出相當不俗既表現，再次要表揚伊雲斯絕對係今季最佳收購。甘華拿入替後都冇乜甩漏，輕輕鬆鬆捱到完場。
《總結》
戴治係部署上係非常成功，排緊第16位但踢落完全唔似呢個排名（唔扣分應該排約12、13）。奈何後場球員主動犯錯，前線又忘帶射門鞋，咁樣輸實在唔抵。以今場表現睇，相信愛華頓都唔駛降班，但下季絕對要係前場買球員提升入球能力，否則又係要為護級努力。
坦克都真係巧婦難為無米之炊，傷兵多到嚇親你，仲要賽前知道馬拉仔今季傷到收咧，即係球隊去到完季都唔會有正宗左閘。後防幾個只能頂硬上，求神拜佛唔好再有傷兵增加；前鋒位變無可變下就真係般奴作先鋒，但佢始終速度欠奉，俾你拉到後較到腳長波去兩翼，但再上黎支援入禁區時間始終太耐，係前線停到波既話又欠缺盤扭突破。如真係改踢單箭頭，我會揀用麥湯文尼或試下用安東尼或小將科臣。始終中場一用麥湯就冇左用波既組織力同流暢度，變左同人鬥撞又撞唔贏，要猜要控球又唔夠技術，兩頭唔到岸下索性擺正般奴係中間踢番4-2-3-1或者更好。後場有伊雲斯同連迪路夫難以提高防線踢高位逼搶，選擇讓出控球係中低位防守踢攻守轉換，亦可減少暴露卡斯美路覆蓋唔切既中場空位。今場除左多謝對方送禮，亦都要讚般奴同福仔處理12碼既質素係高，兩球都射得非常高汁，先令曼聯贏兩球。下場係17號既雙紅會，睇下到時有冇傷兵可以復出，等坦克有多少少兵源同高普一較高下。
愛華頓今場反客為主，上半場一改以往既穩守突擊戰術，利用前場高位逼搶搶控球主動出擊製造攻勢。相信戴治咁踢既原因係知曼聯冇左海倫下，前場冇人可以停到波，只能靠兩翼邊路放空位跑。戴治相信自己二閘有能力跑得贏守到對面既加拿祖同華舒福，前面就不停逼搶要安拿拿放高波，就可以搶到控球權主動進攻。戴治戰術有想法，球員亦能實行到。雖然數據上愛華頓上半場只得47%控球，但曼聯既53%控球好多時都只係後場，基本上愛華頓係可以逼到曼聯踢長，從而拎番主導權進攻。上半場亦有11射2中既數據，射門數字多過曼聯既9射5中。單計上半場傳中次數，愛華頓亦有12次，所以戴治既戰術係成功。可惜，落場踢既始終係球員，達哥夫斯基同葛飛兩次係禁區魯莽既落腳，送左兩次12碼俾曼聯，就令到半場落後兩球。下半場60分鐘，戴治見兩邊高波冇乜著數，就換入安達高美斯、卡法路雲同杜比，試圖改踢中路地波滲入，可惜都係未能扳平，以兩球敗走奧脫福。贏過程但輸波，始終足球都係要擺個波入網先得。
《曼聯要多謝對方主動送12碼》
坦克今場起用同上場同一樣既人腳，只係陣式上改踢4-2-3-1，由般奴踢假九前鋒，將麥湯文尼拉後一格踢攻擊中場。相信坦克想利用麥湯文尼既身體質素同攔截力，對應番拖肥既安拿拿、杜古希同加拿三名較硬朗既絞肉機中場組合。同時間麥湯文尼亦可後上插入禁區攻門，而非踢柱躉係禁區等；兩翼俾番加拿祖同華舒福踢，希望將佢地既效能最大化。想法上，前鋒般奴可以拉後現身幫波，既可等麥湯後上，亦可拉中堅出黎等兩翼插入。可惜，上半場中場多次傳球失誤，特別係卡斯美路，傳球成功率只有72%，明奴得80%，般奴亦只得78%，加上對方不惜氣力係前場逼搶成功，令曼聯未能係後場慢慢組織，坦克既進攻思路實行唔到。要不是對方送兩個12碼俾你射，加上門將安拿拿有穩定既表現，曼聯分分鐘會先落後。
下半場早段頭十分鐘，曼聯拖番慢黎踢，而對面亦冇上半場搶得咁狼之下，果段時間憑般奴墮後組織，放直線俾兩翼跑，先叫做有番少少有組織既攻勢。之後，對方一換人㩒制攻，曼聯就又失左球賽主導權，雖偶有反擊但成效不大。79分鐘先換安拉拔加強截擊力；83分鐘換入安東尼加強邊路持球點，呢兩個換人略嫌比較慢；愛華頓75分鐘已經換左4個人。個人認為呢兩個換人可以約70分鐘換，明奴係中場搶唔到波；加拿祖係邊都跑到乾糖，亦未能俾到威脅米哥倫哥。要安東尼係邊線護住個波拖時間，佢一定做到；安拉拔純破壞亦絕無問題。坦克係89分鐘換走伊雲斯，再一場以36歲之齡踢足全場，並交出相當不俗既表現，再次要表揚伊雲斯絕對係今季最佳收購。甘華拿入替後都冇乜甩漏，輕輕鬆鬆捱到完場。
《總結》
戴治係部署上係非常成功，排緊第16位但踢落完全唔似呢個排名（唔扣分應該排約12、13）。奈何後場球員主動犯錯，前線又忘帶射門鞋，咁樣輸實在唔抵。以今場表現睇，相信愛華頓都唔駛降班，但下季絕對要係前場買球員提升入球能力，否則又係要為護級努力。
坦克都真係巧婦難為無米之炊，傷兵多到嚇親你，仲要賽前知道馬拉仔今季傷到收咧，即係球隊去到完季都唔會有正宗左閘。後防幾個只能頂硬上，求神拜佛唔好再有傷兵增加；前鋒位變無可變下就真係般奴作先鋒，但佢始終速度欠奉，俾你拉到後較到腳長波去兩翼，但再上黎支援入禁區時間始終太耐，係前線停到波既話又欠缺盤扭突破。如真係改踢單箭頭，我會揀用麥湯文尼或試下用安東尼或小將科臣。始終中場一用麥湯就冇左用波既組織力同流暢度，變左同人鬥撞又撞唔贏，要猜要控球又唔夠技術，兩頭唔到岸下索性擺正般奴係中間踢番4-2-3-1或者更好。後場有伊雲斯同連迪路夫難以提高防線踢高位逼搶，選擇讓出控球係中低位防守踢攻守轉換，亦可減少暴露卡斯美路覆蓋唔切既中場空位。今場除左多謝對方送禮，亦都要讚般奴同福仔處理12碼既質素係高，兩球都射得非常高汁，先令曼聯贏兩球。下場係17號既雙紅會，睇下到時有冇傷兵可以復出，等坦克有多少少兵源同高普一較高下。
請按此登錄後留言。未成為會員? 立即註冊