完場後﹐雖然朝早要起身番工﹐但個人實在係太興奮﹐睡意全消。興奮既原因有幾個﹐第一當然係曼聯又嬴波啦﹔第二就係嬴摩佬既感覺係與別不同﹔最後係曼聯終於搵到一個陣式可以破到密集 - 雙核驅動。
講下熱刺同曼聯既正選陣容
先講下熱刺先﹐摩佬繼續選擇用簡尼、老孫同摩拉去攻堅﹐攻中用上盧斯素﹐後面就用靴爾保拍住尼當比利﹐呢個中前場組合都唔難估中﹐但後防就用上冇踢左幾場既奧利亞打右閘﹐迪亞都係呢場臨危受命拍住祖爾路東﹐收起左山齊士﹐而左閘則繼續用列古朗﹐龍門當然係羅列斯。而曼聯方面﹐賽前預測陣容中左九成﹐而普巴同福仔亦各自任左右中場﹐唯一不中既係缺態既卡雲尼取代左近況不俗既格連活特打正選。龍門甸軒達臣﹐防線維持不變﹐梳爾、麥佳亞、連迪路夫同雲比沙加在陣﹐防中孖寶MCFRED組合(麥湯文尼同費特) 加埋般奴費南迪斯﹐踢番慣常既4231陣式。
就係恰你唔夠力﹐搶到你暈
熱刺已經冇晒盃賽賽事﹐所以踢完紐卡素場波就有7日既休息：而曼聯早兩日先係西班牙踢完歐霸盃﹐只得兩日時間休息。熱刺體力佔優下﹐摩佬一改佢係中後場低位防守既踢法﹐改為不停係前場施壓加瘋狂逼搶。一開波就成隊不停向前逼﹐頭15分鐘更係波到人到﹐令到曼聯唔好話進攻﹐連搓定少少個波都有難度。面對熱刺係前場逼搶﹐蘇B選擇用普巴同福仔打兩翼就正好能夠破解到。福仔雖然紮住踢﹐但佢既速度同突破力仍有一定既威脅﹐可以成功突破對方再轉邊：而普巴則利用佢既身形同腳下功夫保護皮球之餘﹐仲可以同梳爾打一兩下one-two去破解對方既前場壓逼。不過縱使破解左前場壓逼﹐熱刺係中場既爭奪係絲毫不讓﹐加上體力佔優﹐好多55波一拍既情況下都拍贏﹐令到曼聯唔能夠係地面推進﹐好多時都係嘗試係邊路放大對角等普巴去頂又或者俾福仔去哨。卡叔都唔係太可以停到個波。雖然多次失控球權﹐但好在曼聯係後面都夠人﹐所以熱刺搶完個波之後都唔係太有效率可以製造到威脅俾甸軒。
VAR永遠有曼聯份
搶完一大輪﹐都需要回一回氣。熱刺就縮番後﹐係中後場等你黎。曼聯都多番少少時間係中後場度用下個波再運上去。不過礙於一對防中係MCFRED﹐係進攻節奏控制同俾波既穿透力都仍有進步空間﹐都係踢得唔係好流暢﹐亦唔係有好多波比到般奴。不過般奴呢場都有疲態﹐有幾腳波既力水明顯未係最高水準。兩隊都係繼續中場爭奪戰﹐熱刺稍為佔上風。踢到33分鐘﹐又係VAR爭議性。麥湯係右路嘗試擺脫老孫時﹐老孫手部輕輕攬一攬佢﹐麥湯右手明顯地向後一撥(我覺得有意既)﹐打左落老孫塊面度﹐老孫應聲倒地。但球證當時未有為意﹐比賽繼續。個波去到普巴腳下係右邊禁區角位妹下妹下之際﹐卡叔斜插入小禁區﹐普巴俾穿奧利亞大細搵到卡叔﹐卡叔左腳快射入網。但球證此時要睇睇VAR﹐最後認為麥湯係有犯規﹐所以改判為熱刺罰球。雖然我係曼迷﹐但我認為判決合理﹐你可以撥走佢隻手﹐但你係打左人一巴﹐又唔知大家點睇。
你唔入我波﹐我又點反CUP到
到上半場尾段﹐奧利亞係右邊扯個波入中間比到簡尼﹐簡尼順棍一盪比入楔緊既摩拉。連迪路夫本身企左係條傳球路線上﹐佢一轉身竟然踢漏。個波就比摩拉係禁區內再橫傳比空晒既老孫射入。呢下失誤冰人完全要
負全責﹐但亦因呢下又激發到曼聯要進攻﹐要繼續番曼聯呢季先失波後反CUP既定律！
反CUP重點黎啦 - 雙核驅動曼聯進攻
今次真係要讚蘇B﹐唔知係咪屎忽撞棍定孤注一擲﹐佢係下半場決定轉踢4222陣式。般奴同普巴一右一左踢進攻中場﹐並給予極大進攻自由度﹐兩個可以換位踢﹐又可以入中路﹐亦可以走埋同邊踢﹐基本上係前場冇固定位置。將福仔推入中路拍卡叔踢雙箭頭﹐因雲比沙加進攻力弱﹐所以福仔會拉邊走提供闊度﹐左邊側擊靠晒梳爾後上同普巴配合。卡叔則留係禁區搶點﹐又可以走出黎做支點﹐讓普巴後上壓入禁區。當個波係右路時﹐普巴亦會走入禁區作第二點﹐第一點就有卡叔搶點。般奴就會留係禁區邊緣較炮﹐或者遠射。進攻突然變得非常立體。防守時就用番4231﹐完全依賴MCFRED係中場做搶截。卡叔都會番後幫下手﹐前面就留福仔打反擊。呢個變化令到熱刺中路被overload﹐防守上開始亂﹐曼聯已經創造左幾次射門機會。
到57分鐘﹐憑住係中路既一次靚組織﹐雖然卡雲尼射唔入呢下黃金機會﹐但費特有跟進到﹐成功執雞追番一球。摩佬見唔對路﹐即刻換入施素高加強防守力﹐但曼聯已經踢順左﹐不停施壓﹐個波有幾下係門前掠過。71分鐘﹐蘇B再換人﹐格連活特入替有傷既福仔。賽前都話綠木狀態係好﹐佢係79分鐘右邊K角位﹐左腳curve尾袋﹐卡叔捕到個靚位插水式頭鎚破網﹐領先一球。卡叔踢完半場個狀態都開始番番黎﹐係下半場已經見到佢迎波回波都做得幾好﹐入埋波就更加perfect。
最後去到補時階段﹐今場世界級既普巴係左路內切﹐先右腳撥左腳扣過靴爾保﹐再用身形擔開迪亞﹐冷靜地斜傳俾綠木。佢兩下插花擺番落窄位﹐右腳勁射近柱﹐羅列斯拍到少少都入﹐典型既綠木式入球重現。最後雞聲一響﹐曼聯次回合反勝三比一。
唔通已經搵到破密集既良方？
下半場既調動﹐球員既努力﹐戰術陣式既改變﹐都係呢場勝仗見到。贏到摩佬唔難﹐但要咁清脆﹐技術性擊到就十分難得。呢場波可以見到普巴加般奴既效果﹐唔一定要普巴去就般奴﹐雙核一樣有另類既野可以睇到﹐兩個是可以共存。J左成篇文﹐可能太誇張﹐但呢場波絕對係一個轉捩點俾蘇B諗下點樣可以令到6+18既效果最大化。下場對格蘭納達﹐有兩球優勢可以俾主力抖抖啦﹐再下場對般尼又可以再試下呢個雙核模式﹐可能呢個就係破密集既靈丹妙藥呢！
講下熱刺同曼聯既正選陣容
先講下熱刺先﹐摩佬繼續選擇用簡尼、老孫同摩拉去攻堅﹐攻中用上盧斯素﹐後面就用靴爾保拍住尼當比利﹐呢個中前場組合都唔難估中﹐但後防就用上冇踢左幾場既奧利亞打右閘﹐迪亞都係呢場臨危受命拍住祖爾路東﹐收起左山齊士﹐而左閘則繼續用列古朗﹐龍門當然係羅列斯。而曼聯方面﹐賽前預測陣容中左九成﹐而普巴同福仔亦各自任左右中場﹐唯一不中既係缺態既卡雲尼取代左近況不俗既格連活特打正選。龍門甸軒達臣﹐防線維持不變﹐梳爾、麥佳亞、連迪路夫同雲比沙加在陣﹐防中孖寶MCFRED組合(麥湯文尼同費特) 加埋般奴費南迪斯﹐踢番慣常既4231陣式。
就係恰你唔夠力﹐搶到你暈
熱刺已經冇晒盃賽賽事﹐所以踢完紐卡素場波就有7日既休息：而曼聯早兩日先係西班牙踢完歐霸盃﹐只得兩日時間休息。熱刺體力佔優下﹐摩佬一改佢係中後場低位防守既踢法﹐改為不停係前場施壓加瘋狂逼搶。一開波就成隊不停向前逼﹐頭15分鐘更係波到人到﹐令到曼聯唔好話進攻﹐連搓定少少個波都有難度。面對熱刺係前場逼搶﹐蘇B選擇用普巴同福仔打兩翼就正好能夠破解到。福仔雖然紮住踢﹐但佢既速度同突破力仍有一定既威脅﹐可以成功突破對方再轉邊：而普巴則利用佢既身形同腳下功夫保護皮球之餘﹐仲可以同梳爾打一兩下one-two去破解對方既前場壓逼。不過縱使破解左前場壓逼﹐熱刺係中場既爭奪係絲毫不讓﹐加上體力佔優﹐好多55波一拍既情況下都拍贏﹐令到曼聯唔能夠係地面推進﹐好多時都係嘗試係邊路放大對角等普巴去頂又或者俾福仔去哨。卡叔都唔係太可以停到個波。雖然多次失控球權﹐但好在曼聯係後面都夠人﹐所以熱刺搶完個波之後都唔係太有效率可以製造到威脅俾甸軒。
VAR永遠有曼聯份
搶完一大輪﹐都需要回一回氣。熱刺就縮番後﹐係中後場等你黎。曼聯都多番少少時間係中後場度用下個波再運上去。不過礙於一對防中係MCFRED﹐係進攻節奏控制同俾波既穿透力都仍有進步空間﹐都係踢得唔係好流暢﹐亦唔係有好多波比到般奴。不過般奴呢場都有疲態﹐有幾腳波既力水明顯未係最高水準。兩隊都係繼續中場爭奪戰﹐熱刺稍為佔上風。踢到33分鐘﹐又係VAR爭議性。麥湯係右路嘗試擺脫老孫時﹐老孫手部輕輕攬一攬佢﹐麥湯右手明顯地向後一撥(我覺得有意既)﹐打左落老孫塊面度﹐老孫應聲倒地。但球證當時未有為意﹐比賽繼續。個波去到普巴腳下係右邊禁區角位妹下妹下之際﹐卡叔斜插入小禁區﹐普巴俾穿奧利亞大細搵到卡叔﹐卡叔左腳快射入網。但球證此時要睇睇VAR﹐最後認為麥湯係有犯規﹐所以改判為熱刺罰球。雖然我係曼迷﹐但我認為判決合理﹐你可以撥走佢隻手﹐但你係打左人一巴﹐又唔知大家點睇。
你唔入我波﹐我又點反CUP到
到上半場尾段﹐奧利亞係右邊扯個波入中間比到簡尼﹐簡尼順棍一盪比入楔緊既摩拉。連迪路夫本身企左係條傳球路線上﹐佢一轉身竟然踢漏。個波就比摩拉係禁區內再橫傳比空晒既老孫射入。呢下失誤冰人完全要
負全責﹐但亦因呢下又激發到曼聯要進攻﹐要繼續番曼聯呢季先失波後反CUP既定律！
反CUP重點黎啦 - 雙核驅動曼聯進攻
今次真係要讚蘇B﹐唔知係咪屎忽撞棍定孤注一擲﹐佢係下半場決定轉踢4222陣式。般奴同普巴一右一左踢進攻中場﹐並給予極大進攻自由度﹐兩個可以換位踢﹐又可以入中路﹐亦可以走埋同邊踢﹐基本上係前場冇固定位置。將福仔推入中路拍卡叔踢雙箭頭﹐因雲比沙加進攻力弱﹐所以福仔會拉邊走提供闊度﹐左邊側擊靠晒梳爾後上同普巴配合。卡叔則留係禁區搶點﹐又可以走出黎做支點﹐讓普巴後上壓入禁區。當個波係右路時﹐普巴亦會走入禁區作第二點﹐第一點就有卡叔搶點。般奴就會留係禁區邊緣較炮﹐或者遠射。進攻突然變得非常立體。防守時就用番4231﹐完全依賴MCFRED係中場做搶截。卡叔都會番後幫下手﹐前面就留福仔打反擊。呢個變化令到熱刺中路被overload﹐防守上開始亂﹐曼聯已經創造左幾次射門機會。
到57分鐘﹐憑住係中路既一次靚組織﹐雖然卡雲尼射唔入呢下黃金機會﹐但費特有跟進到﹐成功執雞追番一球。摩佬見唔對路﹐即刻換入施素高加強防守力﹐但曼聯已經踢順左﹐不停施壓﹐個波有幾下係門前掠過。71分鐘﹐蘇B再換人﹐格連活特入替有傷既福仔。賽前都話綠木狀態係好﹐佢係79分鐘右邊K角位﹐左腳curve尾袋﹐卡叔捕到個靚位插水式頭鎚破網﹐領先一球。卡叔踢完半場個狀態都開始番番黎﹐係下半場已經見到佢迎波回波都做得幾好﹐入埋波就更加perfect。
最後去到補時階段﹐今場世界級既普巴係左路內切﹐先右腳撥左腳扣過靴爾保﹐再用身形擔開迪亞﹐冷靜地斜傳俾綠木。佢兩下插花擺番落窄位﹐右腳勁射近柱﹐羅列斯拍到少少都入﹐典型既綠木式入球重現。最後雞聲一響﹐曼聯次回合反勝三比一。
唔通已經搵到破密集既良方？
下半場既調動﹐球員既努力﹐戰術陣式既改變﹐都係呢場勝仗見到。贏到摩佬唔難﹐但要咁清脆﹐技術性擊到就十分難得。呢場波可以見到普巴加般奴既效果﹐唔一定要普巴去就般奴﹐雙核一樣有另類既野可以睇到﹐兩個是可以共存。J左成篇文﹐可能太誇張﹐但呢場波絕對係一個轉捩點俾蘇B諗下點樣可以令到6+18既效果最大化。下場對格蘭納達﹐有兩球優勢可以俾主力抖抖啦﹐再下場對般尼又可以再試下呢個雙核模式﹐可能呢個就係破密集既靈丹妙藥呢！
請按此登錄後留言。未成為會員? 立即註冊