《如果上場咁踢會唔會贏》
曼聯今場正選陣容同上一場決賽有三個變動，包括用連迪路夫、希雲同比連迪亞代替左梳爾、約羅同埋安拿拿。中前場人腳係冇改變。今場曼聯球員既贏波決心唔知點解比上場決賽強，而且係冇咁大包袱，應該進攻時進攻，並冇話投鼠忌器，淨係係外圍傳下波就算。兩側翼衛壓得好前協助攻中組織，有one-two有走位，整隊攻起上黎係有組織。換句話說，即係我地唔係冇攻力，而係夠唔夠膽攻。當然，上場係決賽，唔可以同呢場例行公事比較，但如果上場踢呢家波，又會唔會輸俾熱刺呢？最後，曼聯以二比零擊敗維拉，以第十五位完成今季賽事；而維拉就因為冇左三分，只能屈居第六名，下年同水晶宮一齊踢歐霸盃。
《球證又做主角》
今場波曼聯贏得算輕鬆，都係多得維拉門將馬天尼斯拎左紅牌，令場波有起碼半場時間打多一人，亦有一個極具爭議既判決，令到曼聯係唔駛先失一球情況下去淨勝對手。
首先講講馬天尼斯既紅牌，當時卡殊回傳乏力，被海倫截到後就向前推進。門將馬天尼斯情急之下，係自己「三閘線」位置撞低海倫，而當時海倫既推進方向係「邊路」，同時間中堅既托里斯亦以全速係中路回緊防。球證見狀吹罰後，就用紅牌將馬天尼斯趕離場。究竟呢下值唔值得俾紅牌趕離場？
係咪Dogso就要跟據四個條件：1）球與球門嘅距離（例如幾接近）
2）控球情況（犯規前對方球員係咪有實際控制權）
3）進攻方向（球員係咪朝住球門進攻）
4）防守球員位置（仲有冇其他後衛可以阻止入波）
從呢四個條件下，第一同第三都唔太成立，因為海倫當時係「三閘線推進」，距離球門都幾遠，佢而佢推進既方向係邊線，只有第二點係必中，而第四點係托里斯係中路仲有冇機會阻止入波，睇情況佢都難阻止。觀乎四個條件而中兩樣，我覺得係有條件打甩張紅，但俾紅你都唔可以話佢錯，因為當刻係空門狀態。
第二個爭議判決則係72分鐘，當時賽果係零比零，麥佳亞頭鎚頂後，比連迪亞出迎疑似接波甩手，羅渣士用腳踢走個波向前，球證隨即吹罰，跟住羅渣士面對空門射入。睇番慢鏡，比連迪亞接完係有甩手，而羅渣士係搶波過程中又真係冇同龍門有任何接觸。先唔講，呢球波係咪有犯規先，個波入左禁區後，係有VAR情況下，球證可以由得球波繼續去，入左之後睇playback去吹番轉頭，而呢家佢未射入你就吹左，咁樣係冇機會改判，所以球證咁早就吹罰都幾肯定佢做錯。你咁早就吹，除非你肯定羅渣士犯規，但最慘係從慢鏡睇，以理性曼迷身份既我，都認為呢下真係冇foul，因為比連迪亞接果陣個波真係有離手，我唔認為係完全控制皮球，咁樣令到維拉未能打少一人下而領先，絕對係令佢地失分既重要因素。
而迪亞路獲得既十二碼就冇太大爭議，佢確係被人踢跌左，而犯規既馬臣都冇特別投訴，就知道佢都知瀨左野。呢下犯規亦冇討論既空間。
《總結》
球證又做左主角，你唔可以話係黑哨，只能話佢吹罰有錯誤，影響左整場波既結果。維拉就真係唔好意思啦，損人不利己，令到你地冇左歐聯席位。曼聯黎講，以贏波去完結今個災難性既球季都算係咁啦，起碼係主場贏波對入場球迷有個交代。阿摩廉賽後致歉，並聲稱下季一定會更好。講真，今季帶到咁差，下季真係好難再差，再差就真係降班，而你成日都話季中接手啊冇時間啊，依家俾一個完整既賽季你，有埋賽前熱身俾時間你操，下季隊波都仲係咁樣既，個責任就入晒你數啦！
曼聯今場正選陣容同上一場決賽有三個變動，包括用連迪路夫、希雲同比連迪亞代替左梳爾、約羅同埋安拿拿。中前場人腳係冇改變。今場曼聯球員既贏波決心唔知點解比上場決賽強，而且係冇咁大包袱，應該進攻時進攻，並冇話投鼠忌器，淨係係外圍傳下波就算。兩側翼衛壓得好前協助攻中組織，有one-two有走位，整隊攻起上黎係有組織。換句話說，即係我地唔係冇攻力，而係夠唔夠膽攻。當然，上場係決賽，唔可以同呢場例行公事比較，但如果上場踢呢家波，又會唔會輸俾熱刺呢？最後，曼聯以二比零擊敗維拉，以第十五位完成今季賽事；而維拉就因為冇左三分，只能屈居第六名，下年同水晶宮一齊踢歐霸盃。
《球證又做主角》
今場波曼聯贏得算輕鬆，都係多得維拉門將馬天尼斯拎左紅牌，令場波有起碼半場時間打多一人，亦有一個極具爭議既判決，令到曼聯係唔駛先失一球情況下去淨勝對手。
首先講講馬天尼斯既紅牌，當時卡殊回傳乏力，被海倫截到後就向前推進。門將馬天尼斯情急之下，係自己「三閘線」位置撞低海倫，而當時海倫既推進方向係「邊路」，同時間中堅既托里斯亦以全速係中路回緊防。球證見狀吹罰後，就用紅牌將馬天尼斯趕離場。究竟呢下值唔值得俾紅牌趕離場？
係咪Dogso就要跟據四個條件：1）球與球門嘅距離（例如幾接近）
2）控球情況（犯規前對方球員係咪有實際控制權）
3）進攻方向（球員係咪朝住球門進攻）
4）防守球員位置（仲有冇其他後衛可以阻止入波）
從呢四個條件下，第一同第三都唔太成立，因為海倫當時係「三閘線推進」，距離球門都幾遠，佢而佢推進既方向係邊線，只有第二點係必中，而第四點係托里斯係中路仲有冇機會阻止入波，睇情況佢都難阻止。觀乎四個條件而中兩樣，我覺得係有條件打甩張紅，但俾紅你都唔可以話佢錯，因為當刻係空門狀態。
第二個爭議判決則係72分鐘，當時賽果係零比零，麥佳亞頭鎚頂後，比連迪亞出迎疑似接波甩手，羅渣士用腳踢走個波向前，球證隨即吹罰，跟住羅渣士面對空門射入。睇番慢鏡，比連迪亞接完係有甩手，而羅渣士係搶波過程中又真係冇同龍門有任何接觸。先唔講，呢球波係咪有犯規先，個波入左禁區後，係有VAR情況下，球證可以由得球波繼續去，入左之後睇playback去吹番轉頭，而呢家佢未射入你就吹左，咁樣係冇機會改判，所以球證咁早就吹罰都幾肯定佢做錯。你咁早就吹，除非你肯定羅渣士犯規，但最慘係從慢鏡睇，以理性曼迷身份既我，都認為呢下真係冇foul，因為比連迪亞接果陣個波真係有離手，我唔認為係完全控制皮球，咁樣令到維拉未能打少一人下而領先，絕對係令佢地失分既重要因素。
而迪亞路獲得既十二碼就冇太大爭議，佢確係被人踢跌左，而犯規既馬臣都冇特別投訴，就知道佢都知瀨左野。呢下犯規亦冇討論既空間。
《總結》
球證又做左主角，你唔可以話係黑哨，只能話佢吹罰有錯誤，影響左整場波既結果。維拉就真係唔好意思啦，損人不利己，令到你地冇左歐聯席位。曼聯黎講，以贏波去完結今個災難性既球季都算係咁啦，起碼係主場贏波對入場球迷有個交代。阿摩廉賽後致歉，並聲稱下季一定會更好。講真，今季帶到咁差，下季真係好難再差，再差就真係降班，而你成日都話季中接手啊冇時間啊，依家俾一個完整既賽季你，有埋賽前熱身俾時間你操，下季隊波都仲係咁樣既，個責任就入晒你數啦！
請按此登錄後留言。未成為會員? 立即註冊