睇完利阿大戰，見到高普係呢場起用呀諾改踢閘位內切，完全有別於過去拉後中場形成三中堅推前兩閘既進攻系統模式。上半場既表現話你知利記係唔適合咁踢，到最後都要靠呀諾係右路沉底出波追平。利物浦點解唔岩踢呢？又或者隊波要有乜野人腳先可以發揮到呢套進攻模式既最大效果呢？
《利記踢開既模式究竟係點》
先講下利記前幾季較為成功既踢法係點。同樣都係4-3-3陣式既擺位，進攻時會拉後防守中場到閘位形成三中堅，負責係後場出波。兩閘壓前進攻，利用呀諾同羅伯臣強大既進攻力打側擊。假如進攻係左路發動，右中場中會移入中路幫手駁腳轉方向或做第一重既攔截。左中場中則會推前overload左路。左翼亦會內切入half space位置，拉走對方右閘球員，清空左路邊線等羅伯臣上上落落。中鋒多數都係費明奴墮後係中前場串連同協助球隊開發左路進攻。利物浦兩閘進攻力睇助攻數字已經嚇親你。中場泰亞高或軒達臣墮後幫手出波；法賓奴硬淨同預判能力高，單人就可以係中場包晒；韋拿杜姆或基達游走支援邊線；沙拿文尼亦極具個人突破力，去牽引對方至少兩名防守者；費明奴既連接功夫加埋祖達前場周圍走既踢波風格，令利物浦踢呢套Form係如虎添翼。最重要一樣野利物浦中場工兵型較多，做下駁腳防守跑動拉扯係冇問題，但如要佢地係half space位置去做波去俾波，就完全唔係佢地果家波。
《潮流興既閘位內切基本上又係點既呢》
講完利記以前點踢，就講下潮流興起既閘位內切型踢法既模式同特點！
閘位內切顧名思義就係閘位球員係進攻上移入去中場，用防中或中場中形式協助球隊組織。當其中一邊閘位球員內切入中場時，另一邊既閘位球員就會留守後場，等後場仍舊可以保留三名中堅幫手後場出球。閘位內切後，就會同本身既防中球員形成一對平排中場，再因應呢兩個球員既特點去制定邊個球員可以再壓前進攻。本身既兩名中場中則可以再推前去進攻half space；兩名翼鋒球員則會係邊線為主，處理成條邊路側擊；中鋒球員則會睇情況決定留守禁區還是當假九中鋒拉後做波，等後面果兩個進攻中場去入楔佢拉後所騰出既空位。呢個只係基本企位，進攻時亦可因應情況，翼鋒移入中路再清空邊路，等攻擊中場走邊現身，亦係其他後續變化，但無論點走位，邊線都必定有一人係長期拉邊等。閘位內切踢法最緊要就梗係閘位球員。佢除左要有閘位本身所具備既能力外（因陣地防守時係需要番去閘位守對方翼鋒），亦要具備係中場護波做波推進派牌，甚至乎係後上射門既能力。不得不讚嘆哥迪奧拿改做薛真高踢閘位，而佢甚至乎比簡些路踢呢套戰術更好。攻中出身既佢本身已具備踢中場既條件，哥帥再練練佢既防守技術加上佢本身有一定既速度，所以踢閘位守對方既翼鋒都唔太輸蝕。閘位球員係重中之重，但兩側既翼鋒亦非常重要。呢套進攻模式會令到防守方集中中路防守，防止中路被overload，所以邊線會經常出現一對一。翼鋒必須具備超強既單對單突破力，亦可以憑強勁突破力去吸引對方包夾，令中場中既球員多左空間去做波。此外，兩名中場中球員亦必須係技術形球員，可以係half space位置用到波俾到具穿透性既傳球或有後上入禁區扣門既能力。咁先可以將呢套陣式發揮到最大效果。哥帥係不停諗方法去推前兩個中場中，盡量要佢地留守前場去發揮進攻才華，先有呢套踢法既出現。
《何解利物浦咁踢係唔work？有冇可能work到？》
既然知道踢呢套模式要有咩需求，咁就睇下利記點解踢果陣唔係好work。首先，雖然阿諾係u隊係中場中出身，但係近幾年已經慣左踢閘位，去到英超級數就唔係一轉就即刻會有好表現，但呀諾有冇條件踢呢個位，我又覺得可以一試，一定比羅伯臣好。第二，因應呢個踢法，羅伯臣被逼要留守後場，未能發揮佢後上助攻能力。加上祖達並唔係以突破力強見稱，就算被你邊線單對單都冇把握可以過到賓韋治，更莫講話可以吸引到其他防守者。咁樣就直接將左路廢左武功；沙拿係右路都還可以，畢竟級數係有，佢持球產生既威脅係幾大。第三，問題就係利記既鍾斯同軒達臣。呢兩位人兄都係工兵球員，要推前靠佢地後上入禁區埋門或係對方三閘線去創造，都係難以勝任。兩個都冇乜進攻才華可以發揮下，咁樣踢只會令中路塞車，加上左路癱瘓下，整隊進攻都冇乜方向可言，咁呢套模式又點會work呢？咁利記又係咪冇可能踢到呢？我又覺得未必，不過需要係人腳上大改動。首先，左翼必需係用迪亞斯。無論紐尼斯、祖達還是加寶，係邊線既突破力都係偏弱，神鋒以速度齋爆為主，後兩者則係需要同隊友配合，反而迪亞斯係有條件一個就衝散對方防線。中鋒可以加寶、紐尼斯、祖達三揀一睇狀態行先。右翼必然係沙拿。一對中場中球員需要用上泰亞高同艾利諾，兩個係隊中算係最具技術型球員，亦有一定既後上射門能力，進攻意識亦比防守強。防中則當然用法賓奴去逗住。防線都冇乜大變動，雖然浪費左羅伯臣既進攻天賦，但佢係後面亦利用到佢既速度去包波保位同delay對方反擊。
《總結》
高普今場對住阿仙奴黎試陣，確實係有少少大膽，但呢個嘗試都有佢可取之處，絕對唔係亂咁黎。例如確保中路有四人去overload對方既三中場，羅伯臣留番後去守一守薩卡，而馬天尼利則交俾干拿迪去做第一重防守，以防呀諾被人話過就過。可惜，踢落去既情況同想像有出入，而人腳配置唔太合適亦係其中一個原因。利物浦最後經調動後，泰亞高係隊中重要性真係表露無遺。尾段狂攻亦過唔到MOM既藍斯度實在係冇得好講。如果餘下賽事，利記踢得出下半場既決心同進攻模式節奏，歐洲賽事都仲有價講！
《利記踢開既模式究竟係點》
先講下利記前幾季較為成功既踢法係點。同樣都係4-3-3陣式既擺位，進攻時會拉後防守中場到閘位形成三中堅，負責係後場出波。兩閘壓前進攻，利用呀諾同羅伯臣強大既進攻力打側擊。假如進攻係左路發動，右中場中會移入中路幫手駁腳轉方向或做第一重既攔截。左中場中則會推前overload左路。左翼亦會內切入half space位置，拉走對方右閘球員，清空左路邊線等羅伯臣上上落落。中鋒多數都係費明奴墮後係中前場串連同協助球隊開發左路進攻。利物浦兩閘進攻力睇助攻數字已經嚇親你。中場泰亞高或軒達臣墮後幫手出波；法賓奴硬淨同預判能力高，單人就可以係中場包晒；韋拿杜姆或基達游走支援邊線；沙拿文尼亦極具個人突破力，去牽引對方至少兩名防守者；費明奴既連接功夫加埋祖達前場周圍走既踢波風格，令利物浦踢呢套Form係如虎添翼。最重要一樣野利物浦中場工兵型較多，做下駁腳防守跑動拉扯係冇問題，但如要佢地係half space位置去做波去俾波，就完全唔係佢地果家波。
《潮流興既閘位內切基本上又係點既呢》
講完利記以前點踢，就講下潮流興起既閘位內切型踢法既模式同特點！
閘位內切顧名思義就係閘位球員係進攻上移入去中場，用防中或中場中形式協助球隊組織。當其中一邊閘位球員內切入中場時，另一邊既閘位球員就會留守後場，等後場仍舊可以保留三名中堅幫手後場出球。閘位內切後，就會同本身既防中球員形成一對平排中場，再因應呢兩個球員既特點去制定邊個球員可以再壓前進攻。本身既兩名中場中則可以再推前去進攻half space；兩名翼鋒球員則會係邊線為主，處理成條邊路側擊；中鋒球員則會睇情況決定留守禁區還是當假九中鋒拉後做波，等後面果兩個進攻中場去入楔佢拉後所騰出既空位。呢個只係基本企位，進攻時亦可因應情況，翼鋒移入中路再清空邊路，等攻擊中場走邊現身，亦係其他後續變化，但無論點走位，邊線都必定有一人係長期拉邊等。閘位內切踢法最緊要就梗係閘位球員。佢除左要有閘位本身所具備既能力外（因陣地防守時係需要番去閘位守對方翼鋒），亦要具備係中場護波做波推進派牌，甚至乎係後上射門既能力。不得不讚嘆哥迪奧拿改做薛真高踢閘位，而佢甚至乎比簡些路踢呢套戰術更好。攻中出身既佢本身已具備踢中場既條件，哥帥再練練佢既防守技術加上佢本身有一定既速度，所以踢閘位守對方既翼鋒都唔太輸蝕。閘位球員係重中之重，但兩側既翼鋒亦非常重要。呢套進攻模式會令到防守方集中中路防守，防止中路被overload，所以邊線會經常出現一對一。翼鋒必須具備超強既單對單突破力，亦可以憑強勁突破力去吸引對方包夾，令中場中既球員多左空間去做波。此外，兩名中場中球員亦必須係技術形球員，可以係half space位置用到波俾到具穿透性既傳球或有後上入禁區扣門既能力。咁先可以將呢套陣式發揮到最大效果。哥帥係不停諗方法去推前兩個中場中，盡量要佢地留守前場去發揮進攻才華，先有呢套踢法既出現。
《何解利物浦咁踢係唔work？有冇可能work到？》
既然知道踢呢套模式要有咩需求，咁就睇下利記點解踢果陣唔係好work。首先，雖然阿諾係u隊係中場中出身，但係近幾年已經慣左踢閘位，去到英超級數就唔係一轉就即刻會有好表現，但呀諾有冇條件踢呢個位，我又覺得可以一試，一定比羅伯臣好。第二，因應呢個踢法，羅伯臣被逼要留守後場，未能發揮佢後上助攻能力。加上祖達並唔係以突破力強見稱，就算被你邊線單對單都冇把握可以過到賓韋治，更莫講話可以吸引到其他防守者。咁樣就直接將左路廢左武功；沙拿係右路都還可以，畢竟級數係有，佢持球產生既威脅係幾大。第三，問題就係利記既鍾斯同軒達臣。呢兩位人兄都係工兵球員，要推前靠佢地後上入禁區埋門或係對方三閘線去創造，都係難以勝任。兩個都冇乜進攻才華可以發揮下，咁樣踢只會令中路塞車，加上左路癱瘓下，整隊進攻都冇乜方向可言，咁呢套模式又點會work呢？咁利記又係咪冇可能踢到呢？我又覺得未必，不過需要係人腳上大改動。首先，左翼必需係用迪亞斯。無論紐尼斯、祖達還是加寶，係邊線既突破力都係偏弱，神鋒以速度齋爆為主，後兩者則係需要同隊友配合，反而迪亞斯係有條件一個就衝散對方防線。中鋒可以加寶、紐尼斯、祖達三揀一睇狀態行先。右翼必然係沙拿。一對中場中球員需要用上泰亞高同艾利諾，兩個係隊中算係最具技術型球員，亦有一定既後上射門能力，進攻意識亦比防守強。防中則當然用法賓奴去逗住。防線都冇乜大變動，雖然浪費左羅伯臣既進攻天賦，但佢係後面亦利用到佢既速度去包波保位同delay對方反擊。
《總結》
高普今場對住阿仙奴黎試陣，確實係有少少大膽，但呢個嘗試都有佢可取之處，絕對唔係亂咁黎。例如確保中路有四人去overload對方既三中場，羅伯臣留番後去守一守薩卡，而馬天尼利則交俾干拿迪去做第一重防守，以防呀諾被人話過就過。可惜，踢落去既情況同想像有出入，而人腳配置唔太合適亦係其中一個原因。利物浦最後經調動後，泰亞高係隊中重要性真係表露無遺。尾段狂攻亦過唔到MOM既藍斯度實在係冇得好講。如果餘下賽事，利記踢得出下半場既決心同進攻模式節奏，歐洲賽事都仲有價講！
請按此登錄後留言。未成為會員? 立即註冊