歐國盃八強賽事，英格蘭將會火拼今屆其中一支異軍突起既瑞士。瑞士今屆踢得非常出色，身處A組但能以不敗情況下以次名晉級，十六強對意大利輕鬆兩球取勝。英格蘭面對來勢洶洶既瑞士，除左本身隊波有問題外，查比亞因傷要缺陣今場，而中堅古希亦因儲夠黃牌要停賽，令到修夫基必須要係陣式同陣容作出改變。賽前傳修夫基係今場會改打三中堅加強防守，傳媒當然唔放過機會並大肆批評。到底咁樣轉陣係賽保守？
《轉陣或係契機解決問題》
歐國盃由第一場到上場險勝斯洛伐克，修夫基排出陣容同場上場面都被大肆評擊，詳情可睇《「捨得」係修夫基要學懂的課題 》https://s.fanpiece.com/6bKf87P
今場有傳修夫基改踢三後衞陣形，銳意再加強防守，當然又被人批評戰術保守，唔敢贏唔敢攻，但試諗深一層，或者轉陣3-4-2-1會係英軍新出路。
龍門都會係碧福特，呢個位置唔需要討論。失去左古希，三中堅相信會交由右獲加、中史東斯與及左干沙出任。右翼衞會係太子阿奴。先講阿奴，踢翼衞的話，後面有獲加幫佢執屎，佢可以無後顧之憂地係邊線壓前進攻，間唔中亦可內收入中路較長炮轉邊，同時亦可將其中一位中場推前進攻half-space，等司職攻擊中場既球員拉邊提供闊度。淨係咁樣已經可以令英軍球員要走位，一個走其他一齊走。左翼衞則需要用薩卡，此子既有突破力，速度快，最大既好處係佢係左腳球員，可以順棍提供傳中球。
中場方面懷斯會係必然正選，明奴係呢兩場都有表現，理論上都會係出佢拍懷斯，但如從陣式同戰術層面上，起用加拉加會比較合適。因為中場少左一個人，只得兩個人去覆蓋整個中場，變左中場需要大範圍跑動同有一定既攔截力，以及身體對抗去幫手重奪控球權。呢方面，加拉加會比明奴更合適。
前場改踢雙攻擊中場，左比寧咸右科頓，則可以將佢二人錯開，獨自係一面策動進攻，而中鋒簡尼除左可以係前點做支點同係禁區搶點外，亦可以係中路回撤拎波，等科頓同比寧咸後上插入，咁樣踢既話前場亦會多左走動拉扯。
《總結》
ON PAPER黎講，後場確係多左一個中堅，但人腳配置其實只係用阿奴換左查比亞，而獲加可閘可中堅既能力，亦可以令英軍係用波過程中隨時變成4-4-2甚至4-3-3，取決於修夫基俾幾大自由度獲加去進攻。如今次既「被逼」轉陣成功的話，相信最可惜會係落選既捷維爾，而修夫基到底是真保守而改打三中堅，還是用三中堅化解問題既戰術思維，就真係只有佢先知答案！
《轉陣或係契機解決問題》
歐國盃由第一場到上場險勝斯洛伐克，修夫基排出陣容同場上場面都被大肆評擊，詳情可睇《「捨得」係修夫基要學懂的課題 》https://s.fanpiece.com/6bKf87P
今場有傳修夫基改踢三後衞陣形，銳意再加強防守，當然又被人批評戰術保守，唔敢贏唔敢攻，但試諗深一層，或者轉陣3-4-2-1會係英軍新出路。
龍門都會係碧福特，呢個位置唔需要討論。失去左古希，三中堅相信會交由右獲加、中史東斯與及左干沙出任。右翼衞會係太子阿奴。先講阿奴，踢翼衞的話，後面有獲加幫佢執屎，佢可以無後顧之憂地係邊線壓前進攻，間唔中亦可內收入中路較長炮轉邊，同時亦可將其中一位中場推前進攻half-space，等司職攻擊中場既球員拉邊提供闊度。淨係咁樣已經可以令英軍球員要走位，一個走其他一齊走。左翼衞則需要用薩卡，此子既有突破力，速度快，最大既好處係佢係左腳球員，可以順棍提供傳中球。
中場方面懷斯會係必然正選，明奴係呢兩場都有表現，理論上都會係出佢拍懷斯，但如從陣式同戰術層面上，起用加拉加會比較合適。因為中場少左一個人，只得兩個人去覆蓋整個中場，變左中場需要大範圍跑動同有一定既攔截力，以及身體對抗去幫手重奪控球權。呢方面，加拉加會比明奴更合適。
前場改踢雙攻擊中場，左比寧咸右科頓，則可以將佢二人錯開，獨自係一面策動進攻，而中鋒簡尼除左可以係前點做支點同係禁區搶點外，亦可以係中路回撤拎波，等科頓同比寧咸後上插入，咁樣踢既話前場亦會多左走動拉扯。
《總結》
ON PAPER黎講，後場確係多左一個中堅，但人腳配置其實只係用阿奴換左查比亞，而獲加可閘可中堅既能力，亦可以令英軍係用波過程中隨時變成4-4-2甚至4-3-3，取決於修夫基俾幾大自由度獲加去進攻。如今次既「被逼」轉陣成功的話，相信最可惜會係落選既捷維爾，而修夫基到底是真保守而改打三中堅，還是用三中堅化解問題既戰術思維，就真係只有佢先知答案！
請按此登錄後留言。未成為會員? 立即註冊