曼聯主場一比零不敵狼隊，今季聯賽輸到第十五場，所以「英超曼聯又輸一場」都唔係大新聞，堅成幅圖可以抖抖。阿摩廉賽前都講明會放棄聯賽全力爭歐霸冠軍，鬥心成疑，加上正選唔係強陣出擊，聯賽贏到咪贏囉，所以輸呢場波都可以話係意料中事！輸就冇乜所謂，又睇下呢場波睇到乜先！
《正選試用兩青年小將》
正選陣容見到有踢左翼衞既Amass阿密斯同首次處子登場就踢正選既廿歲左中堅Fredricson費特歷臣。先講下費仔，數據上費仔完全唔差，第一場就踢足90分鐘，69次傳送有64次成功，3次長傳亦全部成功，4次tackle成功左2次，另外亦有1次interception。踢落都幾淡定，不過身型比較瘦削，要操操肌肉先得。費仔係右腳球員，而希雲則係左腳球員。如果兩者比較，暫時希雲會係較佳既替補人選，而費仔或者以替補右中堅為目標會較好。曼聯後防依家比較大問題係中中堅位置，無論用迪列特還是麥佳亞，防守問題唔算太大，但後場組織進攻要推前半格當防中踢去用波先係重中之重。你亦冇可能用青年人踢中中堅呢個位，除非勁到離晒譜。阿密斯今場表現落力，係左邊都上上落落。37次傳送有33次成功，係左路保持控球權黎講做得幾好。佢亦有一兩下傳中係有威脅，但單對單既盤扭就明顯冇多古咁具侵略性。同位置既競爭對手暫時只有多古同埋將會外借番黎既馬拉仔。替補黎講係可以既，但要搶正選暫時就可能難少少。
《加拿祖仲值得留隊？》
加拿祖今場都係幾賣力，少有地係一腳射門都冇！另外，佢有3腳key pass同埋5次傳中。身為一個攻擊中場，今場有呢個數據算唔錯。加拿祖近幾場都持續有進步，特別係左路推落底用左腳出，出波既次數同質素都係有提升。不過，佢現時都係好少同隊友配合，隊友又唔知佢幾時交定交唔交，所以都好少走動去配合，佢仍然係靠自己。老實說，翼鋒改踢攻擊中場，最難練既係個腦。不過，如果阿摩廉係睇中一個攻擊中場而又需要錢去買，直接賣佢我又覺得未嘗不可。
《明奴仲搵緊位置》
明奴今場被阿摩廉改踢左面攻擊中場，防守冇乜貢獻，進攻除左遠射左一腳之外，貢獻都係冇乜。佢上場復出後就踢偽九中鋒，今場就踢攻中，睇得出阿摩廉想將佢放得更近對方龍門，可能係睇中佢既射門能力。小弟認為明奴都未必可以踢得番中場中既位置，雖然明奴係中後場可以做到ball-carrier角色，但因係體系上呢個位置著重防守同覆蓋率，兩者都唔係明奴擅長，所以佢好難爭到位，除非佢大幅度提升呢兩個能力。變相阿摩廉就想推佢踢前一格，但創造力就唔係明奴本身具備既能力，而當推前左一格後，佢需要更多時間孭住防守球員黎踢，亦間接削弱左佢持球小範圍突破既突點。呢個體系下，好似擺前擺後都硬係差少少，除左明奴要進步之外，點樣用佢都係阿摩廉要諗既野。
《總結》
黎緊聯賽睇黎都會係用黎練兵試野，成績who fucking care！希望阿摩廉可以再用多少少年青人，暫時奧比馬田都算係少機會出場，不妨用佢多少少啦！而歐霸盃就要全力以赴，做到最好！
《正選試用兩青年小將》
正選陣容見到有踢左翼衞既Amass阿密斯同首次處子登場就踢正選既廿歲左中堅Fredricson費特歷臣。先講下費仔，數據上費仔完全唔差，第一場就踢足90分鐘，69次傳送有64次成功，3次長傳亦全部成功，4次tackle成功左2次，另外亦有1次interception。踢落都幾淡定，不過身型比較瘦削，要操操肌肉先得。費仔係右腳球員，而希雲則係左腳球員。如果兩者比較，暫時希雲會係較佳既替補人選，而費仔或者以替補右中堅為目標會較好。曼聯後防依家比較大問題係中中堅位置，無論用迪列特還是麥佳亞，防守問題唔算太大，但後場組織進攻要推前半格當防中踢去用波先係重中之重。你亦冇可能用青年人踢中中堅呢個位，除非勁到離晒譜。阿密斯今場表現落力，係左邊都上上落落。37次傳送有33次成功，係左路保持控球權黎講做得幾好。佢亦有一兩下傳中係有威脅，但單對單既盤扭就明顯冇多古咁具侵略性。同位置既競爭對手暫時只有多古同埋將會外借番黎既馬拉仔。替補黎講係可以既，但要搶正選暫時就可能難少少。
《加拿祖仲值得留隊？》
加拿祖今場都係幾賣力，少有地係一腳射門都冇！另外，佢有3腳key pass同埋5次傳中。身為一個攻擊中場，今場有呢個數據算唔錯。加拿祖近幾場都持續有進步，特別係左路推落底用左腳出，出波既次數同質素都係有提升。不過，佢現時都係好少同隊友配合，隊友又唔知佢幾時交定交唔交，所以都好少走動去配合，佢仍然係靠自己。老實說，翼鋒改踢攻擊中場，最難練既係個腦。不過，如果阿摩廉係睇中一個攻擊中場而又需要錢去買，直接賣佢我又覺得未嘗不可。
《明奴仲搵緊位置》
明奴今場被阿摩廉改踢左面攻擊中場，防守冇乜貢獻，進攻除左遠射左一腳之外，貢獻都係冇乜。佢上場復出後就踢偽九中鋒，今場就踢攻中，睇得出阿摩廉想將佢放得更近對方龍門，可能係睇中佢既射門能力。小弟認為明奴都未必可以踢得番中場中既位置，雖然明奴係中後場可以做到ball-carrier角色，但因係體系上呢個位置著重防守同覆蓋率，兩者都唔係明奴擅長，所以佢好難爭到位，除非佢大幅度提升呢兩個能力。變相阿摩廉就想推佢踢前一格，但創造力就唔係明奴本身具備既能力，而當推前左一格後，佢需要更多時間孭住防守球員黎踢，亦間接削弱左佢持球小範圍突破既突點。呢個體系下，好似擺前擺後都硬係差少少，除左明奴要進步之外，點樣用佢都係阿摩廉要諗既野。
《總結》
黎緊聯賽睇黎都會係用黎練兵試野，成績who fucking care！希望阿摩廉可以再用多少少年青人，暫時奧比馬田都算係少機會出場，不妨用佢多少少啦！而歐霸盃就要全力以赴，做到最好！
請按此登錄後留言。未成為會員? 立即註冊