估唔到阿摩廉會係呢場波大幅度輪換。除左安拿拿、馬沙拉維、迪列特、般奴費南迪斯同加拿祖仍有份踢正選外，其餘六個位置係換左人去踢，包括馬拿斯亞同安東尼踢左右翼衛、馬天尼斯踢左中堅、烏格迪踢防中、曼治出任右攻擊中場與及海倫取代福仔踢箭頭，所以睇得出阿摩廉係用呢場比賽去試人腳試位置，輸波都唔係太介意，唔知最後佢又覺得呢場波試到咩呢！
《簡介戰況》
呢場波曼聯絕對係贏得驚濤駭浪。開波僅一分鐘就靠對面龍門派膠送禮，加拿祖射空門領先，及後對方短時間內連入兩球反超前，再到曼聯上半場補時階段追平，然後係下半場早段靠海倫入第二球領先，最後靠安拿拿撲出對方既罰球而勝出。都想講講輸果兩球，第一球係輸反擊，又係出現禁區頂真空俾人左路cut-back傳中撞射，今次失位追唔切既係隊長；第二球都係輸反擊，馬拿斯亞齋跑跑輸比對手，比辛克尼高射遠柱入網。呢球完全入晒馬拉仔數，畢竟都傷左年幾，完全缺乏比賽狀態。
《簡評兩隊》
全場黎計，波杜基林特係佈防上做得好緊密，球員相互間既距離好短，整個陣形係好com andpact，所以曼聯好難憑中路打入去。佢地既反擊都甚具效率，好多都可以射門終結。不過，球員既質數同曼聯比較係有距離，呢班波今場都搏盡無悔。曼聯計點數就贏晒，全場七成二控球，射門廿次有六次中框入三球，睇數據就幾靚仔，但如果睇場面上就算比較難睇。陷入陣地戰後，球隊不停係外圍搓，但個波去到邊線後，就只能回後，甚少有人現身做小組配合去打穿對方較緊密既防守，而兩邊翼衛都缺乏單對單盤扭能力，就算俾你扭到一個，但人地防守緊密，你都好難過到第二個。另外，球員企位成左形，但太拘泥於位置，較缺乏靈活既走位或者換位，亦令對方容易防守。阿摩廉明顯想主打邊路，睇黎佢需要多花時間練習小組配合。
《點評幾位球員》
今場最佳球員我會揀馬沙拉維，除左果下助攻係神來之筆外，其餘時間防守控場進攻都恰如其份。馬拿斯亞係失第二球方面雖然要孭鑊，但佢係進攻上俾到既energy係有既，只係加拿祖係同佢做唔到配合，呢樣就好需要默契。加拿祖上半場繼續打進攻中場，但呢個位真係好難發揮到佢既特點，而下半場阿摩廉係左翼衛上起用左達洛治後，就叫加拿祖係進攻時拉邊，結果下半場佢既威脅大左，睇得到新帥終於見到佢本說明書，但變左新帥要考慮左翼衛究竟要用一個咩特性既球員去協調左路啦！另外，曼治應該會多出場時間，球隊入第三球佢絕對係功臣之一。踢攻擊中場就係要有腦袋同隊友配合，一個簡單既後腳就送左烏格迪落底出波，正正係一個簡單既小組配合。我相信曼治可以成為必然正選。最後就講講隊長般奴。上半場佢踢得非常有紀律，甚少胡亂前插同亂放長波，係中路幫球隊保持控球在腳同搓波轉下邊，下半場應該係收到指示可以踢得較自由去前插，所以有幾下都見佢入到禁區接應。佢咁踢就真係似一個中場大腦，雖然對方比較弱，但佢起碼踢得比以前合理好多，希望下場可以繼續維持。
《總結》
因為波杜基林特確係比較弱，所以就算曼聯贏都難以用作參考，畢竟一對住英超級別既對手就完全兩回事。對住呢隊較弱既球隊都要被人領先過都幾難接受，同埋曼聯踢落係咪真係創造左好多機會去追番，又好似唔係。整隊都係摸索階段，無論領隊、陣式、踢法同人腳配置都同以往大不同，所以唔好期望今季餘下賽事可以睇到球隊有突飛猛進既表現。我估最快都要到季尾先開始會有野睇。阿摩廉繼續努力吧！
《簡介戰況》
呢場波曼聯絕對係贏得驚濤駭浪。開波僅一分鐘就靠對面龍門派膠送禮，加拿祖射空門領先，及後對方短時間內連入兩球反超前，再到曼聯上半場補時階段追平，然後係下半場早段靠海倫入第二球領先，最後靠安拿拿撲出對方既罰球而勝出。都想講講輸果兩球，第一球係輸反擊，又係出現禁區頂真空俾人左路cut-back傳中撞射，今次失位追唔切既係隊長；第二球都係輸反擊，馬拿斯亞齋跑跑輸比對手，比辛克尼高射遠柱入網。呢球完全入晒馬拉仔數，畢竟都傷左年幾，完全缺乏比賽狀態。
《簡評兩隊》
全場黎計，波杜基林特係佈防上做得好緊密，球員相互間既距離好短，整個陣形係好com andpact，所以曼聯好難憑中路打入去。佢地既反擊都甚具效率，好多都可以射門終結。不過，球員既質數同曼聯比較係有距離，呢班波今場都搏盡無悔。曼聯計點數就贏晒，全場七成二控球，射門廿次有六次中框入三球，睇數據就幾靚仔，但如果睇場面上就算比較難睇。陷入陣地戰後，球隊不停係外圍搓，但個波去到邊線後，就只能回後，甚少有人現身做小組配合去打穿對方較緊密既防守，而兩邊翼衛都缺乏單對單盤扭能力，就算俾你扭到一個，但人地防守緊密，你都好難過到第二個。另外，球員企位成左形，但太拘泥於位置，較缺乏靈活既走位或者換位，亦令對方容易防守。阿摩廉明顯想主打邊路，睇黎佢需要多花時間練習小組配合。
《點評幾位球員》
今場最佳球員我會揀馬沙拉維，除左果下助攻係神來之筆外，其餘時間防守控場進攻都恰如其份。馬拿斯亞係失第二球方面雖然要孭鑊，但佢係進攻上俾到既energy係有既，只係加拿祖係同佢做唔到配合，呢樣就好需要默契。加拿祖上半場繼續打進攻中場，但呢個位真係好難發揮到佢既特點，而下半場阿摩廉係左翼衛上起用左達洛治後，就叫加拿祖係進攻時拉邊，結果下半場佢既威脅大左，睇得到新帥終於見到佢本說明書，但變左新帥要考慮左翼衛究竟要用一個咩特性既球員去協調左路啦！另外，曼治應該會多出場時間，球隊入第三球佢絕對係功臣之一。踢攻擊中場就係要有腦袋同隊友配合，一個簡單既後腳就送左烏格迪落底出波，正正係一個簡單既小組配合。我相信曼治可以成為必然正選。最後就講講隊長般奴。上半場佢踢得非常有紀律，甚少胡亂前插同亂放長波，係中路幫球隊保持控球在腳同搓波轉下邊，下半場應該係收到指示可以踢得較自由去前插，所以有幾下都見佢入到禁區接應。佢咁踢就真係似一個中場大腦，雖然對方比較弱，但佢起碼踢得比以前合理好多，希望下場可以繼續維持。
《總結》
因為波杜基林特確係比較弱，所以就算曼聯贏都難以用作參考，畢竟一對住英超級別既對手就完全兩回事。對住呢隊較弱既球隊都要被人領先過都幾難接受，同埋曼聯踢落係咪真係創造左好多機會去追番，又好似唔係。整隊都係摸索階段，無論領隊、陣式、踢法同人腳配置都同以往大不同，所以唔好期望今季餘下賽事可以睇到球隊有突飛猛進既表現。我估最快都要到季尾先開始會有野睇。阿摩廉繼續努力吧！
請按此登錄後留言。未成為會員? 立即註冊