首循環曼聯作客以四比零大敗俾賓福特，隔一日全隊連同坦克齊齊跑番十幾公里，呢件事可謂歷歷在目；今次番主場作賽，整隊踢出黎既表現都比近幾場為佳，最後亦一比零少勝對手，繼續追趕紐卡素。
睇下坦克呢場有咩唔同！
《正選人腳嘗試變一變》
世界盃既比賽後，曼聯既前鋒首選都係韋賀斯。此子雖然埋門能力欠佳、鋪橋搭路能力一般，但憑佢係前場瘋狂跑動逼搶，正好符合坦克踢前場高位壓迫既第一重防守；加上經常回後協防中場，令福仔同安東尼可以更多時候留守前場打反擊。呢兩點就令佢可以長打正選。不過近幾場明顯受體能影響，逼搶速率同跑動頻率都下降，今場被收起，改派華舒福踢箭頭，左翼起用辛祖，嘗試改一改進攻人腳。其餘位置則大致相同，薩碧沙取代左費特踢中場。卡斯美路繼續停賽則用上麥湯文尼。
《中場都係配置同踢法都有改變》
雖然中場人腳同上場對紐卡素一樣，但擺位同戰術踢法則明顯有分別。上場對紐卡素起用薩碧沙拍般奴踢防中真係嚇親人；今場唔止擺番岩位，踢落仲有驚喜。當迪基亞開龍門球，般奴會拉後同麥湯形成平排中場，陣式變為4-2-3-1，盡量隱藏麥湯文尼出球能力弱既問題，中場加一個用波能力強既般奴，去幫手解除對方既高位逼搶。呢個踢法係近似開季早段艾歷臣拍麥湯一樣，令麥湯只需要專責防守就可以了。驚喜既係薩碧沙推前左一格踢攻中，佢背身護波能力原來不俗，甚至比般奴為佳。當後場可以地波打穿對方中場線，佢可以係中場「得」住對方會回波俾般奴或麥湯去轉方向，相對般奴仲冇咁易失控球。因賓福特唔會不停將防線向前壓，一被你打穿高位防守就會縮後踢中低位5-3-2防守，所以當曼聯可以推進到中場線時，麥湯會留守番係中圈位串連，般奴同薩碧沙則會推前進攻，聯同福仔係中路有三點。薩碧沙亦多次係前場擔任支點作用，做一幅牆回後俾後上插入既球員。因中路連接點係麥湯，中後場要運波向前係有少少吃力，但自般奴有一次墜後現身，再較個長炮去右路，麥湯醒水再向前插入，留般奴係番中路組織。自果一下開始球隊進攻開始流暢左，般奴更多落番中場較炮，輸送彈藥俾支點既薩碧沙同專走空位既福仔，麥湯亦有幾次後上射門。防守上，坦克都有改變，高位逼搶時轉陣4-4-2，推前薩碧沙幫手壓迫一對中堅。當要縮後踢陣地戰防守時，則改成4-2-3-1，薩碧沙番黎防守中場中圈位置，效果不俗。整場賽事曼聯有65%控球，18腳射門得3腳中目標則需要改善。整體發揮都還可以，除左坦克自己有求變，但都有賴賓福特嘗試用丹士哥增加用波能力而非起用進攻較直接較硬淨既達施華踢先，都係一個因素。
《總結》
坦克呢場改變都有唔錯既效果，亦拎到寶貴既三分。周末對需要護級既愛華頓，再次面對絞肉機中場（紐卡素既弱化版），睇下坦克又有咩部署。慶幸呢場都係主場出擊，曼聯今季主場相對有保證，希望可以成功拎到三分！
睇下坦克呢場有咩唔同！
《正選人腳嘗試變一變》
世界盃既比賽後，曼聯既前鋒首選都係韋賀斯。此子雖然埋門能力欠佳、鋪橋搭路能力一般，但憑佢係前場瘋狂跑動逼搶，正好符合坦克踢前場高位壓迫既第一重防守；加上經常回後協防中場，令福仔同安東尼可以更多時候留守前場打反擊。呢兩點就令佢可以長打正選。不過近幾場明顯受體能影響，逼搶速率同跑動頻率都下降，今場被收起，改派華舒福踢箭頭，左翼起用辛祖，嘗試改一改進攻人腳。其餘位置則大致相同，薩碧沙取代左費特踢中場。卡斯美路繼續停賽則用上麥湯文尼。
《中場都係配置同踢法都有改變》
雖然中場人腳同上場對紐卡素一樣，但擺位同戰術踢法則明顯有分別。上場對紐卡素起用薩碧沙拍般奴踢防中真係嚇親人；今場唔止擺番岩位，踢落仲有驚喜。當迪基亞開龍門球，般奴會拉後同麥湯形成平排中場，陣式變為4-2-3-1，盡量隱藏麥湯文尼出球能力弱既問題，中場加一個用波能力強既般奴，去幫手解除對方既高位逼搶。呢個踢法係近似開季早段艾歷臣拍麥湯一樣，令麥湯只需要專責防守就可以了。驚喜既係薩碧沙推前左一格踢攻中，佢背身護波能力原來不俗，甚至比般奴為佳。當後場可以地波打穿對方中場線，佢可以係中場「得」住對方會回波俾般奴或麥湯去轉方向，相對般奴仲冇咁易失控球。因賓福特唔會不停將防線向前壓，一被你打穿高位防守就會縮後踢中低位5-3-2防守，所以當曼聯可以推進到中場線時，麥湯會留守番係中圈位串連，般奴同薩碧沙則會推前進攻，聯同福仔係中路有三點。薩碧沙亦多次係前場擔任支點作用，做一幅牆回後俾後上插入既球員。因中路連接點係麥湯，中後場要運波向前係有少少吃力，但自般奴有一次墜後現身，再較個長炮去右路，麥湯醒水再向前插入，留般奴係番中路組織。自果一下開始球隊進攻開始流暢左，般奴更多落番中場較炮，輸送彈藥俾支點既薩碧沙同專走空位既福仔，麥湯亦有幾次後上射門。防守上，坦克都有改變，高位逼搶時轉陣4-4-2，推前薩碧沙幫手壓迫一對中堅。當要縮後踢陣地戰防守時，則改成4-2-3-1，薩碧沙番黎防守中場中圈位置，效果不俗。整場賽事曼聯有65%控球，18腳射門得3腳中目標則需要改善。整體發揮都還可以，除左坦克自己有求變，但都有賴賓福特嘗試用丹士哥增加用波能力而非起用進攻較直接較硬淨既達施華踢先，都係一個因素。
《總結》
坦克呢場改變都有唔錯既效果，亦拎到寶貴既三分。周末對需要護級既愛華頓，再次面對絞肉機中場（紐卡素既弱化版），睇下坦克又有咩部署。慶幸呢場都係主場出擊，曼聯今季主場相對有保證，希望可以成功拎到三分！
請按此登錄後留言。未成為會員? 立即註冊