英墱首循環既賽事﹐熱刺憑多打一人的優勢下﹐以6:1大炒踢少一人既曼聯。次回合番到熱刺既托定咸熱刺球場又可唔可以再次怒轟對手呢？
睇睇熱刺近況同預測部署
經過左尋日既賽事﹐熱刺積分榜上依家趺左落去第7位﹐30場波有49分﹐距離第4名既車仔只係差5分。再望望第8位既拖肥﹐只係踢左29場但有47分﹐分數上佢都有機會從後追上第4位﹐換句話講依家有成7隊波差緊頭四位。雖然消息指熱刺同摩Daddy份合約係冇解約條款﹐但如果佢想保住份工就最好帶到熱刺拎到歐聯資格﹐但若果佢真係俾人炒﹐熱刺則需要向摩連奴賠償餘下兩年多的年薪﹐俾人炒都幾和味！講番熱刺先﹐要有歐聯資格﹐場場都不容有失﹐加上所有盃賽已經出局﹐可以全力備戰每一場聯賽﹐不論戰術定體力都可以有足夠準備。近5場賽事﹐2勝1和2負﹐不過不失﹐但上場聯賽再次係賽事末段俾紐卡素追和﹐今季已經多次有呢個問題出現﹐又睇下摩佬有咩方法解決。好消息既係大聖爺孫興民係上場賽事復出﹐踢左半場﹐可以加強番前場既進攻火力。
對住曼聯﹐相信摩佬都可以話係輕鬆應付。首回合既中低位防守反擊戰術相信都會再用﹐熱刺唔怕你攻﹐至怕你唔攻。哈利簡尼狀態大勇﹐加上老孫復出﹐配合盧卡斯摩拉係前場伺機反擊。攻擊中場應會用上尼當比利﹐此子雖然創造性唔強﹐但勤力跑動又肯防守。靴爾保係必然正選﹐聯賽係全勤﹐佢應該會拍住盧斯素係中場迎成一道屏障﹐防止曼聯既中路滲透。羅列斯繼續把守最後一關﹐左右二閘會係列古朗同近排多左出場機會既坦根加。山齊士必出﹐或者會配合已回到訓練既艾達韋列特鎮守中路。
預測熱刺正選陣容
羅列斯
坦根加 山齊士 艾達韋列特 列古朗犘拉 靴爾保 盧斯素 孫興民
尼當比利
哈利簡尼
講講愛隊曼聯近況同預測部署
早兩日歐霸盃先作客西班牙對格蘭納達﹐番到黎只有一日既準備就要對熱刺﹐球員既體力恢復係呢場波既關鍵。幸好上場嬴2比0﹐見到對手實力又唔係太強既情況下﹐雖然16號又要再踢﹐但我地可以全力踢左呢場聯賽先﹐係果場先作出輪換。加上尋日曼城輪換下輸左俾列斯聯﹐我地踢少兩場下差14分﹐如果兩場都嬴晒既話﹐就只係差8分！雖然要追過曼城係有少少異想天開﹐但都要盡力踢好每一場﹐所以呢場波都冇得抖。再講首回合既大敗﹐真係輸得好屈突﹐今場必定要挽回面子。
下場歐霸盃有三名球員需要停賽﹐包括梳爾、麥湯文尼同麥佳亞﹐所以呢三個人兄今場可以搏老命踢番場﹐16號先抖。福仔既狀況我係幾擔心﹐雖然佢上場有入波﹐埋門處理果下都十分冷靜。射波黎講呢場兩場明顯有進步﹐少左鳩ban﹐可能因為有傷唔敢太過發力(鳩估)﹐但正正就係少左亂咁射﹐反而中到龍亦入到波﹐但成場波表現都唔係太好亦缺少銳利感。但我相信蘇B都係會叫佢紮住踢﹐起碼踢到60至70分鐘先會換走佢。前線卡叔狀態麻麻﹐都係做下後備殺手先﹐加上馬仔應該收咧﹐所以格連活特繼續擔正。MCFRED組合會取代上次馬迪拍普巴﹐費特同麥湯文尼合作組成中場屏障。普巴應該都會繼續出﹐但我個人就希望佢踢左中場﹐擺福仔去右邊加強右邊側擊。但唔知蘇B點諗﹐直接唔用佢就改用占士定係就咁擺佢去右邊就到時開估。般奴費南迪斯都唔駛講架啦﹐必然正選。後防線都係用番果四個﹐梳爾、麥隊長、連迪路夫同埋雲比沙加。反而門將就要估下﹐我就認為甸軒達臣會取代迪基亞打正選。雖然上場迪迪仔就出戰左歐霸盃﹐但我認為係一個過渡﹐等迪迪仔打盃賽﹐聯賽則用番甸軒。踢法相信都唔會有太大改變﹐繼續控球主攻﹐亦會係前場嘗試做逼搶。不過MCFRED組合下﹐中路既傳送會偏向穩陣﹐會比較難破到對方既大巴陣﹐相信呢場波都係睇下大家把唔把握到對方既犯錯。俾d魔性黎睇下﹐盡力爭取勝利！.
預測曼聯正選陣容
甸軒達臣
雲比沙加 連迪路夫 麥佳亞 梳爾
普巴 費特 麥湯文尼 拉舒福特
般奴費南迪斯
格連活特
睇睇熱刺近況同預測部署
經過左尋日既賽事﹐熱刺積分榜上依家趺左落去第7位﹐30場波有49分﹐距離第4名既車仔只係差5分。再望望第8位既拖肥﹐只係踢左29場但有47分﹐分數上佢都有機會從後追上第4位﹐換句話講依家有成7隊波差緊頭四位。雖然消息指熱刺同摩Daddy份合約係冇解約條款﹐但如果佢想保住份工就最好帶到熱刺拎到歐聯資格﹐但若果佢真係俾人炒﹐熱刺則需要向摩連奴賠償餘下兩年多的年薪﹐俾人炒都幾和味！講番熱刺先﹐要有歐聯資格﹐場場都不容有失﹐加上所有盃賽已經出局﹐可以全力備戰每一場聯賽﹐不論戰術定體力都可以有足夠準備。近5場賽事﹐2勝1和2負﹐不過不失﹐但上場聯賽再次係賽事末段俾紐卡素追和﹐今季已經多次有呢個問題出現﹐又睇下摩佬有咩方法解決。好消息既係大聖爺孫興民係上場賽事復出﹐踢左半場﹐可以加強番前場既進攻火力。
對住曼聯﹐相信摩佬都可以話係輕鬆應付。首回合既中低位防守反擊戰術相信都會再用﹐熱刺唔怕你攻﹐至怕你唔攻。哈利簡尼狀態大勇﹐加上老孫復出﹐配合盧卡斯摩拉係前場伺機反擊。攻擊中場應會用上尼當比利﹐此子雖然創造性唔強﹐但勤力跑動又肯防守。靴爾保係必然正選﹐聯賽係全勤﹐佢應該會拍住盧斯素係中場迎成一道屏障﹐防止曼聯既中路滲透。羅列斯繼續把守最後一關﹐左右二閘會係列古朗同近排多左出場機會既坦根加。山齊士必出﹐或者會配合已回到訓練既艾達韋列特鎮守中路。
預測熱刺正選陣容
羅列斯
坦根加 山齊士 艾達韋列特 列古朗犘拉 靴爾保 盧斯素 孫興民
尼當比利
哈利簡尼
講講愛隊曼聯近況同預測部署
早兩日歐霸盃先作客西班牙對格蘭納達﹐番到黎只有一日既準備就要對熱刺﹐球員既體力恢復係呢場波既關鍵。幸好上場嬴2比0﹐見到對手實力又唔係太強既情況下﹐雖然16號又要再踢﹐但我地可以全力踢左呢場聯賽先﹐係果場先作出輪換。加上尋日曼城輪換下輸左俾列斯聯﹐我地踢少兩場下差14分﹐如果兩場都嬴晒既話﹐就只係差8分！雖然要追過曼城係有少少異想天開﹐但都要盡力踢好每一場﹐所以呢場波都冇得抖。再講首回合既大敗﹐真係輸得好屈突﹐今場必定要挽回面子。
下場歐霸盃有三名球員需要停賽﹐包括梳爾、麥湯文尼同麥佳亞﹐所以呢三個人兄今場可以搏老命踢番場﹐16號先抖。福仔既狀況我係幾擔心﹐雖然佢上場有入波﹐埋門處理果下都十分冷靜。射波黎講呢場兩場明顯有進步﹐少左鳩ban﹐可能因為有傷唔敢太過發力(鳩估)﹐但正正就係少左亂咁射﹐反而中到龍亦入到波﹐但成場波表現都唔係太好亦缺少銳利感。但我相信蘇B都係會叫佢紮住踢﹐起碼踢到60至70分鐘先會換走佢。前線卡叔狀態麻麻﹐都係做下後備殺手先﹐加上馬仔應該收咧﹐所以格連活特繼續擔正。MCFRED組合會取代上次馬迪拍普巴﹐費特同麥湯文尼合作組成中場屏障。普巴應該都會繼續出﹐但我個人就希望佢踢左中場﹐擺福仔去右邊加強右邊側擊。但唔知蘇B點諗﹐直接唔用佢就改用占士定係就咁擺佢去右邊就到時開估。般奴費南迪斯都唔駛講架啦﹐必然正選。後防線都係用番果四個﹐梳爾、麥隊長、連迪路夫同埋雲比沙加。反而門將就要估下﹐我就認為甸軒達臣會取代迪基亞打正選。雖然上場迪迪仔就出戰左歐霸盃﹐但我認為係一個過渡﹐等迪迪仔打盃賽﹐聯賽則用番甸軒。踢法相信都唔會有太大改變﹐繼續控球主攻﹐亦會係前場嘗試做逼搶。不過MCFRED組合下﹐中路既傳送會偏向穩陣﹐會比較難破到對方既大巴陣﹐相信呢場波都係睇下大家把唔把握到對方既犯錯。俾d魔性黎睇下﹐盡力爭取勝利！.
預測曼聯正選陣容
甸軒達臣
雲比沙加 連迪路夫 麥佳亞 梳爾
普巴 費特 麥湯文尼 拉舒福特
般奴費南迪斯
格連活特
請按此登錄後留言。未成為會員? 立即註冊