雙方正選陣容
甸史密夫排出4-1-4-1。龍門係告爾。防線左至右係基安紐尼斯、卡巴克、格蘭漢尼、麥斯艾朗斯。逗後防中係基摩。中場線左至右係沙真、麥連、魯比、柏捷達。前鋒係普基。
蘭歷克排出4-2-2-2。龍門迪基亞。防線左至右係泰利斯、麥佳亞、連迪路夫、達洛治。一對防中係麥湯文尼同費特。左右攻擊中場係般奴費南迪斯同辛祖。前鋒係華舒福拍C朗拿度攻堅。
諾域治令人眼前一亮，曼聯逼搶失效只能高位遮線
諾域治今場放膽係後場用波。龍門告爾既腳下功夫不俗，一對中堅拉闊，龍門形成偽三中堅，用盡球場闊度。一對二閘挨晒條邊黎企，等待接應告爾既長傳。基於諾域治敢用波，唔會亂放長亂，曼聯一對前鋒如要壓迫中堅就會被拉闊，暴露身後中場中路空位，所以一對前鋒都冇好似上場咁不停向前施壓。逗後防中小將基摩今場控制整隊既進攻節奏，係中堅前面駁腳串連中後場、主導進攻方向。麥連同魯比同埋基摩都係可以用波overload曼聯中路，逼使般奴同辛祖係防守企位上要更靠近中路，放棄拉到闊既二閘。沙真同柏捷達更主動向前吸引防守，務求騰空二閘係邊線接波再從邊路進攻。曼聯只能係高位遮線，難以再如上場一樣不停向前施壓，又或者領隊知道呢班球員體能上暫未能90分鐘內應付如此高頻率既跑動踢法就改為高位遮線。
金絲雀進攻夠膽防守亦不含糊，曼聯進攻又hang機
進攻肯用波，更係頭15分鐘趁曼聯未入局主動出擊，都令到曼聯後防雖未至於禁平安鐘但都要騰一騰。防守時，金絲雀整隊縮後，前鋒係中場遮線，整條中場線縮至三閘線，防線更縮後至禁區前，既保持同中場既聯繫，又可以壓縮後場既空間，而沙真同柏捷達亦會番後看管番對方二閘，使上場多次係邊路出擊既達洛治進攻非常吃力，兩翼肯回後防守，亦令二閘可以更靠近中路協助中堅堵塞中路空間。上場不停依靠福仔走空位停波再整隊壓上支援呢招，被甸史密夫既佈防下廢左武功。前場冇位俾你跑，跑到已經有後防球員埋身攔截。一少左呢一著，個波就要經中後場build-up。麥費組合因今場對方中場縮得較後，都有幾多空間去組織，但都係唔交失波當贏。般奴多次走到中場附近較炮，辛祖都收入中路幫手。中間人就好多，但欠缺走位拉扯唔係好知點走，陣地戰既福仔係中間又會迷失，最有威脅都係要主動走到邊路接應，嘗試作個人突破先見到佢蹤影。二閘達洛治同泰利斯今場狀態平平，右路欠缺隊友支援，又被對方既沙真追債咁追，提供唔到側擊力。中路係多左好多one-touch向前傳既波，但都係靠球員靈光一閃去俾果下直線，未講得上有系統。
上半場兩隊都有機會
金絲雀今場既肯用波，搶到波後亦唔會求其向前踢就算，會經中場嘗試打俾普基去停再分兩翼，又或者放波俾兩翼攻擊曼聯二閘後上既身後空間，其他球員再向前支援，並冇縮係後面等前面兩三個攻就算。可惜始終質素所限，有幾下係幾下去到禁區傳俾普基既最後一傳都唔靚，普基硬係差少少先可以埋到門，但論威脅性絕對係好過曼聯。曼聯係陣地戰進攻仍然疲乏，中場靠麥費創造力有限。最有威脅既進攻模式就係對方打反擊推前防線，未完成到攻勢就被反搶，曼聯利用對方未企穩防線加上投入人手反擊而暴露後場空間進攻。C朗係上半場中後段果下既處理可以更好，另外麥隊長既頭鎚又被告爾救出。
下半場連環角球都唔駛輸
下半場再開，除左諾域治係21分鐘用蘇連臣入替左受傷既格蘭漢尼外，兩隊都未有作出調動。下半場頭段，諾域治更主動壓上，先有柏捷達扭過麥隊長，小禁區左腳窄位快射，跟住有普基係禁區外遠射，再有連環角球製造威脅。除左迪基亞救到，亦有門楣幫助。紅魔則只靠零星禁區外遠射，但都未能考驗門將告爾。諾域治既攻門同場上形勢都比曼聯為佳。
突然見到球員踎低既畫面就驚
67分鐘，蘭歷克先作出調動，由格連活特入替表現平平既辛祖，位換位既調動，希望加強射門能力，但入替後場上形勢冇太大改變。甸史密夫亦係70分鐘用簡特維爾入替柏捷達，都係一個位換位調動，保持番球隊邊路進攻活力。踢到74分鐘，連迪路夫突然踎係地下，費特仲立即揚手叫軍醫入黎仲作出換人手勢通知領隊。整隊神色非常凝重，見冰人用手㩒住自己個心口，好驚又係隱性心臟病。經軍醫初步處理，決定立即走入更衣室治理，並由拜利入替。
12碼要多謝艾朗斯送既
雖然擔心冰人情況，但比賽仍然要繼續。踢到75分鐘，麥湯文尼係右路K角位傳中俾遠柱既般奴費南迪斯，可惜佢一頂高出。係禁區龍門口前既C朗拿度都有嘗試接應，但波既落點位置同高度都明顯唔關佢事，而防守佢既艾朗斯卻情急之下將佢攬跌。見到C朗就想攬都可理解，但係禁區攬就出晒事，咁就送左個12碼俾曼聯。告爾多次擾亂下，C朗都冇受影響，一射入網助曼聯領先一比零。
又係要不是迪基亞
甸史密夫一失波即刻用利斯米路入替魯比，嘗試加強攻力，並開始推前防線圍攻曼聯。緊接一個罰球攻勢，卡巴克近距離力壓麥佳亞頭鎚攻門，又係聖基亞反應極快橫身撲出。跟住又有沙真單對單擺脫左拜利到禁區，幸好拜利回追夠快成功反搶。轉過頭，今場表現極好既基摩係禁區頂黎個二連射，又被曼聯球員兩度用身體擋住。曼聯都有反擊機會，福仔85分鐘左路快放沉底地波俾位處小禁區既C朗拿度，佢有少少人前波後，但佢既質素黎講，左腳撞射高出就有少少水準以下。係補時階段，仲靠迪基亞救出對方係尾柱近距離接應罰球傳送攻門。要不是聖基亞上身，球隊又不能保持清白之軀。最後，曼聯飽吃驚風散下，以一比零險勝榜尾既諾域治。新帥帶領下兩場聯賽都贏一比零，拎足6分。
總結如有睇我上場對水晶宮既賽後分析，就知道今場正正反映左我講既問題。一被人overload兩名防守中場，加上對方敢用波就難以作出有效逼搶。進攻上，一進入陣地戰，福仔就會係中路迷失，自動走去邊路搵波踢，導致中路既C朗又變得孤軍作戰。 般奴今季狀態既下滑，加上普巴受傷，冇其他球員可企出黎分擔，導致球隊進攻缺乏創造力。辛祖都係較善於係邊路組織盤扭，一去到中路被人團團圍住就難以發揮。呢場雖然3分已袋，但對比起利物浦狂攻維拉既戰情，我地對住榜尾都踢到咁就真係難以與之相提並論。過幾日作客升班馬賓福特絕不易踢，再睇下蘭歷克如何調教你曼聯。
甸史密夫排出4-1-4-1。龍門係告爾。防線左至右係基安紐尼斯、卡巴克、格蘭漢尼、麥斯艾朗斯。逗後防中係基摩。中場線左至右係沙真、麥連、魯比、柏捷達。前鋒係普基。
蘭歷克排出4-2-2-2。龍門迪基亞。防線左至右係泰利斯、麥佳亞、連迪路夫、達洛治。一對防中係麥湯文尼同費特。左右攻擊中場係般奴費南迪斯同辛祖。前鋒係華舒福拍C朗拿度攻堅。
諾域治令人眼前一亮，曼聯逼搶失效只能高位遮線
諾域治今場放膽係後場用波。龍門告爾既腳下功夫不俗，一對中堅拉闊，龍門形成偽三中堅，用盡球場闊度。一對二閘挨晒條邊黎企，等待接應告爾既長傳。基於諾域治敢用波，唔會亂放長亂，曼聯一對前鋒如要壓迫中堅就會被拉闊，暴露身後中場中路空位，所以一對前鋒都冇好似上場咁不停向前施壓。逗後防中小將基摩今場控制整隊既進攻節奏，係中堅前面駁腳串連中後場、主導進攻方向。麥連同魯比同埋基摩都係可以用波overload曼聯中路，逼使般奴同辛祖係防守企位上要更靠近中路，放棄拉到闊既二閘。沙真同柏捷達更主動向前吸引防守，務求騰空二閘係邊線接波再從邊路進攻。曼聯只能係高位遮線，難以再如上場一樣不停向前施壓，又或者領隊知道呢班球員體能上暫未能90分鐘內應付如此高頻率既跑動踢法就改為高位遮線。
金絲雀進攻夠膽防守亦不含糊，曼聯進攻又hang機
進攻肯用波，更係頭15分鐘趁曼聯未入局主動出擊，都令到曼聯後防雖未至於禁平安鐘但都要騰一騰。防守時，金絲雀整隊縮後，前鋒係中場遮線，整條中場線縮至三閘線，防線更縮後至禁區前，既保持同中場既聯繫，又可以壓縮後場既空間，而沙真同柏捷達亦會番後看管番對方二閘，使上場多次係邊路出擊既達洛治進攻非常吃力，兩翼肯回後防守，亦令二閘可以更靠近中路協助中堅堵塞中路空間。上場不停依靠福仔走空位停波再整隊壓上支援呢招，被甸史密夫既佈防下廢左武功。前場冇位俾你跑，跑到已經有後防球員埋身攔截。一少左呢一著，個波就要經中後場build-up。麥費組合因今場對方中場縮得較後，都有幾多空間去組織，但都係唔交失波當贏。般奴多次走到中場附近較炮，辛祖都收入中路幫手。中間人就好多，但欠缺走位拉扯唔係好知點走，陣地戰既福仔係中間又會迷失，最有威脅都係要主動走到邊路接應，嘗試作個人突破先見到佢蹤影。二閘達洛治同泰利斯今場狀態平平，右路欠缺隊友支援，又被對方既沙真追債咁追，提供唔到側擊力。中路係多左好多one-touch向前傳既波，但都係靠球員靈光一閃去俾果下直線，未講得上有系統。
上半場兩隊都有機會
金絲雀今場既肯用波，搶到波後亦唔會求其向前踢就算，會經中場嘗試打俾普基去停再分兩翼，又或者放波俾兩翼攻擊曼聯二閘後上既身後空間，其他球員再向前支援，並冇縮係後面等前面兩三個攻就算。可惜始終質素所限，有幾下係幾下去到禁區傳俾普基既最後一傳都唔靚，普基硬係差少少先可以埋到門，但論威脅性絕對係好過曼聯。曼聯係陣地戰進攻仍然疲乏，中場靠麥費創造力有限。最有威脅既進攻模式就係對方打反擊推前防線，未完成到攻勢就被反搶，曼聯利用對方未企穩防線加上投入人手反擊而暴露後場空間進攻。C朗係上半場中後段果下既處理可以更好，另外麥隊長既頭鎚又被告爾救出。
下半場連環角球都唔駛輸
下半場再開，除左諾域治係21分鐘用蘇連臣入替左受傷既格蘭漢尼外，兩隊都未有作出調動。下半場頭段，諾域治更主動壓上，先有柏捷達扭過麥隊長，小禁區左腳窄位快射，跟住有普基係禁區外遠射，再有連環角球製造威脅。除左迪基亞救到，亦有門楣幫助。紅魔則只靠零星禁區外遠射，但都未能考驗門將告爾。諾域治既攻門同場上形勢都比曼聯為佳。
突然見到球員踎低既畫面就驚
67分鐘，蘭歷克先作出調動，由格連活特入替表現平平既辛祖，位換位既調動，希望加強射門能力，但入替後場上形勢冇太大改變。甸史密夫亦係70分鐘用簡特維爾入替柏捷達，都係一個位換位調動，保持番球隊邊路進攻活力。踢到74分鐘，連迪路夫突然踎係地下，費特仲立即揚手叫軍醫入黎仲作出換人手勢通知領隊。整隊神色非常凝重，見冰人用手㩒住自己個心口，好驚又係隱性心臟病。經軍醫初步處理，決定立即走入更衣室治理，並由拜利入替。
12碼要多謝艾朗斯送既
雖然擔心冰人情況，但比賽仍然要繼續。踢到75分鐘，麥湯文尼係右路K角位傳中俾遠柱既般奴費南迪斯，可惜佢一頂高出。係禁區龍門口前既C朗拿度都有嘗試接應，但波既落點位置同高度都明顯唔關佢事，而防守佢既艾朗斯卻情急之下將佢攬跌。見到C朗就想攬都可理解，但係禁區攬就出晒事，咁就送左個12碼俾曼聯。告爾多次擾亂下，C朗都冇受影響，一射入網助曼聯領先一比零。
又係要不是迪基亞
甸史密夫一失波即刻用利斯米路入替魯比，嘗試加強攻力，並開始推前防線圍攻曼聯。緊接一個罰球攻勢，卡巴克近距離力壓麥佳亞頭鎚攻門，又係聖基亞反應極快橫身撲出。跟住又有沙真單對單擺脫左拜利到禁區，幸好拜利回追夠快成功反搶。轉過頭，今場表現極好既基摩係禁區頂黎個二連射，又被曼聯球員兩度用身體擋住。曼聯都有反擊機會，福仔85分鐘左路快放沉底地波俾位處小禁區既C朗拿度，佢有少少人前波後，但佢既質素黎講，左腳撞射高出就有少少水準以下。係補時階段，仲靠迪基亞救出對方係尾柱近距離接應罰球傳送攻門。要不是聖基亞上身，球隊又不能保持清白之軀。最後，曼聯飽吃驚風散下，以一比零險勝榜尾既諾域治。新帥帶領下兩場聯賽都贏一比零，拎足6分。
總結如有睇我上場對水晶宮既賽後分析，就知道今場正正反映左我講既問題。一被人overload兩名防守中場，加上對方敢用波就難以作出有效逼搶。進攻上，一進入陣地戰，福仔就會係中路迷失，自動走去邊路搵波踢，導致中路既C朗又變得孤軍作戰。 般奴今季狀態既下滑，加上普巴受傷，冇其他球員可企出黎分擔，導致球隊進攻缺乏創造力。辛祖都係較善於係邊路組織盤扭，一去到中路被人團團圍住就難以發揮。呢場雖然3分已袋，但對比起利物浦狂攻維拉既戰情，我地對住榜尾都踢到咁就真係難以與之相提並論。過幾日作客升班馬賓福特絕不易踢，再睇下蘭歷克如何調教你曼聯。
請按此登錄後留言。未成為會員? 立即註冊