Viutv節目《足球女將》絕對係男士們既恩物，攞正牌睇女兼睇波（真係睇波）。可惜，節目只得15集實在太少，實在唔夠喉，睇下ViuTV會見好即收，還是食住個勢開第二季！
《先讚讚Viutv有guys》
只要有攪過球隊既人都知，要經營一隊波係超難。先唔好講話要練習，要湊夠人去踢一場石地7人比賽有時都甚艱難。就算球員數量俾你填到30人都可能唔夠人要搵人頂名，而ViuTV夠膽只搵24個女仔由零開始去學踢11人足球，更加係難上加難。ViuTV好難保證到班女可以有幾堅持，亦好難保證有幾多人會受傷。一傷幾個加有幾個退出，個節目就肯肯定爛尾，所以絕對要讚ViuTV夠膽開呢個節目。
《節目係堅練堅踢唔係玩》
節目組成功邀請到「香港高普」郭嘉諾做主教練同埋丘建威做技術總監。佢地需要為自己既名聲負責，所以唔可能揸流攤教。除此之外，佢地要係六個月內訓練一班對踢波一竅不通既女仔，難度相當大。一個星期操四課，外加禮拜六日既加操，佢地既付出都要Respect。咁既操練行程，見到呢個節目係堅踢堅練，而唔係純粹一個跟劇本行既真人show。一隊波當然唔少得既係球員，節目中睇到班女仔真係練到有血有汗有淚水。雖然唔係每個隊員都100%出席，但相信大部份人都已經係盡量抽空出席，畢竟只係業餘性質，加上viutv有幾多budget，「大家明白啦」。
就算未能出席既隊員亦有自己抽時間去練習去追趕進度，亦有隊員自己搵職業球隊加操，見到大家都真係想做好件事，而唔係純博出鏡頭。特別想讚shiho，早段已經受重傷未能訓練，但都有堅持到球場做復康或陪伴球隊練習，堅係值得擁有一件波衫。
《正選陣容預測》
入正題，忽發奇想，遠在《曼聯》都可以預測陣容，點解《螢花》唔得？對於只練習左半年既《螢花》，相信對任何對手都會相對較下風，技術、經驗同體能都唔會係同一個檔次，所以郭sir一開始就已經強調防守既重要性，守好唔失先有得偷雞。同時間，從友誼賽睇到，郭sir非常現代化地要求隊波係前場踢高位壓迫，可以預期見到呢場終極一戰係開賽初段甚至到半場都會以呢種踢法行先。如果呢場賽事係冇換人限制，對《螢花》會較好，因為可以透過換人去轉換球隊戰術，而陣式上則以4-2-3-1為主。以球隊全員健康情況黎預測，龍門會係Moriah，見佢近期係撲救動作同開生波既動作都有明顯進步，可以投信任一票。防線上，一B擎天既隊長NB係必然中堅，拍住高大硬淨既Nikita。左右二閘會係跑得好快既Winkie同丘sir欽點既tong ming。中場方面，Ice同Chloe係必然正選，但另外一人則可以調整。如以防守行先，可以先起用Rose ma；如想加強前場攻力，則可起用阿Sum。雖然Rose ma並冇入選最佳十一人，但以一場波黎計，分分鐘佢可以搶到正選席位。左翼郭思(Suey）會穩佔一席位；右翼則會係Ocean同Sum之爭，但相信都會係Ocean行先。前鋒線上，基於郭sir既戰術，因Kiki係逼搶戰術既紀律同執行性較高，相信佢或會先出任正選，將Sum先放後備到要搏殺既時候再入替加強攻力。風火輪Vivian同KDB Flavia都可以係後備隨時加強攻力。庭欣亦可以入替，推NB上前亦係其中一個可行既戰術調動。
（預測《螢花》正選陣容）
Moriah
TongMing NB Nikita Winkie
Rosema Ice
Ocean Chloe Suey
Kiki
《總結》
呢場波一定會係難踢，唔係話《螢花》一定贏唔到，但個難度非常高。贏到固然開心，能守和已經係超額完成，但就算輸都係非戰之罪。作為觀眾，希望睇到既係球員係場上拼盡每一分每一秒，每一球波都要去拼去搶，戰意先係我地想見到。Viutv並冇選擇直播呢場波，亦冇公開邀請球迷入場，令一眾想睇既觀眾非常失望，唯有希望《螢花》各隊員都踢場好波，對自己有個交代就好！
終極一戰只係一場比賽，並唔係《螢花》既終結。如果各隊員有心想繼續踢，相信大家都總能搵到方法繼續營運呢隊波。終極一戰，大家加油！
《先讚讚Viutv有guys》
只要有攪過球隊既人都知，要經營一隊波係超難。先唔好講話要練習，要湊夠人去踢一場石地7人比賽有時都甚艱難。就算球員數量俾你填到30人都可能唔夠人要搵人頂名，而ViuTV夠膽只搵24個女仔由零開始去學踢11人足球，更加係難上加難。ViuTV好難保證到班女可以有幾堅持，亦好難保證有幾多人會受傷。一傷幾個加有幾個退出，個節目就肯肯定爛尾，所以絕對要讚ViuTV夠膽開呢個節目。
《節目係堅練堅踢唔係玩》
節目組成功邀請到「香港高普」郭嘉諾做主教練同埋丘建威做技術總監。佢地需要為自己既名聲負責，所以唔可能揸流攤教。除此之外，佢地要係六個月內訓練一班對踢波一竅不通既女仔，難度相當大。一個星期操四課，外加禮拜六日既加操，佢地既付出都要Respect。咁既操練行程，見到呢個節目係堅踢堅練，而唔係純粹一個跟劇本行既真人show。一隊波當然唔少得既係球員，節目中睇到班女仔真係練到有血有汗有淚水。雖然唔係每個隊員都100%出席，但相信大部份人都已經係盡量抽空出席，畢竟只係業餘性質，加上viutv有幾多budget，「大家明白啦」。
就算未能出席既隊員亦有自己抽時間去練習去追趕進度，亦有隊員自己搵職業球隊加操，見到大家都真係想做好件事，而唔係純博出鏡頭。特別想讚shiho，早段已經受重傷未能訓練，但都有堅持到球場做復康或陪伴球隊練習，堅係值得擁有一件波衫。
《正選陣容預測》
入正題，忽發奇想，遠在《曼聯》都可以預測陣容，點解《螢花》唔得？對於只練習左半年既《螢花》，相信對任何對手都會相對較下風，技術、經驗同體能都唔會係同一個檔次，所以郭sir一開始就已經強調防守既重要性，守好唔失先有得偷雞。同時間，從友誼賽睇到，郭sir非常現代化地要求隊波係前場踢高位壓迫，可以預期見到呢場終極一戰係開賽初段甚至到半場都會以呢種踢法行先。如果呢場賽事係冇換人限制，對《螢花》會較好，因為可以透過換人去轉換球隊戰術，而陣式上則以4-2-3-1為主。以球隊全員健康情況黎預測，龍門會係Moriah，見佢近期係撲救動作同開生波既動作都有明顯進步，可以投信任一票。防線上，一B擎天既隊長NB係必然中堅，拍住高大硬淨既Nikita。左右二閘會係跑得好快既Winkie同丘sir欽點既tong ming。中場方面，Ice同Chloe係必然正選，但另外一人則可以調整。如以防守行先，可以先起用Rose ma；如想加強前場攻力，則可起用阿Sum。雖然Rose ma並冇入選最佳十一人，但以一場波黎計，分分鐘佢可以搶到正選席位。左翼郭思(Suey）會穩佔一席位；右翼則會係Ocean同Sum之爭，但相信都會係Ocean行先。前鋒線上，基於郭sir既戰術，因Kiki係逼搶戰術既紀律同執行性較高，相信佢或會先出任正選，將Sum先放後備到要搏殺既時候再入替加強攻力。風火輪Vivian同KDB Flavia都可以係後備隨時加強攻力。庭欣亦可以入替，推NB上前亦係其中一個可行既戰術調動。
（預測《螢花》正選陣容）
Moriah
TongMing NB Nikita Winkie
Rosema Ice
Ocean Chloe Suey
Kiki
《總結》
呢場波一定會係難踢，唔係話《螢花》一定贏唔到，但個難度非常高。贏到固然開心，能守和已經係超額完成，但就算輸都係非戰之罪。作為觀眾，希望睇到既係球員係場上拼盡每一分每一秒，每一球波都要去拼去搶，戰意先係我地想見到。Viutv並冇選擇直播呢場波，亦冇公開邀請球迷入場，令一眾想睇既觀眾非常失望，唯有希望《螢花》各隊員都踢場好波，對自己有個交代就好！
終極一戰只係一場比賽，並唔係《螢花》既終結。如果各隊員有心想繼續踢，相信大家都總能搵到方法繼續營運呢隊波。終極一戰，大家加油！
請按此登錄後留言。未成為會員? 立即註冊