曼聯遇上中堅荒，馬天尼斯未歸隊，麥佳亞患病，華拉尼都係岩岩歸隊。上場聯賽盃已經要起用卡斯美路客串拍連迪路夫打中堅，點知今場麥湯文尼同連迪路夫一齊患病，變相只得華拉尼一個叫做常規中堅可用。麥隊長剛病癒未必有態；新仔班納特則太新，聯賽不宜使用過急。坦克決定三閘齊發，改用梳爾出任中堅拍華拉尼，馬拿斯亞同雲比沙加出任左右二閘。迪基亞把守最後一關。卡斯美路拍番艾歷臣踢中場。左右翼係華舒福同安東尼。攻擊中場般奴費南迪斯支援馬斯亞攻堅。
森林今場踢4–3-3放棄前場逼搶，選擇用連加特踢假九，阿旺尼同莊遜踢左右兩翼，中後場防守較為鬆散，太多時間俾到曼聯中前場球員睇到定黎做波。就算搶到波後，連加特亦難以係前場停到高波，阿旺尼對住雲比沙加亦冇淡好食。整場賽事都被曼聯圍住黎踢。就算下半場曼聯收收地油，都見唔到森林有能力憑生波去創造埋門機會，只能靠死球先擺到個波入禁區。睇黎古柏都要諗諗計點樣改善整隊攻守，亦要研究下點樣出人先令到隊波有化學作用。
坦克改用梳爾踢中堅係呢場受到考驗唔係太大，森林攻力有限，進攻組織能力弱，自己搓多兩板就會搓失，所以呢場頂住先問題不大，但都係寄望馬天尼斯快快歸隊，而另外其他幾個中堅都快快病好先係皇道。只不過今場改用梳爾踢左中堅卻開闢到一個新既進攻模式，或者對坦克組軍帶到新思維。梳爾始終閘位球員出身，當球隊後場組織，有時佢就不自覺地會拉闊到左路，華拉尼收中，而雲比沙加就會移番後少少形成三中堅，但梳爾同雲比都係閘位具有向前參與進攻既思維，變相可以overload對方邊路。卡斯美路補位意識強，亦令二閘向前時會有人填補空間。同時間，梳爾亦有一定既出球能力，唔駛艾歷臣墮後到左中堅派牌，可以推前佢進攻half-space位置，等佢可以係對方線與線之間去拎波進攻。
馬拿斯亞既活力，進攻意識強，佢會經常收入中路拍住卡斯美路形成雙中場，令艾歷臣係進攻上有更多自由度去邊路搵波踢或插入禁區。左路今場係好多交义走位，互換位置，first-touch小組配合去overload左面，再靠卡斯美路轉方向，等安東尼嘗試單打獨鬥或同雲比沙加打2-man-game。不過安東尼今場狀態一般，好似患上世界盃後遺症，踢落心事重重咁；雲比沙加則上上落落，愈踢愈有信心，開始知道幾時要後上，幾時要留位幫波，係右路進攻仲搶眼過安東尼。
今場最佳球員肯定係卡斯美路。唔講入第二球既反擊正正係佢係禁區附近落腳靚剷發動，亦唔講第三球係前場一個反搶再斜交俾費特盪射尾柱埋齋，今場多次係前場成功反搶，又多次攔截到對方解圍既第一點重奪控球權，覆蓋範圍之大直頭係簡迪上身，大大減輕左防線受壓情況，亦減少左對手打快速反擊既機會。世界級防守中場就係咁！艾歷臣繼續佢恰如其分既表現，唔需要太過搶眼，幫手分波控制節奏就得。般奴費南迪斯雖然冇助攻冇入波，但前場既跑動走位，拉後現身策動都見到蹤影。不過今場有幾腳波既處理可以再做好少少。
左翼福仔今場保持良好狀態。除左佢接應艾歷臣既靚角球戰術一射入網，令球迷嘩然（曼聯角球識入波），第二球既反擊亦憑佢係邊線突破越位，爆左一段黎過靚後腳cup，再橫傳馬仔盪射入網。今場多次移入half-space位置同隊友打first-touch配合亦流暢漂亮，唔再淨係係邊路等波去盤扭抵讚。冇左C朗拿度，馬仔必然係前鋒首選。跑動、逼搶、現身支點都見到蹤影。狀態未係好十足，都入到一球增加唔少信心（如果係甸軒未必入到）65分鐘被換出都係驚受傷，場場都靠你架。
後備入替既加拿祖繼續展現青春膽色，雲迪碧克都有接近半小時上陣，除左一下反擊沉底出波，亦有一下接應角球射門被擋。跑動係有，但同隊友建立默契需時。費特亦收獲左一個入波；麥隊長病完要再操操，果下邊路被人一個假身擺過左都幾嚇人，又變番麥佳亞。伊蘭加則出黎跑下，時間太短冇咩貢獻。呢場對手實力同我地有一段距離，能保持不失係應該既，但人地亦食左一次罰球詐糊，要注意一下死球防守問題。冇左C朗拿度，前面踢得明顯較放，唔駛下下都要搵佢黎交。配合多左自然就入波機會多左，絕對係好事。下場對狼隊要繼續加油！
森林今場踢4–3-3放棄前場逼搶，選擇用連加特踢假九，阿旺尼同莊遜踢左右兩翼，中後場防守較為鬆散，太多時間俾到曼聯中前場球員睇到定黎做波。就算搶到波後，連加特亦難以係前場停到高波，阿旺尼對住雲比沙加亦冇淡好食。整場賽事都被曼聯圍住黎踢。就算下半場曼聯收收地油，都見唔到森林有能力憑生波去創造埋門機會，只能靠死球先擺到個波入禁區。睇黎古柏都要諗諗計點樣改善整隊攻守，亦要研究下點樣出人先令到隊波有化學作用。
坦克改用梳爾踢中堅係呢場受到考驗唔係太大，森林攻力有限，進攻組織能力弱，自己搓多兩板就會搓失，所以呢場頂住先問題不大，但都係寄望馬天尼斯快快歸隊，而另外其他幾個中堅都快快病好先係皇道。只不過今場改用梳爾踢左中堅卻開闢到一個新既進攻模式，或者對坦克組軍帶到新思維。梳爾始終閘位球員出身，當球隊後場組織，有時佢就不自覺地會拉闊到左路，華拉尼收中，而雲比沙加就會移番後少少形成三中堅，但梳爾同雲比都係閘位具有向前參與進攻既思維，變相可以overload對方邊路。卡斯美路補位意識強，亦令二閘向前時會有人填補空間。同時間，梳爾亦有一定既出球能力，唔駛艾歷臣墮後到左中堅派牌，可以推前佢進攻half-space位置，等佢可以係對方線與線之間去拎波進攻。
馬拿斯亞既活力，進攻意識強，佢會經常收入中路拍住卡斯美路形成雙中場，令艾歷臣係進攻上有更多自由度去邊路搵波踢或插入禁區。左路今場係好多交义走位，互換位置，first-touch小組配合去overload左面，再靠卡斯美路轉方向，等安東尼嘗試單打獨鬥或同雲比沙加打2-man-game。不過安東尼今場狀態一般，好似患上世界盃後遺症，踢落心事重重咁；雲比沙加則上上落落，愈踢愈有信心，開始知道幾時要後上，幾時要留位幫波，係右路進攻仲搶眼過安東尼。
今場最佳球員肯定係卡斯美路。唔講入第二球既反擊正正係佢係禁區附近落腳靚剷發動，亦唔講第三球係前場一個反搶再斜交俾費特盪射尾柱埋齋，今場多次係前場成功反搶，又多次攔截到對方解圍既第一點重奪控球權，覆蓋範圍之大直頭係簡迪上身，大大減輕左防線受壓情況，亦減少左對手打快速反擊既機會。世界級防守中場就係咁！艾歷臣繼續佢恰如其分既表現，唔需要太過搶眼，幫手分波控制節奏就得。般奴費南迪斯雖然冇助攻冇入波，但前場既跑動走位，拉後現身策動都見到蹤影。不過今場有幾腳波既處理可以再做好少少。
左翼福仔今場保持良好狀態。除左佢接應艾歷臣既靚角球戰術一射入網，令球迷嘩然（曼聯角球識入波），第二球既反擊亦憑佢係邊線突破越位，爆左一段黎過靚後腳cup，再橫傳馬仔盪射入網。今場多次移入half-space位置同隊友打first-touch配合亦流暢漂亮，唔再淨係係邊路等波去盤扭抵讚。冇左C朗拿度，馬仔必然係前鋒首選。跑動、逼搶、現身支點都見到蹤影。狀態未係好十足，都入到一球增加唔少信心（如果係甸軒未必入到）65分鐘被換出都係驚受傷，場場都靠你架。
後備入替既加拿祖繼續展現青春膽色，雲迪碧克都有接近半小時上陣，除左一下反擊沉底出波，亦有一下接應角球射門被擋。跑動係有，但同隊友建立默契需時。費特亦收獲左一個入波；麥隊長病完要再操操，果下邊路被人一個假身擺過左都幾嚇人，又變番麥佳亞。伊蘭加則出黎跑下，時間太短冇咩貢獻。呢場對手實力同我地有一段距離，能保持不失係應該既，但人地亦食左一次罰球詐糊，要注意一下死球防守問題。冇左C朗拿度，前面踢得明顯較放，唔駛下下都要搵佢黎交。配合多左自然就入波機會多左，絕對係好事。下場對狼隊要繼續加油！
請按此登錄後留言。未成為會員? 立即註冊