英超快車繼續開(賽前陣容預測-曼聯對水晶宮)

Hea談曼聯 於 05/12/2021 發表 收藏文章
曼聯係香港時間禮拜五早上6點先踢完對阿仙奴既賽事,不足三日休息時間,係禮拜日晚10點又要主場對水晶宮。卡域克請辭下,蘭歷克走馬上任就要係短時間決定正選陣容,同盡量教授球員學習佢既戰術,對佢同眾球員都係一大挑戰。幸好,今場係主場作賽,唔駛搭火車舟車勞頓去倫敦踢波,多一分鐘休息就係多一分鐘。

上場中游對碰激戰阿仙奴,憑C朗射入費特搏到既12碼,最後以3:2擊敗對手,拎到三分上番第七位,距離第四既韋斯咸只有三分,要繼續追趕前列份子。呢場賽後傳出C朗離奇受傷上陣成疑,蘭歷克又話要換隊長,莫非陣容會大改變?

韋拉前一場對住來勢洶洶既維拉擺出雙防中,上場對住差唔多排名既列斯聯就改踢4-3-3加強進攻,從陣式上都見列韋拉並唔會一陣走天涯,知道自己不及對手就擺重防守,想贏就加強進攻人手。今場作客奧脫福,估計佢都會安排雙防中既陣式,用高耶迪同米利禾積域係中場不停掃蕩,用加拉查串連中前場。爆破交俾韋費特沙夏同奧拉斯,三艾(艾斯、艾耶、艾度亞特)隨時候命。

曼聯休息時間較少,都需要作出輪換去保持球隊活力。得兩日時間都唔太可能完全吸收到新領隊既戰術,踢法上或會以不變應萬變,但陣式可以轉一轉改踢4-3-3。龍門非迪基亞莫屬。雲比沙加復任正選,全力看管沙夏。泰利斯狀態不俗,應會繼續作戰。有機會換隊長臂章意味麥佳亞再不是必然正選,有機會用上拜利拍連迪路夫,不過對面正路會起用賓迪基擔任正箭頭,最好起用麥佳亞拍拜利去加強身體對抗同制空能力。中場方面,對面都係以體力型為主,或會起用馬迪出任逗後防中,跑動力高既費特推前一格拍住般奴費南迪斯。前鋒C朗拿度有傷未必能上陣,卡雲尼同格連活特又未能上陣,馬斯亞或會出任正前鋒,左右翼則續用福仔同辛祖支援馬仔。

預測曼聯正選陣容
迪基亞
雲比沙加 拜利 麥佳亞 泰利斯
般奴費南迪斯 馬迪 費特
辛祖 馬斯亞 華舒福

如果喜歡我們的文章,請即分享到︰

標籤: 曼聯  水晶宮  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→