《上半場只得25分鐘貨仔》
坦克正選排出同上場一樣既陣容，踢法上同之前都幾唔同，中路明奈同艾歷臣會先留守中路幫手組織，希望係中路靠二人加般奴用技術黎控制中場。兩閘拉闊幫兩翼打配合。理論上三人既技術都比般尼好，而般尼既中場都唔係硬橋硬馬型，想法合理。上半場頭廿五分鐘曼聯係完全控制戰局，大約55%控球率，射門有10次，可惜只有1次中框，而球隊係進攻上既組織調度，多左艾歷臣下係有改善。25分鐘打後，般尼開始企穩陣腳，並利用地面猜傳反客為主。見到般尼既組織係有一定既能力，但球員質素始終未足以係有限既機會放波入網。曼聯要讚既球員係安拿拿，上半場救出左對方一下近乎必入既射門，先令曼聯唔駛先失波。特別一提係當般尼敢用埋門將猜波果陣，曼聯係高位逼搶上係25分鐘後就無以為繼，主因係卡斯美路同麥佳亞都欠缺單防回追轉身既速度。當你後場堅持用4人守對方3人時，中前場就只得5人去逼搶對方8人。人數冇優勢加上球場空間太大，根本個效率就好低。另外，今場兩翼回防好深去守番對方兩閘，有時甚至出現6-2-2陣式係低位防守。好處係人數實夠，壞處就係打反擊只得海倫一點去爆去停，反擊既效率冇咁高。
《換人想法又錯唔晒》
半場零比零合理，而下半場雙方都冇調動，但般尼係用波同破你逼搶再推快節奏都幾好，令曼聯既防線都幾受壓。甘賓尼換人調動都幾進取，見後場守得到就開始試下搏鎚。想法正確，始終拎一分對護級幫助唔大。坦克就係65分鐘換入迪亞路同麥湯文尼試圖加強進攻火力。唔知坦克係唔想用得佢太盡定點，都係明奈先被換出而非艾歷臣。當然艾歷臣今場唔係踢得差，但明奈係中場既持球突破係艾歷臣冇，亦曼聯都幾靠明奈拖一拖波去破對方既逼搶。換入迪亞路則係試圖係前場擺強多隻快馬，係前場高位逼搶可以多少少活力。 海倫踢左65分鐘既作用其實已經冇乜。上半場佢確係可以係前場停到波再回，但去到中後段已經被對方既中堅摸到條路。反而般尼既中堅速度唔係快，咁樣換隻老鼠仔去衝，想法上唔可以話錯。
《安東尼勤力有回報》
下半場曼聯係比較弱勢，不過般尼都唔係好擺到個波入心臟地帶。78分鐘，般尼後場橫傳派膠，安東尼偷到再爆一段，失平衡下射遠柱入網，成功係今季英超開齋。今場見佢非常落力，走位又多，防守又積極，射門意慾都好強。勤力係有回報既。81分鐘，坦克換入安拉拔想守完場，呢著都非常正路。86分鐘，卡斯美路大意既頭鎚回傳俾安拿拿，但力水同角度都極差。安拿拿情急之下衝出黎打手鎚但又打左落人地個頭而輸十二碼。咁輸12碼個責任就梗係先入卡斯美路數，後入安拿拿數。果個位置亦有雲比沙加做緊防守，絕對唔係事必要龍門出黎打手鎚，而佢打手鎚既精準同佢撲下三路波一樣，係有待改善。打唔準就唔好出黎打啦師兄。賽事尾段呈互攻局面，可惜大家都冇能力擺到個波入網。一比一，打和！
《總結》
見到般尼用波係有板有眼，可惜球員既質素仍有待改善。餘下三場仲要對紐卡素、熱刺同森林，護級都唔太樂觀。曼聯就早早宣布同頭四頭五無望，餘下都係全力足總盃啦。今場見到球隊開頭都幾係威係勢，但一開始體能跌watt就冇左動力。另外，當般尼係前場人捉人而唔逼安拿拿，令到安拿拿只能焗踢長波去前點。一skip左中場向前扔，一拎唔到就又失控球，跟住一俾人猜就搶唔到就冇氣，真係要諗諗點攪。下場對近況好勁既水晶宮，又可以睇下奧拉斯踢成點！
坦克正選排出同上場一樣既陣容，踢法上同之前都幾唔同，中路明奈同艾歷臣會先留守中路幫手組織，希望係中路靠二人加般奴用技術黎控制中場。兩閘拉闊幫兩翼打配合。理論上三人既技術都比般尼好，而般尼既中場都唔係硬橋硬馬型，想法合理。上半場頭廿五分鐘曼聯係完全控制戰局，大約55%控球率，射門有10次，可惜只有1次中框，而球隊係進攻上既組織調度，多左艾歷臣下係有改善。25分鐘打後，般尼開始企穩陣腳，並利用地面猜傳反客為主。見到般尼既組織係有一定既能力，但球員質素始終未足以係有限既機會放波入網。曼聯要讚既球員係安拿拿，上半場救出左對方一下近乎必入既射門，先令曼聯唔駛先失波。特別一提係當般尼敢用埋門將猜波果陣，曼聯係高位逼搶上係25分鐘後就無以為繼，主因係卡斯美路同麥佳亞都欠缺單防回追轉身既速度。當你後場堅持用4人守對方3人時，中前場就只得5人去逼搶對方8人。人數冇優勢加上球場空間太大，根本個效率就好低。另外，今場兩翼回防好深去守番對方兩閘，有時甚至出現6-2-2陣式係低位防守。好處係人數實夠，壞處就係打反擊只得海倫一點去爆去停，反擊既效率冇咁高。
《換人想法又錯唔晒》
半場零比零合理，而下半場雙方都冇調動，但般尼係用波同破你逼搶再推快節奏都幾好，令曼聯既防線都幾受壓。甘賓尼換人調動都幾進取，見後場守得到就開始試下搏鎚。想法正確，始終拎一分對護級幫助唔大。坦克就係65分鐘換入迪亞路同麥湯文尼試圖加強進攻火力。唔知坦克係唔想用得佢太盡定點，都係明奈先被換出而非艾歷臣。當然艾歷臣今場唔係踢得差，但明奈係中場既持球突破係艾歷臣冇，亦曼聯都幾靠明奈拖一拖波去破對方既逼搶。換入迪亞路則係試圖係前場擺強多隻快馬，係前場高位逼搶可以多少少活力。 海倫踢左65分鐘既作用其實已經冇乜。上半場佢確係可以係前場停到波再回，但去到中後段已經被對方既中堅摸到條路。反而般尼既中堅速度唔係快，咁樣換隻老鼠仔去衝，想法上唔可以話錯。
《安東尼勤力有回報》
下半場曼聯係比較弱勢，不過般尼都唔係好擺到個波入心臟地帶。78分鐘，般尼後場橫傳派膠，安東尼偷到再爆一段，失平衡下射遠柱入網，成功係今季英超開齋。今場見佢非常落力，走位又多，防守又積極，射門意慾都好強。勤力係有回報既。81分鐘，坦克換入安拉拔想守完場，呢著都非常正路。86分鐘，卡斯美路大意既頭鎚回傳俾安拿拿，但力水同角度都極差。安拿拿情急之下衝出黎打手鎚但又打左落人地個頭而輸十二碼。咁輸12碼個責任就梗係先入卡斯美路數，後入安拿拿數。果個位置亦有雲比沙加做緊防守，絕對唔係事必要龍門出黎打手鎚，而佢打手鎚既精準同佢撲下三路波一樣，係有待改善。打唔準就唔好出黎打啦師兄。賽事尾段呈互攻局面，可惜大家都冇能力擺到個波入網。一比一，打和！
《總結》
見到般尼用波係有板有眼，可惜球員既質素仍有待改善。餘下三場仲要對紐卡素、熱刺同森林，護級都唔太樂觀。曼聯就早早宣布同頭四頭五無望，餘下都係全力足總盃啦。今場見到球隊開頭都幾係威係勢，但一開始體能跌watt就冇左動力。另外，當般尼係前場人捉人而唔逼安拿拿，令到安拿拿只能焗踢長波去前點。一skip左中場向前扔，一拎唔到就又失控球，跟住一俾人猜就搶唔到就冇氣，真係要諗諗點攪。下場對近況好勁既水晶宮，又可以睇下奧拉斯踢成點！
請按此登錄後留言。未成為會員? 立即註冊