《理性分析場波-坦夏係咪好錯？》
坦夏今場沿用足總盃對曼城既踢法，4-4-2陣式將兩翼內收入中間以遮住熱刺兩閘內收入half-space拎波為主，前場兩人般奴同舒克斯都唔會亂咁壓迫。你問我，我都會沿用呢套模式，不過無論點樣守，以中低位防守再打突擊就一定係呢場波既思路。進攻則依靠般奴放長波俾兩翼，由兩翼跑對方閘位同中堅既身後，可以cut-in射或再傳中到尾柱，等另一邊翼埋門都係一個合理既進攻方向。曼聯係上半場都有兩三個big chance，只係finish果下差少少。
今場係進攻同防守既game plan我覺得都係正確，但場上球員執行成點就唔係領隊可以控制，太早失波亦打亂左整場既部署。最估唔到係今季表現都進步極多既達洛治係今場嚴重失準。第一球就正正係佢冇追番賓倫莊遜，令佢係尾柱無人看管射空門。雖然右路俾雲迪芬一個由後場爆到落底線係有問題，但只要大碌有追番莊遜就根本唔會輸，再睇番大碌係有條件追到，但唔知點解佢只係望住而冇追。整個上半場大碌既表現都係災難級，而般奴費南迪斯係另外一個，除左冇腳好波之外，仲係42分鐘跣腳踢人主動申請沖涼，就肯定係輸波罪人，而其他球員既表現都近乎冇一個合格（除左安拿拿係超水準演出，就要數到馬天尼斯）。
宏觀整個上半場，兩隊最大分別我覺得係速率問題，而呢樣係必須要讚熱刺既領隊。兩隊周中都有踢歐霸比賽，熱刺仲比曼聯少一日休息兼要北上作客，理論上體能應該會消耗較大，但呢個理論唔適用於熱刺。原因係普斯迪古係周中既比賽有大幅度輪換，唔計龍門，只有雲迪芬、賓倫莊遜同蘇蘭基（計埋尤度基12分鐘後備入替）係周中有正選上陣，其他正選就算有踢都係最多踢左半場旭下；相反坦夏周中係全力出擊，只有迪列特、明奈同加拿祖冇踢正選，但都有後備入替（除左迪列特）。從上半場睇，曼聯球員速率輸，埋身搶波永遠慢一拍，冇機會由後場踢番自己節奏，所以基本上都係被人吊打。
另外普斯迪古巧妙地運用古路錫斯基亦要讚。以往古路錫斯基都係踢右翼為主，以突破或個人推進作其賣點，但今季普帥改變左佢既位置，將佢由翼鋒改造成一個右八既中場。基於兩閘跑動力強，但組織用波唔算太擅長，普帥要佢地負責以跑動走位進攻half-space為主，兩翼突破拉闊交俾華拿同莊遜，而本身踢兩個八號位既中場就要墮後到中後場用佢地既技術做連接串連去用波做波。兩個中堅連埋龍門形成三角型保持控球，麥迪臣同古路錫斯基就走上走落係中堅既兩側幫波，加埋比坦古亞係中間形成三人中場，所以熱刺係中後場既用波能力係穩之餘仲有創造力。另外，熱刺係強弱邊既轉換，強邊進攻時，弱邊球員點準備，球員企既位置同球員間既距離都非常合適。一個人拎波，總會有兩三人係附近幫波，邊個逗邊個前插係好立體同有方向。利維都真係要好好留住呢個領隊。
《坦夏寧願搏鎚都唔龜縮》
般奴既紅牌，令坦夏決定先用曼治入替明奈。下半場出黎，坦夏用卡斯美路入替舒克斯，將曼治改踢右中場，福仔轉踢箭頭。想法係加強一個攔截力好既中場去穩固防守，利用福仔既衝刺去偷雞。不過坦夏冇諗住先係後場泊巴士，反而叫球隊一反常理前壓，希望殺對方一個措手不及，結果人地一個反擊就又入一球。兩球再加少踢一人都好難追得番，你估你對中國隊咩，但曼聯球員反而依家先醒番，踢左大約廿分鐘都幾主動既攻勢。可惜，輸到第三球就拜拜你條尾。
今場係換人方面都值得深究，第一，般奴既紅牌係坦夏控制唔到，但最奇怪既係明奈受傷，坦夏竟然用曼治入替明奈，咁樣換人既意義何在？明奈踢緊防中，直接用卡斯美路位換位咪已經解決。如坦夏覺得曼治派牌既能力高過明奈，咁應該一早就正選，但明顯曼治唔屬於後場派牌一類，所以呢個調動係摸不著頭腦。第二，最正確思路應該係先用卡斯美路入替明奈，再用海倫入替舒克斯，先加強中後場防守，再係前場保持番反擊速度。依家咁換，變相右路冇左反擊力，但你又唔能夠再換走曼治，一換就即係話我換錯人，所以用卡斯美路入替舒克斯只係亡羊補牢，彌補番第一換之錯。第三，曼治係尾段又受傷要換走，都可以話幾好笑，因為最後都係要換番走佢。
《總結 - 現場球迷感受》
小弟第一次親身係奧脫福睇波，不幸咁就做左黑腳，仲要輸三球就梗係滿不是味兒。上半場火速落後，對球迷黎講更加係一盤冷水倒頭淋，但現場球迷冇太大怨氣，都好積極打氣支持噓對家。就算般奴係上半場尾段領紅，現場氣氛都熾熱。下半場一出黎又輸多球，我都諗緊會唔會好快就大把人走。不過球隊係打少一個兼落後兩球情況下反而愈踢愈有，係未失第三球之前仲有段時間係有攻勢兼有一下熱刺疑似禁區手球冇吹，球迷明顯係幾受落。可惜，七十七分鐘失第三球就令到大部份球迷失望，陸續開始有人離開。最後，打少一人下埋單輸三球已經算少。想講既係，die heart fans唔係一定要球隊贏波，而係你可唔可以俾球迷見到比賽既鬥志、跑動同積極性。如果全場都可以保持到下半場果種心，就算輸都唔係問題。BTW，點解要下半場輸兩球兼打少一個先有心去踢呢？如果一開波已經有，個賽果會唔會好唔同呢？輸埋呢場後，我地同第四既車仔已經爭六分，坦夏如再冇辦法攪攪隊波，我都開始驚佢捱唔到季尾。好方面睇係，般奴主動申請休息，希望曼治冇咩大礙，下場可以試下用佢加艾歷臣再加烏格迪，或者將明奈再推前一格踢後上攻擊中場，睇下會唔會有另類火花。坦夏，你真係要醒醒定定啦，蘇B隨時候命架！
坦夏今場沿用足總盃對曼城既踢法，4-4-2陣式將兩翼內收入中間以遮住熱刺兩閘內收入half-space拎波為主，前場兩人般奴同舒克斯都唔會亂咁壓迫。你問我，我都會沿用呢套模式，不過無論點樣守，以中低位防守再打突擊就一定係呢場波既思路。進攻則依靠般奴放長波俾兩翼，由兩翼跑對方閘位同中堅既身後，可以cut-in射或再傳中到尾柱，等另一邊翼埋門都係一個合理既進攻方向。曼聯係上半場都有兩三個big chance，只係finish果下差少少。
今場係進攻同防守既game plan我覺得都係正確，但場上球員執行成點就唔係領隊可以控制，太早失波亦打亂左整場既部署。最估唔到係今季表現都進步極多既達洛治係今場嚴重失準。第一球就正正係佢冇追番賓倫莊遜，令佢係尾柱無人看管射空門。雖然右路俾雲迪芬一個由後場爆到落底線係有問題，但只要大碌有追番莊遜就根本唔會輸，再睇番大碌係有條件追到，但唔知點解佢只係望住而冇追。整個上半場大碌既表現都係災難級，而般奴費南迪斯係另外一個，除左冇腳好波之外，仲係42分鐘跣腳踢人主動申請沖涼，就肯定係輸波罪人，而其他球員既表現都近乎冇一個合格（除左安拿拿係超水準演出，就要數到馬天尼斯）。
宏觀整個上半場，兩隊最大分別我覺得係速率問題，而呢樣係必須要讚熱刺既領隊。兩隊周中都有踢歐霸比賽，熱刺仲比曼聯少一日休息兼要北上作客，理論上體能應該會消耗較大，但呢個理論唔適用於熱刺。原因係普斯迪古係周中既比賽有大幅度輪換，唔計龍門，只有雲迪芬、賓倫莊遜同蘇蘭基（計埋尤度基12分鐘後備入替）係周中有正選上陣，其他正選就算有踢都係最多踢左半場旭下；相反坦夏周中係全力出擊，只有迪列特、明奈同加拿祖冇踢正選，但都有後備入替（除左迪列特）。從上半場睇，曼聯球員速率輸，埋身搶波永遠慢一拍，冇機會由後場踢番自己節奏，所以基本上都係被人吊打。
另外普斯迪古巧妙地運用古路錫斯基亦要讚。以往古路錫斯基都係踢右翼為主，以突破或個人推進作其賣點，但今季普帥改變左佢既位置，將佢由翼鋒改造成一個右八既中場。基於兩閘跑動力強，但組織用波唔算太擅長，普帥要佢地負責以跑動走位進攻half-space為主，兩翼突破拉闊交俾華拿同莊遜，而本身踢兩個八號位既中場就要墮後到中後場用佢地既技術做連接串連去用波做波。兩個中堅連埋龍門形成三角型保持控球，麥迪臣同古路錫斯基就走上走落係中堅既兩側幫波，加埋比坦古亞係中間形成三人中場，所以熱刺係中後場既用波能力係穩之餘仲有創造力。另外，熱刺係強弱邊既轉換，強邊進攻時，弱邊球員點準備，球員企既位置同球員間既距離都非常合適。一個人拎波，總會有兩三人係附近幫波，邊個逗邊個前插係好立體同有方向。利維都真係要好好留住呢個領隊。
《坦夏寧願搏鎚都唔龜縮》
般奴既紅牌，令坦夏決定先用曼治入替明奈。下半場出黎，坦夏用卡斯美路入替舒克斯，將曼治改踢右中場，福仔轉踢箭頭。想法係加強一個攔截力好既中場去穩固防守，利用福仔既衝刺去偷雞。不過坦夏冇諗住先係後場泊巴士，反而叫球隊一反常理前壓，希望殺對方一個措手不及，結果人地一個反擊就又入一球。兩球再加少踢一人都好難追得番，你估你對中國隊咩，但曼聯球員反而依家先醒番，踢左大約廿分鐘都幾主動既攻勢。可惜，輸到第三球就拜拜你條尾。
今場係換人方面都值得深究，第一，般奴既紅牌係坦夏控制唔到，但最奇怪既係明奈受傷，坦夏竟然用曼治入替明奈，咁樣換人既意義何在？明奈踢緊防中，直接用卡斯美路位換位咪已經解決。如坦夏覺得曼治派牌既能力高過明奈，咁應該一早就正選，但明顯曼治唔屬於後場派牌一類，所以呢個調動係摸不著頭腦。第二，最正確思路應該係先用卡斯美路入替明奈，再用海倫入替舒克斯，先加強中後場防守，再係前場保持番反擊速度。依家咁換，變相右路冇左反擊力，但你又唔能夠再換走曼治，一換就即係話我換錯人，所以用卡斯美路入替舒克斯只係亡羊補牢，彌補番第一換之錯。第三，曼治係尾段又受傷要換走，都可以話幾好笑，因為最後都係要換番走佢。
《總結 - 現場球迷感受》
小弟第一次親身係奧脫福睇波，不幸咁就做左黑腳，仲要輸三球就梗係滿不是味兒。上半場火速落後，對球迷黎講更加係一盤冷水倒頭淋，但現場球迷冇太大怨氣，都好積極打氣支持噓對家。就算般奴係上半場尾段領紅，現場氣氛都熾熱。下半場一出黎又輸多球，我都諗緊會唔會好快就大把人走。不過球隊係打少一個兼落後兩球情況下反而愈踢愈有，係未失第三球之前仲有段時間係有攻勢兼有一下熱刺疑似禁區手球冇吹，球迷明顯係幾受落。可惜，七十七分鐘失第三球就令到大部份球迷失望，陸續開始有人離開。最後，打少一人下埋單輸三球已經算少。想講既係，die heart fans唔係一定要球隊贏波，而係你可唔可以俾球迷見到比賽既鬥志、跑動同積極性。如果全場都可以保持到下半場果種心，就算輸都唔係問題。BTW，點解要下半場輸兩球兼打少一個先有心去踢呢？如果一開波已經有，個賽果會唔會好唔同呢？輸埋呢場後，我地同第四既車仔已經爭六分，坦夏如再冇辦法攪攪隊波，我都開始驚佢捱唔到季尾。好方面睇係，般奴主動申請休息，希望曼治冇咩大礙，下場可以試下用佢加艾歷臣再加烏格迪，或者將明奈再推前一格踢後上攻擊中場，睇下會唔會有另類火花。坦夏，你真係要醒醒定定啦，蘇B隨時候命架！
請按此登錄後留言。未成為會員? 立即註冊