羅渣士,幫到你盡架啦(曼聯對李斯特城 - 賽前預測陣容)

Hea談曼聯 於 11/05/2021 發表 收藏文章
剛剛贏完維拉,加上椰子既協助下,曼聯經已鎖定下季歐聯資格。今晚一點主場迎戰李斯特城,對曼聯黎講只係位置之爭,而對李斯特城黎講則係爭四大戰!利物浦踢少一場爭六分排係第六位,李斯特城有咩冬瓜豆腐就分分鐘失去歐聯資格,可謂不容有失,所以一定全力出戰曼聯。

講番曼聯先,黎緊5月14號會進行對利物浦既補賽。權衡輕重下,呢場絕對應該留力備戰雙紅會賽事,陰謀論地講則係讓俾李城上,下場踢殘利物浦。睇人仆街最開心,但更開心係踢條友仆街,更何況係踢死敵利物浦,所以呢場對李城應該會出副選上陣,留力下場雙紅會。

預測龍門會繼續由甸軒達臣上陣。防線則會有變動,麥佳亞受傷下,拜利會拍連迪路夫出任中堅位置培養默契,雲比沙加繼續上陣,左閘則會改由泰利斯代替梳爾。
中場方面,馬迪應該會正選,拍住愈踢愈好既費特。左中場交由雲迪碧克,右中場則會由占士出任。攻擊中場繼續用般奴費南迪斯,而格連活特則會出任前鋒,去進襲李城防線。

預測曼聯正選陣容
甸軒達臣
雲比沙加 拜利 連迪路夫 泰利斯
占士 馬迪 費特 雲迪碧克
般奴費南迪斯
格連活特

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→