《正選陣式同陣容都有針對部署》
陣容缺少左馬天尼斯、梳爾同海倫等人，令坦克果斷放棄前場逼搶，改以中低位後場防守為主，陣式亦從4-3-3改為4-4-2。人腳方面亦以防守行先，連迪路夫改踢左閘，中堅用華拉尼拍伊雲斯，右閘則係達洛治。平排防中起用卡斯美路同明奴，左右兩翼用華舒福同加拿祖。前鋒兩個用般奴費南迪斯同麥湯文尼。為左針對對方3-2-2-3既攻擊陣式，一對閘守對方一對翼，兩名中堅專責守夏蘭特。平排防中則跟人式釘防對方既賓拿度施華同迪布尼。兩翼放棄壓迫對方閘位，改以墮得較深協防兩閘防守對方兩翼，而兩名前鋒則放棄逼搶魯賓迪亞斯，以遮住洛迪同史東斯拎波為主。進攻時則放棄後場build-up改以長傳急攻扔空位。因為兩名前鋒對兩名中堅，前場係一對一，麥湯文尼係身高上未至於一定輸頭鎚，而般奴係走空位方面甚有心得，所以曼聯今場採用簡單直接既踢法。當前場快將停到波，兩翼就怒跑身對方後場空間，盡可能以射門作終結，後場球員都唔會壓太上支援。
《上半場至少仲有兩次機會可以轉化入球》
曼聯選擇放棄控球（控球率係74對26），疊埋心水踢防反。8分鐘戰術成功，般奴接應安拿拿長傳係左路停波後，助攻俾福仔係禁區外怒轟一腳世界波領先。及後整個半場都係曼城圍攻曼聯，而曼聯今場就泊雙層巴士係禁區頂，好少見曼聯球員係防守上有咁高既紀律性，11人全退後半場防守。除左呢個入波外，福仔亦有一次半單刀機會但頭鎚控甩，亦有一腳接應般奴左路傳中但射唔到個波。偷多一球既機會唔係冇，但就係把握唔到。都要讚下獲加係防守福仔方面做得非常好，基本上福仔係冇試過盤扭過到佢而係左面創造到攻勢；而加拿祖今場協防杜古為主，係進攻上都冇乜影，但可以理解。上半場曼城縱有18腳射門，但只得3腳中目標（夏蘭特門前飛機唔計），而表現神勇既安拿拿全部撲走令曼聯半場領先。
《下半場一換人就要輸》
下半場出黎戰況同上半場大致一樣，曼城有控球權但唔算創造到黃金機會。56分鐘，科頓係右路靠個人能力內切入中路射腳世界波幫曼城追平。係呢個入波前其實曼聯本身打緊反擊，但福仔被獲加輕輕拉左一下就跌低，而球證當時冇吹（VAR重睇亦認為該下動作唔構成犯規）。老實講，呢一下你踢英國業餘比賽都唔會有犯規啦，完全唔明白點解福仔會係果度放軟個人搏犯規。福仔，「too soft」！
哥帥隨即係3分鐘後用艾華利斯入替今場表現一般既杜古，希望用艾華利斯可以係中路加多一個有入球能力既前鋒，同時間將施華仔調去左路加強左路小組推進能力。曼城攻勢就愈黎愈似樣，但都未要出動安拿拿。坦克係69分鐘用甘華拿入替伊雲斯，呢下先埋下輸波伏線。從直播片段睇伊雲斯步出球場有少少唔自然，未知佢係攰定係有傷，但牽一髮動全身，佢既換走就要達洛治由右閘變左閘，連迪路夫由左閘改踢中堅，整條防線大執位。加上甘華拿少踢，整條防線默契係零分。75分鐘坦克嘗試用安東尼入替跑到乾乾地既福仔，試圖係右路加強活力，再將加拿祖調去左路搵食。可惜，5分鐘後，曼城左路一次小組推進，科頓接應艾華利斯傳送窄位射遠柱入網再領先。艾華利斯入替後，中鋒位令曼聯中堅要一個守一個。迪布尼拉邊，而科頓卻去左左路接應策動。因史東斯推前左一格，所以當刻曼城係集中左5個人係左路，而曼聯亦只有5個人係右路區域，令本身既防守部署出現問題，就被曼城係人數均等情況下利用快速轉換節奏突入既組織撕破防守。
坦克立即換入安拉拔同科臣試圖搏下。補時階段，夏蘭特把握到安拉拔犯錯，終於都可以入番一粒。最後，曼城係呢場打吡戰贏三比一。
《總結》
曼市打吡，曼聯作客一比三輸俾曼城。雖然場上戰況非常一面倒，但曼聯並不缺乏拉開比數既機會，而缺乏陣容深度我認為係呢場比賽輸波既主因。想反撲但後備都冇乜人有改變戰局既能力，而受傷果三個主力係曼聯陣中既作用係冇人可以取代到。雖然輸，但坦克呢場既部署唔係差，肯放棄理念放棄逼搶（可能逼於無奈），亦見到球員其實係有足夠既執行力，只係把握唔到僅有既機會。
防守除左講紀律性，默契都好緊要，而當你換一個球員就要令成條防線大執位，對每一支球隊都係一個大問題。小弟相信開波前都冇人估到曼聯可以入波先，輸都係意料中事，畢竟陣容問題同整隊實力都同曼城有差距。只能寄望下場對愛華頓可以搶到分，繼續望住維拉黎追就好！
陣容缺少左馬天尼斯、梳爾同海倫等人，令坦克果斷放棄前場逼搶，改以中低位後場防守為主，陣式亦從4-3-3改為4-4-2。人腳方面亦以防守行先，連迪路夫改踢左閘，中堅用華拉尼拍伊雲斯，右閘則係達洛治。平排防中起用卡斯美路同明奴，左右兩翼用華舒福同加拿祖。前鋒兩個用般奴費南迪斯同麥湯文尼。為左針對對方3-2-2-3既攻擊陣式，一對閘守對方一對翼，兩名中堅專責守夏蘭特。平排防中則跟人式釘防對方既賓拿度施華同迪布尼。兩翼放棄壓迫對方閘位，改以墮得較深協防兩閘防守對方兩翼，而兩名前鋒則放棄逼搶魯賓迪亞斯，以遮住洛迪同史東斯拎波為主。進攻時則放棄後場build-up改以長傳急攻扔空位。因為兩名前鋒對兩名中堅，前場係一對一，麥湯文尼係身高上未至於一定輸頭鎚，而般奴係走空位方面甚有心得，所以曼聯今場採用簡單直接既踢法。當前場快將停到波，兩翼就怒跑身對方後場空間，盡可能以射門作終結，後場球員都唔會壓太上支援。
《上半場至少仲有兩次機會可以轉化入球》
曼聯選擇放棄控球（控球率係74對26），疊埋心水踢防反。8分鐘戰術成功，般奴接應安拿拿長傳係左路停波後，助攻俾福仔係禁區外怒轟一腳世界波領先。及後整個半場都係曼城圍攻曼聯，而曼聯今場就泊雙層巴士係禁區頂，好少見曼聯球員係防守上有咁高既紀律性，11人全退後半場防守。除左呢個入波外，福仔亦有一次半單刀機會但頭鎚控甩，亦有一腳接應般奴左路傳中但射唔到個波。偷多一球既機會唔係冇，但就係把握唔到。都要讚下獲加係防守福仔方面做得非常好，基本上福仔係冇試過盤扭過到佢而係左面創造到攻勢；而加拿祖今場協防杜古為主，係進攻上都冇乜影，但可以理解。上半場曼城縱有18腳射門，但只得3腳中目標（夏蘭特門前飛機唔計），而表現神勇既安拿拿全部撲走令曼聯半場領先。
《下半場一換人就要輸》
下半場出黎戰況同上半場大致一樣，曼城有控球權但唔算創造到黃金機會。56分鐘，科頓係右路靠個人能力內切入中路射腳世界波幫曼城追平。係呢個入波前其實曼聯本身打緊反擊，但福仔被獲加輕輕拉左一下就跌低，而球證當時冇吹（VAR重睇亦認為該下動作唔構成犯規）。老實講，呢一下你踢英國業餘比賽都唔會有犯規啦，完全唔明白點解福仔會係果度放軟個人搏犯規。福仔，「too soft」！
哥帥隨即係3分鐘後用艾華利斯入替今場表現一般既杜古，希望用艾華利斯可以係中路加多一個有入球能力既前鋒，同時間將施華仔調去左路加強左路小組推進能力。曼城攻勢就愈黎愈似樣，但都未要出動安拿拿。坦克係69分鐘用甘華拿入替伊雲斯，呢下先埋下輸波伏線。從直播片段睇伊雲斯步出球場有少少唔自然，未知佢係攰定係有傷，但牽一髮動全身，佢既換走就要達洛治由右閘變左閘，連迪路夫由左閘改踢中堅，整條防線大執位。加上甘華拿少踢，整條防線默契係零分。75分鐘坦克嘗試用安東尼入替跑到乾乾地既福仔，試圖係右路加強活力，再將加拿祖調去左路搵食。可惜，5分鐘後，曼城左路一次小組推進，科頓接應艾華利斯傳送窄位射遠柱入網再領先。艾華利斯入替後，中鋒位令曼聯中堅要一個守一個。迪布尼拉邊，而科頓卻去左左路接應策動。因史東斯推前左一格，所以當刻曼城係集中左5個人係左路，而曼聯亦只有5個人係右路區域，令本身既防守部署出現問題，就被曼城係人數均等情況下利用快速轉換節奏突入既組織撕破防守。
坦克立即換入安拉拔同科臣試圖搏下。補時階段，夏蘭特把握到安拉拔犯錯，終於都可以入番一粒。最後，曼城係呢場打吡戰贏三比一。
《總結》
曼市打吡，曼聯作客一比三輸俾曼城。雖然場上戰況非常一面倒，但曼聯並不缺乏拉開比數既機會，而缺乏陣容深度我認為係呢場比賽輸波既主因。想反撲但後備都冇乜人有改變戰局既能力，而受傷果三個主力係曼聯陣中既作用係冇人可以取代到。雖然輸，但坦克呢場既部署唔係差，肯放棄理念放棄逼搶（可能逼於無奈），亦見到球員其實係有足夠既執行力，只係把握唔到僅有既機會。
防守除左講紀律性，默契都好緊要，而當你換一個球員就要令成條防線大執位，對每一支球隊都係一個大問題。小弟相信開波前都冇人估到曼聯可以入波先，輸都係意料中事，畢竟陣容問題同整隊實力都同曼城有差距。只能寄望下場對愛華頓可以搶到分，繼續望住維拉黎追就好！
請按此登錄後留言。未成為會員? 立即註冊