《韋拉嘗試變戰術；坦克以不變應萬變》
上次對碰韋拉用馬迪達做柱躉停波，等兩翼沙夏同奧拉斯係邊路發難，可惜完全踢唔出效果。沙夏既受傷令韋拉選擇變人腳變戰術，起用佐敦艾耶同舒立普踢兩翼，攻中起用奧拉斯去支援射手艾杜亞特，嘗試利用地面短傳，等奧拉斯可以利用佢既腳下功夫同埋佐敦艾耶係邊路持球推進，策動水晶宮既反擊同進攻。見到佢係有想法，不過受制於曼聯既前場高效逼搶，踢出黎效果非常一般；坦克以不變應萬變，出動勝利十人，另外起用費特代替受傷既艾歷臣踢中場。防守繼續以高位逼搶為主，進攻則繼續依靠overload左路，清空右路等安東尼攪攪震。
《上半場曼聯圍攻下只入得一球》
上半場曼聯主導球賽；水晶宮選擇放棄係前場做任何逼搶，改係中後場等你攻踢陣地戰。7分鐘，韋曉士係禁區明顯犯手球，球證馬連拿企既角度未必睇得清楚。經VAR協助下，馬連拿改判12碼，但未有對韋曉士出示黃牌。12碼由般奴射入領先。領先後既曼聯並冇放軟手腳，多次憑高位逼搶（費特、卡斯美路同韋賀斯最為高效）成功搶斷對方腳下球或逼到對方傳送失誤，從而搶到控球權同主導權。缺少左艾歷臣下，球隊後場係可以控到波（人地縮後），但缺乏具穿透力既地面直線去打穿對方中場線既防守係顯而易見。球隊更多係中場放長傳打身後，而唔係地波打穿搵中場係線與線之間接應。進攻上既變化少左，亦令對方易於防守。冇左艾歷臣既傳送，球隊只能係前場圍住對方打兩側，但兩翼都不停內切入中路，而對方本身並冇俾你兩翼球員拉闊而走出黎；單對單防守又算太差，所以上半場只係得個「圍」字，真係組織到入心臟地帶埋門係好少。水晶宮「防」到但「反」唔到，所以迪基亞都相當清閑，唯一要飛一飛舒立普既射門。係尾15分鐘，水晶宮因曼聯逼搶力度減弱下，多番唔少控球，又開始重現上一次對碰既戰情。半場，曼聯領先一球。
《球證馬連拿到底發生什麼事》
下半場，雙方冇換人調動。踢到59分鐘，坦克用加拿祖換入韋賀斯，加強左路突破能力。3分鐘後，曼聯憑一次靚組織由右路打入中路再轉去左路，梳爾地波傳中俾福仔門前撞入，領先到二比零。領先兩球都諗住坐定粒六，點知幾分鐘後，安東尼嘗試rainbow 過人失敗後，下一個進攻即比舒立普惡意犯規。舒立普動作未去收山腳，所以球證出示黃牌警告，但佢呢一腳就引黎大批球員互相推撞拉扯。經VAR重睇片段，發現卡斯美路疑似用手义住韋曉士條頸。馬連拿睇完就出示紅牌趕佢離場。不過網上有其他片段都清楚見到卡斯美路隻手未去到用力义住，只係類似推住佢，睇下有冇機會上訴打甩。小弟係認同球證判決，畢竟從佢部電視機既畫面，加上胖虎隻手擺既位置，實在好難唔直紅，但VAR係冇番睇佐敦艾耶出手义向費特，整個衝突只有曼聯球員拎牌，就點講都講唔通。韋拉隨即用艾斯同盧干加換走佐敦艾耶同有牌在身既韋曉士加強攻力。打多個既水晶宮係76分鐘憑角球追番一球，掀起賽事高潮。78分鐘，馬連拿再次成為焦點，曼聯係前場一次逼搶，加拿祖首先疑似俾對方侵犯，球證冇吹罰。般奴諗住再去反搶，個頭明顯撞到球證手踭，但球證望一望冇理會示意繼續比賽。水晶宮大軍壓到中場果陣，球證突然跑番轉頭再響雞，但明顯支雞漏風吹唔響，所以水晶宮球員冇停步繼續進攻。你早知手踭撞到球員個頭就要吹停架啦，當時個波都係仲水晶宮後場；到水晶宮人多打人少，就突然吹番停（仲要吹唔響支雞）自己向後跑，令水晶宮錯失一次唔錯既進攻機會，真係「馬連拿到底發生什麼事」。81分鐘，坦克換入新借用既沙碧薩加強中路防守力。韋拉則係83分鐘換入馬迪達同艾馬達擺明高波轟。坦克亦係87分鐘換入麥佳亞同連迪路夫加強制空力。最後，馬連拿唔知咩原因補上補多成分鐘等水晶宮去進攻，最後曼聯禁爆平安鐘下驚險拎到三分。
《總結》
有球迷係鬧安東尼玩花招，但領先兩球唔玩，唔通輸緊先玩又還是領先緊一球去玩？要鬧都鬧對面發老脾踢人果個啦，點解會去鬧被人踢果個？我只會話安東尼玩得就要預俾人踢，但唔會走去鬧佢玩（森巴味買少見少）。卡斯美路直紅要停三場，睇下球會有冇諗住上訴。如果要停既話，沙碧薩都要頂硬上拍費特踢防中。佢入左黎果10分鐘，見到佢埋去搶去撞還可以，但佢應該唔係卡斯美路果類包位遮線型防中，佢拍費特就有機會變左齊齊埋去搶，而中間就冇人包。4日後就對列斯，睇下坦克係防守上有冇咩新諗法，還是就咁擺沙碧薩落去踢就算！今場總算叫贏左，起碼上番第三位，繼續加油！
上次對碰韋拉用馬迪達做柱躉停波，等兩翼沙夏同奧拉斯係邊路發難，可惜完全踢唔出效果。沙夏既受傷令韋拉選擇變人腳變戰術，起用佐敦艾耶同舒立普踢兩翼，攻中起用奧拉斯去支援射手艾杜亞特，嘗試利用地面短傳，等奧拉斯可以利用佢既腳下功夫同埋佐敦艾耶係邊路持球推進，策動水晶宮既反擊同進攻。見到佢係有想法，不過受制於曼聯既前場高效逼搶，踢出黎效果非常一般；坦克以不變應萬變，出動勝利十人，另外起用費特代替受傷既艾歷臣踢中場。防守繼續以高位逼搶為主，進攻則繼續依靠overload左路，清空右路等安東尼攪攪震。
《上半場曼聯圍攻下只入得一球》
上半場曼聯主導球賽；水晶宮選擇放棄係前場做任何逼搶，改係中後場等你攻踢陣地戰。7分鐘，韋曉士係禁區明顯犯手球，球證馬連拿企既角度未必睇得清楚。經VAR協助下，馬連拿改判12碼，但未有對韋曉士出示黃牌。12碼由般奴射入領先。領先後既曼聯並冇放軟手腳，多次憑高位逼搶（費特、卡斯美路同韋賀斯最為高效）成功搶斷對方腳下球或逼到對方傳送失誤，從而搶到控球權同主導權。缺少左艾歷臣下，球隊後場係可以控到波（人地縮後），但缺乏具穿透力既地面直線去打穿對方中場線既防守係顯而易見。球隊更多係中場放長傳打身後，而唔係地波打穿搵中場係線與線之間接應。進攻上既變化少左，亦令對方易於防守。冇左艾歷臣既傳送，球隊只能係前場圍住對方打兩側，但兩翼都不停內切入中路，而對方本身並冇俾你兩翼球員拉闊而走出黎；單對單防守又算太差，所以上半場只係得個「圍」字，真係組織到入心臟地帶埋門係好少。水晶宮「防」到但「反」唔到，所以迪基亞都相當清閑，唯一要飛一飛舒立普既射門。係尾15分鐘，水晶宮因曼聯逼搶力度減弱下，多番唔少控球，又開始重現上一次對碰既戰情。半場，曼聯領先一球。
《球證馬連拿到底發生什麼事》
下半場，雙方冇換人調動。踢到59分鐘，坦克用加拿祖換入韋賀斯，加強左路突破能力。3分鐘後，曼聯憑一次靚組織由右路打入中路再轉去左路，梳爾地波傳中俾福仔門前撞入，領先到二比零。領先兩球都諗住坐定粒六，點知幾分鐘後，安東尼嘗試rainbow 過人失敗後，下一個進攻即比舒立普惡意犯規。舒立普動作未去收山腳，所以球證出示黃牌警告，但佢呢一腳就引黎大批球員互相推撞拉扯。經VAR重睇片段，發現卡斯美路疑似用手义住韋曉士條頸。馬連拿睇完就出示紅牌趕佢離場。不過網上有其他片段都清楚見到卡斯美路隻手未去到用力义住，只係類似推住佢，睇下有冇機會上訴打甩。小弟係認同球證判決，畢竟從佢部電視機既畫面，加上胖虎隻手擺既位置，實在好難唔直紅，但VAR係冇番睇佐敦艾耶出手义向費特，整個衝突只有曼聯球員拎牌，就點講都講唔通。韋拉隨即用艾斯同盧干加換走佐敦艾耶同有牌在身既韋曉士加強攻力。打多個既水晶宮係76分鐘憑角球追番一球，掀起賽事高潮。78分鐘，馬連拿再次成為焦點，曼聯係前場一次逼搶，加拿祖首先疑似俾對方侵犯，球證冇吹罰。般奴諗住再去反搶，個頭明顯撞到球證手踭，但球證望一望冇理會示意繼續比賽。水晶宮大軍壓到中場果陣，球證突然跑番轉頭再響雞，但明顯支雞漏風吹唔響，所以水晶宮球員冇停步繼續進攻。你早知手踭撞到球員個頭就要吹停架啦，當時個波都係仲水晶宮後場；到水晶宮人多打人少，就突然吹番停（仲要吹唔響支雞）自己向後跑，令水晶宮錯失一次唔錯既進攻機會，真係「馬連拿到底發生什麼事」。81分鐘，坦克換入新借用既沙碧薩加強中路防守力。韋拉則係83分鐘換入馬迪達同艾馬達擺明高波轟。坦克亦係87分鐘換入麥佳亞同連迪路夫加強制空力。最後，馬連拿唔知咩原因補上補多成分鐘等水晶宮去進攻，最後曼聯禁爆平安鐘下驚險拎到三分。
《總結》
有球迷係鬧安東尼玩花招，但領先兩球唔玩，唔通輸緊先玩又還是領先緊一球去玩？要鬧都鬧對面發老脾踢人果個啦，點解會去鬧被人踢果個？我只會話安東尼玩得就要預俾人踢，但唔會走去鬧佢玩（森巴味買少見少）。卡斯美路直紅要停三場，睇下球會有冇諗住上訴。如果要停既話，沙碧薩都要頂硬上拍費特踢防中。佢入左黎果10分鐘，見到佢埋去搶去撞還可以，但佢應該唔係卡斯美路果類包位遮線型防中，佢拍費特就有機會變左齊齊埋去搶，而中間就冇人包。4日後就對列斯，睇下坦克係防守上有冇咩新諗法，還是就咁擺沙碧薩落去踢就算！今場總算叫贏左，起碼上番第三位，繼續加油！
請按此登錄後留言。未成為會員? 立即註冊