《熱刺照舊主攻；坦克踢番上年果套》
熱刺用番同上場一樣主攻既踢法，講求由後場組織，只係陣容上針對性換左人。用樸羅換左艾馬遜，沙亞換左防守比進攻好既史傑比。呢兩個調整對熱刺係進攻上既推進都起到唔少作用，沙亞既護波與及入禁區既能力都比史傑比高；樸羅係交波選擇還是走位時機都比艾馬遜好。熱刺上半場6射3中，亦佔左57%控球，場面上主導球賽。上半場開段少少慢熱，球員對新領隊既戰術執行上仍要適應，由干地較防守型踢法轉變至普斯迪高古講控球進攻型踢法，係需要時間理解同發揮進攻才華。上半場既中後段開始踢得順，就多左好幾腳埋門。不過都係過唔到安拿拿既十指關。
曼聯上場險勝狼隊一球，雖然場面上比狼隊比下去，但坦克話獨人皆醉我獨醒。今場照舊用番上場既正選陣容。踢法上就改踢番上季果一套。曼治嘗試取代艾歷臣角色，間中會逗番落少少幫手組織，但冇試過落左閘位較炮。梳爾亦唔駛移入中間幫手協防，係番條邊度上上落落，主力同加拿祖做配合。坦克亦有針對對方二閘內收中路build-up既踢法，兩翼唔會逼一對中堅，追番對方二閘，般奴移後一格防守比蘇馬，一對中堅則交俾福仔去遮線同壓迫。間中般奴都會移前逼中堅，福仔就會移番後守比蘇馬，盡量唔入俾比蘇馬拎波轉身。曼治專責追沙亞；卡斯美路則係中間補位同防守會出黎拎波既麥迪臣。自己二閘單防兩翼。中堅則輪換招呼李察利臣。見到坦克有針對性署都唔太擔心防守。雖然上半場控球不及對方，但熱刺比較開放式既踢法其實仲岩曼聯踢。上半場曼聯13射3中，熱刺都暴露左唔少空間俾曼聯去攻，不過曼聯球員狀態明顯要操，般奴同福仔每人都起碼有兩次係空晒既黃金機會，但攻門都係唔中目標。中場既運轉繼續係差，係呢個進攻模式下，曼治係難以取代艾歷臣，左翼加拿祖只顧單打獨鬥，少有同曼治做配合，曼治係場上作用同坦克預期應有出入。如堅持要出佢，左翼應用辛祖，等左路可以利用小組推進為先。上半場兩隊都有機會先開記錄，但偏偏一係就中楣中柱，一係就空晒都射唔中龍，零比零完。
《下半場熱刺愈踢愈有；曼聯負嵎頑抗》
半場雙方冇換人，換邊後繼續踢。僅4分鐘，熱刺一個攻勢就靠後上入楔既沙亞門前撞入。曼聯左路防守竟然冇人守古路錫斯基，沙亞後上亦冇其他中場球員跟進。雖然個波係有幸運成份彈左落佢度，但如有人跟既話就唔會射得咁輕鬆。失波後既曼聯短時間有兩三個機會可追平，可惜一係中楣彈出，一係就過唔到對方門將域卡利奧。熱刺開始愈踢愈有，球員信心番晒黎。特別係比蘇馬同沙亞，兩個統治中場，加埋麥迪臣既穿針引線，無論係邊線定係中路，熱刺都創造左大量機會。曼聯唔好話進攻，解圍都好吃力，足足有接近廿分鐘係被圍，完全係負嵎頑抗。
踢到66分鐘，坦克先換入辛祖、艾歷臣同達洛治，加強球隊既速率，同時亦將球員換換位。般奴改踢右翼；艾歷臣拍曼治係中間；辛祖踢左翼。艾歷臣入黎就希望可以令球隊keep到波進攻；辛祖就入黎加強左路側擊同串連。換人後既曼聯起色不大，但總算叫捱過左熱刺最強勢果段。艾歷臣入替後，進攻既延續性係加強左，不過曼治既神隱，令到曼聯係進攻上少左一個人。
70分鐘到熱刺換入佩列錫同賓戴維斯。 再係76分鐘用靴爾保入替入波既沙亞，開始穩固中後場，保持勝果到完場。4分鐘後，熱刺一次左路攻勢。馬天尼斯解圍撻左入自己龍門，安拿拿只能目送皮球入網，令熱刺領先兩球。曼聯陣地防守出現問題，令佩列錫輕鬆搵到入楔既賓戴維斯。85分鐘，坦克換入柏利斯迪同馬斯亞，叫做換出黎踩下草。兩球差距咁短時間，都唔期望可以追得番。熱刺則係88分鐘換入艾馬遜同「所羅門」，位換位去補充番球隊體能。場雞一響，熱刺主場成功拎走三分。
《總結》
熱刺踢左一場非常漂亮既進攻足球。三分，你值得擁有！唯一擔憂既係麥迪臣同比蘇馬，有邊個可以取代到。新帥有時間既都要諗諗呢個問題。
上半場有一個具爭議性既手球係冇吹罰熱刺，我唔覺得係黑哨。既然咁樣手球係冇問題既，當其他隊有球員有類似情況既時候，球證都唔吹咁就得啦，最緊要尺度一致。一致係講緊38週所有賽事都係咁。
曼聯可以話係輸自己，上半場其實係有條件領先。開放式足球對曼聯已經係最有利，但你都把握唔到入波，咁輸波可以瀨邊個。曼治果種神隱，加拿祖果種單挑，下場再兩個一齊出既話，三分睇黎都會凍過水。坦克下場真係唔好拗頸啦，當自己買左水貨先，抽起佢用番艾歷臣，boot一boot隊波先啦。曼聯，下場加油！
熱刺用番同上場一樣主攻既踢法，講求由後場組織，只係陣容上針對性換左人。用樸羅換左艾馬遜，沙亞換左防守比進攻好既史傑比。呢兩個調整對熱刺係進攻上既推進都起到唔少作用，沙亞既護波與及入禁區既能力都比史傑比高；樸羅係交波選擇還是走位時機都比艾馬遜好。熱刺上半場6射3中，亦佔左57%控球，場面上主導球賽。上半場開段少少慢熱，球員對新領隊既戰術執行上仍要適應，由干地較防守型踢法轉變至普斯迪高古講控球進攻型踢法，係需要時間理解同發揮進攻才華。上半場既中後段開始踢得順，就多左好幾腳埋門。不過都係過唔到安拿拿既十指關。
曼聯上場險勝狼隊一球，雖然場面上比狼隊比下去，但坦克話獨人皆醉我獨醒。今場照舊用番上場既正選陣容。踢法上就改踢番上季果一套。曼治嘗試取代艾歷臣角色，間中會逗番落少少幫手組織，但冇試過落左閘位較炮。梳爾亦唔駛移入中間幫手協防，係番條邊度上上落落，主力同加拿祖做配合。坦克亦有針對對方二閘內收中路build-up既踢法，兩翼唔會逼一對中堅，追番對方二閘，般奴移後一格防守比蘇馬，一對中堅則交俾福仔去遮線同壓迫。間中般奴都會移前逼中堅，福仔就會移番後守比蘇馬，盡量唔入俾比蘇馬拎波轉身。曼治專責追沙亞；卡斯美路則係中間補位同防守會出黎拎波既麥迪臣。自己二閘單防兩翼。中堅則輪換招呼李察利臣。見到坦克有針對性署都唔太擔心防守。雖然上半場控球不及對方，但熱刺比較開放式既踢法其實仲岩曼聯踢。上半場曼聯13射3中，熱刺都暴露左唔少空間俾曼聯去攻，不過曼聯球員狀態明顯要操，般奴同福仔每人都起碼有兩次係空晒既黃金機會，但攻門都係唔中目標。中場既運轉繼續係差，係呢個進攻模式下，曼治係難以取代艾歷臣，左翼加拿祖只顧單打獨鬥，少有同曼治做配合，曼治係場上作用同坦克預期應有出入。如堅持要出佢，左翼應用辛祖，等左路可以利用小組推進為先。上半場兩隊都有機會先開記錄，但偏偏一係就中楣中柱，一係就空晒都射唔中龍，零比零完。
《下半場熱刺愈踢愈有；曼聯負嵎頑抗》
半場雙方冇換人，換邊後繼續踢。僅4分鐘，熱刺一個攻勢就靠後上入楔既沙亞門前撞入。曼聯左路防守竟然冇人守古路錫斯基，沙亞後上亦冇其他中場球員跟進。雖然個波係有幸運成份彈左落佢度，但如有人跟既話就唔會射得咁輕鬆。失波後既曼聯短時間有兩三個機會可追平，可惜一係中楣彈出，一係就過唔到對方門將域卡利奧。熱刺開始愈踢愈有，球員信心番晒黎。特別係比蘇馬同沙亞，兩個統治中場，加埋麥迪臣既穿針引線，無論係邊線定係中路，熱刺都創造左大量機會。曼聯唔好話進攻，解圍都好吃力，足足有接近廿分鐘係被圍，完全係負嵎頑抗。
踢到66分鐘，坦克先換入辛祖、艾歷臣同達洛治，加強球隊既速率，同時亦將球員換換位。般奴改踢右翼；艾歷臣拍曼治係中間；辛祖踢左翼。艾歷臣入黎就希望可以令球隊keep到波進攻；辛祖就入黎加強左路側擊同串連。換人後既曼聯起色不大，但總算叫捱過左熱刺最強勢果段。艾歷臣入替後，進攻既延續性係加強左，不過曼治既神隱，令到曼聯係進攻上少左一個人。
70分鐘到熱刺換入佩列錫同賓戴維斯。 再係76分鐘用靴爾保入替入波既沙亞，開始穩固中後場，保持勝果到完場。4分鐘後，熱刺一次左路攻勢。馬天尼斯解圍撻左入自己龍門，安拿拿只能目送皮球入網，令熱刺領先兩球。曼聯陣地防守出現問題，令佩列錫輕鬆搵到入楔既賓戴維斯。85分鐘，坦克換入柏利斯迪同馬斯亞，叫做換出黎踩下草。兩球差距咁短時間，都唔期望可以追得番。熱刺則係88分鐘換入艾馬遜同「所羅門」，位換位去補充番球隊體能。場雞一響，熱刺主場成功拎走三分。
《總結》
熱刺踢左一場非常漂亮既進攻足球。三分，你值得擁有！唯一擔憂既係麥迪臣同比蘇馬，有邊個可以取代到。新帥有時間既都要諗諗呢個問題。
上半場有一個具爭議性既手球係冇吹罰熱刺，我唔覺得係黑哨。既然咁樣手球係冇問題既，當其他隊有球員有類似情況既時候，球證都唔吹咁就得啦，最緊要尺度一致。一致係講緊38週所有賽事都係咁。
曼聯可以話係輸自己，上半場其實係有條件領先。開放式足球對曼聯已經係最有利，但你都把握唔到入波，咁輸波可以瀨邊個。曼治果種神隱，加拿祖果種單挑，下場再兩個一齊出既話，三分睇黎都會凍過水。坦克下場真係唔好拗頸啦，當自己買左水貨先，抽起佢用番艾歷臣，boot一boot隊波先啦。曼聯，下場加油！
請按此登錄後留言。未成為會員? 立即註冊