無關痛癢既煞科戰 - 狼隊對曼聯 (賽前陣容預測)

Hea談曼聯 於 23/05/2021 發表 收藏文章
本土聯賽已經鎖定第二名完結今季賽事﹐而四日後則係歐霸盃決賽。呢場風流波賽事﹐相信蘇B都唔會派遣正選上陣﹐留力踢四日後既決賽。賽季中尾段﹐迪基亞已經同甸軒達臣調轉左﹐由迪基亞出戰歐霸盃﹐甸軒達臣則係聯賽上陣﹐但上場對富咸既賽事﹐蘇B起用迪基亞去打正選﹐今仗極有可能繼續用迪基亞出戰﹐黎保持佢既比賽狀態。左右二閘既雲比沙加同梳爾會休息﹐應會起用泰利斯同威廉斯代替。麥隊長因傷睇黎決賽都踢唔到﹐中堅位置相信會用拜利同連迪路夫﹐所以今仗杜安沙比或會同一個青年軍比索臨危受命上陣。中場方面﹐馬迪同雲迪碧克會係一對防中首選﹐迪亞路肩負起右路進攻重任﹐左路起用新仔伊蘭加。攻擊中場則用上馬達﹐等佢帶領住一眾新仔比賽。前鋒線用上梳泰爾﹐等福仔同綠木可以養精蓄銳。占士同馬斯亞都傷癒﹐有機會可以出黎踩下草﹐而18歲仔既爆炸頭漢尼拔(Hannibal)亦大有機會落場踢下﹐非常期待一眾新丁既表現。

預測曼聯正選陣容
迪基亞
威廉斯 杜安沙比 比索 泰利斯
迪亞路 馬迪 雲迪碧克 伊蘭加
馬達
梳泰爾
標籤: 曼聯  狼隊  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→