列斯聯使用終極戰術-「炒帥效應」，整隊踢出拼勁，憑住干拿圖開波一分鐘既入波，加上下半場早段華拉尼既烏龍，一度領先二比零；曼聯及後先有華舒福頭鎚建功，再有辛祖人群中盪射得手，以二比二逼和列斯聯，和氣收場各得一分，幾日後去列斯聯主場再分勝負。
《淺談正選陣容既問題》
卡斯美路既停賽，加上安東尼既受傷，絕對影響曼聯攻守。先講安東尼，雖然佢入球數字同助攻數字都唔係亮麗（同身價唔成正比），但佢每一場做既野絕對唔係數據可以反映出黎。係右路作為一個強力既持球點，有能力單對單去盤扭，持球後扣大位射既侵略性，策動進攻能力，佢都係場上做到出黎，亦令到對方要好快作出雙人包夾，從而令其他隊友多左空間同時間去處理波，亦令球隊係build-up進攻方面更立體。今場無論先使用華舒福、下半場調左加拿祖去踢還是換入柏利斯迪，係右路進攻都明顯及不上安東尼。福仔亦多次證明佢係左路發揮比右路好太多，所以小弟本身預測辛祖會試踢右路，唔應該將fit到震既福仔調位，影響發揮。卡斯美路既重要性則唔駛多講，陣地戰防守遮線跟人，前場高位逼搶攔截，進攻執對方解圍第二點既能力，同埋有一定既視野用first-touch尋找中場核心用波球員，都係隊中無人能及。坦克係防守陣式改踢4-3-3，避免太多陣式轉換而失位，嘗試用薩碧沙踢防中，效果未如理想。薩碧沙雖然有一定既防守意識，攔截力亦有，但佢係屬於偏向壓前進攻多過係中後場做串連做dirty work。佢今場多次係禁區頂附近試射可以見到佢進攻意慾比防守大，正正就係艾歷臣既替代品而非卡斯美路。隊中暫時只有麥湯文尼可以「頂一頂」卡斯美路個位，睇下佢黎緊兩場可唔可以復出。費特果種殺敵一千自損八百既踢波風格認真難攪，雖然多次可以係中場做破壞逼對手失誤搶番個波，但今場傳球成功率只得62.7%，搶完又俾番人真係冇眼睇。
《戰術錯配但吹你唔脹》
坦克近幾場都係先起用逼搶型前鋒韋賀斯，佢對於高位逼搶既執行力同態度係無與倫比，加上馬斯亞傷下踢下，佢擔任正選係非常合理。不過，係進攻方面（特別係陣地戰時），兩側極少有傳中球去俾佢撞俾佢頂，有都係選擇地波傳中；今場右路缺少安東尼下，更多依賴左路加拿祖。佢踢法以個人突破為主，鮮見同隊友做配合，多以內切射門完結；右路福仔位置唔適應，多靠反擊或跑後衛身後，甚少可以持球策動進攻。兩翼都難以配合到韋賀斯係中路現身打小組下，兩側又冇傳中，進攻等同廢左佢武功。當下半場用辛祖換走韋賀斯時，右路既達洛治同柏利斯迪聯同般奴，卻連續傳中俾其他隊友攻門，斬左幾下就憑福仔靚頭鎚追番一球。馬後炮講，點解有高佬果陣唔斬，反而要不擅頂頭鎚既福仔去搏頭鎚（雖然佢頭鎚進步左）？雖然戰術係有錯配，但俾你追番球就吹你唔脹。另外，柏利斯迪擅長係右路沉底傳中，佢配韋賀斯係戰術上絕對係岩用，期望full team果陣，韋賀斯同柏利斯迪可以一齊後備上陣改變球隊踢法。
《辛祖同達洛治既回歸對進攻上有明顯幫助》
達洛治今場復出踢番右閘，狀態較為一般。開賽早段既失波正正就係右路發生。不過責任唔係佢度，失波源自於中場般奴突然失控球被反擊。達洛治防守就一定冇雲比沙加好，但進攻上既傳中球，進攻走位既選擇都比較好，更有一個靚傳中助攻俾福仔入波，相信佢都一定係坦克既必然正選。八爪魚都進步左好多，有兩個具正選實力既球員俾坦克揀，絕對係幸福既煩惱。辛祖則再度後備登場，開始有番多少少係多蒙特既水準啦。個人持球嘗試突破，有！落底傳中，有！最值錢既同隊友打配合，有！更有一球被四個白衫圍住都可以交到個波俾隊友，漂亮！佢出黎之後，明顯激活左路進攻，聯同梳爾好多互相間既one-two俾波走位產生威脅。入果一球亦係黎自佢同梳爾兩個打四個，一個1-2俾梳爾沉底傳中省到人後，因辛祖有跟進所以係禁區快一步搶到第二點再射入。因福仔較適合踢左路，安東尼又受傷下，希望坦克下場會擺辛祖踢右路，等佢同達洛治解決右路死火既問題。辛祖絕對有能力兌現佢既身價！
《總結》
曼聯係世界盃後都甚少踢逆境波，就算有都只係落後一球，未試過好似今場先落後兩球要追。呢場波見到整隊係落後兩球下都冇自亂陣腳，繼續搵方法埋門。再經坦克合適既調動下，成功追番兩球。賽事末段甚至有機會反敗為勝，可惜都未能射破美利亞十指關。見到隊波係有信心同有能力踢逆境波，相信曼迷們已經收貨。曼聯，繼續加油吧！
《淺談正選陣容既問題》
卡斯美路既停賽，加上安東尼既受傷，絕對影響曼聯攻守。先講安東尼，雖然佢入球數字同助攻數字都唔係亮麗（同身價唔成正比），但佢每一場做既野絕對唔係數據可以反映出黎。係右路作為一個強力既持球點，有能力單對單去盤扭，持球後扣大位射既侵略性，策動進攻能力，佢都係場上做到出黎，亦令到對方要好快作出雙人包夾，從而令其他隊友多左空間同時間去處理波，亦令球隊係build-up進攻方面更立體。今場無論先使用華舒福、下半場調左加拿祖去踢還是換入柏利斯迪，係右路進攻都明顯及不上安東尼。福仔亦多次證明佢係左路發揮比右路好太多，所以小弟本身預測辛祖會試踢右路，唔應該將fit到震既福仔調位，影響發揮。卡斯美路既重要性則唔駛多講，陣地戰防守遮線跟人，前場高位逼搶攔截，進攻執對方解圍第二點既能力，同埋有一定既視野用first-touch尋找中場核心用波球員，都係隊中無人能及。坦克係防守陣式改踢4-3-3，避免太多陣式轉換而失位，嘗試用薩碧沙踢防中，效果未如理想。薩碧沙雖然有一定既防守意識，攔截力亦有，但佢係屬於偏向壓前進攻多過係中後場做串連做dirty work。佢今場多次係禁區頂附近試射可以見到佢進攻意慾比防守大，正正就係艾歷臣既替代品而非卡斯美路。隊中暫時只有麥湯文尼可以「頂一頂」卡斯美路個位，睇下佢黎緊兩場可唔可以復出。費特果種殺敵一千自損八百既踢波風格認真難攪，雖然多次可以係中場做破壞逼對手失誤搶番個波，但今場傳球成功率只得62.7%，搶完又俾番人真係冇眼睇。
《戰術錯配但吹你唔脹》
坦克近幾場都係先起用逼搶型前鋒韋賀斯，佢對於高位逼搶既執行力同態度係無與倫比，加上馬斯亞傷下踢下，佢擔任正選係非常合理。不過，係進攻方面（特別係陣地戰時），兩側極少有傳中球去俾佢撞俾佢頂，有都係選擇地波傳中；今場右路缺少安東尼下，更多依賴左路加拿祖。佢踢法以個人突破為主，鮮見同隊友做配合，多以內切射門完結；右路福仔位置唔適應，多靠反擊或跑後衛身後，甚少可以持球策動進攻。兩翼都難以配合到韋賀斯係中路現身打小組下，兩側又冇傳中，進攻等同廢左佢武功。當下半場用辛祖換走韋賀斯時，右路既達洛治同柏利斯迪聯同般奴，卻連續傳中俾其他隊友攻門，斬左幾下就憑福仔靚頭鎚追番一球。馬後炮講，點解有高佬果陣唔斬，反而要不擅頂頭鎚既福仔去搏頭鎚（雖然佢頭鎚進步左）？雖然戰術係有錯配，但俾你追番球就吹你唔脹。另外，柏利斯迪擅長係右路沉底傳中，佢配韋賀斯係戰術上絕對係岩用，期望full team果陣，韋賀斯同柏利斯迪可以一齊後備上陣改變球隊踢法。
《辛祖同達洛治既回歸對進攻上有明顯幫助》
達洛治今場復出踢番右閘，狀態較為一般。開賽早段既失波正正就係右路發生。不過責任唔係佢度，失波源自於中場般奴突然失控球被反擊。達洛治防守就一定冇雲比沙加好，但進攻上既傳中球，進攻走位既選擇都比較好，更有一個靚傳中助攻俾福仔入波，相信佢都一定係坦克既必然正選。八爪魚都進步左好多，有兩個具正選實力既球員俾坦克揀，絕對係幸福既煩惱。辛祖則再度後備登場，開始有番多少少係多蒙特既水準啦。個人持球嘗試突破，有！落底傳中，有！最值錢既同隊友打配合，有！更有一球被四個白衫圍住都可以交到個波俾隊友，漂亮！佢出黎之後，明顯激活左路進攻，聯同梳爾好多互相間既one-two俾波走位產生威脅。入果一球亦係黎自佢同梳爾兩個打四個，一個1-2俾梳爾沉底傳中省到人後，因辛祖有跟進所以係禁區快一步搶到第二點再射入。因福仔較適合踢左路，安東尼又受傷下，希望坦克下場會擺辛祖踢右路，等佢同達洛治解決右路死火既問題。辛祖絕對有能力兌現佢既身價！
《總結》
曼聯係世界盃後都甚少踢逆境波，就算有都只係落後一球，未試過好似今場先落後兩球要追。呢場波見到整隊係落後兩球下都冇自亂陣腳，繼續搵方法埋門。再經坦克合適既調動下，成功追番兩球。賽事末段甚至有機會反敗為勝，可惜都未能射破美利亞十指關。見到隊波係有信心同有能力踢逆境波，相信曼迷們已經收貨。曼聯，繼續加油吧！
請按此登錄後留言。未成為會員? 立即註冊